Tíminn - 13.10.1988, Blaðsíða 2

2 Tíminn
Fimmtudagur 13. október 1988
Boeing 747 flugvél Indonesian Airline ók á Don Muang flugstöðina í Bangkok:
Tveir Islendingar
slösudust lítillega
Tveir íslendingar og einn starfsmaður Thailenska flugfé-
lagsins Tai Air í Bangkok slösuðust lítillega síðdegis á
sunnudag, þegar flugstjóra Boeing 747 flugvélar sem var á
leið í flugstæði við einn af rönum flugstöðvarbyggingarinn-
ar tókst ekki að stöðva vélina í tæka tíð. Hann keyrði vélina
um tvo metra inn í flugstöðvarbygginguna og urðu miklar
skemmdir á byggingunni og vélinni.
Þá mun vængurvélarinnareinnig
hufa skcmmst þar sem vængurinn
lenti á rananum. Þetta kemur fram
í síðdegisútgáfu blaðsins The Na-
tion á mánudag.
Fiugvélin, sem var frá Indone-
sian Airline var með 312 farþcga
auk áhafnar, hafði flugnúmcriö
GA 880. Hún var að koma frá
Jakarta á Indlandi, á leið til
London með millilendingu á al-
þjóðlega flugvellinum Don Muang
í Bangkok. Eftir vel heppnaða
lendingu keyrði flugstjórinn vélina
áleiðis að landganginum og ætlaði
að leggja vélinni að svokölluðum
rana, scm farþegarnir gagna síðán
í gegnum og inn í flugstöðina.
Samkvæml frétt The Nation, mis-
tókst flugstjóranum að stöðva vél-
ina við ranann og lenti hún á
honum með vænginn. Þar með var
ekki öll fcröin á cnda, þar sem
vélin stöðvaðist ckki fyrr en hún
var komin með nefið tvo metra inn
í flugstöðvarbygginguna.
í frétt blaðsins segir að tveir
íslendingar sem voru farþegar með
vélinni, auk eins flugvaliarstarfs-
manns frá Tai Airline, hafi verið
fluttir á sjúkrahús með smávægiieg
meiðsl.
Mikil hræðsla greip um sig í
þeirn hiuta flugstöðvarbyggingar-
iimar sem flugvélin ók inn í og
meðal farþega vélarinnar. Örygg-
islögreglan á vellinum brást skjótt
við og rýmdi bygginguna.
Skemmdir munu hafa orðið þó
nokkrar á byggingunni, en ekki er
búið að meta tjónið á flugvélinni,
seni skemmdist einnig töluvert.
Ræðismaður ísiands í Thailandi
Jörgen A. Hage sagði í samtali við
Tímann í gær að hann hefði ekki
frétt ncitt til viðbótar því sem stóð
á baksíðu The Nation á mánudag.
Hann sagðist hins vegar telja, að
fólkið sem slasaðist hefði verið
inní flugstöðvarbyggingunni, en
ekki um borð í vélinni. „Ég veit
ekki hversu mikið fólkið slasaðist.
Ef þetta hafa verið íslendingar, þá
hefði vcrið haft samband við mig.
En fyrst það hefur ekki verið gert
þá á ég ekki von á öðru en um
smávægileg meiðsli hafi verið að
ræða,“ sagði Jörgen. Hann sagðist
ekki fylgjast með slíkum málum
nema haft væri samband við hann,
og það hefði ekki verið gert. „Þar
sem ég hef ekki heyrt neitt meira
um þetta, tel ég enga ástæðu til að
hafa áhyggjur," sagði ræðismaður-
inn.
Hann sagði að frásögnin í blað-
inu væri ekki á þann veg að um
alvarlcgt mál væri að ræða, hcldur
væri frásögnin frekar í þá átt að
sýna fram á hversu fáránlegt það
væri að flugstjóranum tókst ekki
að leggja flugvéiinni við fingurinn.
Flugmálayfirvöld og rannsókna-
nefnd á vegum flugfélagsins vinna
nú að rannsókn óhappsins.
-ABÓ
Rafmagnsveita Reykjavíkur:
Rekstur
í járnum
„Afkoma Rafmagnsveitu Reykja-
víkur var lakari en undanfarin ár.
Samkvæmt rekstrarreikningi varð
hagnaður af starfseminni aðeins
röskar þrjár milljónir króna,“ segir í
ársskýrslu fyrirtækisins fyrir árið
1987.
Orkuöflun Rafmagnsveitunnar
nam 572 gígawattstundum en orku-
sala 531 gígawattstund. Meðalverð
seldrar orku var 2,63 kr. á kíló-
wattstund.
Gjaldskrá veitunnar hækkaði
þrisvar á árinu í takt við hækkanir
Landsvirkjunar og sú síðasta þeirra
varð mjög seint á árinu og vegur því
ekki þungt í meðalorkuverði ársins.
Eignir Rafmagnsveitu Reykjavík-
ur umfram skuldir námu í lok ársins
1987, 9.414 milljónum króna.
Af nýframkvæmdum veitunnar
má nefna að gerðar voru áætlanir
um aðveitukerfi frá nýrri aðalspenni-
stöð við Hamranes sunnan Hafnar-
fjarðar, byrjað var á nýrri aðveitu-
stöð við Meistaravelli, og jarðstreng-
ur var lagður frá Höfðabakka að
Rauðavatni.
Almennar veitukerfisfram-
kvæmdir voru mestar í sambandi við
ný íbúðarhverfi. _ sý
Feröamál:
Reykjavík sem
ráðstefnuborg
Ferðamálanefnd Reykjavíkur
gekkst í gær fyrir ráðstefnu í Viðey
um framtíðarhorfur ferðaþjónustu
og ráðstefnuhalds í Reykjavík.
Var yfirskrift ráðstefnunnar:
„Reykjavík - fundarstaður framtíð-
ar“, og er þetta í annað sinn sem
ráðstefna af þessu tagi er haldin.
Megintilgangur ráðstefnunnar var
að ræða möguleika á lcngingu ferða-
mannatímans og framtíðarþátttöku
Reykjavíkur í alþjóðlegu ráðstefnu-
og fundahaldi. Einnig að cfla tengsl
þeirra aðila sem með einum eða
öörum hætti vinna að ferðamálum.
Ráðstefnuna sótti fjöldi innlendra
aðila sem hagsmuna eiga að gæta í
ferðaþjónustu. Auk þess var sex
crlendum blaðamönnum sem skrifa
um ferða- og ráðstefnumál í þekkt
evrópsk og bandarísk tímarit sér-
staklega boðið í þriggja daga kynn-
ingarheimsókn á vegum Reykjavík-
urborgar, þar sem sérstök áhcrsla er
lögð á að kynna þeim möguleika
borgarinnar til ráðstefnu- og funda-
halds. ssh
Frá ráðstefnunni í Viðey í gær.
Tímamynd Gunnar
Samband veitinga- og gistihúsa:
Aðalfundur vill
veitingaskólann
til Laugarvatns
A Aulfllllfllir ^timliunrlc tinil. 11 ITl ‘AcS i'ft i r I i f VI • rAi h 'I ft mr» A f#il <wu-
.Aöalfundur Sambands veit-
inga- og gistihúsa ítrekar áður
gerða ályktun að Hótel- og veit-
ingaskóli íslunds fái að fullu afnot
Hússtjórnarskólans að Laugar-
vatni og að nýgerð námsskrá
H.V.Í. verði við það ntiðuð,“ segir
«ályktun sem samþykkt var á fundi
sambandsins fyrir skðmmu.
Ný stjórn var kjörin á fundinum
og er núverandi formaður sam-
bandsins Wilhelm Wessman.
Á fundinum komu fram hug-
myndir um að veitingahús byðu
sérstakar sumarmáltíðir næsta
sumar á hóflegu verði. Þá voru
rædd nokkuð séríslensk mál svo
sem himinhár hráefniskostnaður,
heimsins hæsti söluskattur á veit-
ingar - 25%
Lítii viðbrögð stjórnvalda við
bón þeirra sem reka veitingahús
um að eftirlit verði haft mcð félags-
heimilum og einkasalarkynnum
var einnig umræðuefni á aðálfund-
inum.
Eftir að staðgreiðsla skatta kom
til sögunnar og skattar veitinga-
húsa hafa hækkað, hefur sam-
keppni löglegra veitingahúsa við
félagshcimilin og einkasalina orðið
nánast óbærileg að sögn veitinga-
manna.
Veitingamenn segja að starfsemi
þessara sala sé hluti neðanjarðar-
hagkerfisins svokallaða. Fulltrúar
veitingamanna hafi ítrekað gengið
á fund dóms- og fjármálaráðherra
og bfði nú eftir áheyrn hjá þeim
sem mcð þessi ráðuneyti fara í
nýrri ríkisstjórn.
Veitingamenn segjast vænta þess
aö ný rfkisstjórn taki þetta mál upp
fljótlega. - sá
Ævintýri Hoffmanns í samvinnu Þjóðleikhúss og íslensku óperunnar:
Viðamesta sýning Þjóð-
leikhússinstil þessa
Þjóðleikhúsið og íslenska óperan
leggja nú saman krafta sína í fyrsta
skipti, til að koma á svið viðamestu
sýningu í Þjóðleikhúsinu til þessa;
Ævintýrum Hoffmanns eftir Jacques
Offenbach. í sýningunni taka þátt 15
einsöngvarar, 60 manna kór,á
fímmta tug hljóðfæraleikara og 6
listdansarar. Umgerð sýningarinnar
hvað varðar leikmynd og búninga
verður óvenju íburðarmikil og
skrautlcg, t.d. verða um 300 leikbún-
ingar notaðir á sviðinu.
Óperan Ævintýri Hoffmanns var
frumflutt í Opera Comique, París,
árið 1881, 4 mánuðum eftir dauða
Offenbachs, - og fékk hann því ekki
uppfyllt sína heitustu ósk, að sjá
Ævintýrin á sviði.
Offenbach valdi sér að yrkisefni
þrjár sögur rómantíska skáldsins og
listamannsins E.T.A. Hoffmanns.
Þá gerðu hann og textahöfundarnir,
Jules Barbier og Michel Carré,
Hoffmann sjálfan að aðalpersónu
óperunnar, þannig að skáldið gengur
inn í sinn eigin hugarheim.
„Ég er sunnudagsbarn," sagði
Hoffmann sjálfur, „með þá náðar-
gáfu að sjá það sem öðrum mönnum
er hulið“. Og þetta er einkenni
skáldskapar hans, þar sem stöðugt
ímyndunarafl hans, dulúð, skyggni-
gáfa og yfirnáttúrulegir atburðir eru
helstu viðfangsefnin. Offenbach
nefndi þetta verk „Fantastíska óp-
eru“, en bak við hinar furðulegu
sýnir leynist raunsæ athugun á mann-
legu eðli.
Ævintýri Hoffmanns voru frum-
flutt á íslandi leikárið 1965-1966, í
Þjóðleikhúsinu. Þá söng Magnús
Jónsson aðalhlutverkið, Hoffmann,
en sýningin þá var mun fámennari
en nú.
Höfundur verksins, Jacques Of-
fenbach, fæddist í Köln í Þýskalandi,
árið 1819. Hann starfaði sem hljóð-
færaleikari í leikhúshljómsveitum,
varð hljómsveitarstjóri og stofnaði
síðan eigið leikhús. Síðar starfaði
hann sem tónskáld við ýmis leikhús.
Heimsfrægur varð hann fljótlega
fyrir óperur sínar, t.d. Orfeus í
undirheimum, Helenu fögru, París-
arlíf og Bláskegg, La Périchole.
Frumsýning á Ævintýrum Hoff-
manns verður í Þjóðleikhúsinu
föstudaginn 21. október n.k., og
með helstu hlutverk fara: Garðar
Cortes, Kristinn Sigmundsson, Ólöf
Kolbrún Harðardóttir, Rannveig
Fríða Bragadóttir, Viðar Gunnars-
son, Signý Sæmundsdóttir, Sigrún
Hjálmtýsdóttir, Sigurður Björnsson,
Magnús Steinn Loftsson, Guðjón
Óskarsson, John Speight, Eiður Á.
Gunnarsson, Þorgeir J. Andrésson,
Sieglinde Kahmann og Loftur Erl-
ingsson. Leikstjóri er Þórhildur
Þorleifsdóttir, leikmynd gerði Niklas
Dragan, búninga Alexander Vassi-
liev og Ijósahönnuður er Páll Ragn-
arsson.
Listunnendum er bent á, að sjald-
gæft tækifæri gefst til að sjá og
eignast leikhúslistaverk í tengslum
við sýninguna. Búningateiknarinn
Alexander Vassiliev opnar sýningu
á Gallerí Borg, fimmtudaginn 13.
október.