Tíminn - 22.10.1988, Blaðsíða 10

10 Tíminn
Laugardagur 22. október 1988
Hundahald í Reykja-
vík - skoðanakönnun
Dagana 24.-30. október n.k. fer fram skoðanakönnun um
hundahald í Reykjavík. Kjörstaður er í anddyri Laugardals-
hallar og verður opinn mánudag 24. til föstudags 28. kl. 16.00
til 19.00 og laugardag 29. og sunnudag 30. frá kl. 14.00 til
20.00.
Kjörskrá er sú sama og gilti við forsetakosningar 25. júní s.l.
Atkvæðisrétt hafa þeir, sem á kjörskránni eru og eru orðnir
18 ára 30. október n.k.
Vakin er athygli á, að kjörskráin miðast við lögheimili 1.
desember 1987.
Allar upplýsingar um kjörskrá gefur Manntalsskrifstofa
Reykjavíkur, Skúlatúni 2, sími 18000.
Símar Manntalsskrifstofu og kjörstjórnar eru 27880 og 27288.
Spurningin á kjörseðlinum er þessi:
Viljið þér leyfa hundahald í Reykjavík með þeim
skilyrðum, sem gilt hafa síðustu fjögur ár?
Helstu skilyrði eru eftirfarandi:
1. Leyfi til hundahalds er bundið við nafn og heimilisfang
eiganda og er óheimilt að framselja það. Sé um að ræða
leyfi fyrir hund í sambýlishúsi þarf skriflegt samþykki
sameigenda.
2. Skylt er að ábyrgðartryggja hunda fyrir tjóni, sem þeir
kunna að valda.
3. Hundar eru færðir árlega til hreinsunar.
4. Hundurinn skal vera merktur, m.a. með heimilisfangi
eiganda.
5. Bannað er að hleypa hundum inn á tiltekin svæði, svo sem
leikvelli, svo og í almenningsfarartæki, samkomuhús og
fleira. Sá sem leyfi hefur skal sjá um að hundurinn valdi
ekki óþægindum eða óþrifnaði.
6. Ef sá, sem leyfi hefur, brýtur gegn reglum um hundahald
getur borgarráð svipt hann leyfi.
7. Hunda, sem valda hættu, óleyfilega hunda eða hunda,
sem ganga lausir utanhúss, skal taka úr umferð og er
heimilt að lóga hættulegum hundum þegar í stað.
Að öðru leyti er vísað til samþykktar um hundahald í
lögsagnarumdæmi Reykjavíkur nr. 385/1984, sem liggur
frammi á Borgarskrifstofum, Austurstræti 16, hjá Heilbrigðis-
eftirliti, Drápuhlíð 14, og á kjörstað í anddyri Laugardalshallar,
meðan kosning stendur yfir.
Kjörstjórn
FÉLAGSMÁLASTOFNUN
REYKJAVÍKURBORGAR
Heimilishjálp
í BETRI SÆTUM
................................................
Stjörnugjöf = ★★1/2
Arnold kominn
fram í tímann
The Running Man
Aðalhlutverk: Arnold
Schwarzenegger, Yaphet Kotto,
Richard Dawson og Maria Alonso.
Leikstjóri: Paul Michacl Glaser
Myndband: JB-Heildsala
Enn er ég að skrifa um Arnold
Schwarzenegger. Nú er hann kom-
inn fram í tímann, til ársins 2019.
Þar leikur hann góðhjartaðan lög-
reglumann, sem neitar að fram-
kvæma skipun - myrða saklausa
borgara. Laun heimsins eru van-
þakklæti og Arnold er varpað niður
í ystu myrkur og settur í fjötra.
Amold er þó ekki vanur að gefast
upp og með fulltingi félaga sinna
brýst hann úr prísundinni.
Eftir krókaleiðum lendir Arnold í
klóm þáttagerðarmanns sjónvarps-
stöðvar. Sjónvarpsmaðurinn er
stjómandi vinsælasta sjónvarpsefnis
í heiminum. Það er þátturinn „The
Running Man“. Arnold er neyddur
til að vera gestur þáttarins. í þættin-
um er fylgst með óvini ríkisins í
baráttu við fanta á vegum sjónvarps-
stöðvarinnar. Þeir elta uppi flótta-
manninn og drepa hann í beinni
útsendingu. Við skulum láta staðar
numið í söguþræðinum, þar sem
Amold hleypur af stað.
Þetta er dæmigerð Schwarzeneg-
ger mynd. Lítið talað, en þess meira
um blóð og stælta skrokka. Arnold
er eins og vanalega sterkastur allra.
Um leikhæfileika hans þarf ekki að
fjölyrða á nýjan leik. Hann er góður
í að kreppa vöðva og stúta vondum
mönnum.
Umhverfi myndarinnar, sem ger-
ist árið 2019, er nokkuð sannfærandi
og frekar til að styrkja myndina en
hitt. Sjónarspil það sem sett er á
svið, er ágætlega útfært.
Vart verður við nokkurn frum-
leika í drápsaðferðum, hjá ill-
mennunum er Arnold á við að etja.
Þeir sveifla um keðjusögum, ís-
hokkí-sverðum og öðru lauslegu.
Þetta er mynd sem svíkur ekki
aðdáendur Schwarzeneggers.
-ES
Stjörnugjöf: ★★★1/2
Lífsglöð bytta
Arthur
Aðalhlutverk: Dudley Moore, Liza
Minnelli, John Gielgud, Geraldine
Fitzgerald og Jill Eikenberry.
Leikstjóri: Steve Gordon.
Myndband: Steinar.
Það eru eflaust margir, sem beðið
hafa eftir að þessi frábæra mynd
kæmi út á myndbandi enda ekki
seinna vænna því von er á Arthur II
innan skamms.
Myndin segir frá Arthur Bach,
sem leikinn er af Dudley Moore.
Arthur er líklega ríkasti og elskuleg-
asti fylliraftur heims. Hann hefur
aldrei þráð neitt, nema smá whiskey
sjúss og allt sem hann hefur óskað
sér hefur hann fengið fyrir peninga.
Barskápurinn hjá honum er heldur
ekki af minni gerðinni, því í honum
er svo mikið af víni að hægt væri að
halda margra daga sukkveislu án
þess að taka eftir því.
Einkaþjónn Arthurs er rólegur og
virðulegur eldri maður, sem heitir
því viðkunnalega nafni Hobson og
er leikinn af hinum eiturhressa John
Gielgud. Hobson er Arthur mikil
stoð þegar syrtir í álinn hjá honum,
en hans nýstandi og þurri húmor
kemur fram þegar lagskonur Ar-
thurs eru annars vegar.
Fjölskylda Arthurs- hótar að gera
hann arflausann ef hann giftist ekki
Starfsfólk vantar til starfa í heimilishjálp. Vinnutími
eftir samkomulagi, allt niður í 4 tíma á viku.
Einnig vantar starfsfólk í Hús Öryrkjabandalags
íslands, Hátúni.
Upplýsingar í síma 18800.
FRAMKVÆMDASJÓÐUR ÍSLANDS
FERÐAMÁLASJÓÐUR
LANDFLUTNINGASJÓÐUR
Tilkynning um breytt
símanúmer
Frá og með mánudeginum 24. október 1988
verður símanúmer ofangreindra sjóða 624070.
Öflugur
jarðvegstætari
Howard 100, notaður, til sölu mjög ódýrt. Upplýs-
ingar í síma 91-84880.
iJOPP
TUTTUGU
1.( 5) ThePredator (Steinar)
2. ( 8) TheBelievers (Skifan)
3. (-) The Running Man (J.B. Heildsala)
4. ( 1) The Black Widow (Steinar)
5. ( 2) Dragnet (Laugarásbíó)
6. ( 3) No Man’s Land (Háskólabíó)
7. ( 6) NightOnTheTown (Bergvík)
8. (14) Raw (Háskólabíó)
9. ( 7) Born in East L.A. (Laugarásbió)
10.(10) Princess Bride (J.B.Heildsala)
11. ( 4) The Boss’s Wife (Steinar)
12. ( - ) Nadine (Steinar)
13.(19) Amazing Stories v/6 (Laugarásbió)
14. (-) Retribution ° (Myndform)
15. ( - ) Arhur (Steinar)
16. ( - ) Otto Der Film (Myndbox)
17. ( 9) Hentu mömmu af lestinni (Haskólabio)
18. (-) TheRosaryMurders (Laugarásbíó)
19. ( * ) Disorderlies (Steinar)
20.(11) SummerSchool (Háskólabíó)
( * ) Merkir að viðkomandi titill er að koma aftur inná
listann, eftir að hafa dottið úr.
WWNCT) OOMKVZt
‘ vellauðugri og ótrúlega leiðinlegri
„unnustu" sinni Susan, sem leikin er
af Jill Eikenberry. Hann er í þann
veginn að láta undan vilja fjölskyld-
unnar, því í veði er hvorki meira né
minna en um milljarður dollara,
þegar hann kynnist Lindu, Liza
Minnelli, fyrir tilviljun. Hann verður
vitni að því þegar hún stelur bindi í
rándýrri fataverslun og er nöppuð.
En fjölskylduklækir láta ekki á sér
standa og allt er reynt að gera til að
draga Arthur upp að altarinu, til að
giftast Susan. Það virðist ætla að
takast, allir eru sestir inn í kirkjuna
og bíða þess að brúðguminn mætir.
Hann mætir, en er ekki í góðu
gangfæru ástandi, þar sem hann
hafði drukkið einum of mikið. Ekk-
ert verður úr brúðkaupinu og Arthur
og Linda ákveða að búa við fátækt
* það sem eftir er. Þá kemur til
sögunnar móðir Arthurs sem leikin
er af litlu norninni Geraldine Fitz-
gerald og ákveður að hann fái nú að
eiga milljónirnar, en Arthur er ekki
alveg á þeim buxunum.
Þessi mynd er í alla staði vel gerð,
og leikurinn lireint frábær, enda er
valinn maður í hverju rúmi. Dudley
Moore tekst sérlega vel að leika
fyllibyttuna, án þess að ofleika á
nokkurn hátt. Gielgud er eins og
fæddur inn í þjónshlutverkið og
mamma Arthurs er dýrðleg.
-ABÓ