Tíminn - 14.10.1988, Blaðsíða 5
Föstudagur 14. október 1988
Tíhníinn ' 5
Nemar í stórum og smáum tölvuskólum verða um helmingi fleiri
en allirstúdentar í Háskóla íslands:
A SJOUNDA ÞUSUNDI
TÖLVUNÁM VETRARINS
Mikil sala á tölvum og hugbúnaði kallar á mikla kennslu
og í vetur verða um 6.500 manns á tölvuskólabekk. Tölvu
bakterían hefur breiðst út án þess að við vitum hvort kom á
undan, almenn tækjadella eða stöðugt aukin not fyrir tölvur.
Dr. Jón Torfi Jónasson, dósent, segist verða var við að nú sé
eftirsókn fólks eftir kennslu orðin markvissari í mörgum
tilfellum í samanburði við almenna og ómarkvissa leit fyrir
aðeins einu og hálfu ári
„Nú eru menn hættir að tala um
það hvort gagnlegt sé að nota tölvu
í skólanum eða ekki, því nú eru
menn famir að ræða það hvort þeir
vilji nota ritvinnslu í þessum bekk,
eða hvort nota eigi gagnagrunn eða
kennsluforrit í landafræði. Umræð-
an virðist komin á það plan að menn
eru hættir þessari almennu umræðu
um hvort nota eigi tölvu eða ekki
tölvu,“ sagði Jón Torfí. „Ég er
þeirrar skoðunar að margt af svona
námskeiðum nýtist ekki vel nema
fólk sé að læra á hluti sem em mjög
skyldir þeim sem nota á í starfi."
Vegna mikils innflutnings á einka-
tölvum kannaði Tíminn lauslega
hver áætlaður nemendafjöldi er í
öllum þeim tölvunámskeiðum sem
boðið er upp á í einkaskólum og
víðar í vetur. Ekki eru teknir með
þeir nemendur sem eru í háskóla-
námi í tölvunarfræðum eða á há-
skólastigi í Verslunarskólanum.
Niðurstaða okkar er sú að um sex
þúsund og fimm hundruð manns
verði á tölvuskólabekk í vetur. Petta
eru t.d. um helmingi fleiri nemendur
en stunda eiginlegt nám við allar
deildir Háskóla íslands til samans.
Samt er það engin furða þegar haft
er í huga að bara á fyrstu sex
mánuðum þessa árs voru fluttar inn
4.003 tölvur, samkvæmt innflutn-
ingstölum Hagstofunnar, og ekki er
útlit fyrir annað en að svipaðri tölu
verði náð fyrir síðari hluta ársins.
Stétt tölvufræðara er samkvæmt
þessu orðin stór og annað hvort eru
stöðugt að bætast við nýir nemar eða
þá að fólkið fer aftur og aftur á
námskeið án þess að læra nóg.
Almenn ásókn í styttri námskeiðin,
frekar en þau lengri, bendir og til
þess að tölvunotendur vilja ekki
eyða of miklum tíma og fé í að læra
of mikið á hugbúnaðinn sinn. Ein
skýring þess gæti þó verið sú sem Jón
Torfi bendir á hér að framan, að leit
fólks eftir kennslu sé orðin markviss-
Mikill peningur
Nokkuð erfitt er að áætla hversu
mikið fé fer í þetta nám hjá einstakl-
ingum og þeim fyrirtækjum sem
kosta starfsmenn sína til náms. Hins
vegar sagði einn viðmælandi okkar,
Gunnar Ólafsson, framkvæmda-
stjóri GJJ, að mun meiri pening væri
að hafa upp úr kennslunni en t.d.
sölu á hugbúnaðinum sem til kennslu
er. Mjög misjafnt verð er líka á
hverri seldri kennslustund, eða allt
frá 310 krónum upp í um 1.000
krónur. Inn í þetta mat blandast
einnig fyrirkomulag og aðstæður í
kennslunni. Sumir skólar takmarka
nemendafjölda við sjö manns í bekk
en í öðrum skólum er fjöldinn á
þriðja tug. Þá er mjög misjafnt hvort
hverjum nema er boðin tölva eða
hvort tveir eða fleiri eru um tölvu í
kennslustundinni.
Stórir og smáir skólar
Niðurstaða okkar um nemenda-
fjölda er byggð á hóflega áætluðum
tölum frá flestum tölvuskólum
landsins. Þeim fjölgar hratt og bætt-
ust í haust við þrír nýir skólar.
Tölurnar eru fengnar frá Tölvu-
fræðslunni, Stjórnunarfélagi
íslands, tölvuskólum Einars J.
Skúlasonar hf. og Gísla J. Johnsen
hf., Tölvu- og verkfræðiþjónust-
unni, Tölvuskólanum, Verslunar-
skólanum (öðru tölvunámi en Tölvu-
háskólans) og Endurmenntunar-
nefnd Háskóla íslands. Vildu sumir
skólastjórnarmenn ekki að tala nem-
enda þeirra yrði gefin upp sundurlið-
uð en voru að öðru leyti fúsir til að
leggja til tölur til að hægt væri að
áætla heildarfjölda tölvufræðslu-
nema.
Stærstur skólanna er Tölvufræðsl-
an og er hún um helmingi stærri en
næst stærsti skólinn, en þarna teljast
verða um 2000 nemendur í vetur.
Aðrir stórir skólar eru tölvuskólar
Stjómunarfélagsins, Einars J. Skúla-
sonar hf. og Gísla J. Johnsens hf.
Nokkrir annarra skóla eru með nem-
endafjölda í nokkrum hundruðum
og eins eru til skólar sem kenna
innan við hundrað nemendum á ári,
enþeireruekkitaldirhérmeð. KB
PC einkatölvurnar halda velli og gott betur í sölukipp haustsins á einkatölvum:
Um 200 einkatölvur
seldar á einni viku
Einkatölvur hafa verið að seljast í nokkuð misjöfnum mæli
að undanförnu en í heild er markaðurinn kominn á strik að
nýju eftir frekar dauft sumar flestra tölvusala. Við lauslega
athugun Tímans reyndust ekki hafa selst færri en 200 tölvur
fyrstu viku októbermánaðar. Ljóst er að einkatölvurnar sem
kenndar eru við PC (Personal Computer), eru mun meira
seldar en aðrar vélar á þessum markaði.
Á fyrri helmingi þessa árs voru
alls fluttar til landsins 4003 einka-
tölvur samkvæmt skýrslum Hagstof-
unnar. Þetta jafngildir yfir 20 tölvum
á dag. Fyrir síðasta ár eru ekki til
tölur um fjölda innfluttra tölva en
það ár nam verðmæti innflutningsins
um 168 milljónum króna, miðað við
cif verð.
Fjórða hver af Victor gerð?
Samkvæmt upplýsingum þeim
sem Tíminn fékk hjá tölvusölum urí^
söluna í síðustu viku reyndist Einar
J. Skúlason hf. hafa selt flestar
tölvur. Hann selur nú að jafnaði um
150 einkatölvur á mánuði og varð
góður kippur í byrjun september og
aftur í byrjun þessa mánaðar. Fyrstu
vikuna í október seldu þeir t.d. yfir
50 tölvur og var þá farið að ganga
talsvert á vistirnar. Föstudagurinn
s.l. sló þó fyrri met, en þá voru
seldar um tuttugu vélar á nokkrum
tímum og seldust einkatölvurnar
upp þann daginn strax upp úr há-
degi. Mest er selt af Victor VPC og
AT og fer hún að verða algengasta
einkatölva á íslandi, eftir nokkuð
látlaus sölumet í meir en tvö ár.
Næstur í sölu er án efa Bókabúð
Braga. Þeir hafa seit 42 vélar þat)
sem af er mánuðinum og er það
reyndar meiri sala en að jafnaði í
sumar. Höfðu þeir mikið að gera í
vor í kringum fermingarnar og var
talsvert að gera aftur í september.
Eru þejr mjög ánægðir með söluna
að undanförnu og hafa vart undan í
afgreiðslunni. Þeir eru með Amstrad
PC tölvur.
Þeir hjá Tölvutækni Hans Peter-
sen voru talsvert ánægðir með út-
komu undanfarna mánuði og selja
tölvuvörur fyrir milljónir á mánuði.
Uppselt var hjá þeim í síðustu viku
en von var á sendingu um 80 PC og
AT véla þessa dagana. Stór hluti af
þeirri sendingu var þegar seldur í
byrjun vikunnar.
Með stýrikerfið 0S/2
Ekki hefur gengið alveg eins vel
að selja aðrar einkatölvur en PC
vélarnar sem keyrðar eru áfram á
MS-DOS stýrikerfinu. Þó er þar að
glæðast markaðurinn eins og á öðr-
um sviðum. Einn stærsti slíkur aðili
er IBM með PS vélar sínar, en þær
eru keyrðar á stýrikerfi sem nefnt er
OS/2 og í nokkru frábrugðið MS-
DOS. Hefur PS verið nefnt á ís-
Iensku einvalatölva til aðgreiningar
frá einkatölvum. Tímanum þótti þó
rétt að taka þær með í reikninginn.
Hjá Gísla J. Johnsen hf. fengust
þær upplýsingar að miðað við sölu í
september væri búið að gera áætlun
um að selja hátt í 200 tölvur til
áramóta og þá væri september með-
talinn. Þetta þýðir að salan hefur
verið vel innan við 50 í síðasta
mánuði en trúlega á bilinu 30-40
vélar þann mánuð. Nú er hafin ný
söluherferð á IBM PS vélum og er
gefinn allt að 100.000 króna afsláttur
af þessum nýju tækjum vegna skip-
ana frá IBM framleiðendum. Er það
gert eftir að heimsmarkaðshlutdeild
IBM féll niður um meira en helming.
í kjölfar þess að þeir hættu fram-
leiðslu á PC tölvum sínum sem aðrar
PC vélar voru þó eftirmynd af í
upphafi.
Svipaða sögu er að segja um
söluna hjá Skrifstofuvélum hf. sem
einnig er söluaðili IBM, en þar hefur
salan verið dræm í allt sumar.
Örtölvutækni hf. hefur selt mikið
af tölvuhlutum að sögn starfsmanna,
en lítið af einkatölvum í sumar.
Salan á þeim væri þó aðeins farin að
glæðast.
Macintosh
Radíóbúðin vildi ekki gefa upp
neinar tölur til að byggja á og því er
ekki hægt að hafa þá með í heildar-
áætlun. Þeir eru fyrirferðarmikill
aðili á tölvumarkaðinum og ber að
taka tillit til fjarveru þeirra í þessari
lauslegu könnun. Þeir selja Macin-
tosh tölvur og hafa síðustu sex
mánuði verið með sérstakt tilboð
fyrir opinber fyrirtæki. Sagði einn
starfsmaðurinn að tilboð þetta hafi
heldur dregið úr almennri sölu af
skiljanlegum ástæðum og nokkuð
væri um að menn reyndu að svindla
sér inn á tilboðið. Það rennur út eftir
átta daga og því má búast við betri
tíð á þeim bæ þegar frá líður. KB
Níunda umferð Heims-
bikarmóts Stöðvar 2:
Jafntefli
Níunda umferð Heimsbikar-
móts Stöðvar 2 var jöfn og látlaus
og lyktaði öllum skákum með
jafntefli. Staðan er því óbreytt
varðandi röð kappanna. í dag
verða tefldar tvær biðskákir. Það
eru þeir Kortsnoj og Portisch og
Júsúpov og Timman sem eiga
eitthvað vantalað. Úrslit níundu
umferðar urðu þessi:
Nicolic-Margeir......1/2-1/2
Júsúpov-Ehlvest .......1/2-1/2
Andersson-Sax........1/2-1/2
Speelmann-Timman . . . 1/2-1/2
Ribli-Beljavskí....1/2-1/2
Portisch-Spassky...1/2-1/2
Jóhann-Nunn........1/2-1/2
Sokolov-Kortsnoj .... 1/2-1/2
Kasparov-Tal.......1/2-1/2
KB