Tíminn - 30.09.1988, Blaðsíða 6
6 Tíminn
Föstudagur 30. september 1988
Sauðfjárslátrun gengur vel:
Fallþungi heldur
lakari en í fyrra
Sauðfjárslátrun á þessu hausti er
nú komin vet á veg á landinu. í
flestum sláturhúsum er um þriðjungi
slátrunar lokið en dæmi eru um hús
þar sem sauðfjárslátrun er hálfnuð
og ríflega það. Það er samdóma álit
sláturhúsastjóra víðsvegar um land
að slátrun gangi vel. Faliþungi dilka
virðist þó almennt vera ívið minni en
sl. haust.
Hjá Gunnari Aðalsteinssyni, slát-
urhússtjóra hjá Kaupfélagi Borgfirð-
inga í Borgarnesi, fengust þær upp-
lýsingar að nú væri lokið við að
slátra rúmum þriðjungi af þeim 60
þús fjár sem lóga á á þessu hausti.
Fallþungi dilka er að sögn Gunnars
á milli 13 og 14 kíló. Þetta er eilítið
minni fallþungi en í fyrra. Slátrun
lýkur 25. október.
Á þessu hausti var tekinn í notkun
nýr fláningabúnaður hjá Sláturhúsi
Kaupfélags Borgfirðinga. Gunnar
Aðalsteinsson segir hann hafa reynst
í alla staði vel þrátt fyrir nokkra
byrjunarörðugleika. Ætla má að
þessi útbúnaður, sem er nýsjálensk-
ur, spari um 20 störf í fláningssal.
Síðastliðinn þriðjudag var búið að
slátra 13 þúsund fjár af 42 þúsundum
hjá Sölufélagi Austur-Húnvetninga
á Blönduósi. Fallþungi dilka var þá
14,77 kíló sem er svipaður fallþungi
og sl. haust. Búist er við að sláirun
ljúki 25. eða 26. október. Að sögn
Gísla Garðarssonar, sláturhús-
stjóra, hefur slátrun gengið mjög vel
það sem af er. Um 90 manns starfa
við slátrun hjá Sölufélagi Austur-
Húnvetninga.
Hjá Kaupfélagi Skagfirðinga á
Sauðárkróki var slátrun rétt hálfnuð
í byrjun vikunnar. Áætlað er að
slátra um 33 þús. fjár sem er 4
þúsunda fækkun frá fyrra ári. Árni
Egilsson, sláturhússtjóri, upplýsti að
fallþungi dilka væri vel í meðallagi.
Það sem af er hafa þeir að meðaltali
vigtað 14,9 kíló.
Árni segir ekki endanlega Ijóst
um fjölda sláturfjár hjá Kaupfélagi
Skagfirðinga í haust. Ovissan helgist
af því að ekki sé lokið við gerð allra
samninga ríkis og bænda um riðunið-
urskurð á þessu hausti.
Lokið er við að slátra tæpum 20
þúsundum fjár af 44 þúsundum hjá
Sláturhúsi Kaupfélags Eyfirðinga á
Akureyri. Óli Valdimarsson, slátur-
hússtjóri, segir að stefnt sé að því að
Ijúka slátrun um 20 október. Starfs-
menn eru á bilinu 120-125 og koma
þeir jafnt frá Akureyri og sveitunum
í kring. Óli segir meðalvigt dilka um
15 kíló sem er álíka og fyrri ár.
Hjá Þorgeiri Hlöðverssyni, slátur-
hússtjóra hjá Kaupfélagi Þingeyinga
á Húsavík, fengust þær upplýsingar
að fyrri umferð slátrunar væri lokið.
Áætlað er að slátra um 41 þúsund
fjár sem er ívið fleira en t' fyrra.
Þorgeir segir fallþunga vera nálægt
14 kílóum sem er nokkru lakara en
sl. ár.
Slátrun hefur gengið samkvæmt
áætlun í Sláturhúsi Kaupfélags Hér-
aðsbúa á Egilsstöðum. Slátrun hófst
þann 12. september sl. en áætlað er
að ljúka henni 26. október. Um 500
fjár er lógað á dag og var sl.
þriðjudag lokið við að slátra 6 af 17
þúsund fjár. Þá var meðalþungi
dilka um 13 kt'ló sem er lakara en sl.
haust.
Að sögn Guðbjargar Þórisdóttur,
sláturhússtjóra, er endanleg tala
sláturfjár í haust ekki Ijós þar sem
nokkurrar óvissu gæti með riðunið-
urskurð á svæðinu. Guðbjörg segir
þó Ijóst að skorið verði niður á öllum
bæjum í Vallahreppi og þar verði
fjárlaust næstu 2 árin.
Slátrun hefur miðað vel áfram í
sláturhúsi Sláturfélags Suðurlands á
Hvolsvelli það sem af er, að sögn
Skúla Jónssonar, sláturhússtjóra. í
byrjun vikunnar var búið að slátra
10 þúsund fjár en heildarfjöldi er
áætlaður 44 þúsund.
‘ Á þessu hausti starfa um 90 manns
við slátrun hjá SS á Hvolsvelli.
óþh
Ingólfur Viktorsson, Rúrik Krístjánsson og Sigurveig Halldórsdóttir stjómar-
menn í Landssamtökum hjartasjúklinga afhenda Guðmundi Bjamasyni
heilbrígðisráðherra fyrsta barmmerkið í fjáröflunarátaki sambandsins.
Fjáröflun Landssambands hjartasjúklinga:
Fjársöfnun vegna
þjálfunarstöðvar
„Söfnum kröftum“ var kjörorð
Landssamtaka hjartasjúklinga í fjár-
söfnun síðast Iiðið vor.
Söfnunin gekk ágætlega og söfn-
uðust rúmar fimm og hálf milljón
króna sem aflað var með sölu
merkja. Söfnunarfénu verður varið
til uppbyggingar þjálfunar- og
endurhæfingarstöðvar fyrir hjarta-
og brjóstholssjúklinga, sem fyrir-
hugað er að koma upp í tengslum við
sjúkrahúsin í Reykjavík.
Söfnunin hófst formlega með því
að forystumenn hennar færðu Guð-
mundi Bjarnasyni heilbrigðisráð-
herra fyrsta merkið. -sá
Verðbréfasjóöur Ávöxtunar hf.:
ii
400KR0FUM
VERID LÝST
Um fjögur hundruð fjárkröfum
hefur nú þegar verið lýst á hendur
Verðbréfasjóði Ávöxtunar hf. þótt
frestur til kröfulýsingar renni ekki út
fyrr en 16. desember nk. Samtals
nema þessar kröfulýsingar um fjórð-
ungi sjóðsins. Að sögn Sighvatar
Halldórssonar, starfsmanns skila-
nefndar Ávöxtunarsjóðanna, er ekki
enn vitað hver heildarfjöldi kröfulýs-
inga verður þegar fresti lýkur.
Hlutverk skilanefndar, sem Gest-
ur Jónsson veitir formennsku, er
einnig að koma verðmætum sjóða
Ávöxtunar í verð og selja eignir.
Samkvæmt heimildum Tímans hafa
eignir ekki enn verið seldar né fé
sjóðanna losað á annan hátt. KB
Breytingar a
fréttastofu RÚV
Atli Rúnar Halldórsson hefur ver-
ið ráðinn varafréttastjóri á Frétta-
stofu Útvarps til tveggja ára, í fjar-
veru Friðriks Páls Jónssonar. Hann
hefur verið fréttamaður á Útvarpi
frá 1984 en var þar áður fréttaritari
Útvarps í Osló og blaðamaður á
Dagblaðinu og Alþýðublaðinu.
Friðrik Páll Jónsson, lætur af starfi
varafréttastjóra á Útvarpinu og tek-
ur við starfi fréttamanns Útvarps og
Sjónvarps í Kaupmannahöfn. Hann
er fyrsti fréttamaður sem Útvarp og
Sjónvarp ráða sameiginlega til starfa
erlendis.
Ögmundur Jónasson, fréttamaður
Sjónvarps í Kaupmannahöfn, kemur
á ný til starfa á fréttastofu Sjónvarps
og tekur við starfi varafréttastjóra
erlendra frétta.
Leiðrétting
í blaðinu í gær birtist grein eftir
Þorkel Guðbrandsson á Sauðár-
króki. Röng mynd birtist með
greininni, en hér kemur sú rétta.
Við biðjumst velvirðingar á þess-
um mistökum.
Þorkell Guðbrandsson, Sauðár-
króki.
Höskuldur Þráinsson prófessor og Þórunn Blöndal kennari tóku saman ásamt hópi íslcnskufræðinga, efni það sem
kennt verður í íslenskukennslu Fræðsluvarpsins, sem hefst mánudaginn 3. október í Ríkissjónvarpinu.
„Sjónvarpsútsendingar Fræðsluvarpsins hefjast að nýju í Ríkis-
sjónvarpinu þann 3. október n.k.:
Fjarkennsla-vísirað
nýjum alþýðuskóla
„Útsendingar Fræðsluvarpsins
verða á mánudögum og miðvikudög-
um kl. 17.30. Þættirnir verða síðan
endursýndir á laugardögum kl
12.30,“ sagði dr. Sigrún Stefánsdótt-
ir framkvæmdastjóri Fræðsluvarps-
ins á fréttamannafundi þar sem
kynnt var m.a. íslenskukennsla í
ríkissjónvarpinu, sem hefst mánu-
daginn 3. október n.k.
íslenskunámskeiðið sem ber heit-
ið Málið og meðferð þess, verður
fyrst og fremst með bréfaskólasniði,
en sýndir verða fjórir sjónvarpsþætt-
ir og sendir verða út átta útvarps-
þættir í tengslum við það.
Námskeiðinu er ætlað að veita
fræðslu um ýmsa þætti máls og
málnotkunar og er skipt í fjóra
sjálfstæða áfanga sem nemendur
geta annaðhvort tekið alla, eða valið
einn eða fleiri af.
Áfangarnir heita: Mál og samfé-
lag, Ritun, Þýðingar og að síðustu
Frásagnir.
Námskeiðið er sambærilegt við
námsáfanga í íslensku, sem kenndir
eru sem valáfangar innan framhalds-
skólanna og getur fólk fengið námið
metið til eininga innan framhalds-
skólakerfisins ljúki það sérstöku
prófi að námi loknu, en sá sem lýkur
öllum hlutum námskeiðsins öðlast 3
námseiningar.
Þeir sem vilja taka þátt í þessu
athyglisverða framtaki skulu hafa
símasamband við Fjölbrautaskóla
Suðurlands á Selfossi í síma 98-
22405 en skólinn sér um námskeiðið
og Ásmundur Sverrir Pálsson annast
á vegum skólans og Fræðsluvarpsins
öll samskipti við væntanlega nem-
endur og veitir allar upplýsingar um
námið.
Bókaútgáfan Iðunn hefur gefið út
kennslubækur, bréf og kennslugögn
sem tengjast námskeiðinu og getur
fólk snúið sér beint þangað símleiðis
og pantað námsgögnin og fær þau þá
send um hæl í pósti.
Dr. Sigrún Stefánsdóttir sagði að
eftir áramótin hæfist kennsla í stærð-
fræði framhaldsskólanna og verður
byrjað á fyrsta áfanga algebru. Unn-
ið er þessa dagana að sjónvarps- og
útvarpsþáttum sem sendir verða út
vegna námsins og er því verki að
ljúka.
Þá sagði Sigrún að sjónvarpsþætt-
irnir sem sýndir verða í tengslum við
íslenskunámskeiðið yrðu fáanlegir
til kaups hjá Fræðsluvarpinu gegn
greiðslu kostnaðarverðs við fjölföld-
un þáttanna. Einnig gat hún þess að
bóklegt kennsluefni yrði ekki fáan-
legt annars staðar en hjá útgefanda
þess, Iðunni. Hefði það verið ákveð-
ið til þess að halda verði þess í
lágmarki og það hækkaði ekki vegna
dreifingarkostnaðar. -sá