Tíminn - 13.10.1988, Blaðsíða 12
12 Tíminn
Fimmtudagur 13. október 1988
FRÉTTAYFIRLIT
HARARE - Einn svartur og I
tveir hvítir íbúar Zimbabwe
sem sakaðir höfðu verið um að
vera útsendarar Suður-Afrík-
ana voru úrskurðaðir saklausir
af ákærum um að hafa undir-
búið sprengjutilræði. Þeir voru
sakaðir um að hafa ráðið mann
til að aka bifreið sem útbúin var
sprengju og sprengt bíl og
mann í loft upp. Réttarhöldin
komi til vegna sprengjuárásar
þann 11 .janúarsíðastliðinn, en
þá var bíl fylltum sprengiefni
ekið á hús Afríska þjóðarráðs-
ins í bænum Bulawayo.
RANGOON - Herforingja-
stjórnin í Burma sagði upp
embættismönnum á vegum
sósíalistaflokksins sem áður
var einráður í landinu. Með
þessu vill stjórnin sýna að
einsflokkskerfi í landinu sé liðin
tíð. Dagblaðið Vinnandi fólk
sagði að 9000 manns sem
unnu á vegum sósíalista-
flokksins hafi verið sagt upp
störfum og fengið greidd
þriggja mánaða laun.
JERUSALEM - israelskir
hermenn lögðu í rúst hús fjög-
urra Palestínumanna sem
grunaðir eru um að hafa stung-
ið þrjá Araba til bana fyrir þá
sök að þeir hefðu unnið fyrir
ísraelsmenn. Talsmaður hers-
ins sagði að hermenn hefðu
einnig lokað heimilum fimm
annarra Palestínumanna í
bænum Nablus á hernumda
svæðinu á vesturbakkanum.
Palestínumennirnir voru taldir
eiga aðild að drápum í síðasta
mánuði.
BELGRAD - Júgóslavn-
eski kommúnistaleiðtoginn
Stipe Suvar beindi því til leið-
toga í Kosovo þar sem Albanar
eru ríkjandi, að þeir geri hreint
fyrir sinum dyrum og losi sig
við óábyrga embættismenn.
NÝJA DELHI - Indverskur
dómari fyrirskipaði aftöku
tveggja manna sem viðriðnir
voru morðið á Indiru Gandhi
forsætisráðherra Indlands árið
1984. Ekki var ákveðinn dagur
aftökunnar.
PARIS - Utanríkisráðherra
Sovétríkjanna Eduarde She-
vardnadze bauð UNESCO til
að skipuleggja friðasamlegar
geimrannsoknir í nýrri fullkom-
inni radarstöð Sovétmanna í
Síberíu.
KARACHI - Pakistanar
hafa lokað landamærum milli
Sind héraðs og Indlands og
sett á næturlangt útqöngubann
á svæðinu eftir óeirðir þar sem
að minnsta kosti 250 manns
létu lífið.
Illllllllllllll útlönd ^ ; .
Afganskur skæruliði þungt hugsi. Nú vill stjórnin í Kabúl ræða við fyrrum konung Afganistan um frið í landinu.
Kabúlstjórnin
vill ræða við
konung Afgana
Stjórnvöld í Afganistan vilja nú eiga viðræður við Zahir Shah
fyrrum konung Afganistan og aðra leiðtoga Afgana sem útlægir voru
gerðir í byltingunni í Afganistan árið 1973. Forsætisráðherra
Afganistan Mohammad Hassan Sharq lýsti því yfir á blaöamanna-
fundi gær að hann vilji eiga viðræður við fyrrum konung landsins
með það að markmiði að binda endi á borgarastyrjöldina í landinu.
„Gegnum ykkur vildi ég koma þessu boði á framfæri“ sagði Sharq
í viðtali við blaðamenn. Sharq sagði að þar sem hann væri ungur
maður væri hann tilbúinn til að fylgja afgönskum siðum og leggja
land undir fót til að heimsækja konunginn sem nú býr í Róm.
Konungirnn Zagir Shah er af flest-
um talinn eini maðurinn sem hugsan-
lega geti náð stríðandi aðilum í
Afganistan saman, þrátt fyrir það að
sumir skæruliðaforingjar séu honum
andsnúnir.
En Sharq segist vilja ræða við
fleiri en konunginn, hann bauð öðr-
um útlægum leiðtogum einnig til
viðræðna um frið í landinu. „Þá sem
eru yngri en ég, bið ég að koma til
Afganistans," sagði Sharq.
Sharq hefur verið forsætisráð-
herra Afganistan frá því í maímán-
uði. Hann leiðir stjóm sem saman-
stendur af þrjátíu og einum ráðherra
og eru aðeins þrettán þeirra úr
Þjóðarlýðræðisflokki Afganistan
sem er studdur af yfirvöldum í
Moskvu. Sharq sem ekki er í flokkn-
um segir að ríkisstjórnin geti orðið
tengiliður milli flokksins og skæru-
liða sem barist hafa við stjórnarher-
inn í Afganistan frá því Sovétmenn
sendu 100 þúsund manna herlið tii
Afganistan árið 1979 til að tryggja
ríkisstjórn Þjóðarlýðræðisflokksins
í sessi. Síðan þá hafa hundruð þús-
unda Afgana fallið og um fimm
milljónir flúið land.
Sharq sagði að eina ástæðan fyrir
tilveru ríkisstjórnarinnar væri sú að
hún ætti að semja um frið í Afganist-
an. „Hver sá sem getur sameinað
þjóðina að nýju getur treyst stuðn-
ingi mínum“ sagði Sharq. „Ég er
tilbúinn til viðræðna, jafnvel til að
segja af mér svo þeir geti tekið við“.
Þrátt fyrir tilboð Sharq hafa
leiðtogar Mujahedeen skæruliða-
hreyfingarinnar hafnað öllum friðar-
tilboðum afganskra stjórnvalda, þar
með talið tilboð til samsteypustjórn-
ar. Þeir vilja bara fullnaðarsigur.
Vestrænir embættismenn í Kabúl
efast um að hægt sé að finna pólitíska
lausn á borgarastyrjöldinni. Þeir
benda á að skæruliðar séu þess
fullvissir að þeir muni sigra í styrj-
öldinni þegar sovéski herinn er far-
inn frá Afganistan, en síðasti sovéski
hermaðurinn á að yfirgefa landið
15.febrúar á næsta ári.
Hvítir öfgamenn færa sig upp á skaftið:
íkveikja í höfuðstöðvum
kaþólskra í Suður-Afríku
Brennuvargar settu eld í höfuðstöðvar kaþólsku kirkjunnar í
Suður-Afríku í gær og sluppu starfsmenn kirkjunnar, þar með taldir
tveir biskupar, naumlega við logana með því að forða sér niður
brunastiga. Kemur brenna þessi í kjölfar svipaðra árása á höfuð-
stöðvar samtaka er berjast gegn stjórnvöldum í Suður-Afríku að
undanförnu, en sveitastjórnarkosningar eru á næsta leiti.
Ljóst er að um íkveikju var að
ræða því tankar fullir af eldsneyti
fundust í byggingunni og öll vegsum-
merki bentu til að brennuvargar
hefðu verið á ferðinni.
Margir háttsettir menn innan
kirkjunnar í Suður-Afríku, þar með
talinn erkibiskupinn DesmondTutu,
hafa hvatt kjósendur til að sniðganga
kosningarnar þar sem þær séu ekkert
annað en æfing í aðskilnaðastefnu.
í kirkjubréfi sem birt var fyrir
tveimur vikum hvatti Kaþólska bisk-
uparáðið í Suður-Afríku alla kaþó-
likka að „eiga það við samvisku
sína“ hvort þeir tækju þátt í kosning-
unum eður ei og benti um leiða á
„óréttlæti" það sem ríkir í landinu.
í ágústmánuði sprakk sprengja í
höfuðstöðvum Suðurafríska kirkju-
ráðsins í Jóhannesarborg og særðust
tuttugu og einn í þeirri sprengingu.
Sögðust „Hvítu úlfarnir" öfgasam-
tök hvítra manna bera ábyrgð á því
sprengjutilræði og eru samtökin
grunuð um að hafa einnig kveikt í
höfuðstöðvum kaþólsku kirkjunnar
í Pretoríu í gær.
Embættismenn kaþólsku kirkj-
unnar sögðu að tíu manns hefðu gist
í höfuðstöðvunum þegar eldurinn
kom upp. Tveir þeirra biskuparnir
David Verstraete og Paul Nkhumshe
hefðu naumlega flúið niður bruna-
stiga þegar eldtungurnar höfðu náð
í svefnherbergi þeirra á annarri hæð.
Rosemary Cook starfsmaður kaþ-
ólsku kirkjunnar tjáði blaðamönn-
um að slökkviliðið hafi fundið elds-
neytisfötur við húsið. „Það virðist
sem bensíni hafi verið hellt á dyr og
í stiga er liggja að svefnherbergjun-
um svo að fólkið gæti ekki komist
út“ sagði hún í viðtali við Reuter.
... ... .... Jiií':- ::ií:í:í:
Stórveldin
ræða Mið-
Ameríku
Sovéskir og bandarískir em-
bættismenn hittust í gær í London
til að ræða málefni Mið-Ameríku
og Karabíska hafsins. Elliot
Abrahams sem hefur með mál-
efni Ameríku að gera í stjórnar-
ráði Bandaríkjanna og Yui Pavl-
ov frá utanríkisráðuneyti Sovét-
ríkjanna hittust einnig að máli á
þriðjudagskvöld. Ekkert var gef-
ið upp um viðræðurnar, en
Bandaríkjamenn eru mjög við-
kvæmir fyrir brölti Sovétmanna á
þessum slóðum og telja sig eiga
einkarétt á svæðinu.
Viðræðurnar eru þær fimmtu
þar sem risaveldin reyna að finna
flöt til að slaka á spennu ríkjanna
vegna skæruliðahreyfinga í Mið-
Ameríku og í Karabíska hafinu.
Síðasti fundur ríkjanna var í
Róm í aprílmánuði.
Stjórnvöld í Washington saka
Moskvu um að beita marxista-
stjórninni á Kúbu og í Níkaragva
til að ýta undir uppreisnir á
svæðinu. Bandaríkjamenn hafa
því verið ófeimnir að styðja
dyggilega við bak Kontraskæru-
liða í Níkaragva sem vinna að því
að koma Sandínistastjórninni í
landinu frá völdum.
Stjórnvöld í Moskvu viður-
kenna að veita Kúbumönnum og
Níkaragva efnahagsstuðning en
neita því alfarið að þeir séu að
„flytja út“ byltingar.
Neyðar-
ástandi
léttí
Alsír
Alsírsk yfiröld léttu í gær neyð-
arástandi því sem lýst var yfir í
landinu fyrir sex dögum þegar
óeirðir brutust út í Algeirsborg.
Skriðdrekar eru þó enn í varð-
stöðu á mikilvægum stöðum eins
og við aðalpósthúsið í Algeirs-
borg, höfuðstöðvar öryggisráðs-
ins og við varnarmálaráðuneytið.
Samkvæmt upplýsingum frá
sjúkrahúsum létu um 250 manns
lífið í óeirðunum og fleiri hundr-
uð særðust. Reyndar hafa sumir
heimildamenn fullyrt að tala fall-
inna sé nærri fimmta hundraðinu.
Þá voru um 3500 manns hand-
teknir, flestir ungir Alsírsbúar
sem leiddu mótmælin gegn versn-
andi lífskjörum og hækkandi
verðlagi.
Kyrrð hafði komist á að mestu
á þriðjudag eftir að Chadli forseti
landsins hafði lofað þjóðarat-
kvæðagreiðslu um umbótahug-
myndir sínar. Héldu þúsundir
manna þá til vinnu og voru flestar
verslanir opnar. Voru sumar
verslanirnar þá fullar af matvöru
sem herbílar höfðu komið með
að líkindum til að sýna viðleitni
til bætts vöruúrvals.
Ræða Chadlis á mánudag gerði
greinilega gæfumuninn, en þar
lofaði hann víðtækum umbótum
í stjórnmálum. „Níutíu prósent
fólks var sátt við ræðuna“ sagði
maður er var á leið til vinnu á
þriðjudag.
Því virðist allt benda til þess að
ástandið í Alsír sé komið í eðli-
legt horf að nýju.