Tíminn - 12.05.1989, Blaðsíða 5
ygyr ■rr>
i' -.1 .r.r.
Föstudagur 12. maí 1989
Tíminn 5
Lögmenn í verkfalli kanna gildi dagbókarfærslu þingskjala og útgáfu veðbókarvottorða fógeta:
Treyst á arengskap
í fasteignakaupum
Útgáfa veðbókarvottorða hjá borgarfógeta hefur frá
upphafí verkfalls Stéttarfélags lögfræðinga í ríkisþjónustu
(SLÍR) skapað sérstakar aðstæður í fasteignaviðskiptum.
Veðbókarvottorðin eru jafngild vottorðum frá fyrstu
dögum aprflmánaðar. Fasteignasalar hafa því brugðið á
það ráð að láta seljendur fasteigna skrifa undir eiðstaf eða
drengskaparheit þess efnis að þeir hafí ekki veitt veð í
fasteigninni umfram það sem stendur í hinu umdeilda
veðbókarvottorði.
Val almennings
Yfirborgardómarinn, Jón
Skaftason, segir að fólk verði að
gera það upp við sig sjálft hvort
það treysti hvert öðru í fasteigna-
viðskiptum, þegar ekki er hægt að
leita þinglýsinga. Hann segist hins
vegar hafa velt því fyrir sér hvort
hann eigi að hætta þeirri takmörk-
uðu þjónustu sem nú er veitt. Þessi
þjónusta felst í því að taka við
skjölum til dagbókarfærslu og gefa
út veðbókarvottorð með fyrirvara
um nýinnlögð þingskiöl í verkfalli.
Þessi aagDókarfærsla gefur
þingskjölum þá réttarstöðu að
hægt verður eftir verkfall að segja
til um veðréttarröð þingskjalanna
og tímaröð þinglýstra eignavið-
skipta. Slík dagbokarfærsla er ekki
viðhöfð hjá bæjarfógetanum í
Kópavogi, né Hafnarfírði. í Kefla-
vík mun ekki einu sinni vera tekið
við skjölum til dagbókarfærslu.
Fasteignaviðskipti án
þinglýsinga hættuleg?
Lögfræðingar í ríkisþjónustu
hafa ítrekað varað við þessum
vinnubrögðum. Hafa þeir bent á
að eignaviðskipti án þinglýsinga
séu hættuleg og geti kallað á flókin
málaferli ef svik reynast undir.
Hafa þeir einnig, samkvæmt örugg-
um heimildum Tímans, gengist
fyrir athugun á því hvort löglega sé
staðið að fasteignaviðskiptum og
afgreiðslu borgarfógeta á veðbók-
arvottorðum og móttöku þing-
skjala.
Lögbrot?
Að sögn eins af þeim lögfræðing-
um sem Tíminn ræddi við, hefur
ekki enn verið ákveðið með hvaða
hætti farið verður fram með málið,
enda sé það aðeins á athugunar-
stigi. Þó sé ljóst að skýringa sé þörf
á nokkrum atriðum. Við móttöku
á skjölum til þinglýsinga hjá borg-
arfógeta og nokkrum öðrum
stöðum, hefur viðkomandi skjali
verið raðað eftir dögum og það
fært inn í dagbók. 1 lögum um
þingskjöl segir að ekki megi drag-
ast að þinglýsa skjali fram yfir tvær
vikur frá dagbókarfærslu. Nokkuð
ljóst sé því að þetta ákvæði hafi
verið brotið vegna þess hve verk-
fallið hafi dregist á langinn.
Auk þessa hefur verið til um-
ræðu og athugunar hversu merki-
legir pappírar veðbókarvottorðin
frá fógeta eru. Húsnæðisstofnun
neitar að taka við þeim sem gildum
vottorðum til afgreiðslu húsnæðis-
lána, en það gera fasteignasalar á
hinn bóginn.
Heitstrengingar
og eiðstafir
í nýlegum lögum um fasteigna-
viðskipti segir að við gerð kaup-
samninga á fasteignum eigi að
liggja fyrir veðbókarvottorð og
ljósrit af öllum áhvílandi veðrétt-
arskjölum. I Kópavogi og víðar
neitar fógeti að afgreiða ljósritin
og veðbókarvottorðin og því geta
fasteignaviðskipti ekki farið fram
þar í bæ eða þar sem þessari
vinnureglu er beitt. í Reykjavík
hafa fasteignasalar veðbókarvott-
orðið með fyrirvaranum og ljósrit
af öllum veðskjölum sem fyrir lágu
fyrir verkfall sem hófst 6. apríl sl.
Til að brúa þetta bil hefur verið
gripið til þess að láta seljanda
strengja þess heit og leggja við
drengskap sinn með undirsícift að
enginn frekari veðréttur hvíli á
eigninni.
Að sögn varaformanns Félags
fasteignasala, Friðriks Stefánsson-
ar, er ekki einu sinni þörf á þessari
heitstrengingu. Fyrir liggi að ef
veðkrafa er áhvílandi umfram það
sem veðbókarvottorðið með fyrir-
varanum segir til um, sé kaupandi
í fullum rétti til að láta næstu
afborgun eða afborganir mæta
þessum veðkröfum og neita að
greiða seljandanum beint. Þessi
túlkun veldur því að sjaldan hefur
verið gengið frá jafn mörgum fast-
eignaviðskiptum. „Það er rok sala
í fasteignum í Reykjavík núna,“
sagði Friðrik.
Þess má geta að trúnaðar-
mannaráð SLIR hefur gengið á
fund allra þessara aðila og skýrt frá
efasemdum sínum um réttarfars-
legt gildi vottorðanna með fyrirvar-
anum og óvissu með stöðu dagbók-
arfærslanna. Hafa fulltruarnir
einnig gengið á fund dómsmálaráð-
herra, Halldórs Ásgrímssonar, og
manna hans og skýrt honum frá
þessum vafamálum.
Rétt er að taka fram að verkfalls-
nefnd SLÍR hefur ekki fundið að
afgreiðsluháttum fógetanna, þar
sem ekki er um verkfallsbrot að
ræða. KB
Jón Steinar Gunnlaugsson um gögn sem lögð voru fram í
bæjarþingi Reykjavíkur í gær í máli MagnúsarThoroddsens:
Ekki neitt um
einkavínkaup
í bæjarþingi Reykjavíkur voru í gær lögð fram svör
fjármálaráðuneytisins og ÁTYR vegna fyrirspumar Jóns
Steinars Gunnlaugssonar lögmanns Magnúsar Thoroddsens í
máli sem ríkið nefur höfðað vegna meints brots þess
síðarnefnda á reglum sem gilda um áfengiskaup. En málflutn-
ingur verjanda byggist að hans sögn einkum á því að kanna
hvers efms reglur um áfengiskaup era og hvort málflutningur
ríkisins er haldbær.
Jón Steinar hafði óskað eftir upp-
lýsingum um áfengiskaup annarra
ráðamanna. f svörunum kemur fram
að á síðastliðnu ári voru keyptar
liðlega tvö þúsund flöskur af sterku
áfengi og tæplega fimmtán hundruð
af sterku víni á kostnaðarverði á
vegum utanríkisráðuneytisins. Inni í
þeirri tölu eru þó öll sendiráðin. Á
vegum fjármálaráðuneytisins voru
keyptar liðlega átján hundruð flösk-
ur af sterku og þúsund af léttu.
Önnur ráðuneyti fylgja síðan í kjöl-
farið með heldur minni áfengiskaup.
Einnig kemur fram að verulega
dró úr áfengiskaupum á kostnaðar-
verði í desembermánuði milli áranna
’87 og ’88, eða um þrettán hundruð
flöskur af hvorum styrkleika.
Að sögn Jóns Steinars eru fram-
komnar upplýsingar engan veginn
nægjanlegar. „í þessum upplýsing-
um er ekkert ákveðið varðandi það
sem skiptir mestu máli, það er að
segja hvort þetta áfengi sé keypt til
einkanota“ sagði hann.
Því er haldið fram af hálfu ríkisins
að áfengiskaupaheimildir hafi ekki
verið til kaupa á áfengi til einkanota
og sagði Jón gagnaöflunina vera til
að rannsaka hvort þetta sé rétt. „Það
er augljóst af öðrum gögnum málsins
að það er rangt. Eins og kemur
berlega í ljós í samþykktum sem
ríkisstjómin hafði gert um þessar
reglur. En hráar tölur um magn
keypts áfengis segja auðvitað ekkert
um það í hvaða skyni áfengið hefur
verið keypt. Þær eru bara grundvöll-
ur undir frekari öflun upplýsinga.
Þar að auki kunna þessar upplýsing-
ar að gefa ákveðnar vísbendingar.
Ef áfengiskaup hafa snarminnkað
við að mál Magnúsar kemur upp í
fjölmiðlum, sýnist liggja nokkuð
beint við að draga af því þá ályktun
að áfengiskaup til einkaneyslu hafi
dregist saman því varla hefur málið
valdið því að opinberum veislum
hafi fækkað," sagði Jón.
Hann sagði framkomnar upplýs-
ingar aðeins hafa styrkt þann mál-
flutning að heimildirnar nafi einnig
verið ætlaðar til kaupa á áfengi til
einkanota. I öðru lagi er af hálfu
ríkisins haldið fram að Magnús hefði
keypt of mikið áfengi. Því mun Jón
Steinar einnig leita eftir upplýsing-
um þess efnis hvort einhverjar magn-
takmarkanir hafa verið settar. . jkb
Hluti iðnaðarmanna-
hússsafnaðarheimili
Á fundi borgarráðs fyrir
skömmu var samþykkt að Dóm-
kirkjusöfnuðurinn fengi fyrstu og
aðra hæðina í Iðnaðarmannahús-
inu við Lækjargötu sem safnaðar-
heimili.
Söfnuðurinn hefur hingað til
ekkert athvarf átt annað en kirkju-
loftið í Dómkirkjunni og hefur þar
farið fram undirbúningur ferming-
arbama, kóræfingar og fundir safn-
aðarstjórnar og hefur oft verið
þröng á þingi.
Húsnæðið í Iðnaðarmannahús-
inu sem söfnuðurinn fær til afnota
hefur gegnt ýmsum hutverkum.
Þar fór iðnfræðsla lengi fram, síðan
var þar til húsa Gagnfræðaskólinn
við Vonarstræti eins og hann var
nefndur, eða Gagnfræðaskóli
Vesturbæjar en síðustu mánuði
hefur verið þar aðstaða fyrir menn
sem vinna við að byggja Ráðhús
Reykjavíkur.
Að sögn starfsmanns Dómkirkj-
unnar hefur söfnuðurinn um all-
langt skeið verið að svipast um
eftir húsnæði í nágrenni kirkjunnar
og séu menn ánægðir með þessa
lausn. Húsnæðið þurfi þó að líkind-
um eitthvað að taka í gegn og
breyta áður en hægt verður að taka
það í notkun sem safnaðarheimili.
-sá
BÍLAR DAGSINS
ÚRVAL NOTAÐRA LADA SPORT
OG LADA SAMARA
Tegund
LadaSport5g.
LadaSportög.
LadaSportög.
Lada Samara 4 dyra
Lada Samara1500
Lada Samara 5 g.
Lada Samara4g.
Lada Station 5 g.
LadaStation4g.
Lada Lux
Árgerð Ekinn
1988 9.500 km.
1987 40.000 km.
1986 37.000 km.
1989 4.000 km.
1988 16.000 km.
1987 26.000 km.
1986 40.000 km.
1987 25.000 km.
1986 60.000 km.
1984 38.000 km.
Tökum vel með farna Lada bíla upp í nýja.
Opið kl. 9-18 virka daga
og laugardaga kl. 10-14.
Heitt á könnunni.
t Bíla-& Vélsleóasalan BIFREIÐAR & LANDBÚNAÐARVÉLAR 840 60 % 68 12 00
Suduriandsbraut 14