Tíminn - 11.10.1988, Blaðsíða 2
2 Tíminn
Þriðjudagur 11. október 1988
Hverageröi:
Fannst
látinn
Tæplega fimmtugur Reykvíkingur
fannst látinn á gangstétt við íbúðar-
hús í Hveragerði um tíuleytið á
föstudagsmorgun.
Talið er að hann hafi fallið á
gangstéttina og vankast, og orðið
síðan úti um nóttina, en mjög kalt
var í veðri aðfaranótt föstudags.
Hann mun hafa komið til Hvera-
gerðis á fimmtudagskvöld með rút-
unni og ætlað að hitta kunningja
sinn sem býr í Hveragerði. Pegar
hann kom að húsi kunningja síns var
hins vegar enginn heima og enginn
átti leið að húsinu þá um kvöldið eða
nóttina.
Um tíuleytið á föstudagsmorgun
varð maður, sem var að vinna í
nágrenninu, var við hvar hann lá í
garðinum og var hann látinn, þegar
lögreglan kom að. Ekkert hefur
komið fram sem bendir til að maður-
inn hafi dáið óeðlilegum dauða.
Hinn látni var giftur og tveggja
barna faðir. Ekki er unnt að birta
nafn hans að svo stöddu. - ABÓ
Skólastofum í 2. áfanga Foldaskóla hefur verið lokað og börnum er kennt ó göngum á meðan.
Skólastofum lokað og lagfæringar hafnar á öðrum áfanga Foldaskóla:
Kenna til bráðabirgða
á göngum í 1. áfanga
Lagfæringar standa nú yfir á tveimur almennum kennslu-
stofum og einni smíðastofu, auk ganga í öðrum áfanga
Foldaskóla í Grafarvogi. Heilbrigðiseftirlit Reykjavíkur ósk-
aði eftir því við Gunnar Inga Gunnarsson skólalækni
Foldaskóla að húsnæðið yrði metið. Gunnar skoðaði skólann
sl. fimmtudag, en daginn áður höfðu lagfæringar þegar hafíst.
Gunnar sendi skýrsiu sína til heilbrigðisráðs á föstudag. Ryk-
og hávaðamengun, mikil þrengsli og sóðaskapur innanhúss,
eru meðal niðurstaðna Gunnars Inga.
Þrírmennfluttiráslysa-
deild meö reykeitrun:
Eldur í
Snorra
Allt tiltækt slökkvilið var kall-
að að togaranum Snorra Sturlu-
syni, þar sem hann lá við Granda-
garð klukkan 9.02 í gærmorgun,
en tilkynnt var unt mikinn eld í
vélarrúmi.
Þrír menn voru fluttir á slysa-
deild Borgarspítalans með reyk-
eitrun og auk þess sem einn
þeirra var nokkuð brunninn á
höndum, en hann hafði verið að
vinna við rafmagnstöfluna, þegar
skammhlaupið varð. Slökkviliðið
var í miðju útkalli í Kópavogin-
um þegar tilkynningin kom um
eldinn í Snorra, en lítilsháttar
bilun hafði orðið í brunakerfi
Kópavogshælis.
Þegar slökkviliðið kom á vett-
vang var mikill reykur í vélar-
rúmi. Þrír reykkafarar voru send-
ir niður með vatn og handslökkvi-
tæki. Pegar niður kom var engan
eld að sjá, en mikinn reyk lagði
frá rafmagnstöflunni. Tveim
reykblásurum var komið fyrir í
vélarrúminu og það reyktæmt.
Talið er að orsakanna megi
rekja til skammhlaups í raf-
magnstöflunni. - ABÓ
„Ég tók saman nokkur atriði sem
ntér fannst aðalatriði eftir að hafa
skoðað skólann ásamt yfirkennara,"
sagði Gunnar. „Ég kom ekki með
neinar beinar afmarkaðar tillögur til
úrlausnar, en benti hins vegar á að
ýmislegt mætti gera. Ef við tökum
fyrst þessar stofur sem voru teknar í
notkun til bráðabirgða í öðrum
áfanga, þá hafði þegar verið stöðvuð
kennsla þar og búið að setja dúk á
gólfið. Vinna var sem sagt í gangi í
báðum þeim stofum, sem hlýtur að
hafa verið afleiðing af þeirri umfjöll-
un og ábendingum sem þegar höfðu
komið fram. Hins vegar er vinna
framundan í húsinu, fyrir utan þess-
ar stofur og það er engin ástæða til
að ætla annað en það verði veruleg
ryk- og hávaðamengun í húsinu
meðan vinna á sér stað. Það er
augljóst að verið er að taka í notkun
skólarými, áður en það er tilbúið,
þannig að þarna verður truflun. Ég
benti á það að sjálfsögðu." sagði
Gunnar Ingi.
„Að auki benti ég á að mikil
þrengsli væru f eldra húsinu og
samkvæmt upplýsingum yfirkennara
þá eru upp undir 250 nemendur
hafðir á efri hæð hússins, sem er
hönnuð fyrir hundrað nemendur.
Gangur og tröppur niður á fyrstu
hæð eru í samræmi við hönnun, þ.e.
fyrir um 100 manns. Þetta gæti
skapað hættu og bendi á brunavarnir
í því sambandi.
í þriðja lagi, þar sem ekki er búið
að ganga frá í kring um skólann er
mikið um sóðaskap innanhúss með-
an svo er,“ sagði Gunnar.
Oddur Hjartarson framkvæmda-
stjóri Heilbrigðiseftirlits Reykjavík-
ur sagði í samtali við Tímann að bréf
Gunnars hefði ekki náð inn á fund
heilbrigðisráðs á föstudag, vegna
bilunar í tölvu, en það hefði verið í
þeim anda sem búist var við.
„Það er búið að skrifa forstöðu-
manni Skólaskrifstofu Reykjavíkur
og ákveðnar kröfur gerðar um lag-
færingar, þannig að hluti skólans,
neðri hæð annars áfanga, er lokaður
og fer kennsla þar ekki í gang fyrr
en búið er að ganga frá ákveðnum
hlutum í þeim þremur skólastofum
sem um er að ræða og ganginum þar
fyrir framan. Lagfæra verður gólf og
loft, auk þess sem tengja þarf hand-
laugar," sagði Oddur. Oddur sagðist
eiga von á því að lagfæringum yrði
lokið innan hálfs mánaðar og málið
þá úr sögunni. Eins og er, fer
kennsla þessara barna fram í öðrum
stofum, eftir ástæðum og á göngum
á efri hæð fyrsta áfanga. - ABÓ
Síldveiðar hófust á sunnudag:
Fyrsta síldin
Sfldveiðar hófust á sunnudag og
var fjöldi báta mættur á miðin frá
Seyðisfirði til Reyðarfjarðar. Báta-
mir fengu ágætis afla og er sfldin
væn, en nokkuð dreifð og stygg. í
fyrrinótt veiddust um 500 tonn, sem
telst ágætt í upphafi vertíðar.
Samkvæmt upplýsingum hjá
Norðursíld á Seyðisfirði lönduðu
tveir bátar á tveimur plönum, hjá
Norðursíld og Strandasíld, samtals
um 120 tonnum. Annar bátanna,
Heiðrún fékk 100 tonn í einu kasti,
en hinn 20 tonn. Síldin er væn, og
sagði Heiðar Valtýsson hjá Norður-
síld að nú væri unnið á fullu við að
salta. Hann sagði að bátarnir hefðu
fengið aflann inni á firðinum. „Mjög
erfitt er að ná síldinni, þar sem að
hún er stygg, enda mikið af háhyrn-
ingum í firðinum sem styggja hana.
Svo er hún líka alltaf stygg í upphafi
vertíðar," sagði Heiðar.
Eins og greint hefur verið frá
hefur verið gerður sölusamningur
við Finna og Svía, sem er 68.000
tunnur, þ.e. um 15% magnaukning
frá því í fyrra. Búast má við að búið
verði að salta upp í þennan samning
að tveim til þrem vikum liðnum.
Sama verð fæst nú fyrir saltsíld og í
fyrra, í mynt hvors lands fyrir sig.
Til samanburðar má geta þess að
68.000 tunnur, eða um 10.000 tonn
til þessara landa samsvara 96.000
tunnum til Rússlands, þar sem búið
er að skera haus og innyfli af síldinni
sem fer til Finnlands og Svíþjóðar.
í næstu viku kemur hingað til
lands samninganefnd Rússa, en upp
úr viðræðum slitnaði fyrir skömmu
þar sem Sovétmenn höfðu ekki
heimild til kaupa nema á um helming
þess sem viðskiptasamningur þjóð-
anna hljóðar upp á. - ABÓ
Síldarstúlkur eru nú að komast í
gang eystra.