Tíminn - 30.08.1988, Síða 7
oon *- 4
.'^Í »4Í
Þriðjudagur 30. ágúst 1988
noi'niT
Tíminn 7
T ugmilljóna tjón hjá laxeldisstöðinni Hafeldi hf.:
Fimm kvíar
ráku á land
250 þúsund gönguseiði að verð-
mæti um 30 milljónir króna, drápust
hjá laxeldisstöðinni Hafeldi hf. í
Straumsvíkurhöfn þegar eldiskvíar
fyrirtækisins, fimm að tölu, slitnuðu
upp og ráku upp í fjöru í óveðrinu
sem gekk yfir landið aðfaranótt
sunnudags. Á flóðinu á sunnudags-
kvöld tókst að koma kvíunum aftur
á fiot.
Alfheiður Ingadóttir, fram-
kvæmdastjóri Hafeldis hf., sagði í
samtali við Tímann í gær að trúlega
hefði þetta átt sér stað um klukkan
sjö á sunnudagsmorgun. „Það er
þrennt sem gerist í senn. í fyrsta lagi
var ofsaveður og fór vindhraðinn í
10 til 11 vindstig í verstu hviðunum.
í öðru lagi var höfuðdagur og því
stærsti straumur ársins og flóðhæðin
fór yfir 4,3 metra. I þriðja lagi stóð
vindurinn beint inn í víkina. Þannig
að það eru þrír samverkandi þættir
sem hafa valdið þessu,“ sagði Álf-
heiður.
Kvíarnar fimm voru allar fastar
saman og bundnar niður með sex
festingum bæði við botninn og í
landi. í fyrravetur var Hafeldi með
tíu kvíar í notkun á þessum sama
stað.
Seiðin í kvíunum voru frá um 50
grömmum upp í 500 grömm og áttu
þau að vera í þessum kvíum fram á
vor. Þá átti að flytja þau í aðrar
kvíar sem eru um 1 km undan landi
og átti fiskurinn að vera í þeim þar
til hann væri kominn í sláturstærð,
sem áætlað var að yrði haustið og
veturinn 1989.
Álfheiður sagði að ekki væri búið
að kanna ástandið á nótunum og
hringjunum og því ekki hægt að
segja til um heildartjón vegna þessa.
Hún sagðist vonast til þess að fljót-
lega yrði farið í það að fá ný seiði til
þess að hægt væri að halda rekstrin-
um áfram, enda væru skilyrði til
fiskeldis í Straumsvík mjög góð.
- ABÓ
Tfmamynd - Gunnar.
Kvíarnar komnar á flot aftur. Þær náðust út á.
Vonda veðrið á sunnudag:
Mikil röskun á
innanlandsflugi
Mikil röskun varð á innanlands-
flugi á sunnudag sökum slæms
veðurs. Öllum innanlandsferðum
hjá Flugleiðum, 14 að tölu, varð að
fresta eða aflýsa.
Ekki var byrjað að fljúga flugvél-
um Flugleiða fyrr en kl. 18:00 og
var þá flogin ein ferð til Hafnar í
Hornafirði og tvær ferðir voru
farnar á Egilsstaði og Akureyri. í
morgun var búið að koma öllum
farþegum Flugleiða á áfangastað,
en talið er að um 6-800 manns hafi
beðið eftir að komast í flug á
sunnudag.
Tveimur leiguflugum varð að
aflýsa hjá Arnarflugi á sunnudag.
Annað flugið var til Vestmanna-
eyja og var aflýst. í hinni ferðinni
átti að fara með fótboltalið til
Akureyrar og var henni aflýst sök-
um þess að ekki var hægt að spila
fótbolta á Akureyri sökum vinds.
Engu áætlunarflugi hjá Arnar-
flugi var aflýst, en í flugi til Flateyr-
ar þurfti að lenda á ísafirði og í
flugi til Siglufjarðar þurfti að lenda
á Sauðarkróki. -gs
Skákþing (slands:
Margeir og Jón L.
tefla einvígi
Margeir Pétursson og Jón L.
Árnason deildu með sér fyrsta sæt-
inu á skákþingi íslands, sem lauk á
laugardag. Margeir og Jón unnu
báðir síðustu skákir sínar, Margeir
vann Ásgeir Þór Árnason og Jón L.
vann Davíð Ólafsson, og því enduðu
þeir báðir með 9,5 vinninga og verða
að tefla fjögurra skáka einvígi um
titilinn.
Önnur úrslit í síðustu umferðinni
urðu þessi:
Karl Þorstcinsson-Róbcrt Harðarson..jafnt
Þröstur Þórhallson-Ágúst Karlsson ..jafnt
Jóhannes Ágústsson-Þráinn Vigfússon .... jafnt
HannesHlífarStefánsson-BenediktJónasson . 1-0
Með sigri Hannesar Hlífar á Bene-
dikt hefur Hannes tryggt sér titilinn
alþjóðlegur meistari.
Lokastaðan á mótinu varð þessi:
1.-2. Jón L. Árnason 9,5 v.
1.-2. Margeir Pétursson 9,5 v.
3. Hannes Hlífar Stefánsson 8 v.
4. Karl Þorsteinsson 7,5 v.
5. Þröstur Þórhallsson 6 v.
6. -7. Ágúst Sindri Karlsson 5,5 v.
6.-7. Róbert Harðarson 5,5 v.
8. Jóhannes Ágústsson 4 v.
9. Davíð Ólafsson 3,5 v.
10. -11. Benedikt Jónasson 2,5 v.
10.-11. Ásgeir Þór Árnason 2,5 v.
12. Þráinn Vigfússon 2 v.
-gs
Ramma-
miðstöðin
helmingi
stærri
Verslunin Rammamiðstöðin,
Sigtúni 10, hefur nú stækkað uni
helming með tilkomu viðbyggingar,
sem tekin var í notkun 19. ágúst s.l.
Vcrslunin er því nú orðin 320 fm.
Að sögn Sigurðar Tómassonar,
eiganda verslunarinnar, var mikil
þörf á þessari stækkun, „við vorum
að drukkna, verslunin var svo lítil
áður“.
Eins og nafnið bendir til þá verslar
Rammamiðstöðin aðallega með
myndaramma, en verslunin hefur
sérhæft sig í innrömmun. -gs
Sigurður Tómasson, eigandi
Rammagcrðarinnar, ásamt konu
sinni, Hjördísi Haraldsdóttur, við
opnun viðbyggingarinnar.
(Tímamynd Pjetur)