Tíminn - 06.04.1989, Blaðsíða 2
2 Tíminn
Fimmtudagur 6. apríl 1989
Hugsanleg lausn á vanda SVR:
Lögga í strætó?
Til greina getur komið að síðustu vagnar númer þrettán og
fjórtán aki undir vernd lögreglu á föstudagskvöldum. Þessi
hugmynd og fleiri hafa verið ræddar sem lausn á vanda SVR
vegna óláta unglinga og skemmdarverka á vögnunum undan-
farið. En fyrrverandi vagnstjóri segir vandamálið vera
heimatilbúning fyrirtækisins og að lausnin sé einföld.
„Við höfum verið að velta fyrir
okkur að fá lögreglugæslu í vagnana
eða þá eins og reynt var um síðustu
helgi að fá lögreglubíl til að fylgja
vögnunum eftir þannig að ef einhver
ólæti brytust út væru þeir til taks.
Lögreglustjóri er þessu að vísu mjög
mótfallinn. En við höfurn borgað
lögreglunni fyrir að halda uppi gæslu
á Hlemmi og það hefur gefist mjög
vel. Eins myndi fyrirtækið borga
fyrir aukavakt sem kalla þyrfti út, af
þessum sökum. Þetta er aðeins ein
af mörgum hugmyndum og hún
verður eins og aðrar hugmyndir sent
fram hafa komið, tekin til athugun-
ar“ sagði Sveinn Björnsson forstjóri
SVR í samtali við Tímann.
Önnur hugmynd sem hefur verið
rædd er sú að reyna að fá uppgefin
nöfn þeirra sem standa fyrir ólátun-
um og að þar tæki lögreglan við. Þá
hefur verið rætt að vögnum á þessunt
leiðum verði fjölgað. „Fjölgun
vagna myndi þýða töluverðan auka-
launakostnað. Það er heldur ekki
víst að þetta myndi leysa vandann.
Þarna er á ferðinni nokkuð stórt og
mikið ef. Ég held að óróaseggirnir
myndu þurfa að fá einhverja útrás
eftir sem áður. Við reynum í lengstu
lög að halda uppi ferðum vagnanna
og skoða allar hugmyndir sem komið
hafa fram varðandi lausn vandans“
sagði Sveinn.
„Þetta er ekki unglingavandamál
heldur má alfarið kenna stjórnun
fyrirtækisins um. Ég keyrði leið
fjórtán í sex ár. Á þeim tíma var
stríð milli starfsamanna og fyrir-
tækisins um að síðustu vögnum á
þessum leiðum yrði fjölgað. Það er
lögmái í strætisvagnaakstri að þar
sem búast má við ölvuðum ungling-
um eða almennt fjölmennum hóp
ölvaðra einstaklinga, að leitast sé
við að hafa frekar fátt í vögnunum.
Eins og ástand mála er núna eru
vagnarnir yfirfullir af drukknu fólki
og þá er ekki nokkur leið að fylgjast
með hlutunum. Þetta er hluti af
fyrirlitningu SVR gagnvart þessum
aldurshópi. Unglingunum er boðið
upp á hluti sem aðstandendur fyrir-
tækisins myndu aldrei voga sér að
bjóða eldra fólki upp á“ sagði einn
fyrrverandi bílstjóri SVR í samtali
við Tímann.
Hann sagði að áður hefði staðið til
að leggja þessar ferðir niður en
ekkert orðið úr því. „Það kont
einnig tillaga um það á sínum tíma
að teknar yrðu upp næturferðir, ein
klukkan tvö og önnur klukkan þrjú,
en hún var kolfelld af stjórninni. Ég
bauðst til að keyra þessar ferðir
sjálfur ef enginn annar fengist til
þess, en því var ekki heldur sinnt.
Vandamálið má leysa á þennan hátt
og það segir sig sjálft að kostnaður-
inn er nánast enginn miðað við
fjárútlátin vegna viðgerða á vögnun-
um“ sagði vagnstjórinn fyrrverandi.
jkb
SPRON ræður sér
málfarsráðunaut
Jón Aðalsteinn Jónsson ritstjóri
orðabókar Háskólans hefur verið
ráðinn í hlutastarf hjá Sparisjóði
Reykjavíkur og nágrennis sem
málfarsráðunautur.
Jón mun verða til ráðuneytis um
allt ritað mál sem frá sparisjóðnum
fer en auk þess halda námskeið
fyrir starfsmenn um mál og mál-
notkun.
Sparisjóðurinn er eitt fyrsta
fyrirtækið í landinu utan fjölmiðla
og auglýsingastofa, sem ráðið hef-
ur íslenskufræðing í þessu skyni.
Jón Aðalsteinn Jónsson ritstjóri
orðabókar Háskólans hefur ráðið
sig í hlutastarf hjá Sparisjóði
Reykjavíkur og nágrennis sem
málfarsráðunautur stofnunarinn-
ar.
Með þessu vill sjóðurinn leggja sitt
af mörkum til eflingar tungunni.
-sá
LEIGAN HÆKKAR
Leiga á íbúðarhúsnæði hækkaði um 1,25% í byrjun apríl.
Leiga fyrir íbúðarhúsnæði og atvinnuhúsnæði sem samkvæmt samning-
um fylgir vísitölu húsnæðiskostnaðar eða breytingum meðallauna hækkaði
frá og með fyrsta apríl 1989. Reiknast þessi hækkun á þá upphæð sem
greidd var fyrir húsnæðið í mars. Leigan helst síðan óbreytt fram til
byrjunar júlí á þessu ári.
Kjararannsóknarnefnd opinberra starfsmanna:
Tékjur ríkisstarf smanna
69 til 140 þús.á mánuði
Póstburðarmenn eru lægst launaðir allra ríkisstarfs-
manna hvort sem litið er á taxtalaun (47.600 kr.) eða
heildartekjur (68.800 kr.). Háskólakennarar hafa hæst
taxtakaup (91.800 kr.), en tækniskólakennarar og fjöldi
annarra ríkisstarfsmanna ná mun hærri heildartekjum
(upp í 139.000 kr.). Meðaltekjur um 7.500 ríkisstarfsmanna
í BSRB voru um 83 þús.kr. á mánuði á síðasta fjórðungi
ársins 1988, meðaltekjur kennara í KÍ í kringum 89 þúsund
og háskólamanna hjá ríkinu rúmar 107 þús. krónur að
meðaltali mánuðina október til desember á síðasta ári.
KAUPMÁTTUR TAXTALAUNA EFTIR MÁNUÐUM
125-
JflMÚAR 1987 = 198
lATH KVASBI ER BKORINN VH) 70|
128
1231567891111231567891U-123-156789111123156789111.123456709111123156789111
812 812 912 812 812 812
KOS HftRS 1988
nfeftJÐiniIR FRfl JftNÚftR 1987 TIL OG tlEB DESDIBER 1988
Mánaðarlaun starfsmanna ríkis-
ins innan hvers starfsmannafélags
koma fram í nýju fréttabréfi Kjara-
rannsóknarnefndar opinberra
starfsmanna (KOS). Tölurnar sýna
meðaltal taxta/greiddra launa þess
fólks úr hverju félagi scm er í starfi
á hverjum tíma. Upplýsingar ná til
síðustu áramóta, en Tíminn mun
hér miða við meðaltal síðustu 3ja
mánaða ársins. Taxtalaun ríkis-
starfsmanna voru um 13-16% hærri
í desember s.l. heldur en sama
mánuði 1987.
Tekjur um 7.500 ríkisstarfs-
manna í BSRB voru að meðaltali
sem hér segir síðustu þrjá mánuði
ársins 1988:
Taxtalaun: Heildarlaun:
kr. kr.
Póstmenn 47.600 68.800
Flugm.starfsm. 53.400 93.000
Símam.skrifst. 52.900 75.400
— tæknim. 58.700 87.200
Stjórnarr.skr. 60.900 85.500
Hjúkr.fr. 70.600 95.500
Ljósmæöur 68.000 89.000
Lögregla 60.500 117.700
Tollverðir 61.900 105.100
Útvarpsst.m. 58.700 74.200
Sjónvarpsst.m. 59.600 94.600
SFR 53.400 75.600
BSRB meðalt.: 55.550 82.900
SFR er Starfsmannafélag ríkis-
stofnana, sem hefur um helming
ofantaldra BSRB-manna innan
sinna vébanda.
Tvær kvennastéttir, hjúkrunar-
fræðingar og Ijósmæður, hafa sam-
kvæmt þessu hæst taxtalaun innan
BSRB - en tvær karlastéttir. lög-
regla og tollarar, lang hæstu heild-
arlaunin. Tekjur lögreglunnar eru
m.a. glöggt dæmi um það hve
kauptaxtar (að ekki sé nú minnst á
byrjunartaxta) segja oft lítið um
það hvaða peningaupphæðum
„hinn almenni launamaður" hefur
í raun úr að spita.
Lítum næst á hvað kennarar
innan hinna ýmsu félaga og skóla-
stiga í um 4.400 stöðugildum báru
úr býtum að meðaltali síðustu 3
mánuðina 1988:
Taxtalaun: Heildarlaun:
kr. kr.
Háskólakenn. 91.800 96.700
Tækniskólak. 75.400 139.500
KKHÍ 80.400 110.300
HIKframh.sk. 69.700 116.600
HÍKgrunnsk. 64.900 . 93.800
KÍ framh.sk. 68.200 100.200
KÍgrunnsk. 65.400 88.100
Langt yfir helmingur þessa kenn-
arahóps er í síðastnefnda hópnum,
þ.e. grunnskólakennarar í
Kennarasambandi íslands. Sem sjá
má eru taxtalaun háskólakennar-
anna um 40% hærri en þeirra, en
sá munur fer niður í 10% þegar
litið er á heildarlaunin.
Þá er röðin komin að háskóla-
menntuðum ríkisstarfsmönnum í
rúmlega 1.500 stöðueildum. Þar
eru (um 120) háskólamenntaðir
hjúkrunarfræðingar neðstir á blaði
hvað varðar taxtalaun, sem einnig
eru mun lægri en taxtalaun hjúkr-
unarfræðinga innan BSRB. Mun
það væntanlega ekki hvað síst
skýrast af því að háskólamenntaðir
hjúkrunarfræðingar hafa, af eðli-
legunr ástæðum, nrun lægri starfs-
aldur að meðaltali. Heildarlaunum
ná hjúkrunarfræðingarniryfirýms-
ar stéttir, m.a. presta, dýralækna,
félagsráðgjafa og fleiri.
Taxtalaun: Heildarlaun:
kr. kr.
Arkitektar 81.700 126.000
Viðsk/hagfr. 81.800 128.100
Lögfræöingar 76.200 124.500
Þannig sýnir KOS kaupmáttar-
þróun taxtalauna sambandanna
þriggja i hverjum mánuði s.l. tvö
ár. Kaupmáttur er settur á 100 í
janúar 1987. Hann eykst veru-
lega vegna kjarasamninga þá í
febrúar og kemst hæst í október
það sama ár. í desember s.l. var
kaupmáttur hjá BSRB og Kenn-
arasambandinu um 2-3% hærri
en í janúar 1987, en nánast sá
sami að meðaltali (99,74) hjá
BHMR.
Stm.stjómarr. 82.100 128.800
Fréttamenn 70.400 120.100
Læknar 75.100 104.800
Dýralæknar 72.000 84.800
Náttúrufræö. 78.100 112.700
Þjóðfélagsfr. 76.200 122.300
Bókasafnsfr. 69.100 80.300
Isl. fræði 77.000 92.300
Matvælafr. 70.300 98.400
Prestar 77.200 86.200
Sálfræöingar 81.000 102.700
Félagsráögj. 71.500 84.700
Iðjuþjálfar 71.500 82.500
Sjúkraþjálf. 70.100 89.400
Hjúkrunarfr. 62.700 88.800
Munur á meðal taxtalaunum
þessara háskólamanna er mestur
um 20 þús. kr. Á heildarlaununum
fer munurinn hins vegar upp undir
50 þús. krónur á mánuði. - HEI