Tíminn - 14.09.1988, Page 4

4 Tíminn
Miðvikudagur 14. september 1988
15 ára piltur viðskila við félaga sína í leitum á Tunguheiði:
VAR ALLTAF VISS UM AD
ÉG FYNDÍST FUÓTLEGA
„Ég var ekki beinlínis villtur,
því ég vissi allan tímann hvar ég
var,“ sagði Kristján Helgason,
Vopnfirðingurinn ungi sem varð
viðskila við félaga sína í göngum á
Tunguheiði um helgina.
Kristján sagði Tímanum í gær
frá atburðum:
„Við lögðum upp frá Einarsstöð-
um um kl. 13 og riðum upp að
gangnamannakofa sem nefndur er
Melakofi og er á melum við Tungu-
heiðina, en þangað komum við um
kl 19.30.
Þar gistum við um nóttina og
vöknuðum snemma og vorum byrj-
aðir að reka um kl. 7 um morgun-
inn. Við rákum féð meðfram á
nokkurri sem fellur í Hofsá og
komum því fyrir í rétt sem er ekki
langt frá ármótunum.
Síðan skiptum við okkur niður
og vorum við eftir það þrír saman;
Björn Magnússon og Magnús,
skrifstofustjóri kaupfélagsins sem
reið efst, síðan Björn og þá ég næst
ánni.
Björn lýsti fyrir mér staðháttum
og örnefnum og mér festist í minni
nafn á einu fellinu, sem var Rana-
fell. Björn rak féð niður eftir til
mín svo ég gæti farið eftir því
langleiðina niður að Hofsá sem ég
gerði, en þá týndi ég Birni.
Þegar ég sá hann hvergi og vissi
ekki hvar hann var, reið ég til baka
til að reyna að finna hann og sá
hann á tímabili fyrir aftan mig en
missti sjónar á honum, enda hafði
hann þá líka misst sjónar á mér og
fór þá nokkurn sveig og aftur að
þeim stað þar sem við höfðum
síðast sést.
Ég fann hins vegar förin eftir
hest hans í grasinu á þeim stað þar
sem við höfðum síðast sést, en þá
höfðum við farist á mis. Ég týndi
slóð hans hins vegar fljótlega þar
sem grassvörðurinn þarna er mjög
harður.
Ég reið þá upp með ánni og
reyndi að finna einhverja aðra,
sem gætu hugsanlega verið þar á
ferð, en fann engan. Ég reið þá
aftur út að Ranafellinu áðurnefnda
og þegar enginn var þar reið ég enn
niður eftir á þær slóðir sem ég hafði
áður rekið féð, þó ekki alveg eins
langt, til að reyna að finna vegar-
slóða sem þarna liggur einhvers
staðar.
Slóðann fann ég ekki en rakst
aftur á móti á slóð eftir Björn af og
til,semég þó týndijafnan aftur. Þó
sýndi það mér að Björn var á
svipuðum slóðum.
Ég sneri enn aftur að Ranafell-
inu um kl. 20, enda var þá skollin
á þoka og farið að dimma. Ég fann
þó fellið auðveldlega og þegar
þangað kom sleppti ég hestunum
til að leyfa þeim að bíta.
Ég var með tvo til reiðar, klára
frá Syðri-Vík sem oft áður höfðu
verið notaðir í smalamennsku á
þessum slóðum. Það vissi ég ekki,
enda hefði ég þá látið hestana um
að rata til baka í gangnamannakof-
ann.
Ég lét hestana bíta og settist
sjálfur niður til að hvíla mig en
þegar ég leit upp voru hestarnir
horfnir. Þá settist ég undir moldar-
barð til að hvíla mig og til að skýla
mér og þarna var ég til kl. 1.30 um
nóttina, eða þangað til Jökuldæl-
ingar á fjórhjólum fundu mig.
Björn hafði hins vegar þegar
hann missti sjónar á mér, farið að
leita og við höfum ítrekað farist á
mis því að hann fann mína slóð en
týndi henni jafnan aftur eins og ég
hans.
Hann tók þá til bragðs eftir að
hafa leitað að mér í um tvo tíma,
að fara aftur að gangnamannakof-
anum, taka þar dráttarvél sína,
sem notuð hafði verið til að flytja
gangnamönnum vistir, og aka nið-
ur á Jökuldal og kalia þar út
björgunarsveitina. “
Kristján sagðist aldrei hafa búist
við öðru en hann fyndist fyrr en
síðar eins og kom á daginn og ekki
hafi hann fundið sérstaklega til
ónota eftir að hann var orðinn einn
og hestlaus í þoku og myrkri.
Hann sagðist þó hafa verið orð-
inn talsvert blautur og kaldur,
einkum á fótum.
Kristján vildi koma á framfæri
þökkum til allra sem hlut áttu að
máli í sambandi við leitina, einkum
til björgunarsveitarmanna og fé-
laga síns Björns.
Hann sagðist ekki eftir þetta
ævintýri vera orðinn afhuga því að
fara í göngur, en þetta voru þriðju
leitir Kristjáns en þær fyrstu á
þessum slóðum. -sá
Starfsmenn Rauða kross íslands telja hluta þeirra tæplega fjögurra milljóna sem söfnuðust ■ Heimshlaupinu í þágu
bama. Aftan við talningafólkið stendur framkvæmdastjóri RKÍ, Hannes Hauksson. Tímamynd Gunnar.
Heimshlaupiö í þágu barna um allan heim tókst framar vonum:
Um 15 þús. tóku
þátt á 36 stöðum
Heimshlaupið í þágu barna um
allan heim fór fram á sunnudaginn
og hér á landi tóku þátt í hlaupinu
um 15 þúsund manns, en um 13
þúsund merki seldust.
Hlaupið var á 36 stöðum á landinu
og sagði Birna Stefnisdóttir hjá
Rauða krossinum að þátttakan hefði
verið framar vonum. Bæði hefði
veður verið fremur óhagstætt víða
um land, en auk þess eru réttir víða
hafnar og draga þær að sér fjölda
fólks.
Hátt í 4 milljónir króna söfnuðust
og verður um 80% upphæðarinnar
varið til þátttöku í verkefni Alþjóða
Rauða krossins sem nefnist Child
Alive, eða Barn á lífi, en verkefninu
var hleypt af stokkunum árið 1984
og er höfuðtilgangur þess að bólu-
setja börn í þriðja heiminum gegn
barnasjúkómum og sjúkdómum sem
um 15 milljónir barna í þessum
heimshlutum deyja úr á hverju ári
vegna skorts á bóluefni.
Þá er ætlunin að ná til foreldra í
áðurnefndum heimshlutum og
kenna þeim ráð til að forðast ofþorn-
un barna vegna niðurgangs. Ráð
gegn þessum vágesti - ofþornun -
eru tiltölulega einföld en ofþornun
verður fjölda barna að aldurtila.
Sjónvarpað var beint frá hlaupinu
og ýmsum uppákomum tengdum
því og var stjórnstöð útsendinganna
í New York og var þar skipt milli
upptökuvéla á helstu merkisstöðum
veraldarinnar, svo sem Lækjartorgi,
New York og London og milljónir
manna um allan heim sáu útsending-
una. -sá
Hlutafé fóðurstöðvarinnar Melrakka
á Sauðárkróki aukið verulega:
Ný fóðurstöð
um mánaðamót
Ný fóðurstöð Melrakka hf. verður
tekin í notkun á Sauðárkróki um
næstu mánaðamót. Nýja stöðin er
mjög afkastamikil og getur framleitt
allt að 14 þúsund tonn af refafóðri á
ári en síðan hafist var handa við
byggingu hennar hefur loðdýrarækt
dregist saman og ekki útlit að verk-
smiðjan muni starfa á fullum afköst-
um í bráð.
Því eru hugmyndir uppi hjá stjórn-
endum verksmiðjunnar að framleitt
verði þess í stað fóður fyrir eldisfisk,
en þörf fyrir það eykst stöðugt.
Dregist hefur að ljúka byggingu
stöðvarinnar vegna óvissu um fram-
tíð loðdýraeldis og þar með um
framtíð fóðurstöðva, en nýlega var
veitt heimild til að auka hlutafé
verulega, eða úr 2,7 milljónum í um
30 milljónir króna.
Nýir hluthafar eru Sauðárkróks-
fyrirtækin Fiskiðjan, Skjöldur og
Utgerðarfélag Skagfirðinga en einn-
ig Hraðfrystihúsið á Hofsósi. Þá
hefur Byggðasjóður breytt helmingi
útistandandi skuld Melrakka við
sjóðinn í hlutabréf að upphæð 10,5
milljónir og á nú 40% fyrirtækisins.
-sá
Deilur milli Gerðahrepps og Keflavíkurbæjar
um land við Helguvík í uppsiglingu:
Gerðahreppur vill
fá land til baka
„Sagan er sú að 1966 breytti
alþingi með lögum lögsagnarum-
dæmi Gerðahrepps og Keflavíkur
þannig að Keflavík stækkaði.
Keflavík taldi sig þá þurfa á þessu
landi að halda m.a.vegna þróunar
íbúðabyggðar.
Keflavík hefur afsalað sér hluta
þessa lands til annarra hluta en
gert var ráð fyrir í forsendum
laganna frá 1966, m.a. til varnar-
liðsframkvæmda, þannig að við
teljum nú að upphaflegar forsend-
ur breytinganna séu brostnar. Fyrst
Keflavíkurbær gat á annað borð
séð af landinu þá teljum við að
þolandi breytingarinnar frá 1966,
það er að segja Gerðahreppur, eigi
fyrst að njóta," sagði Finnbogi
Björnsson oddviti Gerðahrepps í
samtali við Tímann í gær.
Gerðahreppur hefur óskað eftir
því við þingmenn Reykjaneskjör-
dæmis að flutt verði lagafrumvarp
um að hluti lands þess sem rann til
Keflavíkur árið 1966, renni aftur
til Gerðahrepps.
Gerðahreppsmenn vilja að lögin
frá 1966 verði endurskoðuð og
lögsagnarumdæmismörkum milli
Keflavíkur og Gerðahrepps verði
breytt þannig að hreppurinn
endurheimti um 100 hektara af
þeim u.þ.b. 300 hekturum sem
breytingin frá 1966 náði til og er
hér um að ræða svæðið sem liggur
næst veginum til Helguvíkur til
sjávar og inn fyrir Helguvík.
Guðfinnur Sigurbjörnsson
bæjarstjóri í Keflavík sagði aðekki
stæði til af hálfu Keflavíkur að
afsala sér neinu landi, bærinn hefði
fulla þörf fyrir það og að auki ætti
bærinn landið og hefði keypt það
árið 1971 og af þeirra hálfu kæmu
engar viðræður um afsal á landi til
greina og hann sagðist ekki eiga
von á að nokkurt frumvarp um
breytingar á lögsagnarumdæmum
sveitarfélaganna yrði nokkru sinni
flutt. -sá