Tíminn - 18.10.1988, Blaðsíða 7

Þriðjudagur 18. október 1988
Tíminn 7
Könnun Félags ungra lækna bendir til að aðeins tveir af hverjum
þrem læknum í framhaldsnámi komi aftur til starfa á íslandi:
Menntum 128 lækna á
8 árum fyrir útlönd
Nýleg könnun leiddi í ljós að einhæfi í vali lækna á
sérgrein er meiri en menn höfðu gert ráð fyrir. Könnunin
bendir enn fremur til þess að rúmlega þriðji hver læknir
sem menntaður hefur verið í íslenska menntakerfínu og fer
í framhaldsnám flengist um lengri eða skemmri tíma
erlendis. Á átta ára tímabili lætur nærri að um 128 íslenskir
sérfræðingar flengist í útlöndum, eða 16 sérfræðingar á ári
að jafnaði. Landlæknir kallar þetta toll sem við þurfum að
greiða fyrir að senda menn utan í nám.
Könnun þessi var gerð að undir- aður íslenska ríkisins við menntun
lagi Félags ungra lækna og niður- 353 lækna á þessu tímabili skilar
stöður hennar birtast í nýútkomnu ssr Þvl ekki aftur til íslands í u.þ.b.
fréttabréfi lækna. Markmið könn- 128 tilfellum samkvæmt þessum
unarinnar var að athuga í hvaða
greinar innan læknisfræðinnar væri
mest sótt og afla þar með upplýs-
inga sem fram að þessu hafa ekki
legið á lausu. Könnunin náði til
lækna sem útskrifuðust á árunum
1978-1986.
Niðurstöður urðu m.a. þær að
81,3% hafa lokið eða eru í sér-
námi. Hvað val á sérnámi varðar
þá hafa flestir sótt í heimilislækn-
ingar, eða 19,5%. Einnig hefur
ásókn verið hlutfallslega mikil í
lyflækningar og skurðlækningar.
Athygli vekur hversu fáir hafa sótt
nám í t.a.m. ónæmisfræðum, lyfja-
fræði og endurhæfingar- og öldrun-
arlækningum, en fjöldi í þeim
greinum, hverri fyrir sig, er innan
við 1%.
Meira en þriðji hver
erlendis
í niðurstöðunum kemur einnig
fram að um rúm 36% eða 31 af
þeim 85 sem hlutu íslenskt sér-
fræðileyfi á þessu átta ára tímabili
búa erlendis. Þetta samsvarar því
að 97 af þeim 268 sem nú eru í
sérfræðinámi, eða hafa valið sér-
grein, munu koma til með að búa
erlendis í lengri eða skemmri tíma
eftir að námi þeirra lýkur. Kostn-
forsendum. Hins vegar gagnast
þetta Svíum vel en þar starfa flestir
íslensku sérfræðinganna og sænska
ríkið sparar sér alla grunnmenntun
og almenna læknisfræðimenntun
þessara sérfræðinga, þ.e. aðra
menntun en sjálfa sérfræði-
menntunina.
Haft var samband við Ólaf
Ólafsson landlækni og hann spurð-
ur um álit á þessum niðurstöðum.
Hvað varðar misvægið í vali á
sérgreinum þá sagði Ólafur að ein
skýring gæti hugsanlega verið sú að
mikil uppbygging hefur orðið á
síðastliðnum árum í heilsugæsl-
unni. „Við hefðum þó kosið að
fleiri færu í endurhæfingar- og
öldrunarlækningar. Við höfum
rætt að það vantaði menn í þessar
greinar, samt virðist eins og það sé
svo að menn hafi meiri áhuga á því
að fara í heimilislækningar og það
er svo sem ekkert við því að
segja.“ Hvað varðar offramboð á
læknum sagði Ólafur að það virtist
vera þannig að störf fyrir lækna
hefðu aukist. „Annað er svo það
að það er skortur á hjúkrunar-
fræðingum og færri fara í sjúkra-
liðanám. Það virðist ekki vera
áhugi hjá ungu fólki að fara í
umönnunarstörf. Einnig er mjög
slæmt að örfáir fara í meinatækna-
nám. Til dæmis hófu fimmtán til
tuttugu manns nám í meinatækni
hér áður fyrr, en í haust voru
einungisfjórirsem hófu nám. Þetta
er mjög slæmt og þýðir m.a. það
að læknar verða að fara í þessi
störf. Það getur nú varla talist
þjóðhagslega hagkvæmt."
Sérfræðinámstollur
Hvað viðkemur þeim mikla
fjölda sérfræðinga sem búsettir eru
erlendis sagði Ólafur að allt frá
1960 hefði alltaf mikill fjöldi ís-
lenskra lækna verið búsettur er-
lendis. „Það er nú þannig að við
höfum ekki haft neitt framhalds-
nám hér heima að ráði, núorðið
fara allflestir í framhaldsnám og
það virðist bara kosta okkur þetta.
Menn setjast að, fá stöður og koma
kannski ekki heim. Hugsanlega er
þetta eins konar tollur sem við
verðum að greiða. Menn eru er-
lendis við nám í fimm til sjö ár og
hvað gerist í þeirra lífi á þeim tíma
er ómögulegt að segja.“
Að lokum var Ölafur spurður
hvað væri gert til að kynna fyrir
ungum læknum hver þörfin væri
upp á atvinnumöguleika að gera.
„Við höfum gefið út læknaskrá
árlega og sent hana víða. Það má
kannski segja að við höfum rekið
meiri áróður fyrir heimilislækning-
um en öðrum greinum meðan þessi
mikla uppbygging hefur farið fram,
en það getur vel verið að við
verðum að reyna að breyta áhersl-
um hvað þetta varðar." ssh
Ólafur Ólafsson, landlæknir, segir
ekki verulegan skort á stöðum fyrir
Iækna á íslandi enda hafi stöðum
fjölgað. Hins vegar verði læknar í
auknum mæli að ganga í störf
meinatækna, vegna þess hve fáir
fari í það nám. Slíkt sé þjóðhags-
lega óhagkvæmt.
Vöruskiptajöfnuöur við útlönd óhagstæður um 993 milljónir króna:
16% aukning í
álútflutningi
Vöruskiptajöfnuður við útlönd
var óhagstæður um 993 milljónir
króna á fyrstu sex mánuðum þessa
árs, á sama tíma í fyrra var hann
hagstæður um 1.533 milljónir króna
á sama gengi. Fyrstu sex mánuði
ársins voru fluttar út vörur fyrir
27.726 milljónir króna, en inn fyrir
28.719 milljónir króna.
í júnímánuði voru fluttar út vörur
fyrir 6.032 millj. kr., en innflutning-
ur nam á sama tíma 6.477 millj.
króna. Vöruskiptajöfnuðurinn var
því óhagstæður um 445 millj. kr. en
í júní í fyrra var hann hagstæður um
310 millj. kr. á föstu gengi.
Fyrstu sex mánuðina voru sjávar-
afurðir 75% alls vöruútflutnings, en
það er um 3% minni verðmæti en á
sama tíma í fyrra. Útflutningur á áli
var 16% meiri og útflutningur kísil-
járns 7% meiri en á sama tíma í
fyrra. Útflutningsverðmæti annarrar
vöru var 10% meiri fyrstu sex mán-
uði þessa árs en á sama tíma í fyrra
ef reiknað er á föstu gengi.
Á ofangreindu sex mánaða tíma-
bili voru verðmæti vöruinnflutnings
10% meiri en á sama tíma í fyrra.
Innflutningur til álverksmiðjunnar
var nokkru meiri én á sama tíma í
fyrra, en olíuinnflutningur minnkaði
lítils háttar samkvæmt skýrslum
fyrstu sex mánuði ársins. Innflutn-
ingur skipa var hins vegar miklu
meiri en í fyrra. Innflutningur til
stóriðju og olíuinnflutningur, ásamt
innflutningi skipa og flugvéla er
jafnan breytilegur frá einu tímabili
til annars. Séu þessir.liðir frátaldir
reyndist annar innflutningur hafa
orðið um 7% meiri en í fyrra.
-ABÓ
Maðurinnsem lýstvareftirá ísafirði kominn í leitirnar:
Fannst látinn
Gísli Jósefsson, sem lýst var eftir
á fimmtudag, fannst látinn í innri
höfninni á ísafirði skömmu fyrir
klukkan tvö á sunnudag.
Síðast sást til ferða Gísla um kl
21.30 á miðvikudagskvöld við
togarann Pál Pálsson í ísafjarðar-
höfn. Talið er að Gísli hafi fallið
milli skips og bryggju.
Gísli Jósefsson var til heimilis að
Hrannargötu 3 á ísafirði. Hann
lætur eftir sig konu og fjögur
uppkomin börn. -ABÓ
SÆNSKU
AÐVENTULJÓSIN
VINSÆLU
mismunandi litirog gerðir.
Mjög gott verð.
LEMKÓ MF.
Umboðs- og heildverslun
Smiðjuvegi 1 - 200 Kópavogi - 5ími 46365
brosum/
og w
allt gengur betur •