Tíminn - 08.10.1988, Blaðsíða 19

Laugardagur 8. október 1988
Tíminn 19
II! MINNING
Björg Árnadóttir
Fædd 3. apríl 1906
Dáin 29. septcmber 1988
Enn er sumarið liðið. Það haustar
að, svo er og um mannsævina.
Morgunn lífsins er sem vorbjartur
dagur. Það var á slíku vori sem
Björg Árnadóttir, Hrjóti Hjalta-
staðaþinghá, leit fyrst dagsins ljós.
Hún var 11. af 15 börnum foreldra
sinna, en lifði þau öll. Móðir hennar
var Guðný María Jóhannesdóttir f.
á Bústöðum við Reykjavík, en ættuð
frá Reykjum í Lundarreykjadal.
Faðir hennar var Árni ísaksson frá
Stóra-Steinsvaði í Hjaltastaðaþing-
há en ættaður frá Stuðlum við Reyð-
arfjörð,
Þegar Björg var á öðru ári fluttust
foreldrar hennar búferlum og settust
að í Hólalandshjáleigu í Borgarfirði
eystra. Hún var vart komin af barns-
aldri þegar henni var komið fyrir til
snúninga, eins og þá var títt. Björg
fermdist á Bakkafirði í Borgarfirði
eystra hjá Þorsteini M. Jónssyni
skólastjóra. Eftir það var hún ráðin
til hjónanna Halldórs Ásgrímssonar
og Önnu Guðnýjar og var þar fram
að 18 ára aldri eða þar til hún fór til
Reykjavíkur.
Björg var vel gefin og ljóðelsk
mjög og orti en skólalærdómur lá
ekki á lausu fyrir ungar stúlkur sem
áttu engan fjárhagslegan bakhjarl.
Eina leiðin til þess að komast eitt-
hvað áfram var að ráða sig í vist.
Hún komst samt f nám við karl-
mannafatasaum sem þótti þá mjög
góð iðngrein, bæði fyrir útivinnandi
og heimavinnandi konur. Björgu
féll iðnin mjög vel því hún var lagin
og einstaklega velvirk. Á meðan
hún vann að þessu í Reykjavík
kynntist hún prófessor Guðmundi
Finnbogasyni og hafði hún miklar
mætur á honum. Sumar eitt réðist
hún sem kaupakona að Grafarholti
í Mosfellssveit til Björns Birnis og
konu hans Kristrúnar Eyjólfsdóttur.
Hún taldi að það hafi verið mikið
gæfuspor og gott veganesti út í lífið.
Þetta var mikið menningarheimili
og allt að 20 manns um heyannirnar.
Þarna ríkti glaðværð og vinnugleði.
í óþurrkum unnu stúlkumar innan-
húss. Björg var svo lánsöm að kom-
ast í eldhúsið og var þar í matargerð
og bakstri en sú þekking og reynsla
nýttist henni alla tíð í hennar
búskap.
Þarna kynntist hún ungum manni,
er síðar varð lífsförunautur hennar,
Guðjóni Ólafssyni f. 1. ágúst 1903 -
d. 24. desember 1985, sonur Ólafs
Þorleifssonar f. 22. mars 1877-d. 3.
ágúst 1947, steinsmiður og st'ðar
verkstjóri í pípugerðinni í Reykja-
vík. Móðir hans var Hreiðarsína
Hreiðarsdóttir f. 23. október 1879-
d. 13. janúar 1973, frá Stóru-Hildis-
ey í Austur-Landeyjum.
Bújarðir lágu ekki á lausu þá og
hvert reytingskot setið. Loks fréttu
þau þó um eina sem var föl austur í
Hreppum, Stóra-Hof í Gnúpverja-
hreppi. Þau voru ekki að velta
vöngum eða hugsa sig um tvisvar ,
heldur tryggðu sér ábúð strax. Dag-
inn eftir, sem var 12. maí 1928, voru
þau gefin saman í hjónaband og
fluttu svo strax austur að Stóra-Hofi
án þess að hafa skoðað jörð eða hús.
Þar voru fyrir gömul hjón ættuð af
Eyrarbakka, Vilborg og Sigfús, sem
þau áttu eftir að deila með baðstofu-
kytrunni sem var aðeins 2 stafgólf og
harla fornfáleg, gólfið fúið af raka
og slitið af fótum kynslóðanna, svo
neglt hafi verið yfir með óhefluðu
spýtnabraki. Löng göng voru frá
hlóðareldhúsi í frambæ og til bað-
stofu. Á vetrum lagði hélu í súðina
yfir rúmunum svo breiða varð hlífð-
ardúk til varnar.
Bústofn ungu hjónanna varheldur
smár til að byrja með. En þau skorti
ekki viljaþrek eða áræði og lögðu
hart að sér. Hún sinnti búfénu en
hann fór á vetrarvertíðar. Eitt vorið
kom hann með hvíta emileraða kola-
vél, reyndar varð nú að brenna mó
eða þvf sem til féll hverju sinni.
Mikil var gleðin í litla bænum er
fyrsti eldurinn var tendraður fyrir
framan baðstofudyrnar og ylinn
lagði um vistarveruna. Nú gat Björg
fyrst að ráði notið matargerðarhæfi-
leika sinna og kökurnar hennar
Bjargar voru sko mjög góðar og
brögðuðust betur en allar aðrar sam-
bærilegar kökur, segir forsetinn
okkar, Vigdís Finnbogadóttir. Ég
geri ráð fyrir að ekki hafi verið
margar eldavélar í nágrenninu því
konur frá nærliggjandi bæjum komu
og skoðuðu og dásömuðu eldavélina
og fengu svo að koma með köku í
ofninn.
Árið 1938 dvaldi ég sumarlangt á
heimili þeirra hjóna á Stóra-Hofi.
Ég var borgarbarn og aðeins ung-
lingur, mér fannst heimili þeirra
vera eins og besti skóli. Þar var
vinnuhagræðing ofarlega á lista eins
og þetta orðatiltæki sem þau notuðu
mikið bendir til: „Það sem gert er í
fyrra verkinu kemur fram í því
seinna“. Vinnutími var hóflegur og
matur góður. Það sem mest er þó um
vert er að vinátta okkar hefur haldist
óslitið öll þessi ár.
Á tíu fyrstu búskaparárunum
tókst þeim að vinna sig upp í meðal
bú hvað skepnur og afurðir snertir.
Það höfðu heldur ekki verið notaðir
neinir silkihanskar. Björg hafði sjálf
staðið í öllum útiverkum, hún mok-
aði moldinni upp úr hlöðugrunnin-
um, hlóð grjóti og torfi í veggina,
girti og gróðursetti. Á bæjarhlaðinu
var fagur trjágarður þar sem nær-
færnar hendur höfðu hlúð að ungum
sprotum.
Þau höfðu sett markið hátt og séð
mikinn árangur af lífsstarfi sínu. Þau
höfðu eignast jörðina Stóra-Hof sem
var vel hýst, vel setin og jörð með
góðu búi. Fimmtíu ára starf var að
baki. Farin að heilsu dvaldi Björg
oft á spítölum. Síðustu æviárin
bjuggu þau hjónin að Seljalandi 7 í
landi Bústaða. Þeim fannst báðum
vera friður og helgi yfir þessari
byggð þar sem móðir Bjargar hafði
í æsku átt sínar bernskustundir.
Sfðustu 2 árin hefur hún verið á
sjúkradeild á Selfossi en þar áður
eitt samfellt ár á Landakoti.
Börn þeirra eru: Sigurbjörg Ólöf
f. 28. maí 1930, húsmóðir, Hreiðar
Ólafur f. 8. maí 1933, húsasmiður,
Guðmar f. 6. júní 1937, bóndi Stóra-
Hofi, Árni Björn f. 6. apríl 1939,
húsgagnasmiður, Sólrún f. 5. mars
1945, skrifstofumaður, fósturbarn
Hreiðar Berg f. 31. október 1946,
bifreiðastjóri. Barnabörnin eru 17
og barnabarnabörnin 9.
Blessuð sé minning hennar.
Börnum hennar og fjöískyldum
þeirra vottum við hjónin innilega
samúð.
Hulda Pétursdóttir.
Frá Borgarskipulagi Reykjavíkur
Tillaga að deiliskipulagi reits 4.645 sem markast
af Norðurhólum, Vesturhólum, Orrahólum og
Krummahólum, er hér með auglýst samkv. gr. 4.4
skipulagsreglugerðar nr. 318/1985.
Uppdráttur, skýringarmyndir og greinargerð verður
til sýnis frá 10. október til 10. nóvember 1988 í
verslunarmiðstöðinni Hólagarði, Lóuhólum 2-6
(við hliðina á Útvegsbankanum) og hjá Borgar-
skipulagi Reykjavíkur, Borgartúni 3, frá kl. 8.30-
16.00 alla virka daga.
Athugasemdum eða ábendingum skal skila skrif-
lega til Borgarskipulags eigi síðar en kl. 16.00,10.
nóv. 1988.
Þeir sem eigi gera athugasemdir innan tiltekins
frests, teljast samþykkir tillögunni.
BORGARSKIPULAG REYKJAVÍKUR
Borgartúni 3
105 Reykjavík.
W Bílakaup ríkisins
1989
Innkaupastofnun ríkisins áætlar að kaupa um 140
bíla fyrir ríkisstofnanir árið 1988. Lýsing á stærðum
og útbúnaði bílanna er að fá á skrifstofu vorri og
þurfa þeir bifreiðainnflytjendur, sem vilja bjóða bíla
sína að senda verðtilboð og aðrar upplýsingar til
skrifstofunnar fyrir 11. nóvember n.k.
INNKAUPASTOFNUN RÍKISINS
BORGARTÚNI 7 SÍMI 26844
Keflavík - Suðurnes
Fundur verður í Framsóknarhúsinu Keflavík laugard. 8. október.
Hefst kl. 14.00.
Jóhann Elnvarðsson ræðir stjórnmálaviðhorfið.
Almennnar umræður.
Svæðisráð framsóknarmanna
Akranes - Bæjarmál
Fundur um bæjarmálin verður haldinn í Framsóknarhúsinu laugar-
daginn 8. okt. n.k. kl. 16.00.
Bæjarfulltrúarnir
ATH: Breyttan fundartíma
Almennir stjórnmálafundir
á Húsavík og Akureyri
Guðmundur Bjarnason heilbrigðisráðherra, Valgerður Sverrisdóttir
alþingismaður og Jóhannes Geir varaþingmaður boða til almennra
stjórnmálafunda sem hér segir:
Félagsheimilinu Húsavík sunnudaginn 9. okt. kl. 15.00.
Framsóknarflokkurinn
Hornfirðingar - Félagsfundur
Framsóknarfélag A-Skaftfellssýslu heldur almennan fé-
lagsfund í mötuneyti Skinneyjar hf. sunnudaginn 9.
október kl. 17.
Fundarefni:
1. Þjóðmálastaðan. Frummælandi Halldór Ásgrímsson, sjávarút-
vegsráðherra.
2. Sveitarstjórnarmál. Frummælandi Guðbjartur Össurarson.
3. Kosning fulltrúa á kjördæmisþing KSFA.
4. önnur mál.
Stjórnin.
Félag framsóknarkvenna í Reykjavík
Fundur í Nóatúni 21, mánudaginn 10.10. kl. 20.30.
Dagskrá:
Nordisk Forum í máli og myndum í umsjá Sigrúnar Magnúsdóttur
borgarfulltrúa og Ingibjargar Magnúsdóttur frá Kvenfélagasambandi
íslands.
Mætið vel.
Stjórnin
Aðalfundur
Framsóknarfélags Kópavogs verður haldinn að Hamraborg 5,
mánudaginn 10. október kl. 8.30.
Fundarefni: Venjuleg aðalfundarstörf, auk kosning fulltrúa á
flokksþing.
Stjórnin.
KVENFÉLAGIÐ FREYJA í KÓPAVOGI
Aðalfundur
Framsóknarkvennafélagsins Freyju í Kópavogi verður haldinn í
Hamraborg 5, miðvikudaginn 12. október, kl. 8.30.
Fundarefni: Venjuleg aðalfundarstörf.
Valgerður Sverrisdóttir, þingmaður, kemur í heimsókn
og spjallar við fundarkonur.
Stjórnin
Austurland
Kjördæmisþing framsóknarmanna á Austurlandi verður haldið í Hótel
Valaskjálf Egilsstöðum dagana 14. og 15. október n.k. og hefst kl.
20.00. Nánar auglýst síðar.
KSFA
Norðurlandskjördæmi vestra
Kjördæmisþing verður haldið dagana 29. til 30. okt. n.k. í félagsheimil-
inu á Blönduósi. Þingið hefst kl. 14.
Dagskrá auglýst síðar.
KFNV