Tíminn - 22.10.1988, Blaðsíða 14
14 Tíminn
Laugardagur 22. október 1988
FRÉTTAYFIRLIT
VILNUS - Hinn nýi leiðtogi
kommúnstaflokksins í sovét-
lýðveldinu Litháen lofaði því
að fleiri en einn frambjóðandi
verði í framboði fyrir hvert
embætti í komandi kosninaum
og að skrifræði verði skorið við
trog. Þetta á að vera hluti
mikilla umbóta í þessu Eystra-
saltssovétlýðveldi sem eitt sinn
var sjálfstætt ríki.
BELGRAD - Þúsundir
serbneskir þjóðernissinnar
mótmæltu á meoan þing Júgó-
slavíu ræddi stjórnarskrána
með það í huga að breyta
henni í von um að það lægi
ólguna sem verið hefur í land-
inu. Mótmælendurnir hvöttu til
aukinna áhrifa Serba í Kosovo,
sem er sjálfstjórnarhérað sem
áður tilheyrði Serbíu, en Al-
banar eru í meirihluta í hérað-
inu.
ÚTLÖND
llllilllllilll
36 Palestínumenn og Líbanir úr Hizbollah samtökunum særöust eða létust í gær:
Hefndarsvipu Israela
laust niður í Líbanon
Hefndarsvipu ísraela laust niður á búðir Palestínumanna
og liðsmanna Hizbollahsamtakanna í suðurhluta Líbanon í
gær, en þar fórust eða særðust að minnsta kosti þrjátíu og sex
manns þegar ísraelskar herþotur gerðu þar loftárásir. Með
árásunum eru ísraelar að hefna hermannanna sjö sem létust
þegar skæruliði Hizbollah samtakanna ók bifreið fylltri
sprengiefni á ísraleskan herflutningabíl.
Tvær þotur ísraela gerðu sprengi-
árás á stöðvar Fatha skæruliðahreyf-
ingarinnar sem er undir stjórn Yass-
ers Arafats og á stöðvar Marxísku
þjóðfrelsishreyfingarinnar nærri Mi-
yeh Miyeh flóttamannabúðunum
nærri hafnarborginni Sídon. Þar lét-
ust þrír menn samstundis og tólf
særðust sumir mjög alvarlega.
Aðrar tvær þotur gerðu árás á
stöðvar Hizbollah samtakanna við
Mashgara og Ain al-Tineh í Beka-
dalnum, en þar ráða Sýrlendingar
ríkjum. Að minnstat kosti tuttugu
og einn særðist eða lést í þeirri árás,
en sprengjur féllu meðal annars á
tvær sjúkrastöðvar í búðunum.
Loftárásir fsraela stóðu í rúma
klukkustund og komust herþoturnar
heim heilar á húfi þrátt fyrir að
skæruliðar hafi skotið loftvarnar-
skeytum að þotunum.
Skelfingu lostið fólk í Miyeh Mi-
yeh flóttamannabúðunum flúði með
Shamír hét skæruliðum hcfndum og
hefndin dundi yfir í formi loftárása.
börn sín og nánustu eigur strax eftir
fyrstu árás þotanna á meðan björg-
unarsveitir grófu látna og særða út
úr rústum bygginga. Störf björgun-
arsveitanna tafðist þegar tvö vopna-
búr sprungu í loft upp, annað í eigu
Palestínumanna og hitt í eigu Sunní-
múslíma.
Yitzhak Shamír forsætisráðherra
ísraela hafði heitið hefndum fyrir
árás múslíma á ísraelsku herflutn-
ingalestina og sakaði Palestínumenn
og Hizbollah um að vinna saman að
því markmiði að eyða Ísraelsríki.
Talsmaður Fatha sagði hins vegar
eftir árásirnar að þeirra yrði hefnt
með auknum árásum skæruliða á
ísraela. Hizbollah samtökin hótuðu
hins vegar að tveir ísraelskir her-
menn sem hafa verið í haldi þeirra
frá því árið 1986 muni fá það óþvegið.
MANAGVA - Hvirfilbylur-
inn Joan jók styrk sinn að nýju
og stefndi á hafnarborgina
Bluefield í Níkaragva og er
vindhraðinn í hvirfilbylnum 175
km á klukkustund.
WASHINGTON - Verð á
neysluvörum í Bandaríkjunum
hækkaði um 0.3% í síðasta
mánuði og segia bandarískir
hagfræðingar að það bendi til
þess að verðbólgan hafi hætt
við að rjúka upp með þeim
hraða sem hún hafði stefnt í.
Þessir dyntir verðbólgunnar
féllu í góðan jarðveg hjá Repú-
blikönum sem fara með stjórn-
völinn eins og kunnugt er.
AÞENA - Grískt farþega-
flutningaskip með 475 farþega
innanborðs og ítalskt vöru-
flutningaskip sigldu saman á.
Píreussundi nærri Aþenu. Ein-:
hver slys urðu á fólki, en björg-
unarsveitir komu strax á
staðinn.
MADRID - Iranar sögðust
vera að reyna að leysa ágrein-
ing sinn við írana í olíufram-
leiðslumálum. Þetta eru fyrstu
merki þess að eitthvað gangi í
viðræðum OPEC rlkja sem
staðið hafa yfir í tvo daga.
Baráttan í bandarísku forsetakosningunum helduráfram á vafasömu nótunum:
Bush sakaður
um f ramhjáhald
Kosningabaráttan fyrir forsetakosningarnar í Bandaríkjunum er sú allra
illkvittnasta sem hingað til hefur verið háð að mati þeirra er til þekkja. í gær
varð blökkukona að víkja úr kosningaliði Dukakis forsetaefnis Demókrata
vegna óviðcigandi ummæla um Gcorgc Bush varaforseta, en nú ganga þær
sögur fjöllum hærra að Bush hafi lialdið við konu úr starfsliði sínu allan þann
tíma sem hann hefur vcrið varaforseti og að auki hafi Bush átt viðhald cr
hann starfaði sem yfírmaður CIA.
„Ég held að George Bush ætti að
skýra frá sínum málum. Bandaríska
þjóðin á rétt á því að vita hvort
Barbara Bush muni deila rúmi með
bónda sínum í Hvíta húsinu. Það er
mjög mikilvægt. Við erum ekki að-
eins að kjósa mann, við erum að
kjósa fjölskyldu," sagði Donna Bra-
zile sem var aðstoðarmaður Dukak-
is, við blaðamenn. „Kannski er hann
að fela eitthvað. Ef þetta eru ein-
göngu staðlausar vangaveltur, þá
ætti hann að segja það,“ bætti hún
við.
Fyrir þessi ummæli sín varð
Donna að segja af sér störfum þeim
sem hún hefur haft með höndum í
kosningabaráttu Dukakis. Dukakis
baðst Bush afsökunnar í eigin pers-
ónu, en þeir félagar sátu sem heið-
ursgestir í góðgerðarveislu í New
York í dag. Dukakis hefur reyndar
sakað Bush um ódrengilega kosn-
ingabaráttu og hvatt til að málflutn-
ingur yrði málefnalegri. Hann ítrek-
aði þá skoðun sína í gær.
En góðgerðarveislan sem haldin
var til styrktar einhverju háleitu
markmiði var vfst einstaklega
skemmtileg. Hefð er fyrir því að
forsetaframbjóðendur mæti í þessa
veislu og haldi ræðu í léttum dúr. Þó
Dukakis hafi beðið lægri hlut í
sjónvarpsumræðunum á dögunum,
þá var almennt talið að hann hafi
verið skemmtilegri en Bush í veisl-
unni. Reyndar fór hann örlítið og
smekklega inn á kynlíf í ræðu sinni
og þótti jafnvel skína í háð í garð
Bush ef tekið var tillit til fyrri
atburða.
Dukakis vísaði til þess að í fyrra
var hann valinn einn af tíu
kynþokkafyllstu karlmönnum
Bandaríkjanna. „Ég gekk um næstu
daga á eftir og var nokkuð ánægður
með sjálfan mig, allt þar til kunningi
minn kom í heimsókn ogsagði „Hei,
Mikki. Þeir útnefndu George Bush
fyrir tveimur árum“.
Dukakis og Bush. Sögur ganga nú fjöllum hærra um að Bush standi í framhjáhaldi. En hvort sem svo er eður ei,
þá hafa þeir báðir, Dukakis og Bush, verið útnefndir í hóp tíu kynþokkafyllstu manna Bandaríkjanna.
Borgarastríöið í Angóla:
Það linnir ekki hjaðningavígum í
Angóla þó heldur virðist mjakast í
friðarviðræðum þar. Skæruiiðar Un-
itahreyfingarinnar, sem ekki taka
þátt í friðarviðræðunum, segjast
hafa vegið sjötíu og sex hermenn í
bardögum í suðurhluta landsins síð-
ustu daga.
í yfirlýsingu Unitahreyfingarinnar
segir að fjörtíu og einn stjórnarher-
maður hafi verið veginn á fimmtudag
í hörðum bardaga á bökkum Jimbe
árinnar í Cuando Cubangi héraði.
Þá segjast skæruliðar hafa ráðist á
herstöð í Lobito í Benguela héraði
og skilið þar eftir tuttugu og tvo
andvana stjórnarliða. Sex skæruliðar
eiga að hafa fallið.
Unita hefur barist við marxista-
stjórnina í Angóla í þrettán ár, eða
allt frá því að Portúgalar yfirgáfu
landið. Leiðtogar Unita hafa boðist
til að semja frið ef mynduð yrði
samsteypustjórn Unita og Marxista
sem undirbúi kosningar í landinu.
Marxistastjórnin sem nýtur stuðn-
ings kúbanskra herdeilda hefur ekk-
ert viljað við Unita tala. Á meðan
drepa Angólamenn mann og annan.
Marcoshjón-
in sótt til
saka í BNA
Marcos fyrrum forseti Filipps-
eyja og kona hans Imelda, verða
sótt til saka í Bandaríkjunum
fyrir meint fjármálamisferli og
fjárdrátt. Embættismenn Banda-
ríkjastjórnar sögðu þetta í gær,
en í fyrradag hafnaði Marcos
tilboði bandarísks dómsstóls um
að hann játaði á sig minniháttar
sakir og í stað þess slyppi hann
við alvarlegri ásakanir.
Marcos og kona hans eru sökuð
um að hafa stungið tugum millj-
óna doilara undan á Filippseyjum
og ýmist sett peningana inn á
einkareikninga í Sviss eða fjárfest
í Bandaríkjunum á ólöglegan
máta.
Eftir að Marcos flúði Filipps-
eyjar hafa filippeysk stjórnvöld
leitast við að endurheimta ein-
hvern hluta fjármagnsins sem
hjónin stálu.
Lúxemborg
heimahöfn
kaupskipa!
Ríkisstjórnin í Lúxemborg ætlar
að koma upp kaupskipaflota á næst-
unni. Kaupskip landsins eiga þá að
vonum erfitt með að landa í Lúx-
emborg því ríkið er landlugt og langt
til hafs. En þann ókost hyggst ríkis-
stjórnin bæta upp með skattaívilnun-
um.
Hugmynd ríkisstjórnarinnar er að
laða skipafélög til að skrá skip sín í
Lúxemborg og flytja skrifstofur sín-
ar þangað. Er talið að atvinna og
peningastreymi sem við það skapað-
ist muni verða landinu til framdrátt-
ar. Þannig myndu skip sigla undir
fána Lúxemborgar þó þau eigi enga
möguleika að leggjast við höfn í
„heimalandinu".
Markhópur þeirra í Lúxemborg
eru þau skipafélög í Evrópu sem
ekki geta staðið undir þeim launum
sem ríki Evrópu tryggja sjómönnum
á skipum er sigla undir þeirra flaggi,
en vilja ekki skrá skip sín undir
fánum Panama eða Líberíu, sem eru
vinsælustu „sjóræningjaríkin" þar
sem litlar kröfur eru gerðar til skipa-
félaganna.