Tíminn - 02.09.1988, Blaðsíða 4
4 Tíminn
Föstudagur 2. september 1988
Vatnavextirnir á Norður- og Norðvesturlandi:
Strandavegur skemmdist
á tæplega 40 km kafla
Vegir á Norður- og Norðvestur-
landi eru víða stórskemmdir eftir
miklar úrkomur fyrr í vikunni, eink-
um eru skemmdir á Strandavegi,
Siglufjarðarvegi svo og á Lágheiði
og í Ólafsfjarðarmúla. Starfsmenn
Vegagerðarinnar og verktakar hafa
unnið við viðgerðir á þessum vegum,
að undanskildum Ólafsfjarðarmúla,
sem ekkert verður átt við fyrr en
úrkomu linnir og skriðuföll hætta.
Samgönguráðherra segir að strax og
kostur er, verði lagt kapp á að koma
veginum fyrir Múlann aftur í gagnið.
Þórður Kristjánsson hjá vegaeftir-
liti Vegagerðar ríkisins sagði í sam-
tali við Tímann að undanskildum
Múlanum hefðu mestu vega-
skemmdir orðið á Strandavegi, frá
Bjarnarfirði til Norðurfjarðar. Þar
hefðu orðið miklar skemmdir á veg-
um sem nú væri verið að lagfæra.
má þessu svæði í fjóra hluta. í
fyrsta lagi er það 20 km kafli frá
Ásmundarstöðum í Bjarnarfirði, í
Kaldbaksvík. Þar urðu vega-
skemmdir aðallega vegna úrrennslis,
stíflun ræsa og skriðufalla vítt og
breitt á þessum kafla. í öðru lagi 10
km kafli úr botni Veiðileysufjarðar
yfir í Djúpuvík, þar sem helstu
vegaskemmdir voru vegna úrrennsl-
is, auk þess sem þrjú ræsi eru ónýt
og tvær til þrjár skriður féllu á
veginn. í þriðja lagi urðu vega-
skemmdir á norðurbrún á Veiði-
leysuhálsi, þar sem vegurinn fór í
sundur á um 50 metra kafla. í fjórða
og síðasta lagi þá urðu skemmdir á
veginum á um 7 km kafla úr Reykja-
fjarðarbotni, út undirNaustvík, sem
er út með Reykjafirði. Þar voru það
einkum skriður sem lokuðu ræsum
og fóru auk þess yfir veginn. Á
sýsluvegum eins og t.d. í Ingólfsfirði
fór vegurinn í sundur og brúin úr
sambandi. Búið er að gera veginn
færan til Djúpuvíkur.
Á Siglufjarðarvegi fór ræsi í
Hraundal með þeim afleiðingum að
stærri bílar gátu ekki farið um veginn
nema að mjög takmörkuðu leyti.
Vegurinn um Lágheiði er einnig
illa farinn eftir vatnavextina í vik-
unni, en reynt hefur verið að halda
honum opnum til að landleiðin til
Ólafsfjarðar sé fær.
Aðspurður hvað þessar viðgerðir
kostuðu, sagði Þórður að erfitt væri
að segja tii um það að svo komnu
ipáli, auk þess sem slíkar upplýsing-
ar kæmu ekki inn á borð til hans.
-ABÓ
Konungleg heimsókn frá Noregi í boði forseta íslands:
Ólafur Noregskóngur
heimsækir sögustaði
Nú er komið að heimsókn Ólafs V
Noregskonungs sem Tíminn hefur
áður sagt frá og kemur hann til
íslands í boði Vigdísar Finnboga-
dóttur, forseta, þann 5. september.
Verður vitanlega mikið um veislu-
höld og ferðast verður m.a. til Kolla-
fjarðar, Þingvalla og Viðeyjar. Há-
punktur ferðarinnar verður þó að
líkindum heimsókn konungs að
Reykholti þar sem m.a. verður lagð-
ur hornsteinn að byggingu Snorra-
stofu, sem Norðmenn hafa stutt
mjög.
Hefst heimsóknin með hádeg-
isverði í boði forsetans þann dag á
Bessastöðum, en síðdegis tekur kon-
ungur á móti Norðmönnum búsett-
um á íslandi á Hótel Sögu.
Annan dag heimsóknarinnar,
þann 6. september, verður mikið um
ferðalög hjá Noregskonungi. Byrjar
hann á að skoða rannsóknarstöð
Skógræktar ríkisins að Mógilsá í
Kollafirði. Þaðan verður haldið til
Þingvalla þar sem forsætisráðherra-
hjónin taka á mótj konungi og
fylgdarliði. Að lokinni skoðunarferð
og frásögnum af Þingvöllum býður
forsætisráðherra til hádegisverðar á
Hótel Valhöll.
Frá Þingvöllum verður flogið í
þyrlu til Reykholts, en þar taka
menntamálaráðherrahjónin á móti
gestunum. í Reykholti verður lögð
áhersla á að kynna fornminjaupp-
gröft sumarsins og sögu staðarins.
Hápunktur Reykholtsferðarinnar
verður án efa þegar forseti íslands
leggur hornstein að nýbyggingu
heimamanna sem hýsa á fræðasetur
og bókasafn og kallast Snorrastofa.
Hefur Tíminn áður greint frá
byggingu Snorrastofu, én Noregs-
konungur mun í heimsókn sinni
afhenda formlega eina milljón
norskra króna til þessarar byggingar.
Hefur nú þegar verið steyptur upp
kjallari Snorrastofu og væntanlegrar
sóknarkirkju sem verður henni
samtengd.
Að lokinni þessari athöfn við
Snorrastofu verður gestum boðið
upp á veitingar í héraðsskólanum.
Hefur sú bygging verið mikið endur-
bætt bg endurnýjuð í sumar fyrir þær
6,6 milljónir króna sem ríkisstjórnin
veitti til endurbóta á húsakosti í
Reykholti snemma í vor, m.a. vegna
heimsóknar Ólafs V. Noregskon-
ungs.
Þriðja dag heimsóknarinnar verð-
ur varið að mestu í Reykjavík með
skoðunarferðum í Arnastofnun,
Norræna húsið og Listasafn íslands.
Til hádegisverðar bjóða svo borgar-
stjórahjónin í Viðey og verður því
fylgt eftir með kaffiboði í Höfða.
Síðdegis hittir konungur ríkisstjórn
íslands og sendimenn erlendra ríkja
á Islandi í Ráðherrabústaðnum.
Að kvöldi síðasta dagsins heldur
konungur boð til heiðurs forseta
fslands í Þingholti. Heldur hann af
landi brott að morgni fimmtudagsins
8. september. KB
Ólafur V Noregskonungur.
Skipadeild Sambandsins:
Nýtt skip
í flotann
Helgafell, nýtt skip skipadeildar
Sambandsins var formlega aflient á
athafnasvæði skipadeildarinnar við
Holtabakka í fyrradag.
Þetta nýja skip Sambandsins hefur
mestu gámaflutningagetu í íslenska
kaupskipaflotanum og getur það
flutt 426 gáma og þar af er hægt að
tengja 60 frystigáma. Skipið er 7200
burðartonn og mun vera annað
gangmesta skipið í kaupskipaflotan-
um.
Skipið verður í reglubundnum
vikulegum siglingum til hafna í Vest-
ur-Evrópu. Skipstjóri Helgafells er
Jörundur Kristinsson og yfirvélstjóri
er Jón Guðmundsson. Heimahöfn
Hclgafells er í Reykjavík. -ABÓ
Jörundur Kristinsson, skipstjóri á
Helgafelli, hinu nýja skipi Skipa-
deildar Sambandsins, sést hér draga
íslenska fánann að húni í fyrsta sinn,
daginn sem skipið var afhent Skipa-
deildinni, á þriðjudaginn var.
Fremst með honum á ntyndinni er
Ómar Hl. Jóhannsson, fram-
kvæmdastjóri útgerðarinnar, og að
baki standa nokkrir af hans nánustu
samstarfsmönnum. Helgafell hefur
mesta gámaflutningagetu íslenskra
skipa í kaupskipaflota landsmanna,.
getur borið 486 gáma, þar af 60
frystigáma. Það er einnig með gang-
mestu skipum llotans. Mynd: h.S.
Norðurlandsdeild Veiðimálastofnunar:
Starfsaðstaða
tekin í notkun
Nýtt húsnæði Veiðimálastofnunar,
að Hólum í Hjaltadal, var tekið
formlega í notkun í gær klukkan
14:30. Húsnæðið felur í sér rann-
sóknarstöðu og íbúðarhús starfs-
manns Veiðimálastotnunar, en það
er Tumi Tómasson.
Helstu fyrirmenn staðarins,
Veiðimálstofnunar og landbúnað-
arráðuneytis voru viðstaddir er
vígslubiskupinn að Hólum blessaði
húsið í gær og það var formlega
tekið í notkun.
Tumi Tómasson sagði í samtali
við Tímann að húsnæðið væri mikil
lyftistöng fyrir starfsemi stofnunar-
innar á Norðurlandi. Tumi hefur
verið á hrakhólum með húsnæði
fram til þessa. Nefndi hann sem
dærni að rannsóknaraðstaða hefði
verið í hesthúsum og á borðstofu-
borðinu, geymsla í minkaskála og
skrifstofan í skólanum. -ES
Fundur þingflokks Alþýðubandalagsins samþykkir að leggja
fram frumvarp um tekjuðflun til jarðgangagerðar:
1,25 kr. á hvem lítra
Þingflokkur Alþýðubandalagsins
ákvað á fundi sínum á Hallormsstað
að leggja fram frumvarp strax og
þing kemur saman í haust um tekju-
öflun til jarðgangagerðar í Ólafs-
fjarðarmúla, á Austfjörðum og
Vestfjörðum, með það að markmiði
að ljúka ofangreindum framkvæmd-
um á næstu 10 til 15 árum.
Þingflokkurinn telur að hér sé unt
þjóðhagslega hagkvæm og brýn
verkefni að ræða og eðlilegt sé að
samfélagið sameinist um að hrinda
þeim í framkvæmd. Til fjármögnun-
ar á framkvæmdunum leggur þing-
flokkurinn til að frá ársbyrjun 1989
verði lagt gjald sem nemur 125
aurum á hvern seldan lítra af bensíni
og díselolíu á bifreiðar, svo og
svartolíu nema til fiskiskipa. -ABÓ