Tíminn - 10.09.1988, Síða 3

TWW 3-
l^ygardacjuM 0. s,eptemb^r1908,
Heimshlaupiö ’88:
Hlauptu í
þágu barna
Heimshlaupið ’88 fer fram á
morgun, sunnudag, samtímis í 128
löndum um allan heim og hefst
hlaupið klukkan 15.00, að íslenskum
tíma. Hér á landi fer hlaupið fram á
33 stöðum víðsvegar um landið og
verða rásmörk auglýst á hverjum
stað fyrir sig. Vonast er til að allt að
15.000 manns taki þátt í hlaupinu
hér á landi.
Heimshlaupið '88 er ekki keppni
heldur getur fólk, á öllum aldri,
ýmist gengið, skokkað, hlaupið,
hjólað eða rennt sér í hjólastól, allt
eftir því hvað hentar viðkontandi.
Hringurinn sem farinn verður er 3,2
km og þeir sem vilja geta tekið allt
upp í þrjá hringi. I Reykjavík hefst
Heimshlaupið ’88 á Lækjartorgi,
þaðan liggur leiðin út Fríkirkjuveg,
Skothúsveg, Hringbraut, Ánanaust
og til baka um Mýrargötu, Tjarnar-
götu og inn á Lækjartorg, þar sem
því lýkur.
Þátttökunúmerið kostar 200
krónur, en hvert númer er einstakt í
heiminum, á þann hátt að þú berð
ein/einn það númer sem þér er
afhent.
Tilgangurinn með hlaupinu er að
safna til styrktar bágstöddum
börnum, víða um heim. 80% af
innkomu fer til þróunaraðstoðar, en
20% fer til uppbyggingar Rauða-
krossheimilisins sem starfrækt er í
Tjarnargötu. Alþjóða Rauði kross-
inn mun verja tekjum af sölu þátt-
tökunúmera til að bólusetja börn í
þróunarlöndum gegn barnasjúk-
dómum og berjast gegn niðurgangi
sem leitt hefur mörg börn til dauða.
Áður en hlaupið hefst verður
fjölbreytt skemmtidagskrá á Lækjar-
torgi og hefst hún kl. 13.30 með því
að hljómsveitin Kátir piltar úr Hafn-
arfirði leikur létt lög. Klukkan 14.00
hefja Héðinn Steingrímsson og Jó-
hann Þórir Jónsson skák á útitaflinu.
Á sama tíma segja allir „Halló“ til
heimsins í beinni sjónvarpsútsend-
ingu, en Island var valið til að koma
fram fyrir hönd Evrópu í beinu
útsendingunum, sem verða tvisvar
yfir daginn frá íslandi, auk þess sem
í þrjú önnur skipti verður sýnt frá
íslandi á meðan dagskráin vegtja
Heimshlaupsins ’88 stendur. Þá mún
Guðjón Magnússon formaður RKÍ
flytja ávarp og Sálin hans Jóns míns
skemmta. Klukkan 14.39 ávarpar
frú Vigdís Finnbogadóttir forseti
hlauparana og verður þá síðari beina
útsendingin frá íslandi. Þórhallur
Sigurðsson/Laddi ætlar einnig að
vera viðstaddur og kveðja Ólympíu-
landsliðið og klukkan 15.00 veður
hlaupið síðan ræst. Kynnir verður
Ómar Ragnarsson og dagskrárstjóri
er Valgeir Guðjónsson.
Á meðan þátttakendur ganga,
skokka eða hlaupa einn eða fleiri
hringi munu Lúðrasveit Reykjavík-
ur og Lúðrasveit verkalýðsins leika
létt göngulög. - ABÓ
Fjöldi rokkstjarna, leikara og
íþróttamanna ætla sér að leggja sitt
að niörkum í Heimshlaupinu ’88.
Annie Lennox og Dave Stewart í
Eurythmics ætla ekki að láta sitt
eftir liggja, hvað með þig?
BORN EIGA BETRA
SKILIÐ!
Fullorðna fólkiö mótar umhverfi borgarbarna engu síður en sjálf náttúran.
Með því að láta glerbrot, úðabrúsa, einnota kveikjara
og sígarettustubba liggja á almannafæri egnum við slysagildrur fyrir litla fólkið
Lítum í kringum okkur - forðum börnum okkar frá óhöppum!
jgj LÁITU EKKI Þin EFTIR LIGGIA!