Tíminn - 13.10.1988, Blaðsíða 20
RIKISSKIP
NÚTIMA FLUTNINGAR
-Hafnarhúsinu v/Tryggvagötu,
S 28822
Atjan man. binding
75%
SAMVINNUBANKINN
STRUMPARNIR
SMUjfc
uJT
Tímiim
Tveir hópar áhugamanna mætast á Hengilssvaeðinu á
Hellisheiði á sunnudag — skotveiðimenn og Ferðafélagið:
Ókeypis fyrir 15 ára og
yngri inn í skothríðina
Tveir ólíkir hópar áhugamanna um útivist munu mætast
á Hengilssvæðinu á Hellisheiði á sunnudag. Rjúpnaveiði-
menn fjölmenna jafnan í hlíðar Hengils fyrstu daga
rjúpnatímans, sem hefst laugardaginn 15. október. Sér-
staklega er ásóknin mikil í rjúpuna, í nágrenni höfuðborg-
arinnar, þegar fyrstu daga vertíðarinnar ber upp á helgi
eins og nú gerist.
Ferðafélag fslands hefur uppi
áform um gönguferðir á Hengil og
í næsta nágrenni hans, sunnudag-
inn 16. Lagt verður upp í göngu-
ferðina á Hengil klukkan 10 árdeg-
is. Það er um svipað leyti og
skotveiðimenn axla byssur sínar
víða á Hellisheiðinni og reyndar
um land allt.
Skothvellir á heiðinni fara að
heyrast fljótlega upp úr tíu og við
hverja hæð má búast.við rjúpna-
skyttu, með spennta byssu.
Ekki hefur verið talið hversu
margar skyttur leita á Hengilssvæð-
ið þessa fyrstu daga vertíðarinnar,
en vitað er að þær eru margar. I’að
gæti því verið vissara fyrir göngu-
menn Ferð'afélagsins að íklæðast
skærum litum, eða jafnvel skot-
heldum vestum, geti menn komið
höndum yfir slíkan öryggisbúnað.
Þá hefur Ferðafélagið ráðgert
aðra dagsferð á svipaðar slóðir.,
Farið verður í tiltölulega létta ^
göngu um Hellisskarð í Innstadal.
Á þessu svæði er einnig viðbúið að
rjúpnaskyttur verði á kreiki, í leit
að jólamat.
Tíminn hafði samband við skrif-
stofu Ferðafélags íslands í gær og
spurðist fyrir um hvort Ferðafélag-
inu hefði verið kunnugt um ferðir
skotveiðimanna á Hengilssvæðið í
upphafi skotveiðitímabils. Þau
svör fengust að ferðaáætlunin væri
samin langt fram í tímann og
sennilega hefði ekki verið hugsað
út í rjúpnaveiðitímann í þessu
sambandi.
Ekki var þó neinn bilbug að
finna á starfsstúlku Ferðafélagsins
og verður ferðin farin eftir sem
áður.
Rjúpnaveiðitímabilið hefst á laugardaginn.
í fréttatilkynningu sem Ferðafé- ■
lagið sendi frá sér vegna fyrirhug-
aðra gönguferða, er sérstaklega
tekið fram að frítt sé fyrir börn
fimmtán ára og yngri.
Tíminn sér ástæðu til að hvetja
rjúpnaskyttur á svæðinu til að sýna
sérstaka varkárni. Þá gæti verið
vissara fyrir göngumenn að hóa
fyrir horn, eða fara varlega yfir
Tímamynd: Áml Bjama
hæðir og líta stöðugt um öxl.
Margur skotveiðimaðurinn er
spenntur fyrstu daga veiðitímans.
-ES
Þrátt fyrir digurbarkalegar yfirlýsingar Tyrkja, skömmu fyrir leik fslendinga og heimamanna í heimsmeistara-
keppninni í knattspyrnu, tókst Tyrkjum ekki að sigra okkar menn í Istanbul í gær. íslensku landsliðsmennirnir
máttu sætta sig við að fólk á götum úti veifaði framan í þá fimm útglenntum fíngrum til merkis um hversu stór
sigurinn yrði.
Annað kom í Ijós. Okkar menn höfðu í fullu tré við Tyrkjann og lokatölur leiksins urðu í samræmi við það,
1-1. Mark íslands gerði Guðmundur Torfason í síðari hálfleik. Skömmu síðar jöfnuðu Tyrkir.
Leiknum var sjónvarpað beint og eins og myndin ber með sér reyndu margir að fylgjast með útsendingunni.
Hér má sjá áhugasama áhorfendur í Kringlunni nota tækifærið og fylgjast með leiknum. Timamynd Ámi Bjarna
Nánari umfjöllun - íþróttasíður 10 og 11
Fjárlagafrumvarpið í smíðum:
Minni tekjur
af söluskatti
Ríkisstjórnin vinnur nú að gerð
fjárlagafrumvarpsins ásamt efna-
hagssérfræðingum sínum og sátu
menn á ströngum fundi fram eftir
kvöldi í gær.
Ljóst er nú að ýmsar efnahagsleg-
ar forsendur breytast ört og má
nefna að söluskattstekjur ríkissjóðs
eru að dragast verulega saman með
samdrætti í verslun og almennri
neyslu.
Stefnt er að því að afgreiða fjárlög
með tekjuafgangi og til að það takist
í ljósi minnkandi tekna ríkissjóðs
þarf að auka aðra skattheimtu.
Hugmyndin um að veita skatta-
skuldurum afslátt af skattaskuldum,
sem stofnað var til áður en stað-
greiðslukerfið var tekið upp, er nú
talin úr sögunni.
Margir lýstu andstöðu sinni við
hugmyndina og töldu hana ýta undir
óráðsíu og að verðlauna ætti skussa
fyrir óreiðu og skuldseigju. Nær væri
að veita mönnum staðgreiðsluafslátt
sem greiddu sína skatta í tíma.
Að sögn Más Guðmundssonar
efnahagsráðunautar fjármálaráð-
herra var þó hugmyndin ekki sú,
heldur að greiða fyrir því að þessar
skuldir innheimtust skjótar og betur.
Hins vegar hefði fjármálaráðherra
ákveðið að leggja hugmyndina til
hliðar um sinn og skoða málið betur,
athuga hverjir þessir skattaskuldarar
væru, hvort þeir væru í raunveruleg-
um erfiðleikum, eða hvort hér væri
um að ræða einhverja sem lékju sér
að því að greiða ekki skatta sína þótt
þeir hugsanlega gætu. -sá