Tíminn - 14.09.1988, Qupperneq 5
Miðvikudagur 14. september 1988
Tíminn 5
ÍS-FILM SÆKIR UM
LEYFIFYRIR STÖD 3
í gær sendi stjórn ís-film hf.
umsókn til Kjartans Gunnarssonar,
formanns útvarpsréttarnefndar, fyr-
ir leyfi til reksturs sjónvarpsstöðvar
í Reykjavík. Ætlunin mun vera að
þessi nýja sjónvarpsstöð taki til
starfa á árinu 1989 fáist leyfi fyrir
henni hjá útvarpsréttarnefnd. Þessi
nýja sjónvarpsstöð á að heita Stöð 3.
Það verður ís-film hf. sem mun
eiga og reka hina nýju sjónvarps-
stöð. ís-film hf. á sér orðið nokkra
sögu á sviði kvikmynda, mynd-
bandagerðar og auglýsingavinnu.
Fyrsti framkvæmdastjóri fyrirtækis-
ins var Hjörleifur B. Kvaran, núver-
andi borgarritari. Upphaflegir eig-
endur að ís-film voru þeir Ágúst
Guðmundsson, leikstjóri, Jón Her-
mannsson, tæknifræðingur og Ind-
riði G. Þorsteinsson, rithöfundur. Á
þeim tíma var fyrirtækið sameignar-
félag og sem slíkt gerði það tvær
kunnar kvikmyndir sem víða hafa
farið. Það voru myndirnar Land og
synir og Útlaginn. Land og synir var
gerð eftir skáldsögu Indriða G. og
mun sú mynd eiga aðsóknarmet hér
á landi, þegar endursýningar eru
taldar, en eigi færri en 130 þúsund
manns hafa séð hana. Útlaginn,
byggð á Gísla sögu Súrssonar, naut
einnig mikilla vinsælda, en áhor-
fendur náðu þó ekki hundrað þús-
undum. Báðar þessar myndir hafa
verið sýndar víða um heim og hlotið
margar viðurkenningar. Ágúst
Guðmundsson var leikstjóri beggja
þessara mynda.
Hlutafélag var svo stofnað upp úr
Guðrún B. Geirs, sendifulltrúi frá ís-film afhendir boðsenda umsókn um leyfi fyrir Stöð 3 á skrifstofu Kjartans Gunnarssonar, formanns útvarpsréttarnefndar,
í gjer. Timamynd:Gunnar
sameignarfélaginu skömmu eftir
gerð Útlagans. Hluthafar í fyrstu
voru Árvakur hf., Almenna bókafé-
lagið, Frjáls fjölmiðlun hf., Sam-
band ísl. samvinnufélaga, Reykja-
víkurborg og Haust hf., sem var eign
hinna gömlu félaga í sameignarfélag-
inu. Þær breytingar hafa orðið á
hluthöfum, að Árvakur hf. hefur
selt sinn hlut til Öðu hf., en dagblað-
ið Tíminn á nú hlut Reykjavíkur-
borgar. Þá mun verða einhver fjölg-
un hluthafa vegna þess verkefnis að
stofna og reka sjónvarpsstöð. Sex
manna stjórn er í félaginu og sitja
fulltrúar hluthafa í henni.
Jón Sigurðsson leggur fram umtöluð lagafrumvörp um gráa markaðinn:
Frumvörp um verðbréfa-
og eignarleiguviðskipti
Þingflokkur Kvennalista
Danfríður
tekur við.
af Þórhildi
Þingkonur Kvennalistans hafa
frá upphafi skipst á um að gegna
starfi þingflokksformanns, eitt ár
í senn. Slík vinnutilhögun er í
samræmi við stefnu Kvennalist-
ans sem boðar valddreifingu og
hvetur konur til þátttöku í því að
móta samfélag sitt.
Þórhildur Þorleifsdóttir lætur
nú af starfi þingflokksformanns,
en við því tekur Danfríður Skarp-
héðinsdóttir og varaformennsku
gegnir Kristín Einarsdóttir.
Viðskiptaráðherra, Jón Sigurðs-
son, lagði í gær fram á ríkisstjórnar-
fundi frumvörp um verðbréfavið-
skipti og verðbréfasjóði, annars
vegar, og eignarleigustarfsemi
(fjármögnunarleigur), hins vegar.
Meðal efnis í verðbréfafrumvarp-
inu eru ítarlegar reglur um skilyrði
sem verðbréfamiðlarar verða að
uppfylla og um starfsskyldur þeirra
gagnvart viðskiptavinum og eftirlits-
aðilum. Þar er og að finna ný ákvæði
um verðbréfafyrirtæki og starfsemi
þeirra, en engin slík ákvæði eru í
lögum. ítarleg ákvæði eru um rekst-
ur verðbréfasjóða og ströng ákvæði
um tilsjón bankaeftirlits Seðlabank-
ans með þessum viðskiptum, reglur
um lágmarkshlutafé fyrirtækjanna
og um lágmark eigin fjár þeirra.
Einnig er að finna ákvæði um verð-
bréfaviðskipti sjóðanna, um rekstr-
arform þeirra og um samþykktir og
reglur um dreifingu fjárfestingar
sjóðanna.
Lausafjárskylda sjóðanna verður
ákveðin og heimild verður gefin til
að setja bindiskyldu á verðbréfafyr-
irtæki og -sjóði. Að lokum er að
finna ákvæði um heimild stjórnvalda
til að hlutast til um rekstur verð-
bréfafyrirtækis, brjóti það gegn
ákvæðum laganna að mati bankaeft-
irlitsins, en hörð viðurlög er að finna
við brotum gegn lögum og reglum
um starfsemi verðbréfafyrirtækja.
í eignarleigufrumvarpinu eru sett
lágmarksskilyrði til rekstrar og um
starfsemi eignarleigu. Lágmark eigin
fjár skal ekki vera undir 8% af
heildarskuldbindingum eignar-
leigunnar. Einnig er kveðið á um
upplýsingaskyldu gagnvart við-
skiptavinum og ítarleg ákvæði eru
um eftirlit.
Leggur Jón Sigurðsson ríka
áherslu á að frumvörp þessi verði að
lögum á Alþingi strax í haust. Mark-
mið frumvarpanna er að tryggja hag
sparifjáreigenda sem kjósa að ávaxta
sparnað sinn á þessum vettvangi,
upplýsingasöfnun, eftirlit stjórn-
valda með þessum markaði, en auk
þess að sams konar reglur gildi um
skylda fjármálastarfsemi. KB
Fór á gæsaskytterí og drap búrtík á bökkum Þjórsár:
Skaut tík í stað tóf u
Fyrir skemmstu vildi svo til að
skotvciðimaður einn fór niður að
bökkum Þjórsár og beið þar gæsa.
Það skal tckið fram að umræddur
skotveiðimaður hafði til þess til-
skilin leyfi og er vanur að fara með
skotvopn.
Þetta var síðla dags og tekið að
rökkva. Á tíunda tfmanum um
kvöldið varð hann var við skepnu
skammt frá þeim stað sem hann lá
fyrir gæsinni. Hann taldi að þarna
færi lágfóta og lét þvt skot ríða af
úr hagiabyssu. „Lágfóta", sem
reyndar var tík af næsta bæ, lét
lífið sem næst samstundis.
Tíkin hafði verið í för með
tveimur stúlkum af bænum. sem
voru í útreiðartúr á bökkum
Þjórsár.
Ljóst er að þarna hefði getað
hiotist af enn mcira tjón en varð
þvt' skammur spölur var á milli
stúlknanna og tíkurinnar þegar
skoti var hleypt af.
Þess eru nokkur dæmi að skot-
veiðimenn hafi skotið niður búfén-
að, og er nýlegt dærni um það frá
Akureyri þar sem lamb fannst
dautt í túninu á Litlu-Hlíð og hafði
það verið skotið meö riffli. Þó
ólíklegt sé að þar hafi verið gæsa-
veiðimaður á ferð vegna þess að
rifflar cru ekki notaðir við slíkar
veiðar er þó vitað um að bæði
kindur og nautgripir hafa orðið
fyrir skotum gæsaveiðimanna.
Þetta gerist yfirleitt þannig að
menn skjóta út í loftið þegar
skyggja tckur og sjá einfaldlega
ekki saklausan búfénaðinn á
túnum. Oít er um að ræða skot-
veiðimenn sem skjóta í leyfislcyfi.
Slíkt atferli er ófyrirgefanlegt,
hvernig sem á það er litiö. Aðrir
skotveiðimenn sem gjarnan eru
félagsbundnir ( skotveiðifélögum
hafa ekki hvað síst af slíku mikinn
ama og hafa gagnrýnt óvarlega
meðferð skotvopna opinberlega.
Einn slíkur sagði í samtali við
Tímann í gær að „þegar svona
bjánar eru að frentja heimskupör
af þessu tagi gera þeir okkur hinum
lífið óbærilegt því allir skotveiði-
menn í landinu eru umsvifalaust
settir undir þennan sama hatt“.
óþh