Tíminn - 24.09.1988, Blaðsíða 4

4 Tíminn
Laugardagur 24. september 1988
Samkvæmt samningi Reykjavíkurhorgar og ríkisins um færslu Hringbrautar, mun ríkið kaupa þetta hús (Miklabraut 16) og láta rifa það. Það mun víkja fyrir mislægu gatnamótunum við
Miklatorg.
Færsla Hringbrautarinnar keyrö í gegn þrátt fyrir þaö að forsendur fyrir henni hafi breyst:
Er enn eitt ævintýrið í
uppsiglingu í borginni?
Sigrún Magnúsdóttir og Alfreð Þorsteinsson, borgarfuil-
trúar Framsóknarflokksins, hyggjast leggja fram tillögu í
borgarráði n.k, þriðjudag um að samningur Reykjavíkur-
borgar og ríkisins um færsiu Hringbrautar, verði tekinn
upp á ný, í Ijósi breyttra forsenda. í aðalskipulagi
Reykjavíkurborgar, sem gilda á til 2004, er gert ráð fyrir
framkvæmd samningsins, sem mun í heild kosta hundruð
milljóna króna.
Framkvæmdirnar hafa það m.a. í
för með sér að húsið við Miklubraut
16 verður rifið og látið víkja fyrir
aðkeyrslu að mislægum gatnamótum
við Miklatorg. í samningnum er
einkum tekið mið af þróunaráætlun
sem gerð var fyrir framkvæmdir á
Landspítalalóð á árunum 1970-75,
sem Ijóst er að mun engan veginn
standast.
Samningurinn
Samningurinn milli borgarstjórn-
ar og ríkisins var gerður ídesember
1969 og var þá gert ráð fyrir að
Hringbrautin yrði færð um 50 metra.
Ný Hringbraut yrði gerð á kostnað
ríkissjóðs en ríkissjóður fengi til
endurgjaldslausra afnota landssvæði
milli eignarlóðar Landspítalans og
nýrrar Hringbrautar, undir bílastæði
og fyrir innanlóðarumferð. Þá er
gert ráð fyrir því að borgarstjórn
úthluti ríkissjóði ca. 14 ha. lands-
svæði sunnan Hringbrautar og öðr-
um skiptum á landi.
Þann 5. ágúst 1976 var gerður
samningur um breytingar á ofan-
greindum santningi. Helstu breyt-
ingar voru að færsla Hringbrautar
yrði um 200 metra til suðurs í stað
50 metra og að ríkissjóður keypti
húsið Miklabraut 16 (6 íbúðir) og
fjarlægðj; borgarsjóði að kostnaðar-
lausu.
í umfjöllun Þórarins Hjaltasonar,
hjá borgarverkfræðingsembættinu
er kostnaður við færslu H ringbrautar
áætlaður 135 milljónir króna en
kostnaður við mislægu gatnamótin
nálægt 80 milljónir, hvort tveggja á
verðlagi 1988. Þarna er aðeins um
þær framkvæmdir að ræða sem nú er
verið að vinna.
Til viðbótar við þessar upphæðir
kentur kostnaður vegna kaupa á
húsinuviðMiklubraut lóogýmislegt
sem fylgir því að klára verkefnið í
heild sinni. Þá er t.d. eftir að tengja
nýja Hringbraut inn á Sóleyjargöt-
una og að ganga frá gatnamótunum
við Njarðargötuna. Það er því ljóst
að heildarkostnaður verður töluvert
mikið hærri en þær tölur sent koma
fram hjá Þórarni. Á borgarráðsfundi
í febrúar skaut Davíð Oddsson,
borgarstjóri, sjálfur á að fram-
kvæmdirnar myndu sennilega kosta
um 500 milljónir króna í heild.
„Óþarft að
flytja Hringbraut“
í bréfi Hallgríms Snorrasonar,
sem sæti á í yfirstjórn mannvirkja-
gerðar á Landspítalalóð (YMÁL),
sem lagt var fyrir á borgarráðsfundi
sl. þriðjudag, segir að í reynd hafi
framkvæmdir gengið mun hægar og
ntiklu minna verið byggt á lóð spítal-
ans en reiknað var með við gerð
þróunaráætlunarinnar. „Það er því
skoðun YMÁL að vegna fram-
kvæmda á Landspítalalóð sé óþarft
að flytja Hringbrautina úr núverandi
legu hennar um fyrirsjáanlega
framtíð, þ.e. næstu 20 árin eða svo,“
segir í bréfi Hallgríms, en um það
leyti rennur aðalskipulagið einmitt
úr gildi.
í samkomulaginu frá 1976 er mið-
að við þróunaráætlun þá, sem gerð
var fyrir Landspítalalóð á árunum
1970-75. Það var gert ráð fyrir mjög
örri uppbyggingu, og var m.a.
áforntað að reistar yrðu tvær lágar
byggingar milli aðalbyggingar spítal-
ans og núverandi Hringbrautar. í
reynd hafa framkvæmdir gengið
mun hægar en reiknað var með.
Meginforsendan brostin
Meginforsendan fyrir fram-
kvæmdunum virðist því brostin.
Samt sem áður lagði Þórður Þ.
Þorbjarnarson, borgarverkfræðing-
ur fram tillögu á borgarráðsfundi sl.
þriðjudag um að borgarráð staðfesti
samþykkt skipulagsnefndar um
færslu Hringbrautarinnar og að til-
lögu Alfreðs Þorsteinssonar frá 16.
febrúar yrði vísað frá. Afgreiðslu
málsins var frestað til næsta fundar
borgarráðs.
í tillögú Alfreðs var lagt til að
borgarstjórn efndi til hugmyndasam-
keppni með hvaða hætti mætti leysa
umferðarmál á þessu svæði og yrði
þar boðið upp á valkost um óbreytta
legu Hringbrautar.
Borgarverkfræðingur hefur þrýst
á að færsla Hringbrautarinnar verði
keyrð áfram, þrátt fyrir breyttar
forsendur, og er reyndar þegar farið
að undirbúa gerð mislægu gatnamót-
anna við Miklatorg.
„Ég býst ekki við því að Landspít-
alinn hætti að þróast og YMÁL
hefur ekki sagt að hún vilji ekki nýta
þá framtíðarmöguleika sem samn-
ingurinn gefur, þótt síðar verði.
Þetta hefur því ekki áhrif á þessi
áform um framkvæmdir, því að
Tanngarðurinn er þegar kominn og
þar með er stefnan mörkuð með
hvernig menn ætli að nýta þetta
land," sagði Þórður Þ. Þorbjarnar-
son, borgarverkfræðingur, í samtali
við Tímann. „Eftir sent áður er
færsla Hringbrautar æskileg frá sjón-
armiðum umferðar og út frá framtíð-
arhagsmunum bæði Landspítalans
og háskólans,“ sagði Þórður.
Þrátt fyrir það að borgarráð hafi
ekki tekið afstöðu til tillögu Þórðar,
hafa framkvæmdir við Bústaðaveg
þegar hafist og verið er að undirbúa
útboð í framkvæmdirnar við Mikla-
torg í Innkaupastofnun Reykjavík-
ur.
f endurskoðaðri fjárhagsáætlun
frá 8. mars er hins vegar ekki gert
ráð fyrir því að verja neinu fjármagni
í framkvæmdirnar á þessu ári.
Borgar ríkisvaldið?
Spurningin er nú hvort ríkisvaldið
muni kosta slíkar framkvæmdir,
þegar Landspítalinn, sent heyrir
undir ríkisvaldið, hefur lýst því yfir
að framkvæmdirnar séu óþarfar.
Þetta hlýtur að vera umhugsunarefni
á þeint tímum þar sem niðurskurður
á útgjöldum ríkissjóðs er eitt af
stórverkefnunum í stjórn efnahags-
mála, og þegar spjótin beinast að
framkvæmdagleði borgarstjórnar-
meirihluta Sjálfstæðisflokksins, ráð-
húsinu og veitingahúsinu í Öskjuhlíð
t.d. Borgin mundi leggja út pening-
ana fyrir framkvæmdunum sem hér
um ræðir, en á samkvæmt samningn-
um að fá þann kostnað endurgreidd-
an frá ríkinu.
Hallgrímur Snorrason hefur ritað
fjármála-, heilbrigðis- og mennta-
málaráðherrum bréf þar sem hann
gerir þeim grein fyrir stöðu mála.
„Þarna er um fjárhagslega skuld-
bindingu ríkisins að ræða sem ekki
hefur verið kallað eftir eins og gert
var ráð fyrir í upphafi, en nú eru
líkur á að það verði gert og forsvars-
menn ríkissjóðs þurfa að vera því
viðbúnir," sagði Hallgrímur í sam-
tali við Tímann.
f fjármálaráðuneytinu hefurmálið
ekki fengið neina sérstaka meðferð
enn sem komið er.
Háskólasvæðið klofið
Það eru fleiri hliðar á málinu.
Háskóli Islands hefur einnig hags-
muna að gæta og hefur Sigmundur
Guðbjarnason, rektor, vakið athygli
á þeirri röskun sem færsla Hring-
brautarinnar hefði í för með sér fyrir
starfsemi Háskólans.
„Áhugi minn varðar fyrst og
fremst umferðina að og frá háskóla-
svæðinu og svo milli bygginga á
svæðinu. Háskólasvæðið verður
skorið í sundur með þessum fram-
kvæmdum," sagði Sigmundur í sam-
tali við Tfmann. „Það verður tor-
veldara fyrir okkur að eiga eðlileg
samskipti við starfsmenn á háskóla-
svæðinu, vegna þess að hluti af
starfseminni er kominn austan við
Umferðarmiðstöðina, þ.e. nýbygg-
ing læknadeildar og tannlæknadeild-
ar. Við teljum eðlilegt að það verði
kannað gaumgæfilega hvort ekki sé
hægt að leysa þessi vandamál með
öðru sniði en ráð var fyrir gert með
færslu Hringbrautar. Aðalforsendur
fyrir henni eru ekki lengur til staðar
og það hlýtur að vera hægt að finna
bæði skemmtilegri og ódýrari lausn
á þessum vanda. Þessar framkvæmd-
ir mundu kosta hundruð milljóna
króna,“ sagði Sigmundur. JIH