Tíminn - 29.09.1988, Blaðsíða 2
. 2 Tíminn
fsmmtudagtir 29. september 1988
Riðuniðurskurður í haust:
Ymislegt óljóst með
framkvæmdina
Ekki hefur verið gengið endanlega
frá því hvernig staðið verður að
niðurskurði riðufjár í landinu í lok
sláturtíðar í haust. Gætt hefur
mikillar óánægju meðal bænda með
þær hugmyndir landbúnaðarráðu-
neytis að greiða förgunarbætur eftir
vigt hverrar kindar. Bændur virðast
almennt vilja að ríkið greiði þeim
fast verð fyrir hverja kind óháð vigt.
Að sögn Guðmundar Sigþórsson-
ar, skrifstofustjóra í landbúnaðar-
ráðuneytinu, liggur ekki ljóst fyrir af
þess hálfu hvaða leið verður fyrir
valinu við greiðslu förgunarbóta.
Hann segir að ákvörðun um það
verði að liggja Ijós fyrir í dag eða á
morgun vegna þess að sláturhúsum,
þar sem riðufé verður lógað í haust,
verði að gefast tími til að undirbúa
niðurskurðinn.
Annað vafaatriði með riðuniður-
skurðinn Iýtur að því hvort eitthvað
af kindunum verður nýtt. Á síðast-
liðnu hausti var sá háttur hafður á í
sumum niðurskurðarhúsum að flá
gærurnar af og nýta þær í sútun.
Skrokkarnir voru hinsvegar urðaðir.
Af samtölum við sláturhúsamenn
má ráða að ekki liggi Ijóst fyrir hvort
þessi leið verður valin í ár eða
kindurnar skotnar á bakka fjölda-
grafar. Guðmundur Sigþórsson segir
að af hálfu ráðuneytis liggi Ijóst fyrir
að greiddur verði ákveðinn kostnað-
ur við förgunina en síðan sé það
samningsatriði viðkomandi slátur-
leyfishafa og gæruframleiðenda að
meta hvort svarar kostnaði að flá
skrokkana til að nýta gærurnar til
sútunar.
í lok sláturtíðar verður lógað um
25 þúsund fjár í landinu vegna riðu.
Þessi tala kann þó að hækka eitthvað
þar sem ekki hefur enn verið gengið
frá öllum samningum ríkis og bænda
vegna niðurskurðarins. Stefnt er að
því að skera niður í haust á öllum
bæjum þar sem riðuveiki hefur
greinst og tilraun verður gerð til
útrýmingar veikinnar í sumum sveit-
um með niðurskurði á öllum bæjum,
hvort sem riða hefur greinst þar eða
ekki. Dæmi um þetta er Vallahrepp-
ur í Suður-Múlasýslu og Svarfaðar-
dalur í Eyjafjarðarsýslu. óþh
Lokaátak í hreinsunarátakinu „Krakkar gegn sóðaskap":
150 þús. dósir
hafa safnast
Síðasti dagur til að skila inn tóm-
um gosdósum verður á næsta laugar-
dag, en það er einn liður í hreinsun-
arátaki sem staðið hefur yfir í Reykj-
avík að undanförnu, undir yfirskrift-
inni „Krakkar gegn sóðaskap".
Jón Þorvaldsson einn af þeim sem
vinna að hreinsunarátakinu sagði í
samtali við Tímann að árangur
átaksins hefði farið fram úr björtustu
vonum. „Krakkarnir hafa skilað inn
um 150 þúsund dósum, sem segja
má að hafi misboðið fegurðarskyni
okkar Reykvíkinga," sagði Jón.
Hann sagði að þáttur barnanna í
átakinu hefði verið mjög vel leystur
og 70 þúsund dósir komið hvorn
laugardaginn, sem tekið hefði verið
á móti dósunum. Krakkarnir fá fyrir
hverja dós tvær krónur, 1 krónu frá
Reykjavíkurborg og 1 krónu frá
gosdrykkjaframleiðendum. Heyrst
hefur að einn krakki hafi komið með
allt að 5000 dósir einn laugardaginn,
sem gefur um 10 þúsund krónur í
aðra hönd.
Á laugardaginn kemur, er síðasti
skiladagur, en dósunum má skila í
félagsmiðstöðvum og nokkrum
grunnskólum, sem tilteknir eru á
bæklingi sem börnin fengu.
Þá hafa orðið tímamót í sögu
öskubíla Reykjavíkurborgar, þar
sem nú er farið að setja á þá
auglýsingar, sem eru hvatningarorð
um að Reykvíkingar gangi betur um
borgina.
Lokatakmarkið með hreinsunar-
átakinu er að góð umgengni og
snyrtimennska verði svo almenn að
hægt sé að segja með sanni að ekki
sé rusl að vera Reykvíkingur.
- ABÓ
18 hjól á
hliðinni
Nýr tíu hjóla flutningabíll með
tveggja hásinga tengivagn frá Kaup-
félagi A-Skaftfellinga á Höfn valt
milli Lómagnúps og Núpstaðar á
fjórða tímanum í fyrradag. Tveir
menn voru í bílnum og sakaði hvor-
ugan.
Mikið rok var á þessum slóðum og
vildi ekki betur til en svo að tengi-
vagninn sem bíllinn var með í eftir-
dragi fauk til og lagði flutningabílinn
á hliðina.
í fyrrakvöld var unnið við að
koma bílnum á réttan kjöl aftur, en
hann mun vera mjög mikið skemmd-
ur vinstra megin, en ökufær og var
honum ekið til Reykjavíkur í gær til
viðgerðar. - ABÓ
íi»mm Sm.
: ■ f 1 98
f'HIU
Framrúðan féll úr í heilu lagi. Ökumaður og farþegi sluppu báðir ómeiddir.
Lómagnúpur sést í baksýn. TímamyndirrH.D.
Lést vegna
voðaskots
Tæplega tvítugur maður, Ægir
Þór Jóhannesson frá Ólafsvík varð
fyrir voðaskoti á tólfta tímanum á
þriðjudag og lést samstundis.
Ægir var að vinna við vegagerð
og ætlaði að nota matartímann
sinn til gæsaveiða. Hann hafði
fengið leyft hjá bóndanum á bæn-
um Kársstöðum í botni Álftafjarð-
ar til að huga að gæsinni á landi
hans.
Leiðir Ægis og vinnufélaga hans
sem hafði ekið honum á staðinn
skildu og hélt Ægir út á túnið, þar
sem gæsahópur var. Vinnufélagi
Ægis var kominn skammt frá þar
sem leiðir skildu, þegar skot hljóp
úr byssu Ægis. Tók vinnufélaginn
eftir því sem gerst hafði og sneri
strax við til félaga síns, sem var
látinnþegaraðvarkomið. -ABÓ
Kári karlinn gerði sér b'tið fyrir og feykti tengivagninum til með þeim afleiðingum að nýr flutningabfll KASK valt
á hliðina.
Hettufantarnir í gæsluvarðhald:
„Getur verið að við
séum í vitlausu húsi?“
Mennirnir þrír sem rannsóknar-
dögreglan handtók síðdegis á mánu-
dag og á þriðjudagsmorgun vegna
innbrotsins og líkamsárásarinnar á
eldri hjón á Seltjarnarnesi, hafa allir
verið úrskurðaðir í gæsluvarðhald til
12. október nk. Tveir þeirra voru
úrskurðaðir í fyrrakvöld og sá þriðji
í gærmorgun.
Mennimir þrír sem eru um þrítugt'
hafa allir komið við sögu lögreglunn-
ar áður og að minnsta kosti einn
þeirra hefur gerst sekur um líkams-
árásir. Mennirnir hafa ekki játað á
sig verknaðinn við yfirheyrslur að
sögn Þóris Oddssonar aðstoðarrann-
sóknarlögreglustjóra og bætti hann
við að ekki yrðu gefnar neinar
upplýsingar um málið að svo stöddu.
Þegar Þórir var spurður hvað þeir
hefðu í höndunum sem gerði gæslu-
varðhaldsúrskurð mögulegan, sagði
hann að því vildi hann ekki svara.
Tíminn hefur heimildir fyrir því
frá vinafólki hjónanna á Seltjarnar-
nesi að þegar hettumönnunum hafi
orðið ljóst hve litlir peningar voru í
húsinu, hafi einum þeirra orðið á
orði: „Getur verið að við séum í
vitlausu húsi?“. Aðspurður um þetta
atriði, sagði Þórir. „Eg staðfesti ekki
svona mola. Ég get það ekki.“
- ABÓ