Tíminn - 20.10.1988, Blaðsíða 20

NTJTIMA FLUTNINGAR
Hafnarhúsinu v/Tryggvagötu,
S 28822
tjan man. bmdin
STRUMPARNIR
fTfíUGrPtSrtujr
HRESSA
KÆTA
Tímimi
Helgi Þór Jónsson, eigandi Arkar, segir afgreiöslu Þorgeirs Inga Njálssonar einkennilegaog mun ekki gefast upp:
„Eru að gera nokkuð
sem ekki má gerast“
Þó að Þorgeir Ingi Njálsson, hjá sýslumannsembættinu
á Selfossi, hafi sent lögmanni Helga Þórs Jónssonar,
stærsta hluthafa í Hótel Órk hf., skeyti um að hann taki
ekki tilboði hlutafélagsins í húseign hótelsins frá síðasta
uppboði, hafði skeytið ekki borist seint í gærkvöldi. Helga
Þór Jónssyni þótti því harla einkennilega að málinu staðið
og mun ekki að svo stöddu sætta sig við að fram hjá 30
milljón króna hærra tilboði Hótel Arkar hf. verði gengið.
Áfrýjun til Hæstaréttar er ekki
útilokuð en Helgi vildi ekki tala út
um málið fyrr en í dag. Áfrýjun
mun þýða hátt í tveggja ára bið-
stöðu, þar sem ekki má ganga að
skuldara meðan málið er fyrir
Hæstarétti. í dag verður sent svar-
skeyti til sýslumannsembættisins á
Selfossi, ef skeytið hefur þá borist
lögmanni hlutafélagsins. Helgi Þór
er ekki búinn að segja sitt síðasta
orð í þessu máli og mun ekki láta
hótelið í hendur Framkvæmda-
sjóðs án frekari glímu. „Þessir
aðilar eru að gera nokkuð, sem
ekki má gerast," segir Helgi Þór.
Örkin verði dauð eign ef hún
kemst í hendur stofnunarinnar,
þar sem hlutafélagið eigi allt innbú
hótelsins og sé ekki tilbúið til að
lána það hverjum sem er, en auk
þess hefur verið gerður leigusamn-
ingur til 1993.
Segir Helgi Þór jafnframt að það
einkennilegasta við þennan frest
sem Þorgeir Ingi hafi tekið sér, sé
að hann er aðeins tvær vikur í stað
venjubundinna þriggja vikna frest-
ar í réttarkerfinu. Þá eigi hann
erfitt með að skilja þau ummæli,
sem höfð eru eftir Þorgeiri Inga í
fréttum, að hann hafi tekið þessa
ákvörðun að vel athugðu máli. Það
komi honum spánskt fyrir sjónir
þar sem hvorki hann né lögmaður
sinn hafi orðið varir við neina
könnun á því hvort hann gæti
staðið við 230 milljón króna tilboð
sitt í hóteleignina.
En þó svo að Hæstaréttarleiðin
verði ekki farin af hálfu Helga Þórs
og meðeigenda hans í Hótel Örk
hf. er ekki ljóst hvort eða hvernig
Framkvæmdarsjóður getur ráð-
stafað eigninni. Hótel Örk hf.
hefur hótelið allt á leigu og alla
aðstöðu þess, frá eiganda Hótel
Arkar sem er Helgi Þór Jónsson
sjálfur. Leiga þessi er til 1993.
Hlutfélagið hefur svo aftur gert
undirleigusamning við Sigurð Hall
á öllum veitingarrekstri í húsa-
kynnum Arkarinnar. Sá leigu-
samningurereinnigtil 1993. Hefur
Tíminn fengið það staðfest að
þessum leigusamningum verði ekki
Helgi Þór Jónsson, eigandi Hótels Arkar og einn af eigendum Hótels
Arkar hf., mun ekki gefast upp. „Það er ekkert sem mælir á móti áfrýjun
til Hæstaréttar.“ Tímamynd BREIN
rift nema með málshöfðun þessara
aðila gegn Framkvæmdasjóði.
Með þessa staðreynd í huga gæti
Framkvæmdasjóður ekki ,haft
nema afar takmarkaðan ráðstöf-
unarrétt yfir eign sinni, verði mál-
inu ekki áfrýjað.
í dag á Helgi Þór Jónsson von á
staðfestingu á endanlegu tilboði í
stóran hluta eignar sinnar í Hótel
Örk hf. frá hollenska fyrirtækinu
Beckholdings, en tilboð hafa þegar
gengið á milli aðila. Hefur það
verið stefna Helga Þórs að selja
mest allan eignarhlut sinn í hluta-
félaginu til þess að hann geti notað
það fé við að greiða niður skuldir
sínar sem eini ,eigandi hótelbygg-
inganna. Með þeirri sölu og með
kaupum hlutafélagsins á eigninni
sjálfri, hyggjast aðstandendur ná
að greiða upp skuldahala bygging-
arinnar þannig að sem fæstir tapi
og skellur lánadrottna verði sem
minnstur.
í sumar hefur verið unnið að
verulegri skipulagningu á nýtingu
hótelsins sem heilsuhótels og liggja
áætlanir nú þegar fyrir. Er gert ráð |
fyrir því að fyrstu gestir heilsuhót-
elsins komi til landsins í janúar á I
næsta ári, en alls komi hingað um
700 manns árið 1989. í>að þýðirum
10.500 gistinætur. f sömu áætlun,
sem unnin er af markaðsfulltrúa í |
Þýskalandi í samvinnu við Fit Reis-
en og á þriðja tug lækna, er gert I
ráð fyrir að hótelið verði fullnýtt
allt árið, sem heilsuhótel, innan
þriggja ára. KB |
Staðið í einu og öllu
við fyrra samkomulag
Stefna íslenskra stjórnvalda í hval-
veiðimálinu verður aðalumræðuefni
á ríkisstjórnarfundi sem boðað hefur
verið til fyrir hádegi í dag. Málið
verður reifað í framhaldi tíðinda um
að þýska stórfyrirtækið Tengelmann
hafi ákveðið að hætta kaupum á
íslensku lagmeti vegna hvalveiða
íslendinga í vísindaskyni.
Halldór Ásgrímsson, sjávarút-
vegsráðherra, og Theodór S. Hall-
dórsson, framkvæmdastjóri Sölu-
stofnunar kigmetis, áttu í gær fund
með fulltrtjum Tengelmanns f ís-
lenska sendiráðinu í París. Var
ákveðið /aö sjávarútvegsráðherra
myndi aftur í næstu viku funda með
fulltrúum þýska fyrirtækisins.
Benedikt Guðmundsson, skrif-
stofustjóri Sölumiðstöðvar hrað-'
frystihúsanna í Hamborg, greindi
Tímanum frá því í gær að þýskir
grænfriðungar hafi sent bréf til allra
helstu viðskiptavina SH í Vestur-
Þýskalandi þar sem fram komi hót-
anir uip aðgerðir af þeirra hálfu ef
ekki verður látið af kaupum á ís-
lenskum fiski.
Fleiri ráðherrar úr ríkisstjórn
Steingríms Hermannssonar en Hall-
dór Ásgrímsson ræddu um hvala-
málið á erlendri grundu í gær. Vestur
í Washington í Bandaríkjunum átti
Jón Baldvin Hannibalsson, utanrík-
isráðherra, fund með Georg P.
Schultz, utanríkisráðherra Banda-
ríkjanna. Rætt var um tvíhliða sam-
skipti þjóðanna og ýmis alþjóðamál.
Hvalamálið var rætt ítarlega og
ítrekaði Jón Baldvin röksemdir ís-
lendinga fyrir vísindalegum rann-
sóknum á hvalastofnum. Hann
greindi kollega sínum, Georg
Schultz, frá því að fréttaflutningur
undanfarinna daga þýddi ekki að
ríkisstjórn íslands hefði breytt af-
stöðu sinni til hvalamálsins. Þá lagði
utanríkisráðherra áherslu á að ís-
lendingar hefðu full og óskoruð
yfirráð yfir auðlindum sínum og
allar ákvarðanir um nýtingu auð-
linda innan efnahagslögsögu íslands
yrðu teknar af íslendingum sjálfum
án tillits til utanaðkomandi
þrýstings.
í máli bandaríska utanríkisráð-
herrans kom fram fullur skilningur
hans á afstöðu íslendinga til hval-
veiðmálsins. Lýsti hann vilja sínum
til að Bandaríkjastjórn myndi gera
allt sem í hehnar valdi stæði til að
vinna þau málaferli sem hún stæði
nú í við bandarísk umhverfisvernd-
arsamtök og standa í einu og öllu við
það samkomulag sem þjóðirnar
hefðu gert með sér í hvalveiðimálinu
í framhaldi af fundi Alþjóðahval-
veiðiráðsins í Auckland á Nýja-Sjá-
landi sl. sumar. óþh
Byrjað að borga í Verðjöfnunarsjóð:
Verðjöfnunargjald
upp í afurðalánin
Byrjað er að borga út úr Verð-
jöfnunarsjóði fiskiðnaðarins, en
samkvæmt bráðabirgðalögunum er
ríkissjóði heimilt að taka lán allt að
750 milljónir króna fyrir hönd sjóðs-
ins til að sjóðurinn geti borgað
verðjöfnunargjald sem nemur 5% á
landfrystan fisk. Gjaldið er lagt inn
á reikning fyrirtækjanna í viðkom-
andi viðskiptabönkum, en þar virðist
sem greiðslurnarstoppi. Talsverðrar
óánægju gætir meðal manna í fisk-
vinnslunni vegna þessa. Viðskipta-
bankarnir taka greiðslurnar upp í
skuld fyrirtækjanna við sig, sem
gerir það að verkum að þau geta
ekki greitt aðra liði.
„Ég vil alls ekki lýsa þessu þannig
að bankarnir ákveði ráðstöfun á
þessu fé. Þetta eru bara eins og aðrar
tekjur þessara fyrirtækja af afurð-
um, þetta er verðjöfnun og því hluti
af andvirði framleiðslunnar,“ sagði
Jón Sigurðsson viðskiptaráðherra í
samtali við Tímann. „Mörg þessara
fyrirtækja kunna að hafa gert samn-
inga við sfna viðskiptabanka um að
halda eftir ákveðnum hluta af and-
virði afurðanna til að greiða upp
afurðalán og rekstrarlán og fleira af
því tagi.“ Jón sagðist líta svo á að
þetta væru viðskiptasamningar hvers
fyrirtækis við sinn viðskiptabanka,
en ekki málefni sem ríkið skipti sér
af. ABÓ