Tíminn - 18.10.1988, Blaðsíða 2

2 Tíminri

_____ÞHö|uda^Fl8.;qÍ<t^:á9a8
Þrítugasta og fimmta þing BSRB hófst í gær. Kristján Thorlacius dregur sig í hlé:
KRISTJAN
HÆTTIR
Þrítugasta og fimmta þing BSRB
hófst í gærmorgun. Kristján Thorl-
acius sem verið hefur formaður
bandalagsins síðan 1960 lýsti því
yfir að hann yrði ekki í kjöri til
formannsembættisins.
Sterklega hafði verið búist við
því að Kristján gæfi þessa yfirlýs-
ingu, enda hefur hann áður gefið í
skyn að hann hyggðist ekki gefa
kost á sér, t.d. með því að lýsa yfir
stuðningi við einn þriggja fram-
bjóðenda til formannskjörs; Guð-
rúnu Árnadóttur.
Kristján Thorlacius setti þingið.
Hann sagðist hafa dregið að gefa
afdráttarlausa yfirlýsingu um að
hann hyggðist draga sig í hlé, þar
sem hann teldi „skyldu formanns
BSRB að gegna því starfi á mark-
tækan hátt til loka kjörtímabils
hans“.
Kristján sagði í setningarræðu
sinni að bandalaginu væri það
höfuðnauðsyn að móta heildar-
stefnu í kjaramálum og standa fast
um hana síðan. Þinginu bæri að
taka ákvörðun um til hvaða ráða
yrði gripið ti! að koma í veg fyrir
kjaraskerðingu.
Þá minntist hann á lífeyris-
sjóðsmál opinberra starfsmanna
méð hliðsjón af frumvarpi sem
liggur fyrir Alþingi um lífeyrismál
allra landsmanna.
Hann sagði að þetta þing BSRB
yrði að taka skýra afstöðu um að
opinberum starfsmönum yrði
áfram tryggður sá réttur til lífeyris
sem þeir hafa þegar náð.
Fyrir þinginu liggur tillaga til
breytinga á lögum bandalagsins
um að kjörnir trúnaðarmenn sitji
ekki lengur í stöðum en þrjú kjör-
tímabil eða níu ár.
Kristján sagði að samþykkt slíkr-
ar tillögu yrði mikið óheillaspor
fyrir BSRB meðal annars vegna
þess að enginn taki að sér slík störf
nema vegna áhuga á félagsmálum.
Að loknum ávörpum gesta fluttu
konur í BSRB leikþátt sem þær
fluttu á norrænu kvennaráðstefn-
unni í Osló, en síðan fór fram
nafnakall þingfulltrúa og úrskurð-
að var um kjörbréf.
Til orðaskipta kom milli fulltrúa
kjörbréfanefndar, Einars Ólafs-
sonar og nokkurra þingfulltrúa
vegna þingsetu fulltrúa Fóstrufé-
lags íslands og Meinatæknafélags
fslands.
Þessi félög voru stofnuð á árinu
en félagar þeirra voru áður innan
vébanda annarra félaga innan
BSRB.
Stjórn og kjörbréfanefnd BSRB
taldi rétt að veita fulltrúum þessara
nýju félaga rétt til þingsetu með
málfrelsi og tillögurétti en án at-
kvæðissréttar. -sá
212 fulltrúar sitja þrítugasta og fimmta þing BSRB. Lítið eitt til vinstri
sést ögmundur Jónasson sem er einn þriggja frambjóðenda til formanns-
kjörs. Honum á hægri hönd situr Sesselja Hauksdóttir, einn sex fulltrúa
Fóstrufélags íslands en aðild Fóstrufélagsins að BSRB verður cndanlega
afgrcidd á þessu þingi. Tímamynd: Gunnar
Kristján Thorlacius fráfarandi formaður BSRB blaðar í þingskjölum á 35. þingi bandalagsins. Gegnt honum
situr Albert Kristinsson fyrsti varaformaður sambandsins.
Baráttan um formennsku í BSRB hafin milli frambjóðendanna þriggja:
n
VilHa vinstrið“
haft Ogmundar
Flokkadrættir eru að hefjast fyrir formannskjör BSRB eftir að Kristján
Thorlacius hefur lýst því yfir að hann dragi sig í hlé frá formennsku.
Stuðningsmenn frambjóðendanna þriggja, þeirra Guðrúnar Árnadótt-
ur, Ögmundar Jónassonar og Örlygs Geirssonar eru farnir að hugsa sér
til hreyflngs og „plottin“ að komast í gang.
Einna erfiðast þykir ganga að
setja flokkspólitískan merkimiða á
Guðrúnu Árnadóttur, en hún er
framkvæmdastjóri BSRB og þykir
hafa staðið sig með ágætum, eink-
um í samstarfi við norræn verka-
lýðsfélög um stefnumörkun þeirra
varðandi afstöðu til Efnahags-
bandalags Evrópu og í jafnréttis-
málum.
Menn telja líklegt að Guðrún
njóti verulegs stuðnings kvenna og
að framboð hennar verði tengt að
einhverju leyti jafnréttis- og
kvennabaráttu en 67% meðlima
BSRB eru konur.
Þó þykir mörgum að ótvíræður
stuðningur Kristjáns Thorlaciusar
gæti orðið henni til trafala fremur
en til framdráttar.
Ögmundur Jónasson er talinn
njóta stuðnings Alþýðubanda-
lagsmanna enda eigni þeir sér hann
sem sinn mann.
Þótt Ögmundur sé ekki flokks-
bundinn allaballi þá þykja póli-
tískar hugmyndir hans vera í vinstri
kantinum og sverja sig í ættir við
þær skoðanir sem menn þar í
flokki flagga tíðum.
BSRB fólk sem Tíminn ræddi
við í gær sagði að slíkar vinstri
skoðanir ættu tæplega meirihluta-
fylgi að fagna hjá þingfulltrúum og
því gæti stuðningur „villta vinstris-
ins“ orðið Ögmundi til trafala og
hann tapaði frekar á opinberum
stuðningi yfirlýstra Allaballa.
Viðmælendur Tímans töldu að
Ögmundur ætti því minnsta mögu-
leika frambjóðendanna þriggja á
að ná kjöri þrátt fyrir að hann væri
að öllu leyti hinn mætasti maður
eins og hann hefði sýnt með starfi
sínu í Sigtúnshópnum, eða mis-
gengishópnum svokallaða og sem
formaður Starfsmannafélags Sjón-
varpsins.
Eins og nú horfir er því líklegt
að slagurinn um formennsku
BSRB muni standa milli Guðrúnar
og Örlygs Geirssonar.
Örlygur er yfirlýstur Krati og
talinn njóta stuðnings yfir á hægri
væng hins flokkspólitíska mynsturs
og Haraldur Hannesson, formaður
Starfsmannafélags Reykjavíkur-
borgar, er sagður mikilvægur
stuðningsmaður hans.
Örlygur er skrifstofustjóri í
menntamálaráðuneytinu og
margir, einkum vinstri menn og
þeir sem aðhyllast „kvennapólitík-
ina“ telja hann dæmigerðan kerfis-
karl og því fái hann ekki fulltingi
þessara hópa. -sá
y Auglýsing meö forstjóra Þjóðhagsstofnunar rædd viö fjárlagagerð:
Utboð á utanlandsferðum
Hún hefur vakið athygli margra, auglýsingin með Þórði
Friðjónssyni forstjóra Þjóðhagsstofnunar í dagblöðunum
fyrir helgi, þar sem hann auglýsir dýrasta farrými Flugleiða,
Saga Class. Þetta þykir ekki hvað síst fréttnæmt fyrir þær
sakir að auglýsingin birtist á sama tíma og hvatt er til
sparnaðar í ríkisrekstri, auk þess sem þessa dagana er verið
að koma saman fjárlagafrumvarpi. Lögð var fram tillaga á
ríkisstjórnarfundi í síðustu viku þess efnis að leitað yrði
útboða, til að lækka kostnað við fargjöldin hjá ríkisstarf-
smönnum í embættiserindum.
Bent hefur verið á, hvort sem
ferðir ríkisstarfsmanna á Saga Class
leiði til sparnaðar fyrir ríkið eða
ekki þegar upp er staðið, að þá sé
auglýsingin án efa ranglega tímasett.
Til umræðu kom við undirbúnings-
vinnu fjárlaga fyrir helgi að hægt
væri að skera af framlagi ríkisins til
stofnunarinnar sem næmi þeim tekj-
um sem fengjust fyrir auglýsinga-
starfsemi starfsmanna stofnunarinn-
ar.
Bolli Þór Bollason skrifstofustjóri
hagdeildar fjármálaráðuneytisins og
formaður ferðakostnaðarnefndar
sagði aðspurður í samtali við Tím-
ann að ferðakostnaðarnefnd ákvæði
eingöngu dagpeninga á ferðum ríkis-
starfsmanna, þ.e. fyrir gistingu og
fæði. „Okkar hlutverk er ekki að
hafa afskipti af fargjöldum," sagði
BoIIi. ^
Bolli sagðist ekki getað svarað :
fyrir það, hvort almennara væri að
ríkisstarfsmenn ferðuðust á Saga
Class eða ekki. Hann sagði að reglan
væri sú að hver ríkisstarfsmaður
þyrfti að fylla út ákveðið umsókn-
arblað um ferðaheimild sem skrif-
stofustjóri viðkomandi ráðuneytis,
eða yfirmaður stofnunar yrði að
samþykkja. „Eftir sem áður hlýtur
þetta alltaf að vera samt spurningin
um það hvort menn séu úti sex daga
til þess að vera á fundi sem tekur
hálfan dag, til þess að spara
fargjald," sagði Bolli.
Almenna reglan á ódýrari far-
gjöldum Flugleiða er sú að farþegi
verður að vera erlendis aðfaranótt
sunnudags. Bolli var spurður hver
það væri sem ákveður hvort ríkis-
starfsmaður fer á laugardegi, eða á
mánudegi til útlanda á fund, sem er
t.d. eftir hádegi á mánudegi.
Bolli sagði að lokaorðið hefði vænt-
anlega yfirmaður stofnunarinnar.
Hann taldi að tilvik sem þessi væru
oft nýtt, þ.e. að fara út á laugardegi,
til að ná ódýrara fargjaldi, enda
hefðu menn ekkert á móti því að fá
einn aukadag. „Það sem ég þekki til
af þessu, þá eru þetta yfirleitt það
stuttir fundir að mönnum er hrein-
lega ekki boðið upp á neitt annað en
að eyða sem minnstum tíma erlend-
is, þá er ég frekar að tala um þá sem
eru í hærri stöðum," sagði Bolli.
Aðspurður sagði Bolli að persónu-
lega hefði honum þótt auglýsingin
skjóta skökku við, í þeim efnahags-
þrengingum sem þjóðfélagið á við
að etja. Auk þess sem hún birtist á
sama tíma og fjárlög eru rædd í
ríkisstjórn.
Lögð hefur verið fram tillaga í
ríkisstjórn þess efnis að kannað
verði hvort ekki megi ná betri far-
gjöldum með því að ná góðum
samningum með útboði. Við útboð
sem þetta er erfitt um vik, þar sem
nánast eitt flugfélag flýgur á um 90%
þeirra staða sem ríkisstarfsmenn
fljúga tii.
Til að gefa lesendum nokkra hug-
mynd um verðmun á lægsta fargjaldi
og Saga Class fargjaldi, þá er lægst
fargjald á flugleiðinni fsland-Kaup-
mannahöfn 18.780 krónur, sam-
kvæmt upplýsingum sem fengust á
einni söluskrifstofu Flugleiða.
Skilyrðin eru að farþegi verður að
vera aðfaranótt sunnudags erlendis,
(sunnudagareglan) auk þess sem far-
ið verður að bókast og greiðast 14
dögum fyrir brottför. Þá er næsta
fargjald á sömu flugleið á kr. 24.880,
þar gildir sunnudagareglan, en ekki
er krafist fyrirfram bókunar eða
greiðslu. í þriðja lagi er um Saga
Class að ræða, þar sem fargjaldið er
kr. 53.640. Viðkomandi getur verið
eins stutt og hann vill, og ekki þarf
að bóka eða borga með fyrirvara.
Sæti þurfa að vísu að vera fyrir
hendi. -ABÓ