Tíminn - 15.09.1988, Blaðsíða 2
2 Tíminn
Fimmtudagur 15. september 1988
Orkustofnun hefur framkvæmt hagkvæmnisútreikninga á virkjunarmöguleikum á Vestfjörðum:
Stækkun Mjólkárvirkjunar
er vænlegasti kosturinn
„Á þessari stundu bíðum við eftir skýrslu Orkustofnunar
um málið, sem er að vænta um mánaðamótin næstu,“ sagði
Kristján Haraldsson orkubússtjóri Orkubús Vestfjarða í
samtali við Tímann, aðspurður um athugun sem Orkustofnun
er nú að vinna fyrir orkubúið um frekari virkjanamöguleika
á Vestfjörðum.
Kristján sagði að samkvæmt
grunnupplýsingum sem þeir hefðu
fengið í sumar frá stofnuninni kæmi
fram að athugunin lofaði góðu.
„Þeim var falið að fullvinna frumat-
hugun, sem nú er beðið. Grófar
niðurstöður voru þess eðlis að við
gátum ekki annað en látið þá halda
áfram," sagði Kristján.
Haukur Tómasson hjá Orkustofn-
un sagði í samtali við Tímann að
verið væri að ganga frá skýrslu um
málið og að aðalkaflar hennar yrðu
tilbúnir síðar í mánuðinum. „Það
sem við gerum er tölvueftirlíking af
virkjun. Við teljum að hún sé nokk-
uð góð,“ sagði Haukur. Hann sagði
að þeir hefðu endurskoðað virkjun-
arhugmyndina á Vestfjörðum og
borið útreikninga saman við sam-
skonar útreikninga á virkjunum inni
á meginlandinu. Aðspurður hvort
þessi virkjunarkostur væri hag-
kvæmari en á meginlandinu, sagði
Haukur svo ekki vera, enda væru
virkjunarkostir miklu minni á Vest-
fjörðum en á meginlandinu. Sem
dæmi má nefna að meðalstór virkjun
á meginlandinu framleiðir um 500 til
1000 gw stundir, en á Vestfjörðum
er verið að tala um 100 gw stundir.
„Kostnaður við virkjun ræðst að
nokkru leyti af stærðinni. Stórar
virkjanir eru að öllu jöfnu ódýrari en
litlar,“ sagði Haukur.
Orkustofnun hefur verið að reikna
út fleiri en einn virkjunarmöguleika
á þessu svæði. Hugsanlegir virkjun-
armöguleikar eru stækkun Mjólkár-
virkjunar, virkjun Dynjandisár sér-
staklega, virkjun í Vatnsfirði og
Skötufirði og virkjun við Skúfna-
vötn. Þetta eru allir helstu virkjunar-
kostir á Vestfjörðum, að Ófeigsfirði
undanskildum, sem mun vera stærsti
virkjunarkosturinn, en vegna fjar-
lægðar hefur ekki verið áhugi fyrir
þeim kosti.
Haukur sagði að þeirra hlutverk
væri að gera kostnaðaráætlun og
áætlun urn orkugetu. „Við áttum að
finna sem ódýrasta kosti, án tillits til
þess hvort möguleikarnir væru full-
nýttir eða ekki,“ sagði Haukur.
Aðspurður sagði Haukur að væn-
legasti kostinn væri viðbót við
Mjólkárvirkjun. Fyrirhugað er að
sækja vatn inn á annað vatnasvæði,
t.d. í vatnasvæði Dynjandisár, sem
síðan yrði veitt í leiðslum til virkjun-
arinnar, til viðbótar því sem nú er,
en virkjunin verður, ef til kemur,
byggð við hlið virkjunarinnar sem
fyrir er. Verið er að tala um 150%
stækkun Mjólkárvirkjunar. Mjólk-
árvirkjun framleiðir í dag 8 mw, en
Stöðvarhúsið við Mjólká.
rætt er um hugsanlega viðbót upp á
20 mw.
Orka frá virkjuninni fer inn á
sameiginlegt raforkukerfi landsins
og sagði Haukur að tilkoma stærra
orkuvers á Vestfjörðum myndi
minnka orkuflutning frá meginland-
inu til Vestfjarða, sem hefði áhrif á
heildarkerfið. Virkjunin mun hins
vegar ekki koma til með að fullnægja
orkuþörf Vestfirðinga, þannig að
áfram yrði flutningur frá meginland-
inu.
Haukur sagði að þörfin fyrir þessa
virkjun væri ekki fyrir hendi í dag,
en sagði að hún gæti komið til álita
í næsta eða þar næsta skipti. „Það er
því í hendi Orkubúsins, Landsvirkj-
unar og ráðamanna hvenær og hvort
virkjun á Vestfjörðum fer inn í
virkjunarröð," sagði Haukur.
-ABÓ
Lægra verð í mörgum verslunum heldur en stórmörkuðunum í Reykjavík:
Ódýrara að versla í
JL-húsi en Hagkaupi
Að hagstæðusta vöruverðið sé að
finna í stærstu mörkuðunum virðist
(a.m.k.) ekki lengur neitt sjálfgefið,
nema kannski síður sé. Ný könnun
Verðlagsstofnunar á verði 86 teg-
unda af mat- og hreinlætisvörum í 19
stórum matvöruverslunum og stór-
mörkuðum leiðir m.a. í ljós að
Hagkaup (í Kringlunni) - sem lengi
var með lægstu búðum í verð-
könnunum - hefur nú dottið niður í
8. sæti og Mikligarður niður í það
15. sem þýðir að hann er kominn í
flokk dýrustu verslana.
Ódýrara með
peningum en „plasti“
Lang lægsta verðið í Reykjavík er
nú orðið að finna í JL-húsinu,
1 þ.e.a.s. fyrir þá sem borga með
ty peningum og fá þar 5% afslátt, en
„plastkortaverð“ er þar nánast hið
sama og í Hagkaupi. Hagkaup er
tekið til viðmiðunar af því marg-
gefna tilefni að vöruverð hefur þar
oft verið lægst eða með því allra
lægsta í verðkönnunum á árum áður,
og eigendum/stjórnendum Hag-
y kaups ósjaldan þakkað opinberlega
fyrir það að hafa öðrum fremur lagt
sitt af mörkum til að halda niðri
vöruverði á íslandi. 1 JL-húsinu var
verð hins vegar oft í efri kanti.
Tíminn spurði Gunnar Bjartmarz,
verslunarstjóra JL, hvort skýring-
anna sé að leita í því að álagning þar
hafi lækkað, ellegar að hún hafi
verið hækkuð í öðrum búðum.
„Álagning hefur staðið í stað hjá
okkur - en ég get ekki svarað fyrir
aðra“, svaraði Gunnar.
Lægsta verðið
utan Reykjavíkur
Enn einu sinni var lægsta meðal-
verð þó að finna í Fjarðarkaupi og
Kjötmiðstöðinni - en „staðgreiðslu-
verð“ í JL-húsi er aðeins örlitlu
hærra. Þessar verslanir skera sig
nokkuð úr. Auk þess sýna Hagabúð-
in, Grundarkjör, Kaupstaður og
Kaupfélagið í Hafnarfirði nú heldur
lægra meðalverð en Hagkaup í þess-
ari umfangsmiklu verðkönnun. Þá
vekur athygli, að SS-búð í Austur-
veri er nú komin næstum upp á
miðjan lista, í stað þess að vera með
hæsta verð eða allt að því eins og
borið hefur við í öðrum könnunum.
Ekki síður vekur það athygli að
meðalverð skuli orðið lægra í flest-
um samvinnuverslununum heldur en
í Miklagarði.
Allt að 1.600 kr. munur
á sömu innkaupum
Þær 86 vörutegundir sem könnun-
in náði til fengust allar í Fjarðar-
kaupi og kostuðu þar samtals 12.855
krónur. Vörurnar fengust allar í
fleiri verslunum, en 1-4 tegundir
vantaði í nokkrum búðum.
í töflunni hér að neðan er sýnt
annars vegar hvað þær vörur sem
fengust í hverri búð kostuðu miklu
meira í krónum talið heldur en í
Fjarðarkaupi - og hins vegar hver
munurinn var í prósentum:
Dýrara en í Fjarðarkaupi:
Krónur: %
Fjardarkaup 0 kr. 0,0%
Kjötmiðstöðin 19 - 0,2%
JL-hús staðgr. 111 - 1,0%
Hagabúðin 638 - 5,3%
Grundarkjör 674 - 5,4%
Kaupstaður 723 5,7%
Kf. Miðvangi 769 - 6,2%
Hagkaup 779 6,2%
JL-hús (kort) 793 - 6,3%
Breiðholtskjör 809 - 6,3%
Nóatún 993 - 8,0%
SS Austurveri 1.010 - 8,0%
Kron Eddufelli 1.011 - 8,0%
Stórmarkaður 1.039 - 8,2%
Mikligarður 1.117 - 8,9%
Sparkaup Hólag. 1.181 - 9,3%
Kf. Kjalarn.þ. 1.133 - 9,6%
ÁsgeirTindas. 1.311 - 10,8%
Austurstræti 17 1.500 - 11,9%
Matv.b. Grímsb. 1.578 - 13,1%
Þessi allt að 1.600 króna verðmun-
ur í Fjarðarkaupi og dýrustu búðun-
um kemur sem fyrr segir fram á
innkaupum sem samtals kostuðu
12-13 þús. krónur, hvar af um eða
rúmlega 40% voru kjöt og kjötvör-
ur. Hitt voru margskonar kornvörur,
niðursuðuvörur, feitmeti, kaffi,
ávextir og garðávextir, ávaxtasafar
og gosdrykkir, sælgæti og hreinlætis-
vörur, alls 86. Miðað var við sömu
vörumerki.
Margar fjölskyldur kaupa eflaust
um tífalt meira af þeim vörum sem
könnunin náði til á einu ári. Verð-
munur slíkra ársinnkaupa gæti því
orðið allt að 16.000 kr., ef marka má
þessa könnun. „Verðvísi" við inn-
kaup getur því gefið töluvert í aðra
hönd.
Verðmunur á einstökum vöruteg-
undum milli verslana var þó miklu
meiri heldur en munurinn á heildar-
verði milli verslana, eða yfir 25% á
meira en helmingi allra vörutegund-
anna.
T.d. kom fram 65-70% verðmun-
ur á sykri (50-82 kr.), tómötum
(179-298 kr.), gúrkum (170-283) og
eplum (93-159 kr.)
Um 45% verðmunur fannst á
lærissneiðum (679-982 kr.) og 37%
á kjúklingum (495-680 kr.).
-HEI
Vatnavextir á Vestfjörðum:
Skriða féll í
Kjálkafirði
Vegurinn í Skálmadal fór í
sundur á kafla í gær vegna mikilla
rigninga undanfarið. Þá féll einn-
ig skriða á veginn í Kjálkafirði
sem er skammt frá Skálmadal og
lokaðist vegurinn af þeim sökum.
f gærkvöldi var búið að ryðja
burtu skriðunni, en unnið var við
viðgerð á veginum í Skálmadal,
og var hann orðinn fær stórum
bílum og jeppum í gærkvöldi.
Vonast var til að vegurinn yrði
fær öllum bílum seint í gærkvöldi
eða í dag. -ABÓ
Útvegsbanki íslands:
Nýr stjóri
í Keflavík
Á fundi bankaráðs Útvegs-
banka íslands hf. 1. septembersl.
var Eiríkur Alexandersson, fram-
kvæmdastjóri sveitarfélaga á
Suðurnesjum, ráðinn útibússtjóri
í Keflavík.
Ekki er ákveðið hvenær Eirfk-
ur hefur störf hjá Útvegsbankan-
um í Keflavík, en vonir standa til
að það verði fljótlega. í tilkynn-
ingu frá bankanum segir að það
sé mikil lyftistöng fyrir bankann
og Suðurnesjamenn að fá til liðs
við sig mann sem hefur jafnmikla
reynslu og þekkingu á málefnum
Suðurnesja og Eiríkur. - ABÓ