Tíminn - 05.10.1988, Blaðsíða 20

Tíminn - 05.10.1988, Blaðsíða 20
 i JJj * ij f ».r,r RIKISSKiP NÚTÍMA FLUTNINGAR ■Hafnarhúsinu v/Tryggvagötu, ® 28822 Átján mán. binding 75% SAMVINNUBANKINN ________________ 4. Tíniimi Nýirstarfshættir lögreglunnar í Reykjavík, þarsem varðstjóri eðafulltrúi getafellt niður kæru á hendurdrukknum ökumanni: Ólvun við gangsetningu ekki endilega kæruefni Sturla Þórðarson, fulltrúi lög- reglustjórans í Reykjavík, beindi því til lögreglumanna á síðasta varðstjórafundi sínum að þótt ölv- aður maður gangsetji bifreið sína þurfi það ekki endilega að þýða að málið verði sent ríkissaksóknara. Ástæða þess er að saksóknari hefur ekki séð ástæðu til að kæra meintan ölvunarakstur þegar ekkert bendir til þess að ökumaður hafi ætlað að aka bifreið sinni þótt hann hafi gangsett hana. Sturla segir í viðtali við Tímann að reynslan hafi kennt þeim að saksóknari taki mið af nokkurra ára gömlum hæstaréttar- dómi þar sem ölvaður maður var sýknaður eftir að sannað þótti að hann ætlaði ekki að aka bifreið sinni, heldur bara að sofa þar, með vélina í gangi og miðstöðina heita. Fram að þeim dómi var talið að Hæstiréttur gengi út frá því aó gangsetning væri óumdeilanlega hluti af akstri bifreiðar. Guðjón Magnússon, fulltrúi ríkissaksóknara, sagði að mál á hendur ölvuðum ökumanni, scm eingöngu gangsetur bifreið sína og ekkert bendir til að hann ætli að aka, sé í flokki „takmarka tilvika“. Það þýðir að oft borgar sig ekki að útbúa ákæru vegna líkinda á því að viðkomandi verði sýknaður í Ijósi frágenginna hæstaréttardóma. „Sá sem staðinn er að því að gangsetja bifreið sína drukkinn, getur því sloppið," sagði Guðjón. Sagði hann að auðvitað þyrfti Sturla eða menn hans ekki að senda til sín mál ef þeir sæju að þau væru vonlaus til ákæru. Allt slíkt mat byggist þó fyrst og fremst á reynslu þeirra sem með rannsókn og aðra meðferð fara á öllum stigum málsins. Sturla Þórðarson, fulltrúi lög- reglustjóra, sagði að auðvitað ættu menn alls ekki að koma nálægt akstri eða gangsetningu eftir að hafa bragðað áfengi. Dæmi eru um að bílar hafi runnið af stað þótt ekki hafi ökumaður ætlað að aka, en aðeins ætlað að tylla sér undir stýri og setja bílinn í gang. Hins vegar væri ljóst að ef mál litu þannig út að ekkert benti til þess að akstur stæði fyrir dyrum þótt ökutækið hafi verið sett í gang, hcfði lögreglan varla ástæðu til annars en að láta málið niður falla í Ijósi hæstaréttardóma. „Það er engin ástæða til þess að fylla dómskerfið af vonlausum rnálurn," sagði Sturla og benti á að slíkt tefði bara fyrir niðurstöðum annarra mála. Ságði hann að svipuð vinnu- regla hefði þróast í flestum öðrum málaflokkum sem lögreglan vinnur að. Hæstaréttardómur sá sem vísað er til féll í máli Akurnesings, sem tekinn var til yfirheyrslu og blóð- sýnatöku eftir að hann fannst sof- andi í bifreið sinni í Vesturbænum í Reykjavík. Vélin var í gangi og miðstöðin á fullu. Þá þótti sannað að ekkert benti til að hann hafi ætlað að aka bifreið sinni. Hafði hann enda leitað eftir húsaskjóli en ekki fengið. Fram að þessum dómi var það „skilyrðislaus tilraun til aksturs" að gangsetja bifreið. Ölvaðir menn geta samt sem áður áfram átt von á því að verða teknir til yfirheyrslu ef þeir verða staðnir að því að gangsetja bifreið sína og jafnvel blóðsýnatöku, en geta sloppið ef ekkert bendir til að þeir hafi ætlað að aka af stað. Nú hefur þó verið opnað fyrir þann möguleika að ölvaður bifreið- areigandi setji bílinn sinn í gang fyrir þann sem ætlar að aka honum. Eins getur þetta verið léttir fyrir ferðamenn sem geta nú sest inn í bílinn sinn og vermt sér um stund þrátt fyrir að þeir hafi bragðað áfenga drykki. Rétt þykir Tíman- um í þessu sambandi að ítreka þau varnaðarorð Sturlu að auðvitað ætti enginn að koma nálægt akstri eða gangsetningu eftir að hafa bragðað áfengi, því áfengi og akst- ur fara ekki saman eins og dæmin sanna. KB Heimsbikarmót Stöðvar 2 í skák: Margeir lagði Lajos Portisch Margeir Pétursson vann Lajos Portisch í annarri umferð Heimsbikarmóts Stöðvar 2 í skák. Tímamynd Gunnar Önnur umferð Heimsbikarmóts Stöðvar 2 í skák var tefld í gær og settust skákmennirnir að borðunum í Borgarleikhúsinu klukkan 17.00 stundvíslega. Það bar helst til tíð- inda að Margeir Pétursson sem er með fæst ELO-stig að baki, af skák- mönnunum sem etja kappi í Borgar- leikhúsinu, lagði L. Portisch að velli eftir 34 leiki í æsispennandi skák, og sagði Margeir að 24. leikur Portisch hefði haft afgerandi áhrif á stöðuna. Margeir hafði hvítt. Hörð barátta var á öllum borðum og urðu önnur úrslit þau að Jóhann Hjartarson og Ribli og Tal og Yus- upov sömdu um jafntefli, eftir frekar stuttar viðureignir. Þá tryggði heimsmeistarinn Kasp- arov sér sætan sigur yfir Anderson, en þar með er Kasparov búinn að vinna sína fyrstu skák á þessu móti, en talið er líklegt að hann standi með pálmann í höndunum að leiks- lokum eftir 17 umferðir. Skák þeirra Kortsnojs og Nikolics endaði með því að Kortsnoj féll á tíma og stóð því Nikolic uppi sem sigurvegari. Sokolov og Spielman sömdu um jafntefli og sömuleiðis varð jafntefli í skák þeirra Spasskys og Sax. Þriðja umferð verður tefld á morgun. Borgarráð hefur samþykkt að leggja til við borgarstjórn að hún styrki Stöð 2 með 2,5 milljónum vegna Heimsbikarmótsins í skák. -ABÓ

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.