Tíminn - 10.09.1988, Síða 14
14 Tíminn
FRÉTTAYFIRLIT
RAMALLAH - Hersveitir1
ísraela á hernumdu svæðun-
um sögðu að þær hefðu upp-:
rætt net andspyrnuhreyfinqa
Palestínumanna á Gazasvæo-
inu og handtekið 200 arabíska
byssumenn. Þátttaka í alls-
herjaverkfalli sem íslamska
andspyrnuhreyfingin hafði |
boðað í trássi við PLO var ekki
mjög mikil þrátt fyrir hótanir
gegn kaupmönnum hefðu þeir
opið. Hreyfingunni hefur vaxið
mjög ásmegin að undanförnu
og keppir hún við PLO um hylli
Palestínumanna. 0 Abu Dhabi
lýsti Yassir Arafat því yfir að
PLO hygðust koma á fót bráð-
abirgðastjórn Palestínurikis.
MOSKVA - Réttarhöldum,
yfir Yuri Curbanovs sem var
hér fyrrum háttsettur emb-,
ættismaður og er nú fyrir rétti i
sakaður um spillingu var frest-
að þar sem verjandi hans fékk i
hjartaáfall í dómssalnum.
NIKOSÍA - Utanríkisráð-'
herra aðildarríkja Samtaka j
óháðra ríkja náðu saman um
eitt helsta ágreiningsefni sitt
sem var orðalag yfirlýsingar
þar sem hvatt var til friðar í
Afganistan. Ráðherrarnir;
komu sér einnig saman um
orðalag yfirlýsingar þar sem
hvatt er til friðarviðræðna um
málefni Kampútseu.
PEKING -Fjörutí u áreru nú
liðin frá því Kim ll-Sung forseti
Norður-Kóreu komst til valda.
Af því tilefni hélt um ein milljón
landsmanna hans í fagnaðar-
göngu í Pyongyang og kallaði.
nafn hans í sífellu. Það hefur;
vísast til glatt auðmjúkt hjarta |
gamla mannsins.
MOSKVA - Sovéskur sagn-
fræðingur hélt því fram í grein
í Prövdu í gær að Jósef Stalín
hafi árið 1940 fyrirskipað morð
á fyrrum félaga sínum, bylting-
arleiðtoganum Leon Trotsky
sem var í útlegð í Mexíkó.
Sovétmenn hafa aldrei ýjað að
því fyrr að Stalín hefði staðið á
bak við morðið á Trotský þó
það hafi alla tíð verið almenn
söguskoðun á Vesturlöndum.
WASHINGTON - Hækk
un orkuverðs í Bandaríkjunum
varð til þess að verðbólga þar
jókst um 0,6% i ágúst eftir að
hafa aukist um 0,5% í júlí.
Þetta þykir mikið þar vestra.
Laugardagur 10. september 1988
llillíllllllllli ÚTLÖND r T:;r ^
Stjórnarandstæðingar mynda
bráðabirgðastjórn í Burma
Stjórnarand>>tæðingar í Burma
mynduðu í gær bráðabirgðastjórn
sem mun berjast gegn stjórn sósía-
listaflokksins sem í raun hefur verið
óvirk að undanförnu. Bráðabirgða-
stjórnin nýtur stuðnings nokkurs
hluta hersins, til að mynda gcngu
tvöhundruð hermenn úr flughcr
landsins um götur Rangoon til stuðn-
ings hinni nýju hráðabirgðastjórn.
Þaö cr hinn aldni lciðtogi U Nun
scm lciöir nýju bráðabirgöastjórn-
ina, en hann var forsætisráðherra
þcgar Ne Win lciötogi sósíalista-
flokksins rændi völdum áriö 1962. U
Nun scm nú er 82 ára gamall hcfur
boöað til frjálsra kosninga í landinu
þann 9. október og hvatti landsmenn
til að hefja kosningarundirbúning.
Hin nýja bráðarbirgðastjórn hcfur
cinnig útncfnt nýjan forseta í stað
Mang Maung sem sósíalistaflokkur-
inn skipaði sem forseta í síðasta
mánuði. Forseti bráðabirgðastjórn-
arinnar cr Win Maung, cn hann var
fyrsti forscti Burma eftir að landið
fékk sjálfstæði árið 1948.
Stofnun þessarar bráðabirgða-
stjórnar hefur aukið enn á spennuna
í landinu, sem nóg var fyrir. Sósíal-
istaflokkurinn reynir hvað hann get-
ur að halda völdum þó útvarpsstöðin
í Rangoon sé í raun eina opinbera
stofnunin sem stjórnin hefur enn á
valdi sínu. Hermönnum sem enn eru
hliðhollir sósíalistastjórninni var
skipað að skjóta á hóp starfsmanna
flughcrsins ef þeir reyndu að samein-
ast félögum sínum sem gengið hafa
til liðs við liina nýju bráðabirgða-
stjórn scm hefur aðsetur sitt í há-
skólanum í Rangoon.
Stjórnarandstæðingar í Burma hafa
nú komiö á fót bráðabirgðastjórn og
boöaö til kosninga 9. októbcr.
Skemmdarverk í
Austur-Þýskalandi
Verðhækkanir og vöruskortur
hafa lcitt til þess að árásir hafa vcrið
gerðar á verslanir og framlciðslufyr-
irtæki í Austur-þýska alþýðulýðvcld-
inu.
Vcstrænar lcyniþjónustur skýra
nú frá því að nllt frá því í apríl í vor
hafi Austur-Þjóðverjar verið iðnir
við skemmdarverk á eigum ríkisins.
Mcð því hafi þeir viljað fá útrás fyrir
reiði sína vegna verðhækkana og
skammtana á vörum.
Starfsmenn austur-þýsku öryggis-
lögreglunnar leggja sig fram um að
halda þessum atburðum lcyndum,
eftir því scm þeir best geta. Þar með
vilja þeir Itindra að aðrir taki upp
þessar ofbeldisfuilu mótmælaað-
gerðir, sem aðallega hafa átt sér stað
í Magdcburg og grennd.
Samkvæmt þessum fréttum hafa
til þcssa verið skráðar í lögreglu-
skýrslur í Austur-Þýskalandi að-
gerðir eins og:
• Rúður voru brotnar og hillur
eyðilagðar í ýmsum verslunum sem
selja dýran skófatnað í Magdeburg.
• í Strassfurt var skóbúð lögð alger-
lega í rúst.
• Kveikt var í fjölmörgum flutn-
ingabílum vöruflutningafyrirtækis-
ins „Deutrans" scm hlaðnir voru
skófatnaði til útflutnings.
• Á bílastæðum voru unnin
skemmdarverk á flutningabílum
„Deutrans". Þar var farmurinn líka
skór til útflutnings. M.a. voru
bremsuslöngurnar á vörubílunum
skornar í sundur.
• Kveikt var í á athafnasvæði ríkis-
kolaverslunar í Magdeburg. Þar var
kveikt í 18 bílum, fullhlöðnum
kolurn.
• Á mjólkurbúi í Magdeburg var
þvottaefni sett í mjólkurtankana.
Þar með varð auðvitað að hella allri
mjólkinni niður.
• í Magdeburg voru unnin
skemmdarverk í u.þ.b. 80 opinber-
um símaklefum. Þar var símtólið
skorið af línunni.
• Kveikt var í spennistöð í Rothens-
ee/Magdeburg með þeim afleiðing-
um að tveir straumbreytar eyðilögð-
ust.
Samkvæmt upplýsingum vestrænu
leyniþjónustanna fylgdu þessum sí-
felldu skemmdarverkum hótunar-
bréf gegn fleiri fyrirtækjum í ríkis-
eign í Magdeburg.
Embættismenn sem bera ábyrgð á
öryggismálum í Austur-þýska al-
þýðulýðveldinu taka sérstaklega al-
varlega sprengjuhótun vegna kjarn-
orkuvers í Stendahl, sem bersýnilega
er í tengslum við mótmæli gegn
meintum skorti á öryggisráðstöfun-
um við kjarnorkuver í landinu.
Vestrænu leyniþjónusturnar vísa
til þess, að til þessa hafi leit lögregl-
unnar að skemmdarvörgunum ckki
borið neinn árangur, þó að í tveim
tilfellum hafi þeir skilið eftir á vett-
vangi flugrit. Á flugritunum komi
fram að það séu ekki einstaklingar,
heldur hópar sem að skemmdarverk-
unum standi og vilji með þeim fá
útrás fyrir reiði sína vegna mikils
vöruskorts og geysilegra verðhækk-
ana á vissum sviðum í alþýðulýð-
veldinu. Hópur sem nefnir sig
„Runder Feuerball" (eldhnöttur)
lýsir ábyrgð á hendur sér fyrir hluta
skemmdarverkanna í Magdeburg.
Öryggisyfirvöld í Austur-Þýska-
landi eru sögð hafa gripið til umfang-
smikilla varnaraðgerða gegn frekari
skemmdarverkum. í Magdeburg
hefur lögregluliðið verið styrkt með
aðstoð vopnaðra bardagasveita og
þar er gripið til aukinna aðgerða til
verndunar ríkisfyrirtækjum. Fyrir-
tækin eru líka skylduð til að fjölga
næturvörðum.
Farþegavél frá Víetnam
ferst nálægt Bankok
Víetnömsk farþegaflugvél fórst í
aðflugi að flugvellinum í Bankok í
gær og með henni sjötíu og fimm
• manns. Einungis sex farþegar kom-
ust lífs af og liggja þeir þungt haldnir
á sjúkrahúsi. Þrumuveður var þegar
flugvélin fórst og sögðu sjónarvottar
að eldingu hafi slegið niður í flugvél-
ina þegar hún var að koma inn til
lendingar.
Sjónarvottur sagði að þotan, sem
var tveggja hreyfla af Tugalev TU-
134 gerð, hafi skollið til jarðar, rifið
nokkur tré og símalínur áður en hún
stöðvaðist á rísakri í sex kílómetra
fjarlægð frá flugvellinum.
Talsmenn tælenska flughersins
sögðu að þotan sem var í áætlunarf-
lugi frá Bankok hafi misst samband
við flugturninn vegna þrumuveðurs-
ins þremur mfnútum áður en vélin
átti að lenda.
Fremsti og aftasti hluti vélarinnar
brotnaði frá miðhlutanum sem
brann nær til ösku.
Talið er að sendiherrar Indlands
og Finnlands í Víetnam hafi verið
meðal farþega í vélinni ásamt fjöl-
skyldum sínum. Það hefur þó ekki
verið staðfest.
Verkantenn stóðu í vatni upp að
hnjám er þeir tóku saman líkamsleif-
ar hinna látnu, sem margir eru
óþekkjanlegir vegna bruna. Þó hafði
vatni verið dælt af rísakrinum til að
auðvelda aðkomu að flakinu.
Suður-Afríka:
Löggan
ryðst inn
í messu
hjá Tutu
Óeinkennisklæddir lögreglu-
menn ruddust í gær inn í kirkju í
Suður-Afríku þar sem hinn
blakki leiðtogi andstæðinga að-
skilnaðarstefnunnar, biskupinn
Desmond Tutu hélt guðsþjón-
ustu. Lögreglumennirnir filmuðu
Tutu þar sem hann ávarpaði
starfslið kirkjuráðs Suður-Afríku
sem vinnur gegn stjórnvöldum.
Nokkrum mínútum áður hafði
Tutu ítrekað áskorun sína til
blakkra Suður-Afríkubúa um að
sniðganga kosningar sem fram
fara í næsta mánuð.
Lögreglan rannsakar nú atferli
Tutu í skjóli neyðarlaga sem ríkt
hafa í landinu síðastliðna tuttugu
og sjö mánuði, en samkvæmt
þeim er ólöglegt að hvetja fólk til
að kjósa ekki og eru viðurlög allt
að tíu ára fangelsi.
„Við munurn ekki missa
kjarkinn. Við látum ekki ögra
okkur... þegar við brjótum lög
gerum við það með miklum
trega," sagði Tutu á blaðamanna-
fundi fyrir messuna. „Við lútum
því sem við teljum vera boð Guðs
án þess að hugsa um afleiðingarn-
ar,“ bætti hann við.