Tíminn - 29.10.1988, Side 27

i iS'/o £>“: 'r.iCí-
Láugafdagur 29. oktober 1988
r.Ȓi,> :*f r r _*
TÍminn 27
Prínsinn gegnir skyldum sínum
- MEÐ SEMINGI ÞÖ
William prins þykir ekki alltaf áreiðanlegur þegar á reynir að sýna á
sér betri hliðina. Foreldrum hans létti mjög þegar hann hafði fengist
til að taka hendur úr vösum og bjóða einni brúðarmeynni höndina.
Hins vegar fer engum sögum af því hvernig litlu stúlkunni leið.
Hann fer að fá reynsluna af því
að vera í brúðkaupum, hann Wil-
liam prins, eldri sonur Díönu og
Karls prins af Wales. Nú fyrir
skemmstu var hann í hlutverki
brúðarsveins þegar besta vinkona
mömmu hans, Camilla Dunne, og
Rupert Soames voru gefin saman í
1000 ára gamalli dómkirkju í Here-
ford. Yngri bróðir prinsins, Harry,
fékk að vera heima þar sem hann
var með flensu.
Brúðhjónin eru af fínu fólki,
brúðguminn sonur Soames lávarð-
ar og konu hans, dóttur Winstons
Churchill. Um 600 gestum var
boðið í fagnaðinn og mikið um
dýrðir. Foreidrum prinsins var þess
vegna mikið í mun að sonur þeirra
sýndi á sér betri hliðina og tæki
ekki upp á neinum skammarstrik-
um á meðan augu allra beindust að
honum.
Það er ekki ófyrirsynju að prins-
inn og prinsessan hafa áhyggjur af
uppátækjum sonar síns. Hann hef-
ur áður verið brúðarsveinn og þá
þótti framkoma hans ekki til fyrir-
myndar. Það var þegar Andrew
prins, föðurbróðir hans gekk að
eiga Söruh Ferguson í júlí 1986. Þá
notaði litli prinsinn tækifærið þegar
allra augu beindust að honum á
leiðinni til kirkjunnar í opnum
skrautvagni og rak út úr sér tung-
una framan í ljósmyndarana og
aðra þegna bresku krúnunnar. Og
ekki tók betra við þegar í kirkjuna
var komið. Þar geispaði prinsinn
svo að eftir var tekið!
í þetta skiptið sat William þó
nokkurn veginn á strák sínum.
Hann hafði tekið því með þögn og
þolinmæði að fara í fínu fötin og
kvartaði ekki einu sinni undan
axlaböndunum, sem voru bleik, í
stíl við kjóla litlu brúðarmeyjanna.
En þá fannst honum líka nóg
komið af undanlátssemi við kröfur
fullorðna fólksins. Hann stakk
höndunum djúpt í buxnavasana og
þar skyldu þær vera áfram. Það
þurfti miklar fórtölur foreldranna
til að hann tæki hendur úr vösum
og fengist til að leiða éina litlu
brúðarmeyna.
Þegar athöfninni var lokið án
stóráfalla má búast við að Díana
og Karl hafi varpað öndinni léttara.
Brúðhjónin voru Camilla Dunne,
28 ára, og Rupert Soames, 29
ára, bæði af fínum ættum, eins
og reyndar brúðarmeyjarnar og
brúðarsveinarnir.
Sláturtíð í Dallas:
Flestir gömlu leikararnir látnir fjúka!
Vanþakklæti eru laun heimsins,
gæti Steve Kanaly sagt þessa dag-
ana. Reyndar tekur hann sjálfsagt
mun sterkara til orða en sú saga
gengur nú fjöllunum hærra að
hann sé meðal þeirra sem sagt
hefur verið upp við Dallas-þættina
eftir 10 ára dygga þjónustu í þeim
herbúðum.
Steve Kanaly, sem hefur leikið
Ray Krebbs öil þessi ár, er langt í
frá sá eini af gamla góða liðinu í
Dallas, sem er látinn fjúka í víð-
tækum hreinsunum sem fram-
leiðendur sjónvarpsmyndaflokks-
ins eru að framkvæma þessa dag-
ana. Ken Kercheval (Cliff Barnes)
sér líka sína sæng upp reidda og
það sama gildir um Priscillu Presley
og Shalane McCall. Barbara Bel
Geddes (Miss Ellie) og Howard
Keel (Clinton Farlow) þurfa ekki
að gera sér vonir um að hafa meira
saman að sælda við Dallas í fram-
tíðinni en að bregða rétt fyrir í
einum og einum þætti. Og nú er
sagt að Linda Gray (Sue Ellen) fái
loks þá ósk sína uppfyllta að segja
skilið við þættina fyrir fullt og allt.
Það er sem sagt J.R. Ewing
(Larry Hagman) einn sem stendur
eftir, auk Victoriu Principal (Pam
Ewing), sem hafði að vísu kvatt
Dallas en framleiðendurnir eru
sagðir hafa boðið henni gull og
græna skóga ef hún vildi láta svo
lítið að koma aftur til liðs við
tætlumar sem eftir eru af Dallas.
Auðvitað þarf nýtt fólk að koma
til sögunnar í stað þeirra sem
kveðja og er sagt að í þeirri
sláturtíð sem ríkir í sjónvarps-
þáttagerðinni verði líka gerður
róttækur uppskurður á öðrum vin-
sælum þáttum, „Knots Landing“
og verði sullað saman eftirlifendum
úr báðum þáttunum. Auk þess eru
ný nöfn nefnd til sögunnar, s.s.
George Kennedy, sem á að koma
í stað Steve Kanaly, Whitney Ho-
uston og Richard Chamberlain.
Þetta þykja miklar fréttir í sjón-
varpsheiminum og nú bíða allir í
ofvæni eftir því að sjá árangurinn.
Dallas hefur verið fastur þáttur í
sjónvarpinu í Bandaríkjunum síð-
an 1978 og þætti engum mikið þó
að einhverrar þrætu væri farið að
gæta hjá klækjaliðinu sem þar
ræður ríkjum.
Ný andlit í komandi Dallas-þáttum: Rlchard Chamberlain, Whitney Houston og George Kennedy.
Spurningin er hvort þau geta blásið eldi í gamlar glæður.
fá öll reisupassann frá Dallas:
Howard Keel og Barbara Bel
Geddes, Priscilla Presley og Sha-
lane McCall, Steve Kanaly, Linda
Gray og Ken Kercheval.