Tíminn - 08.10.1988, Blaðsíða 5

Laugardagur 8. október 1988
Tíminn 5
Breyttar áherslur í mennta- og menningarmálum:
Jón Sigurðsson, iðnaðarráðherra,
um rtkisfyrirgreiðslu til Stálvíkur hf:
ARGERÐ 1989
Verð með aflstýri og ótal aukahlutum
kr. 753.700,-
3JA ÁRA ÁBYRGÐ
Komdu og spjallaðu við okkur, því kjörin eru hreint ótrúleg
Bílasýning laugardag og sunnudag kl. 2-5
Ingvar
Helgason hf.
Sýningarsalurinn,
Rauöageröi
Sími: 91 -3 35 60
Jón Sigurðsson, bankaráð-
herra, um samræðum RLR og
bankaeftirlits um tékkamisferli:
Hef áhuga á
viðræðunum
„Ég hef áhuga á því að bankaeftir-
lit og rannsóknarlögregla skiptist á
skoðunum og miðli reynslu um það
hvað er heppilegast til að koma í veg
fyrir misferli," sagði Jón Sigurðsson,
viðskiptaráðherra, þegar hann var
spurður um hvað gæti orðið fram-
haldið á óformlegum viðræðum
starfsmanna þessara stofnana upp á
síðkastið. Ástæður þessa eru stöðug
og aukin misferli með ávísanir. Var
frá þessu greint í Tímanum í gær og
þar kom einnig fram að næstum allur
mannskapur tveggja deilda RLR er
nú upp fyrir haus í tékkamisferlum
og á það bæði við um tékkasvik og
tékkafalsanir. KB
Nýaðalnámsskrá
grunnskóla í vor
Ákveðið hefur verið að ný aðal-
námsskrá fyrir grunnskóla verði gef-
in út í mars eða apríl á komandi vori,
þannig að unnt verði að byggja allt
skólastarf í grunnskólanum á skóla-
árinu 1989 til 1990 á hinni nýju
aðalnámsskrá. Þetta kom fram á
fundi sem menntamálaráðherra,
Svavar Gestsson, hélt sl. fimmtudag.
Þá hefur einnig verið ákveðið að
stuðla að eflingu Ríkisútvarpsins og
stofnun Listaháskóla íslands.
Fyrr á þessu ári ákvað þáverandi
menntamálaráðherra að gefa út drög
að aðalnámsskrá grunnskólans til
kynningar. Bandalag kennarafélaga
átaldi hve skammur frestur var gef-
inn til að skila inn athugasemdum
við jafn viðamikið verk og aðalnáms-
skráin er, auk þess sem bandalagið
átaldi kynningu ráðuneytisins á
drögunum. Stjórn BK lagði því til að
sett yrði á laggirnar nefnd til að
endursemja aðalkafla námsskrárinn-
ar þar sem í ættu sæti fulltrúar
kennarasamtakanna og mennta-
málaráðuneytisins.
Núverandi menntamálaráðherra
ákvað því að verða við þessari bón
samtakanna, og hefur verið ákveðið
að skipa nefnd með fulltrúum kenn-
arasamtakanna undir verkstjórn
fulltrúa menntamálaráðuneytisins.
Nefndin verður skipuð að loknum
haustfundum fræðsluumdæmanna
og þegar úrvinnsla námsstjóra er
lokið á athugasemdum sem koma
frá umdæmunum.
Svavar hefur boðað alla stjórnar-
menn kennarasamtakanna þriggja
til fundar innan skamms, þar sem
farið verður yfir hluti sem snerta
námsskrána, svo og önnur sam-
skiptamál menntamálaráðuneytisins
og kennara og kennarasamtakanna.
Menntamálaráðherra hefur tekið
ákvörðun um skipan vinnuhóps til
þess að fjalla sérstaklega um eflingu
Ríkisútvarpsins, en fyrirsjáanlegur
halli Ríkisútvarpsins á þessu ári er á
bilinu 50 til 100 milljónir króna.
Lögð verður áhersla á að hópurinn
skili áliti hið fyrsta, þannig að unnt
verði að taka mið af störfum hans
við afgreiðslu fjárlaga fyrir árið
1989. Með þessu vill ráðherra að
þeir sem þar starfa viti í upphafi að
hverju þeir ganga á því ári. Þá vill
ráðherra að stofnuninni verði komið
á viðunandi rekstrargrundvöll og til
þess þurfi að tryggja tekjustofna
hennar.
í ráðuneytinu hafa um langt skeið
verið tilbúin frumvörp um háskóla í
myndlist, tónlist og leiklist og eitt
þeirra um Tónlistarháskóla íslands,
var lagt fram á Alþingi sl. vor.
Ráðherra sagði að nú hefði verið
ákveðið að þessi frumvörp verði
unnin saman með hliðsjón af því að
stofnaður verði Listaháskóli íslands,
þar sem þessar greinar verða megin-
stoðir í upphafi. Vinnuhópur sem
fjallar um þetta mál eru þrír fyrrver-
andi menntamálaráðherrar, skipaðir
af fyrrverandi menntamálaráðherra.
Þeir eru Ingvar Gíslason, Gylfi Þ.
Gíslason og Ragnar Arnalds og er
hann jafnframt formaður. -ABÓ
Orkar tvímælis
Jón Sigurðsson, iðnaðarráð-
herra, segir að erindi skipasmíða-
stöðvarinnar Stálvíkur hf. um
ríkisfyrirgreiðslu til smíði Mar-
okkótogaranna 10 sé enn í athugun
í kerfínu, m.a. sé beðið eftir um-
sögn viðskiptabanka. „Þcir Stál-
víkurmenn eru að biðja um heil-
miklar niðurgreiðslur á nýju sviði
sem ég tel að orki mjög tvímælis,“
segir iðnaðarráðherra. Hann telur
að niðurstöður í þessu
máli muni liggja fyrir einhvern
næstu daga.
Steingrímur Hermannsson, for-
sætisráðherra, segir að beðið sé
eftir umsögnum ýmissa aðila um
Stálvíkurmálið en „af fyrstu við-
brögðum virðist því miður sem
fólgin sé nteiri fjárhagsleg áhætta í
því og kostnaður fyrir hið opinbera
en áður hafði verið talið'*. óþh
FJORHJOLADRIFINN
IVIS5AIM SUNNY WAGON