Tíminn - 28.09.1988, Blaðsíða 13
Miðvikudagur 28. september 1988
Tíminn 13
FRÉTTAYFIRUT
RANGOON - Stjórnar-
andstaðan í Burma hafnaði
tillögum ríkisstjórnar sósía-
listaflokksins um kosningar, en
samkvæmt þeim var gert ráð
fyrir að núverandi stjórn héldi
völdum þar til almennar f rjálsar
kosningar færu fram eftir þrjá
mánuði. Stjórnarandstaðan
krefst þess að fá hlutdeild í
bráðabirgðastjórn sem sett
yrði á fót strax og ríkja myndi
fram yfir kosningar. Stjórnar-
andstæðingar segja að núver-
andi ríkisstjórn verði að segja
af sér áður en kosningar fara
fram.
MAPUTO - Forseti Suður-
Afríku, P.W. Botha hélt í óopin-
bera heimsókn til Mósambík
og ræddi þar við Joaquim
Chissano forseta landsins.
Mósambíkmenn hafa á undan-
förnum árum sakað Suður-Afr-
íkustjórn um að styðja hægri
sinnaða skæruliða er berjast
gegn stjórnvöldum, en árásir
þeirra hafa skaðað mjög efna-
hag landsins. Forsetarnir
ræddu meðal annars um hugs-
anlegt friðarsamkomulag og
efnahagslega samvinnu land-
anna tveggja.
MOSKVA - Fyrirtækjum
sem rekin eru með tapi í Sov-
étríkjunum kann að verða lok-
að á næstunni eða þá samein-
uð öðrum betur stæðum fyrir-
tækjum. Er þetta í samræmi
við stefnu stjórnvalda sem
kynnt var í fyrra, en mun að
líkindum komatil framkvæmda
á næstunni.
PEKING - Mikil flóð hafa
orðið í kjölfar rigninga í suður-
hluta Kína og hafa 170 manns
drukknað í þeim. 110 þúsund
manns hafa misst heimili sín.
Ein og hálf milljón hermanna
og almennra borgara hefur
unnið að hjálparstarfi í Hunan
héraði þar sem flóð hafa verið
mest. 30 þúsund manns hafa
verið flutt frá heimilum sínum í
Wuhan nærri Hubei vegna
flóðanna.
HAITI - Fimm manns voru
myrtir og sjötíu særðir er menn
úr fyrrum leynilögreglu Haiti
réðust inn í kaþólska kirkju og
gengu þar berserksgang. Her-
menn lokuðu leiðum til og frá
kirkjunni, en þeir lokuðu einnig
augum fyrir ofbeldisverkum
leynilögreglumanna, því þeir
gripu ekki inn (fyrr en kirkjan
stóð í Ijósum logum eftir fimm
tíma hryðjuverk. Kaþólska
kirkjan hefur hvatt fólk til að
sýna friðsama andstöðu gegn
stjórninni á Haiti, en ofbeld-
isverk þar hafa aukist að nýju
að undanförnu.
NIKOSÍA - Iranar saka ír-
aka um að koma í veg fyrir.
áframhaldandi friðarviðræður
með því að neita að færa
viðræðurnar til New York eins
og de Cuellar aðalritari SÞ fór
fram á. írakar eru móðgaðir út
í Bandaríkjamenn eftir að þeir
fordæmdu efnahernað íraka
gegn Kúrdum, en Irakar segj-
ast engum efnavopnum hafa
beitt.
lllllllllllllllllllllll ÚTLÖND
Friðarumleitanir Perez de Cuellar í Persaflóastríðinu teknar að mjakast á ný:
Utanríkisráðherrar
írans og íraks ætla
loks að ræðast við
Utanríkisráðherrar írans og íraks
hafa nú loks fallist á að hittast augliti
til auglitis og freista þess að koma
skriði á fríðarviðræður landanna
sem veríð hafa í sjálfheldu í fleiri
vikur. Munu ráðherrarnir hittast að
máli hjá Sameinuðu þjóðunum í
New York á laugardaginn.
„1. október mun aðalritarinn og
persónulegur fulltrúi hans hitta utan-
ríkisráðherrana tvo að máli til að fá
skrið á viðræður svo koma megi
samþykkt 598 í fullt gildi,“ sagði
sérlegur talsmaður Perez de Cuellar
á blaðamannafundi í gær.
Samþykkt Öryggisráðs Samein-
uðu þjóðanna númer 598 var gerð
20. júlí á síðasta ári og fólst í kröfu
um að vopnahlé kæmist samstundis
á í Persaflóastríðinu, hermenn írana
og fraka drægju sig til baka inn yfir
eigin landamæri og að fram færi
skipti á stríðsföngum.
Utanríkisráðherrarnir tveir, fran-
inn Ali Akbar Velayati og írakinn
Tareq Aziz munu hitta Perez de
Cuellar að máli hvor í sínu lagi á
föstudag, degi áður en þeir hitta
hvor annan að máli.
Friðarviðræðurnar hófust milli ír-
aka og írana í Genf 25. ágúst, fimm
dögum eftir að vopnahlé komst á
eftir átta ára styrjöld. Þeim lauk fyrr
í þessum mánuði og áttu að halda
áfram í New York síðar í mánuðin-
um. Hins vegar neituðu írakar að
halda til Bandarfkjanna til viðræðna
íranskir stríðsfangar. Þeir bíða líkt og írakskir hermenn í sömu aðstöðu eftir
þvi að friðarsamningar náist milli írans og íraks og fangaskipti komist á.
Fyrsta skrefið í þá átt gæti veríð stigið á laugardag þegar utanríkisráðherrar
landanna hittast að máli hjá Sameinuðu þjóðunum.
og sögðust heldur vilja ræðast við í síðan orðið til þess að ekkert hefur
Genf. Pessi afstaða þeirra hefur mjakast í átt til friðarsamninga.
Shevardnadze utanríkisráðherra Sovétríkjanna kom víða við í ræðu sinni áallsherjarþinginu:
Vill að SÞ beini sjón-
um sínum út í geiminn
Sovétmenn sem nú segjast vilja
allt gera til að styrkja stöðu Samein-
uðu þjóðanna á ný vilja að Öryggis-
ráðið haldi sérstaka fundi utanríkis-
ráðherra aðildaríandanna og hafa
þeir boðið Moskvu sem fundarstað.
Eduarde Shevardnadze utanríkis-
ráðherra Sovétríkjanna skýrði frá
þessari hugmynd á fundi allsherjar-
ráðs Sameinuðu þjóðanna í gær.
Shevardnadze sagði að Samein-
uðu þjóðimar ættu að gegna beinu
og mun veigameira hlutverki í kjam-
orkumálum sem væri mesta ógnun
mannkyns. Þá vill hann að Samein-
uðu þjóðirnar beini augum sínum út
í geiminn og að samtökin sem sam-
félag þjóða heimsins ættu að gera
allt til þess að geimurinn verði ekki
gerður að hemaðarsvæði.
Shevardnadze hvatti Bandaríkja-
menn til þess að koma radarstöðvum
sínum á Grænlandi og Bretlandi
undir alþjóðlega stjóm Alþjóða
geimvísindastofnunar. Með því yrði
tvö fullkomnustu radarkerfi heims-
ins undir alþjóðlegri stjóm því
Sovétmenn hafa boðist til að afsala
.sér stjórn á fullkomnu radarkerfi
sem þeir eru nú að byggja í Síberíu
ef Bandaríkjamenn geri slíkt hið
sama.
Bandaríkjamenn hafa haldið fram
að radarkerfi Sovétmanna brjóti í
bága um samkomulag um gagnflaug-
ar sem gert var 1972. Sovétmenn
segja hins vegar að bandarísku rad-
arkerfin brjóti í bága við samkomu-
lagið.
„Með þessu myndum við ekki það
eina leggja gmnn að alþjóðlegu
samstarfí í geimnum heldur einnig
styrkja samkomlagið um gagnflaug-
ar,“ sagði Shevardnadze í ræðu
sinni.
Enngera
ísraelar
loftárás
á Líbanon
ísraelskar herþotur gerðu loft-
árásir á stöðvar Hizbollah skæru-
liðasamtakanna í suðurhluta Líb-
anons í gær og er þetta fjórða
loftárás ísraela í Líbanon í þess-
um mánuði. Síðasta föstudag
gerðu ísraelar loftárás, en þá á
stöðvar Palestínumanna.
Árásin í gær var gerð á stöðvar
við þorpið Louwaizeh, en ísrelsk-
ir hermenn gerðu einmitt árás á
það þegar þeir réðust inn í
suðurhluta Líbanons „til að
hreinsa til“ í maímánuði. Þá
drápu þeir að minnsta kosti tutt-
ugu skæruliða Hizbollahsamtak-
anna, sem eru hliðholl írönum.
Ekki er vitað um mannfall í
árásinni í gær, en talsmaður ísra-
elska hersins sagði að fjórar þotur
hefðu gert árás á stöðvar skæru-
liða þar sem árásir á ísraelskt
landsvæði væru undirbúnar.
Sagði talsmaðurinn að skot-
mörkunum hafi verið eytt eftir
áætlun og að þoturnar hafi komist
klakklaust heim á ný.
ísraelsmenn hafa nú gert sautj-
án loftárásir á stöðvar skæruliða
í suðurhluta Líbanons á þessu
ári. Þetta eru þó ekki einu ósköp-
in sem skæruliðarnir lenda í því
átök hafa verið tíð milli sveita
Palestínumanna og sveita Hiz-
bollah í landinu undanfarna mán-
uði.
Verkfaiís-
menn tekn-
ir í gegn
Yfirvöld í Armeníu ætla að
beita fullri hörku á verkfallsmenn
sem lagt hafa niður vinnu til að
styðja kröfur Armena í Nagorno-
Karabakh sem krefjast þess að
héraðið verði sameinað Arm-
eníu.
Yfirvöld hafa hótað að svipta
það fólk er mætir ekki í vinnu „án
gildrar ástæðu“ launum þann
tíma sem það mætir ekki, svipta
það aukagreiðslum sem fengist
hafa í árslok vegna bónusvinnu,
hætta greiðslum fyrir veikinda-
daga, stytta orlof um sama tíma
og ekki er mætt til vinnu og strika
verkf allsmenn út af biðlistum eft-
ir húsnæði.
Verkföll hafa lamað athafnalíf
í Jerevan höfuðborg Armeníu frá
þvf í síðustu viku eftir að Armeni
lét lífið í átökum við Azera í
Azerbaijan.
Skilaboð Ronalds Reagans til bandarískra hernaðarráðgjafa í Rómönsku Ameríku:
„Skjótið skæruliða ef
þeir ráðast á ykkur“
Ronald Reagan forseti Bandaríkj-
anna er á þeirri skoðun að banda-
rískir hernaðarráðgjafar í Róm-
önsku Ameríku eigi að skjóta ef á
þá er ráðist og hefur gefið ráðgjöfun-
um fyrirmæli um að bregðast þannig
við.
Þessi byssugleði Reagans kom
fram í gær í kjölfar þess að hermála-
yfirvöld í Pentagon höfðu staðfest
að þrír bandarískir hernaðarráðgjaf-
ar hefðu skotið á skæruliða í El
Salvador fyrir tveimr vikum þegar til
brýnu sló milli skæruliða og stjórnar-
hersins. Er það í fyrsta sinn sem
bandarískir hernaðarráðgjafar grípa
til vopna svo vitað sé í borgarastyrj-
öldinni í E1 Salvador sem staðið
hefur í átta ár.
Bardagi sá er bandarísku hernað-
arráðgjafarnir tóku þátt í var við
herbúðir þar sem skæruliðar skutu
bandarískan hemaðarráðgjafa til
bana í bárdaga á síðasta ári. Sextán
stjómarhermenn og fimm skæmlið-
ar féllu í bardaganum sem hernaðar-
ráðgjafamir tóku þátt í.
Bandaríska þingið hefur sett lög
sem banna fleirum en fimmtíu og
fimm bandarískum hernaðarráð-
gjöfum að starfa í einu í E1 Salvador.
Hernaðarráðgjafarnir em þar til að
þjálfa stjórnarhermenn fyrir átök
gegn skæruliðum og treysta sam-
bandið á milli ríkisstjóma Banda-
ríkjanna og E1 Salvador.