Tíminn - 24.09.1988, Síða 24

RÍKISSKIP
NÚTÍMA FLUTNINGAR
Hafnarhúsinu v/Tryggvagötu,
S 28822
Canon
Ljósritunarvélar
FC-3, 43.600 stgr.
FC-5, 46.300 stgr.
Skrifvélin, sími 685277
HRESSA
KÆTA
Það er lengi von á kröfu vegna „gúmmítékkanna":
T ékkakraf a helst í
allt að sjö mánuði
Hin tíðu gjaldþrot fyrirtækja að
undanförnu hafa af eðlilcgum or-
sökum leitt til þess að innistæðu-
lausum ávísunum í umferð hefur
fjölgað stórlega. Þessar hræringar
í viðskiptalífinu hafa óneitanlega
haft í för með sér ákveðna erfið-
leika og vantraust í viðskiptum
fyrirtækja.
Tíminn hefur traustar heimildir
fyrir því að ákveðið fyrirtæki hafi
fengið endursendar ávísanir frá
banka, vegna þess að ekki væri til
innistæða fyrir þeim, allt að 5
mánuðum eftir að þær voru inn-
leystar. í umræddu tilviki eru ávís-
anir sem verðandi gjaldþrota fyrir-
tæki greiddu öðru fyrirtæki fyrir
vöruúttekt. Síðarnefnda fyrirtækið
innleysti síðan ávísanirnar, sem
voru tvær upp á rúma eina milljón
króna hvor. Síðan liðu 5 mánuðir
þar til bankinn endursendi fyrir-
tækinu ávísanirnar vegna þess að
ekki var innistæða fyrir þeim.
Þeir bankamenn, sem Tíminn
ræddi þessi mál við í gær, vitnuðu
í lög um tékkaviðskipti sem segja
að tékkhafa beri innan fjögurra
daga að senda síðasta framseljanda
og útgefanda tilkynningu um að
viðkomandi ávísun sé innistæðu-
laus. Viðkomandi banki, sem tékk-
hafi, getur þó verið gerður ábyrgur
fyrir því tjóni sem kann að hljótast
af því að framseljandi fær seint í
hendur tilkynningu um innistæðu-
lausa ávísun.
Samkvæmt sömu lögum um
tékkaviðskipti helst tékkakrafa
lengst í sjö mánuði. Og jafnvel
eftir að sá tími er liðinn er tékka-
skuldari ekki laus allra mála því að
þó að krafa sé fyrnd er samt hægt
að krefja tékkaskuldara um
greiðslu skuldar samkvæmt ákvæð-
um um almennar kröfur.
Að sögn Tryggva Pálssonar,
bankastjóra Verslunarbankans, er
eina trygging viðkomandi við-
skiptaaðila fyrir því að lenda ekki
í þeirri aðstöðu sem að framan
greinir, að fara beint í bankann þar
sem tékkareikningurinn er og fá
viðurkenningu hans á úttekt af
reikningnum.
Tryggvi segist telja að ekki sé
um mörg slík tilfelli að ræða en
fyllsta ástæða sé fyrir bankana að
athuga sinn gang í þessum málum.
„Ég dreg ekkert úr því að hér eru
mikilvæg mál á ferðinni og reyndar
hafa þessi mál verið skoðuð að
undanförnu í Verslunarbanka.
Mér er ekki kunnugt um að banka-
menn hafi rætt um þetta innbyrð-
is,“ segir Tryggvi Pálsson. óþh
Tímamynd Gunnar
Starfsmenn Granda skoða Snorra Sturluson eftir gagngerar breytingar.
Snorri Sturluson RE 219 kom til Reykjavíkur í gær:
Með best búnu
Starfsfólki Granda hf. í Keykjavík
gafst í gær kostur á að skoða nýjasta
frystitogara flotans, Snorra Sturlu-
son RE. Skipið var þá nýkomið frá
Póllandi þar sem gerðar höfðu verið
á því gagngerar endurbætur og því
breytt í frystitogara. Heildarkostn-
aður við breytingarnar nemur á milli
130 og 140 milljónum króna og má
segja að Snorri sem er átján ára og
smíðaður á Spáni hafi gengið í
gegnum allsherjar yngingaraðgerð.
Samkvæmt upplýsingum frá Granda
hf. er tilgangurinn með þessum
breytingum tvíþættur. í fyrsta lagi
var kominn tími til endurnýjunar á
Snorra vegna aldurs og í öðru lagi
þótti raunhæft að útbúa skipið til
sjófrystingar sem talin er hagkvæm
fyrir togara af þessari stærð, auk
þess sem slíkt mun breikka fram-
leiðslusvið Granda hf.
Helstu breytingar á togaranum
voru þessar. Lestin var endurnýjuð
og breytt í frystilest sem er 600
rúmmetrar að stærð og tekur 400
tonn af frystum fiski. A millidekki
voru endurnýjaðar allar sjó-, vatns,
og raflagnir og fiskmóttaka klædd
ryðfríu stáli. Pá voru settar í skipið
mjög fullkomnar vélar, meðal ann-
ars fjögur frystitæki þar af eitt lóðrétt
og geta fryst 48 lestir á sólarhing. Þá
er í skipinu nýtt aðgerðarkerfi sem
samanstendur af blóðgunarkörum,
færiböndum og fiskvinnslulínu sem
hægt er að vinna í bolfisk, grálúðu
og karfa. Jafnframt eru um borð
nýjar fiskvinnsluvélar frá Baadcr,
(slægingarvél, flökunarvél, og roð-
flettivél) og gera þessar vélar mögu-
lega vinnslu í dýrari pakkningar. Þá
er í skipinu fullkomið vogakerfi frá
Pólstækni.
Ljósavél og rafall hafa verið
endurnýjuð og skrúfuhringur frá
Stálsmiðjunni eykur togkraft um
20%.
Fleira hefur verið gert, síðum
lokað á aðalþilfari göngubrýr settar
upp og stjórnbúnaður endurnýjað-
ur, og miðar þetta allt að því að bæta
mjög alla vinnuaðstöðu.
Rannsóknarnefnd sjóslysa og tryggingafélögin
hyggjast taka neðansjávarmyndavél í sína þjónustu:
FÍök á hafs-
botni könnuð
Rannsóknarnefnd sjóslysa og
tryggingafélögin hyggja á samstarf
um að finna flök þeirra smábáta sem
hafa sokkið á undanförnum misser-
unt og reyna síðan með aðstoð
neðansjávarmyndavéla að leita
ástæðna fyrir þvi að bátarnir sukku.
Ein neðansjávarmyndavél er til í
landinu og framangreindir aðilar
hafa hug á að festa kaup á annarri
slíkri, að sögn Haraldar Blöndals
formanns Rannsóknarnefndar sjó-
slysa. Hann sagði vitað nokkurnveg-
inn hvar flök bátanna er að finna.
Haraldur var spurður hvort eitt-
hvað öðru frentur valdi því að ráðist
cr í þessar rannsóknir.
„Hingað til, þegar bátar hafa
sokkið, þá hafa þeir bara sokkið og
og ekki meira um það. Við viljum
bara ekki láta okkur nægja þá skýr-
ingu lengur, heldur reyna að finna af
hverju þeir sukku - hvort það er t.d.
vegna vansmíði eða af öðrum orsök-
um. Við erum að vinna að öryggis-
málum sjómanna."
Haraldur sagði lýsinguna nánast
eins í öllum tilvikum þegar smábátar
hafa sokkið. „Skyndilega fylltist allt
af sjó og báturinn sökk“. Engar
skýringar séu hins vegar á því af
hverju þeir fylltust af sjó og sukku.
„Við erum ekki sáttir við þetta og
ætlum því að reyna að finna skýring-
una,“ sagði Haraldur. -HEI
Eldur í þaki
Silfurtungls
Slökkviliðið í Hafnarfirði var kallað
út um kvöldmatarleytið í gær. Eldur
logaði þá í þaki þakpappaverksmiðj-
unnar Silfurtungls við Lyngás í
Garðabæ. Snögglega var brugðið
við og tókst að slökkva eldinn án
þess að verulegar skemmdir hlytust
af. Um tíma var óttast að eldurinn
kæmist í vélar og tæki verksmiðjunn-
ar en eldurinn varð slökktur áður en
til þess kom. Endurvinnsla á pappa
er á annarri hæð hússins, en hana
tókst að verja ásamt öðrum hlutum
verksmiðjunnar. Ekki var fullljóst í
gærkvöldi hversu mikið tjón varð í
eldsvoðanum. -ES