Tíminn - 06.04.1989, Blaðsíða 3
FimmtudagLir 6. apríl 1989
Tíminn 3
Ráðherranefnd samþykkti norræna samstarfsáætlun um sjávarútvegsmál, en ekkert ákveðið
um hval- og selveiði eða viðskiptaþvinganir öfgasamtaka:
Yfirlýsingar um sjávar-
spendýr standa í Dönum
Svo viröist sem danski sjávarútvegsráðherrann, Lars Gam-
elgaard, hafi haft úrslitaáhrif á aö ekki var samþvkkt nein
ákveðin ályktun um þær viðskiptaþvinganir sem ísland og
aðrar norðurhafsþjóðir hafa orðið fyrir vegna veiða á
sjávarspendýrum.
Frá blaðamannafundi norrænu sjávarútvegsráðherranna í gær. Tímamynd: Árni Bjarna
Sagði hann á blaðamannafundi,
eftir dagiangan fund með öðrum
sjávarútvegsráðherrum Norður-
landa á Hótel Sögu í gær, að danska
ríkisstjórnin yrði að taka tillit til
almenningsálits þar í landi sem sneri
öndvert við öllum hvalveiðum. Það
mun hins vegar áður hafa komið
fram að afstaða Dana innan Al-
þjóðahvalveiðiráðsins, hefur um
langan tíma mótast af því að verja
hagsmuni Grænlendinga og Færey-
inga á þeim vettvangi.
Á fundi þessum var samþykkt
„samstarfsáætlun um sjávarút-
vegsmál" og er þar komið inn á
marga þætti. Meðal þess sem felst í
þessari samþykkt er að veita þremur
milljónum DK af fjárlögum Norður-
landa til rannsókna er tengjast vist-
kerfi hafsins. Hluti þessa verkefnis
er norrænt samstarf milli rannsókna-
stofnana um rannsóknir á sel og
öðrum sjávarspendýrum eins og
hvölum þeim sem Hafrannsóknar-
stofnun er að rannsaka hér við land.
Sameiginleg markaðsmál
Frá Grænlendingum kom fram
tillaga um að vinna beri sameiginlega
að markaðssetningu sjávarafurða og
var ákveðið að ræða það erindi
frekar á næsta fundi ráðherranna 0|
nefndar ráðuneyta Norðurlanda. í
samstarfsáætluninni er að nokkru
leyti komið inn á þetta atriði og talað
um að efla beri þróun í átt til betri
yfirsýnar yfir alþjóðlegan fiskmark-
að. Er þá m.a. verið að tala um
hugsanlega samstillta gagnasöfnun í
markaðsmálum.
Það sem telst til forgangsverkefna
í samþykkt ráðherranefndarinnar er
um vistkerfi hafsins, genbanka fiska,
fiskeldi, veiði- og vinnslutækni,
markaðsmál og almennt samstarf
um rannsóknir eins og áður hefur
verið getið. Hefur ráðherranefndin í
þessu plaggi einnig gengið frá sam-
eiginlegu áliti um grundvöll og mark-
mið rannsóknarsamstarfs, samvinnu
á alþjóðavettvangi og fjármögnun
og samstarfsform.
Fyrsta víðtæka ályktunin
Að sögn Halldórs Ásgrímssonar,
sjávarútvegsráðherra, hefur ekki
fyrr verið gengið frá jafn víðtækri
sameiginlegri ályktun Norðurlanda
á þessum vettvangi. „Þetta eru
merkileg tímamót þar sem nánast
ekkert samstarf hefur verið á sviði
sjávarútvegsmála á Norðurlöndum
til þessa. Á þessum nýja vettvangi
skapast tækifæri til að tala um mis-
munandi skoðanir á ýmsum
sviðum,“ sagði Halldór. Benti hann
á að ráðherrarnir hafi ekki á þessum
fundi náð saman varðandi nýtingu
sjávarspendýra, selastofna og hvala-
stofna. „Með þessu samstarfi tekst
okkur vonandi að komast nær hver
öðrum, en í þessum löndunt er
afstaða til þessara mála í mörgum
tilfellum byggð á misskilningi," sagði
hann og taldi að með áframhaldi
þessa samstarfs væri fyrr en síðar
von á samstarfi allra Norðurlanda á
flestum sviðum sjávarútvegsmála.
Sagði hann að t.d. væru Danir í
vanda í þessum málaflokki. Peir
þurfi að gæta hagsmuna Grænlend-
inga og Færeyinga, en heima fyrir sé
algengt að fólk sé á móti ýmsunt
veiðum þessa hluta danska ríkisins.
„Líka fiskur í sjónum“
f lok blaðamannafundar sem ráð-
herrarnir efndu til í gær og snúist
hafði að mestu um hvalveiðar og
viðskiptaþvinganir af þeim sökurn,
minnti finnski sjávarútvegsráðherr-
ann, Norbek, góðlega á að þótt
hvalveiðimálið gæti talist stórt á
íslandi, væru líka fiskar í sjónum.
Mun hann Itafa átt við að mál sem
tengdust fiskveiðunt Iteyrðu einnig
til sjávarútvegsmála. KB
Kennsla fellur niður í grunnskólum:
Verkfall HÍK, KÍ með f undi
Miðstjórnarfundur hjá AB
Miðstjórnarfundur Alþýðubandalagsins sem rúmlega þrjátíu meðlimir stjórnarinnar kröfðust að yrði haldinn
vegna framgöngu Ólafs Ragnars Grimssonar gagnvart ríkisstarfsmönnum hófst klukkan átta í gærkvöldi.
Búist var við miklum átökum enda þótt Ólafur Ragnar hafí verið af sumum talinn vera búinn að skora nokkur
prik með u.þ.b. 10% hækkunartilboði til BSRB, sem þó féll á kröfu BSRB um algera verðstöðvun til 15. október.
Þeir sem fundarins kröfðust hafa áður sagt að launastefna Ólafs Ragnars og ríkisstjórnarinnar stangist verulega
á við stefnu og samþykktir flokksins.
Tíminn náði sambandi við Óttar Proppé seint í gærkvöldi og virtist sem allaböllum væri farið að hitna í hamsi
og varð samtalið því stutt. „Verum ekki að eyða tímanum, vertu sæll,“ sagði Óttar Proppé. Niðurstöður
fundarins lágu ekki fyrir þegar Tíminn fór í prentun. Tímamynd Pjctur.
Kennsla fellur að mestu leyti niður
í grunnskólum landsins í dag. Kenn-
arar í Hinu íslenska kennarafélagi
eru í verkfalli og kennarar í Kenn-
arafélagi íslands boðuðu svokallaða
fundaaðgerð og ætla að eyða degin-
um í fundahöld og umræður um
kjaramál. í gær voru flest börn send
heim með skilaboð þess efnis að
kennsla félli niður í dag vegna funda-
halda.
í Reykjavík verða haldnir
kennarafundir í skólunum og síðan
verður sameiginlegur fundur
kennara í KÍ klukkan hálf tvö í
Templarahöllinni.
SSH
Seölabankastjóri og forsætisráðherra:
Þak á raunvexti
fyrir þriðjudag
Jóhannes Nordal, seðlabanka-
stjóri, segir að verið sé að vinna að
ákveðinni niðurstöðu í vaxtamálum
á fundum Seðlabankans og ríkis-
stjórnarinnar þessa dagana og niður-
staða úr þeim viðræðum ntuni liggja
fyrir áður en bankar senda inn
tilkynningar um væntanlegar vaxta-
breytingar á þriðjudaginn kemur.
Steingrímur Hermannsson, forsætis-
ráðherra, sagði í gær að í þessum
viðræðum væri verið að miða við að
raunvextir verðtryggða útlána verði
ekki hærri en fimm af hundraði í lok
maímánaðar, en meðaltal raunvaxta
á verðtryggðum útlánum bankanna
er nú nálægt átta af hundraði.
Sagði Jóhannes Nordal að viðræð-
ur þessar byggðust á þeirri heimild
sent orðin er að lögum fyrir Seðla-
bankann og gerir honum kleift að
takmarka raunvaxtastig viðskipta-
bankanna að fengnu samþykki ráð-
herra. Sagðist Jóhannes telja að
beðið yrði nteð að ákveða, sam-
kvæmt þessari sömu hcimild, há-
mark vaxtamunar inn- og útlána,
þar til niðurstaða liggi fyrir frá
sérstakri nefnd um vaxtamun. KB
„Vinnubrögð
voru í lagi“
„Það er eölilegt að Neytendasam-
tökin kanni fyrst og fremst gæði
vörunnar eins og þau berast í hendur
neytandans," segir í tilkynningu frá
Neytendasamtökunum í tilefni af
umræðum sem orðið hafa í fram-
haldi af gerlakönnun samtakanna á
nautahakki og kjötfarsi.
Neytendasamtökin segja að í öll-
um tilvikum hafi eðlilega verið stað-
ið að sýnatöku og í samræmi við
fyrirmæli starfsmanns Hollustu-
verndar ríkisins.
Þá segir að vísindaleg athugun á
orsakavaldi sé ekki á verksviði Neyt-
endasamtakanna heldur heilbrigðis-
yfirvalda og því hafi þeim verið
sendar allar niðurstöður úr þessari
könnun og óskað eftir ítarlegri rann-
sókn á þessum málum.
Fullyrðingar unt óvönduð vinnu-
brögð í könnuninni eigi ekki við rök
að styðjast og vísa samtökin þeiin á
bug. -sá