Tíminn - 12.10.1988, Blaðsíða 3
Miðvikudagur 12. október 1988
Tíminn 3
Dr. Jakob Jakobsson kosinn forseti Alþjóða hafrannsóknaráðsins í gær:
Fagleg upphefð
og mikil áhrif
Dr. Jakob Jakobsson, forstjóri Hafrannsóknastofnunar,
var í gær valinn til að gegna embætti forseta Alþjóða
hafrannsóknaráðsins til næstu þriggja ára. Tekur hann við
þessari virtu stöðu af Norðmanninum Ole Johan Östvedt,
sem hann hefur reyndar verið næstur að tign síðasta
kjörtímabil í stöðu varaforseta.
Ekki náðist í dr. Jakob í Bergen
þar sem valið fór fram á árlegum
fundi ráðsins, en heima fyrir varð
rannsóknarstjóri hafrannsókna,
Hj álmar Vilhj álmsson, fyrir svörum.
Sagði hann að þeir á Hafrannsókna-
stofnun væru mjög ánægðir með
þessa faglegu upphefð sem forstjór-
inn hefur orðið aðnjótandi og þau
áhrif sem færst hafa á hendi hans.
„Þetta er gríðarmikil viðurkenning á
því rannsóknastarfi sem Jakob hefur
unnið að og því starfi sem hann
veitir forstöðu,“ sagði Hjálmar. „En
þetta er fyrst og fremst fagleg upp-
hefð fyrir hann sjálfan."
Dr. Jakob var kosinn af yfirstjórn
Alþjóða hafrannsóknaráðsins, en í
henni eiga allar hinar fjölmörgu
aðildaþjóðir ráðsins fulltrúa. Forseti
er kosinn til þriggja ára í senn en
ráðið kemur þó saman árlega. Nú
fer ráðstefnan fram í Bergen í Nor-
egi og geta allir aðilar lagt þar fram
skýrslur um rannsóknir sem unnar
hafa verið í heimalandinu. Lætur
ráðið sér allt varða sem lýtur að
sjávarrannsóknum og er þá hvort
tveggja átt við rannsóknir á hafinu
og því lífi sem f því þrífst.
Er fyrst og fremst litið á forseta-
sætið sem upphefð og virðingarsæti
meðal fagmanna flestra þjóða heims
sem á annað borð eiga einhverja
fræðimenn á sviði sjávarrannsókna.
Forsetinn hefur mikil áhrif á hvernig
ráðið stendur að málum og mótar
hann stefnu þess á milli ársþinga.
Daglegur rekstur Alþjóða hafrann-
sóknaráðsins er hins vegar í höndum
framkvæmdastjórnar, sem ráðið vel-
ur hverju sinni. KB
Verð komið
á síldina
Á fundi yfirnefndar Verðlagsráðs
sjávarútvegsins í gær varð samkomu-
lag um eftirfarandi lágmarksverð á
síld til frystingar og söltunar á síldar-
vertíð haustið 1988.
1. Síld,33cmogstærri hvertkgkr.8.90
2. Síld,30cmað33cm - - - 7.50
3. Síld,25cmað30cm - - - 4.20
Gert er ráð fyrir því að kaupendur og
seljendur komi sér saman um álag á
ofangreint verð á síld, sem háfuð er úr
nót og kæld í körum og hæf er til
frystingar fyrir Japansmarkað.
1 yfirnefndinni áttu sæti: Benedikt
Valsson, sem var oddamaður nefndar-
innar, Bjarni Lúðvíksson og Hermann
Hansson af hálfu kaupenda og Kristján
Ragnarsson og Óskar Vigfússon af hálfu
seljenda.
Stjórn Atvinnutryggingarsjóðs:
Fyrsti fundur
stjórnar í dag
Nýskipuð stjórn Atvinnutrygg-
ingarsjóðs kemur saman til fyrsta
fundar í húsakynnum Byggðastofn-
unar í dag. Stjórnin mun m.a. yfir-
fara drög að reglugerð fyrir sjóðinn
sem unnið hefur verið að undanfama
daga, en stefnt er að útgáfu hennar
í lok vikunnar.
Gengið var frá skipun fimm
manna stjórnar Atvinnutryggingar-
sjóðs í gær. Gunnar Hilmarsson,
sveitarstjóri á Raufarhöfn er for-
maður sjóðsstjómar. Aðrir stjórnar-
menn em: Jóhann Antonsson, við-
skiptafræðingur á Dalvík, tilnefndur
af Ólafi Ragnari Grímssyni, fjár-
málaráðherra, Kristján Skarphéð-
insson, deildarstjóri í sjávarútvegs-
ráðuneytinu, tilnefndur af Halldóri
Ásgrímssyni, sjávarútvegsráðherra,
Pétur Sigurðsson, formaður Alþýðu-
sambands Vestfjarða, tilnefndur af
Jóni Sigurðssyni, viðskiptaráðherra
og Bjöm Björnsson, bankastjóri Al-
þýðubankanum, tilnefndur af sama
Jóni Sigurðssyni, en í þetta skipti
sem iðnaðarráðherra. óþh
Kasparov ekki
tapað í tvö ár
Heimsmeistarinn í skák, Garry Sokolov-Kasparov........... 1-0
Kasparov, tapaði skák f fyrsta Jóhann-Tal ...................1/2-1/2
skipti í tvö ár, ef frá em talin töpin Nikolic-Sax ......1/2-1/2
gegn Karpov, í tafli sfnu við Andrei Jusupov-Timman .............bið
Sokolov. Um helming skákanna á Anderson-Beljavskí .... 1/2-1/2
heimsmeistaramótinu í Borgar- Speelmann-Spassky .... 1/2-1/2
leikhúsinu lauk hins vegar með Ribli-Nunn ...................1/2-1/2
jafntefli. Portisch-Kortsnoj
Úrslit sjöundu umferðar urðu Ehlvest-Margeir
þessi:
Þorsteini Þorsteinssyni, hjá Micro Weigh í Massachusetts,
er ekki kunnugt um aö hann hafi stolið íslensku hugviti:
VIRDUM ÞAD SEM
MÁOGMÁEKKI
Þorsteinn Þorsteinsson, hjá
Micro Weigh í Fitchburg í Massa-
chusetts, segir að árekstrar hafi
ekki orðið við Marel og Pólstækni
vegna framleiðslu á skipavogum,
enda sé honum ekki kunnugt um
að hann hafi verið að stela fram-
leiðsluhugmyndum.
Starfsmenn Micro Weigh hafi
alltaf verið hreinir og beinir, en
blandi hins vegar ekki neinum
tilfinningum inn í viðskiptin. „Ég
veit ekki hvort þetta er mikið mál
hjá okkur. Við höfum alltaf verið
nokkuð hreinir og beinir og reyn-
um að virða bæði það sem má og
má ekki gera. Tilfinningamál hjá
öðrum er svo allt annað mál,“
sagði Þorteinn.
„Eftir að okkar samstarfi lauk
við Pólstækni, þá var hver og einn
frjáls til að fara þangað sem hann
helst vildi. Ég held að allir hafi gert
sér grein fyrir því,“ sagði Þor-
steinn.
Sagði hann að allt tal um skyldur
hans til að framleiða ekki skipavog-
ir eða aðrar vogir innan tveggja
ára, frá því framleiðslusamningur
hans við Pólstækni féll niður, væri
úr lausu lofti gripið. „Það var mjög
gaumgæfilega rannsakað hvaða
skyldur við höfðum og hvaða
skyldur ekki. Við gerðum okkur
alveg grein fyrir þvf. Að svo stöddu
vil ég segja það að þetta er meira
þeirra skoðun og túlkun á samn-
ingnum.“
Tölvuvogir Micro Weigh eru nú
boðnar í verksmiðjuútsölu í tak-
markaðan tíma og er gefinn veru-
legur afsláttur frá verðlistaverði að
sögn Þorsteins. Ekki gat hann þó
gefið upp verðlistaverð eða hversu
mikill afslátturinn væri í hundr-
aðshlutum. KB
Alþýðubandalagsmenn ráða konur sem aðstoðarráðherra en karl sem efnahagsráðunaut:
Nýir ráðherrar f á
nýtt aðstoðarfólk
Nokkrir nýju ráðherranna hafa nú
ráðið sér aðstoðarfólk. Ólafur Ragn-
ar Grímsson, fjármálaráðherra, hef-
ur ráðið Svanfríði Jónasdóttur vara-
formann Alþýðubandalagsins og
forseta bæjarstjórnar Dalvíkur sem
aðstoðarráðherra. Jafnframt hefur
fjármálaráðherra ráðið Má Guð-
mundsson hagfræðing sem efnahags-
ráðunaut í fjármálaráðuneytið. Már
hefur um árabil starfað sem hag-
fræðingur iijá Seðlabankanum
samhliða því að hann er að ljúka
doktorsritgerð í Cambridge í Bret-
landi.
Þá hefur Steingrímur J. Sigfússon
landbúnaðarráðherra ráðið til sín
Álfhildi Ólafsdóttur sem aðstoðar-
ráðherra. Hún er bóndi á Akri í
Vopnafirði og hefur undanfarin tvö
ár starfað sem ráðunautur hjá Sam-
bandi íslenskra loðdýraræktenda.
Ráðherrar Framsóknar og Al-
þýðuflokks munu halda áfram sínum
aðstoðarmönnum, líka þeir sem
flytja sig um set eða bæta við sig
ráðuneytum.