Tíminn - 13.10.1988, Blaðsíða 6

6 Tíminn
Fimmtudagur 13. október 1988
Hún var hífð úr höfninni og sett á vörubi) sem ók með hana á haugana. Hér má sjá starfsmenn hauganna og vörubílstjórann skoða grípinn. Lyktin var „ógeðsleg“ sögðu tlestir beir sem komust
í námunda við hvalinn, sem greinilega hefur verið lengi að velkjast í sjónum. v
Andarnefjan uppgötvaðist ■ Reykjavíkurhöfn í gacrmorgun. Forvitnir
vegfarendur skoða grípinn.
Dauð andarnefja
á reki í höf ninni
Andarnefja fannst á reki í Reykjavíkurhöfn í gærmorgun
og hafði eftir útlitinu að dæma verið dauð um nokkurn tíma,
jafnvel allt að mánuð. Hér er að öllum líkindum á ferðinni
sama andarnefja og kom til Akraness fyrir um mánuði, var
rekin á haf út og kom daginn eftir í slippinn í Reykjavík.
Það var um klukkan 7.00 í gær-
morgun sem starfsmenn Reykjavík-
urhafnar komu auga á andarnefjuna,
þar sem hana rak á milli togarans
Sigurðar RE 4 og Magna, sem liggja
við Faxagarð. Þeir fóru út á bát til
að kanna hvers kyns var og ákváðu
síðan að draga hana að Austur-
bakka, þ.e. hafnarbakkanum fyrir
framan Faxamarkað.
Gísli Víkingsson líffræðingur hjá
Hafrannsóknastofnun sagði í samtali
við Tímann í gær að andarnefjan
væri illa farin og uppblásin, sem
benti til þess að hún væri löngu
dauð. Ekki vildi hann staðfesta svo
óyggjandi væri að hér væri á ferðinni
sama andarnefja og var hér á flæk-
ingi fyrir um mánuði, en var rekin út
aftur. „Andarnefjan sem kom til
Akraness var með ör á bakugganum
og svo var einnig með andarnefjuna
sem kom í slippinn daginn eftir,
þannig að það var örugglega sama
skepnan. Við teljum líklegt að hér
sé enn á ferðinni sú sama,“ sagði
Gísli.
Aðspurður sagði Gísli að vel gæti
hugsast að andarnefjuna hefði rekið
inn í höfnina sl. nótt, án þess að
nokkur hefði tekið eftir henni. Eins
líklegt er að hún hafi legið á botnin-
um, hvort sem er fyrir utan hafnar-
mynnið eða við Faxagarð og síðan
flotið upp í fyrrinótt, en slíkt gerist
þegar vissu stigi í úldnun er náð og
mikið loft er komið inn í skepnuna.
Ýmsar getgátur hafa komið fram
um ástæður þess að andarnefjan
kom að landi. Ein er sú að hún hafi
verið haldin sjúkdómi sem hafi leitt
til bilana í „siglingatækjum" hennar.
Önnur getgátan er sú að óregla í
segulsviðinu á líkveðnum stöðum
hafi hugsanlega getað ruglað hana f
ríminu.
Andarnefjan, sem er á milli 6 og
7 metrar að lengd, var hífð upp úr
höfninni í gær og komið fyrir á
vörubílspalli. Síðan var ekið að
hafnarviktinni og hvalurinn viktað-
ur, en þá var ferðinni heitið upp á
öskuhaugana í Gufunesi, þar sem
sýni voru tekin, kyngreining fór
fram og skepnan síðan urðuð.
Fullvaxin andarnefja er um 7 til 9
metrar að lengd. Þessi hvaltegund
lifir hér í kring um land og í
hvalatalningum í fyrra kom í ljós að
mun fleiri andarnefjur væru til en
menn gerðu sér grein fyrir, en talið
var að hún væri komin langt fyrir
neðan æskilega stærð stofnsins.
Andarnefjan er af tannhvalaætt og
lifir mjög djúpt í sjó og því afar
óalgengt að hún komi svo náiægt
landi, sem hún hefur gert undanfar-
inn mánuð.
Á pollinum á Akureyri hefur
andarnefja verið að sýna sig undan-
farinn hálfan mánuð og sagðist Gísli
ekki vita til annars en hún væri þar
enn. - ABÓ
Sem sjá má á þessari mynd hefur andameljan verið dauð um nokkurt skeið. Hún var hálf-rotnuð þegar hún var hífð
úr höfninni. Tlmamyndlr Aml Bjama