Tíminn - 06.08.1988, Page 19
i ðfiS^ lsöpé D TppfibiBÐU •> j
Láligardagur 6. agust 1Ö88
MINNING
Elín Hallgrímsdóttir
frá Grímsstöðum á Mýrum
Fædd 2. febrúar 1893
Dáin 17. júlí 1988
ForeldrarElínarvoru Hallgrímur
Níelsson bóndi og hreppstjóri á
Grímsstöðum í Álftaneshreppi og
hans kona Sigríður Steinunn Helga-
dóttir frá Vogi á Mýrum. Foreldrar
Elínar, Hallgrímur og Sigríður
Steinunn, voru bæði af merkum
ættum, en það yrði of langt mál að
rekja ættir þeirra merku hjóna.
Grímsstaðir voru í tíð Hallgríms
Níelssonar og hans fjölskyldu mikið
menningarheimili. Þar var ágætt
bókasafn og sérstaklega man ég þar
eftir ljóðmælum eldri skáldanna, ís-
lendingasögum, Sturlungu og ýms-
um merkum ritum frá fyrri tíð. Állar
voru þessar bækur í úrvalsbandi. Þá
voru hljóðfæri til og söngur iðkaður,
þegar tími var til.
Hallgrímur Níelsson var á ýmsum
sviðum á undan sinni samtíð og
fljótur að eignast ýmis heimilistæki,
sem þá voru varla til á öðrum bæjum
og má þar nefna skilvindu, eldavél
og verkfæri til jarðvinnslu. Hall-
grímur gerði Grímsstaði að stórbýli,
stækkaði túnið til muna og byggði
upp öll hús jarðarinnar oftar en einu
sinni. Það er næstum ótrúlegt,
hversu miklu Hallgrímur kom í verk,
því að tvisvar sinnum varð hann fyrir
stóráföllum í sinni búskapartíð, fyrst
brann gamli bærinn, sem var efst í
gamla túninu, en þá byggði hann
stórt timburhús neðar í túninu, en
það brann til kaldra kola á gamlárs-
kvöld 1914. Vorið og sumarið 1915
byggði hann núverandi steinhús,
með tvöföldum steinveggjum, sem
var lítt þekkt á þeim tíma.
Hallgrímur og Sigríður Steinunn
eignuðust alls sjö börn, fjóra syni og
þrjár dætur. 011 voru bömin vel
greind og vel látin af öllum, sem
þeim kynntust.
Ég kynntist Elínu fyrst haustið
1913, en þá var ég nýkominn að
Valshamri. Þá bjuggu á Valshamri
Soffía, systir Elínar, og hennar mað-
ur Níels Guðnason, fósturforeldrar
mínir. Á sama tíma bjuggu einnig á
Valshamri foreldrar Níelsar, Guðný
Kristrún, systir Hallgríms á Gríms-
stöðum og hennar maður Guðni
Jónsson. Þá var Elín ung heimasæta
á Grímsstöðum. Á næstu ámm var
Elín tíður gestur á Valshamri eða
þangað til hún flutti alfarið til
Reykjavíkur. Ég man alltaf eftir
því, hversu hlýlega hún talaði til mín
og sagði mér þá oft ýmisiegt, sem
mér ungum dreng þótti gaman að
heyra. Hún kom alltaf með ljós og
yl í bæinn.
Árið 1918 urðu þáttaskil í lífi
Elínar. Það ár giftist hún frænda
sínum, Oddi Jónssyni frá Álftanesi,
en hann var systursonur Hallgríms á
Grímsstöðum, sonur Mörtu og Jóns
Oddssonar á Álftanesi. Elín og Odd-
ur eignuðust þrjár dætur, Áslaugu,
Soffíu Sigríði og Sigríði Steinunni.
Elín og Oddur slitu samvistum eftir
17 ára sambúð. Eftir það bjó Elín
með dætrum sínum á ýmsum
stöðum, en laust fyrir 1960 fluttu
þær mæðgur í nýbyggt raðhús á
Álfhólsvegi 12 í Kópavogi, þar sem
þær undu vel hag sínum og kunni
Elín vel að meta hið fagra útsýni,
sem blasti við til norðurs og norð-
vesturs. Allar dætur Elínar stunduðu
framhaldsnám eftir að skyldunámi
lauk í barnaskóla, en unnu síðar við
skrifstofustörf alla sína starfsævi.
Það sem mér fannst eftirtektarverð-
ast í sambandi við Elínu Hallgríms-
dóttur, er hversu orðvör hún var,
þegar rætt var um menn og málefni.
Hún sagði aldrei annað, en það sem
henni fannst sannast og réttast, enda
báru allir hlýjan hug til hennar.
Oft leitaði ég til Elínar, þegar ég
var að færa eitthvað í letur um
menn, sem ég vissi, að hún hafði
þekkt á sínum yngri árum. Hún var
stálminnug og óhætt var að treysta
því, sem hún sagði. Það var mikið
áfall fyrir Elínu og hinar dæturnar,
þegar Soffía dóttir hennar dó eftir
þungbær veikindi árið 1986. Síðustu
æviár Elínar voru henni þung í
skauti. Hún tapaði sjóninni smátt og
smátt og líkamsþrótturinn hvarf.
Síðustu tvö árin var hún á Hjúkrun-
arheimilinu Sunnuhlíð í Kópavogi.
Dætur hennar hugsuðu ávallt vel um
móður sína, enda ávallt mjög kært á
milli þeirra. Elín Hallgrímsdóttir
lifði langa ævi, varð meira en 95 ára.
Ég votta dætrum hennar og nánasta
skyldfólki mína dýpstu samúð.
Magnús Sveinsson
frá Hvftsstöðum.
t
Þökkum innilega samúð og vináttu við andlát og útför ástkærs sonar,
eiginmanns, föður, tengdaföður, afa og bróður
Höskuldar Stefánssonar
Hjallabrekku 12
Kópavogi
Guðrún Össurardóttir
Sigurbjörg Björnsdóttir
Valbjörn Höskuldsson Hrönn Önundardóttir
Stefán Rúnar Höskuidsson
Þröstur Þór Höskuldsson
Heiða Björg Valbjörnsdóttir
og systkini hins látna.
Skólastjóri
Skólastjóra vantar að grunnskólanum Djúpavogi.
Upplýsingar gefur sveitarstjóri Búlandshrepps,
Ólafur, í síma 97-88834 eða Sigurður í síma
97-88814.
ARMULA3 REYKJAVIK SlMI 38900
TX31GO
TX2I40
Vélar og úrval
aukabúnaðar
og tækja
fyrirliggjandi
ISIIíl
IK.MT0K
Tíminn 19
Staða framkvæmdastjóra
Bifreiðaskoðunar íslands hf.
Bifreiðaskoðun íslands hf. auglýsir eftir umsóknum
um starf framkvæmdastjóra félagsins, sem er
nýstofnað og ætlað er að að taka við skoðun og
skráningu ökutækja ásamt fleiri verkefnum.
Leitað er að kraftmiklum einstaklingi í starfið, sem
sameinar reynslu og þekkingu á sviði fyrirtækja-
reksturs og góða þekkingu á ökutækjum. Einnig er
krafist góðrar tungumálakunnáttu. Viðkomandi
þarf að geta tekið til starfa sem fyrst.
Nánari upplýsingar um starfið veitir stjórnarfor-
maður félagsins, Björn Friðfinnsson, sími 25000.
Skal skila umsóknum á vinnustað hans í dóms-
málaráðuneytinu fyrir 24. ágúst n.k.
&
KENNARA-
HÁSKÓU
islands Fra bókasafni
bókasafn r
Kennaraháskóla Islands
Óskum eftir að ráða bókasafnsfræðing í fullt starf.
Um er að ræða starf samkvæmt ráðningarsamn-
ingi til óákveðins tíma.
Umsókn ásamt upplýsingum um menntun og fyrri
störf skal skila í bókasafnið fyrir 20. ágúst. Nánari
upplýsingar veitir yfirbókavörður í síma 688700.
F*1 REYKJKMÍKURBORG - H1
**1 ._______... ... .. I* «*** 0Í
AeucMn Stödlvi
Þjónustuíbúðir aldraðra
Dalbraut 27
Starfsfólk vantar í 75% starf í eldhúsi.
Vinnutími 8.00-14.00.
Unnið aðra hverja helgi.
Upplýsingar gefur forstöðumaður virka daga milli
kl. 10.00-12.00 í síma 685377.
Skólastjóri
Skólastjóra vantar við heimavistarskólann að Finn-
bogastöðum í Árneshreppi Strandasýslu.Nem-
endafjöldi er u.þ.b. 20 frá 1 .-7. bekk.
Ágætt íbúðarhúsnæði, góðir tekjumöguleikar.
Ennfremur vantar ráðskonu við mötuneyti skólans
næstkomandi vetur.
Nánari upplýsingar veita Selma Samúelsdóttir
formaður skólanefndar í síma 95-3008 og Gunnar
Finnsson skólastjóri í síma 95-3031.
Sálfræðingur
- Sérkennslufulltrúi
Sálfræðing vantar í fullt starf við Fræðsluskrifstofu
Suðurlands frá 1. september n.k.
Einnig vantar sérkennslufulltrúa í fullt starf frá
sama tíma.
Umsóknarfrestur er til 20. ágúst.
Nánari upplýsingar á Fræðsluskrifstofu Suður-
lands í símum 98-21962 og 98-21905.
Umsóknirsendist til Fræðsluskrifstofu Suðurlands,
Austurvegi 38, 800 Selfoss.