Tíminn - 03.09.1988, Blaðsíða 4
4 iTi'pninn
?-■ Löugárdaigur13 rseptelmbér 1988
Verðlagsráð fundaði í gær:
Fiskmarkaðir afskiptalausir
Á fundi Verðlagsráðs í gær var
ákveðið að hafa engin afskipti af
fiskmörkuðum. Rökin eru meðal
annars þau að meginhluti þess sem
fer í gegnum fiskmarkaðina fer ýmist
beint til útflutnings eða þá til
vinnslu, sem síðar er flutt út. Lang-
stærsti partur fisks sem seldur er hér
á landi er ýsa, sem er háð hámarks-
verði og gengið er út frá að fiskverð
mótist talsvert af verði á ýsu, sem er
undir hámarksverði í smásölu. Þess
vegna er ákveðið að skipta sér ekki
að fiskmörkuðum, samkvæmt upp-
lýsingum hjá Verðlagsstofnun.
Þá var einnig ákveðið að hámarks-
verð á eggjum í smásölu skyldi verða
298 krónur á kg, sem er sama verð
og var fyrir síðustu hækkun.
Á fundinum var einnig ákveðið
hámarksverð á kjúklingum í heild-
sölu. Hámarksverð í heildsölu er
376 krónur á kg, jafnframt var
ákveðið að hlutfallsleg álagning í
smásölu mætti að hámarki vera sú
sama og þegar verðstöðvun gekk í
gildi. Ef kaupmenn hafa nýtt sér t.d.
20% álagningu þegar verðstöðvunin
tók gildi þá má hún ekki hækka.
Þá var einnig ákveðið að grænmet-
ismarkaðurinn mætti starfa á sama
hátt og hann gerði fyrir verðstöðvun,
en jafnframt að verð bæði í heildsölu
og smásölu á grænmeti mætti ekki
hækka hjá heildsöluaðilum og versl-
unum frá því verði sem þar var þegar
verðstöðvun gekk í gildi.
Verðlagsstofnun hefur ráðið til
sín átta manna sveit í einn mánuð til
að framkvæma verðkannanir í versl-
unum. -ABÓ
Borgaraflokkurinn um efna-
hagsaðgeröir ríkisstjórnarinnar:
Veldur ekki
verkefninu
Á fundi þingmanna og trúnaðar-
mannaráðs Borgaraflokksins sem
haldinn var 1. september sl. var
samþykkt yfirlýsing þar sem fram
kemur m.a. að í tíð þessarar ríkis-
stjórnar hafi þjóðfélagið orðið flókn-
ara og ómanneskjulegra en nokkru
sinni fyrr, þvert ofan í fyrirheit um
hið gagnstæða.
í yfirlýsingunni segir að ríkis-
stjórnin hafi frá upphafi verið sjálfri
sér sundurþykk og margklofin, ekki
aðeins á milli flokka heldur einnig
innan flokkanna sem að henni
standa. „Ákvörðun ríkisstjórnarinn-
ar um verðstöðvun og nýsett bráða-
birgðalög um frestun hækkunar
launa og búvöruverðs í einn mánuð,
án þess að fyrir liggi samkomulag
um nauðsynlegar frekari aðgerðir í
efnahagsmálum, er opinber viður-
kenning á því að hún ræður ekki við
verkefni sitt“, segir í yfirlýsingunni.
Borgaraflokkurinn varar við þeim
hugmyndum um ráðstafanir í efna-
hagsmálum, þar sem hagsmunir
hinna mörgu víkja fyrir hagsmunum
hinna fáu.
Borgaraflokkurinn leggur því til
að kjarni þeirra efnuhagsaðgerða
sem gera þarf nú þegar verði m.a. að
matarskatturinn verði felldur niður,
lánskjaravísitala verði afnumin og
vextir aðlagaðir því sem gerist í
helstu viðskiptalöndum okkar. Þá
verði sjálfvirk tenging verðlags við
vísitölu ekki heimil og gripið verði
til tafarlausra aðgerða til að treysta
rekstrargrundvöll undirstöðuat-
vinnuveganna.
Borgaraflokkurinn leggur einnig
til að stórátak verði gert til þess að
efla íslenskan samkeppnisiðnað og
útflutning á íslensku hugviti og
tækniþekkingu. Að fólki verði gef-
inn kostur á víðtækum skuldbreyt-
ingalánum, dregið verði úr ríkisút-
gjöldum með samræmdum aðgerð-
um og skattlagningu einstaklinga og
fyrirtækja verði stillt í hóf. -ABO
Farskólinn
Austurlandi
Farskólinn Austurlandi hefur nýtt
skólaár í septembermánuði. Hann
er samstarfsverkefni Verkmennta-
skóla Austurlands á Neskaupstað og
Atvinnuþróunarfélags Austurlands
og er verkefni þetta unnið í sam-
vinnu við Iðntæknistofnun íslands
og fleiri aðila.
Markmið skólans er að efna til
námskeiða á sviði endurmenntunar,
viðbótarmenntunar og nýmenntunar
í starfsgreinum og er ætlað það
hlutverk að vitja atvinnulífsins og
flytja þangað fróðleik og starfsþekk-
ingu sem að gagni gæti komið, segir
í tilkynningu frá skólanum. -ABÓ
IMISSAIM SUNNY
NISSAN SUNNY ER FÁANLEGUR;
SUNNY 3ja DYRA
SUNNY 4ra DYRA
SUNNY5 DYRA
SUNNY COUPÉ SPORTBÍLL
VERÐ FRÁ KR. 517.000,-
GETUM AFGREITT STRAX - JAFNVEL Á MEÐAN ÞÚ BÍÐUR.
3JA ÁRA ÁBYRGÐ
SEGÐU OKKUR HVERNIG ÞÚ VILT BORGA.
VIÐ GETUM GERT HINA ÓTRÚLEGUSTU HLUTI.
Bílasýning laugardag og sunnudag kl. 2-5
Ingvar
Helgason hf.
Sýningarsalurinn,
Rauðageröi
Sími: 91 -3 35 60