Tíminn - 12.05.1989, Blaðsíða 16

ICM
16 Tíminn
DAGBÓK
Ásta Ólafsdóttir.
Myndlistarsýning á Akranesi
Laugardaginn 13. maí kl. 16:00 opnar
Ásta Ólafsdóttir myndlistarsýningu í
kjallara Bókasafnsins á Akranesi. Á sýn-
ingunni eru 27 myndir, unnar með olíu-
og gvasslitum á síðustu tveimur árum og
eru þær allar til sölu.
Ásta Ólafsdóttir er fædd í Reykjavík
árið 1948. Hún útskrifaðist úr Nýlista-
deild Myndlista- og handíðaskóla íslands
1978 og stundaði síðan framhaldsnám við
Jan van Eyck akademíuna í Hollandi frá
1981-1984, þar sem hún lagði aðallega
stund á myndbandalist.
Ásta hefur sýnt verk sín á sérsýningum
og samsýningum hér heima og erlendis og
út hafa komið eftir hana tvær bækur.
Sýningin er opin virka daga kl. 14:00-
20:00 og um helgar kl. 14:00-18:00 og
lýkur þriðjudaginn 23. maí.
VORSÝNING M H í 1989
Dagona 13.-21. moi 1989 verötí halcSn sýning á iokaverkefnum útskriftamema MyndSsta- og
hancíðciskóla ístands aö kjarvatestöóum. Sýningin er opln aila dagcma trá 11:00-18:00. Okkur
vœrl þaö sðnn áncegja ef þú og flölskylda þín sasjuö ykkur tœrt aö skoöa þessa sýningu.
Vorsýning MHÍ1989
Dagana 13.-21. maí 1989verðurhaldin
sýning á lokaverkefnum útskriftarnema
Myndlista- og handíðaskóla lslands að
Kjarvalsstöðum. Sýningin er opin alla
dagana kl. 11:00—18:00.
BILALEIGA
meö utibu allt í kringum
landiö, gera þer mögulegt
aö leigja bil á einum staö
og skila honum á öðrum.
Reykjavík
91-31615/31815
Akureyri
96-21715/23515
Pöntum bíla erlendis
interRent
Bilaleiga Akureyrar
„Ég held ég gangí heím“
Sýning IL0N WIKLAND
í Norræna húsinu
Laugard. 13. maí verður opnuð sýning
í sýningarsölum Norræna hússins eftir
sænsku listakonuna Uon Wikland, en hún
hefur myndskreytt allflestar bækur eftir
Astrid Lindgren.
Börn eru boðin sérstaMega velkomin
kl. 13:00 á laugardag að skoða sýninguna
í fylgd með llonu Wikland, en sýningin
verður opnuð fyrir aðra boðsgesti kl.
15:00.
llon Wikland er fædd 1930 í Tartu í
Eistlandi, en kom 1944 sem flóttamaður
til Svíþjóðar. Hún stundaði nám í Svíþjóð
og hefur hlotið margar viðurkenningar
fyrir myndir sínar, m.a. Bamabókaverð-
laun Expressen 1986.
Sýningin er komin hingað fyrir tilstuðl-
an Svenska institutet. Aður hefur hún
verið sýnd f Júgóslavíu og héðan fer hún
til Eistlands.
Sýningin stendur fram til 11. júnf og
verður opin daglega kl. 14:00-19:00.
Myndbandasýningar
á Kjarvalsstöðum
Undanfamar vikur hafa átt sér stað
breytingar á Kjarvalsstöðum. Opnaður
hefur verið fundarsalur og þar hófust
myndbandasýningar þann 10. maí og
standa þær kl. 11:00-18:00.
Fyrsta myndaröðin sem sýnd verður er
um nútímalist í New York.
Dagskrá með tímasetningum mynda
og nánari upplýsingum um efnið liggur
frammi á staðnum.
Föstudagur 12. maí 1989
Sýning Bjarna Jónssonar
í Heppuskóla
Bjami Jónsson listmálari heldur sýn-
ingu í Heppuskóla, Höfn í Homafirði um
hvítasunnuna, 13.-15. maí. Bjarni sýnir
olíumálverk og vatnslitamyndir. Efni
margra myndanna er sótt í sjósókn for-
feðra okkar, aðra þætti þjóðhátta og
náttúru landsins. Hann hefur haldið
margar sýningar hér á landi og tekið þátt
f samsýningum erlendis. Ámm saman
hefur hann teiknað í námsbækur, gert
bókakápur, jólakort, teiknað í Spegilinn
o. fl.
í 26 ár vann Bjarni að teikningum í hið
stóra ritverk Lúðvíks Kristjánssonar ís-
lenska sjávarhætti. Einnig gerði hann
teikningar í orðabók Menningarsjóðs,
skýringamyndir fyrir fræðslunámskeið
fiskiðnaðarins o.fl.
Sýningin í Heppuskóla verður opin kl.
14:00-22:00 daglega.
Þór Tulinius og Viðar Eggertsson í hlut-
verkum sínum.
EGG-Ieikhúsið:
Síðustu sýningar á
„Sál mín er hirðfífl í kvóld"
Á 2. dag hvítasunnu kl. 20:00 verður
allra síðasta aukasýning á sýningu Egg-
leikhússins á „Sál mín er hirðfífl í kvöld“.
Sýning fer fram í Hlaðvarpanum og í
Nýhöfn, Hafnarstræti.
Glerárprestakall auglýst laust
Biskup lslands hefur auglýst laust til
umsóknar Glerárprestakall í Eyjafjarðar-
prófastsdæmi og er umsóknarfrestur til 5.
júní nk. Glerárprestakalli tilheyra tvær
sóknir, Lögmannshlíðarsókn og Mið-
garðasókn í Grfmsey.
Sr. Pálmi Matthíasson, sem þjónað
hefur prestakallinu frá stofnun þess, hefur
nú verið kallaður til prests í Bústaða-
prestakalli í Reykjavíkurprófastsdæmi og
mun taka við því starfi um miðjan júlí nk.
Daði sýnir í FÍM-salnum
- Síðasta sýningarhelgi
Daði Guðbjömsson opnaði nýlega mál-
verkasýningu í FÍM-salnum, Garðastræti
6, Reykjavfk.
Daði hefur haldið fjölda einkasýninga
hér heima og erlendis og tekið þátt í
mörgum samsýningum.
FIM-salurinn er opinn virka daga kl.
13:00-18:00 ogkl. 14:00-18:00 umhelgar.
Sýningin stendur til 16. maí.
Rannveig Bragadóttir sópransöngkona.
Rannveig Bragadóttir
I keppnina I Cardiff
Heimssöngvarakeppnin í Cardiff,
Wales (Singer of the World Competition
1989) fer nú fram í fjórða sinn dagana
11.-17. júní nk. Að þessu sinni var
Rannveig Bragadóttir sópransöngkona
valin til að keppa fyrir lslands hönd.
Rannveig er fædd árið 1962 í Reykja-
vík. Hún hóf ung nám í Söngskólanum í
Reykjavík, þaðan fór hún til Vínarborg-
ar, þar sem hún lauk prófi frá „Hoch-
schule fur Musik und Darstellende
Kunst“ . Hún hefur sungið með „Die
Jugend Opere Wien“ og í Islensku Óper-
unni hlutverk Cherubinos í Brúðkaupi
Fígarós. Einnig hefur hún sungið í Sviss,
Þýskalandi, Hollandi. Hún hefur sungið í
Toscu undir stjóm Herberts von Karajan,
á hátíðarhljómleikum í Hellbrunn og er
nú ráðin sem einsöngvari við óperuna í
Vínarborg.
Rannveig fer til Cardiff 8. júní. Sjón-
varpið mun vera með útsendingar frá
Cardiff og eiga sjónvarpsáhorfendur von
á dagskrá frá keppninni.
1 dómnefndinni sem valdi íslenska
þátttakandann sátu Jón Þórarinsson
tónskáld, Þorsteinn Hannesson söngvari
og Bergþóra Jónsdóttir tónlistarfræðing-
Jón Axel sýnir í Nýhófn
Jón Axel opnar sýningu í listasalnum
Nýhöfn, Hafnarstræti 18, laugardaginn
29. apríl kl. 14:00-16:00. Á sýningunni
verða um 10 nýjar, stórar kolateikningar
á pappír sem eru settar á striga.
Jón Axel er fæddur í Reykjavík 1956.
Hann stundaði nám við Myndlista- og
handíðaskóla Islands 1975-’79. Þetta er
8. einkasýning Jóns Axels, en hann hefur
cinnig tekið þátt í fjölda samsýninga hér
heima og erlendis.
Sýningin, sem er sölusýning, er opin
virka daga kl. 10:00-18:00 og um helgar
kl. 14:00-18:00. Henni lýkur 17. maí.
Listasafn Einars Jónssonar:
Opnað á ný
Listasafn Einars Jónssonar er opið alla
laugardagaogsunnudagakl.13:30-16:00.
Höggmyndagarðurinn er opinn daglega
frákl. 11:00-17:00.
Laugardagsganga Hana nú
í Kópavogi
Gengið verður eins og venjulega frá
Digranesvegi 12 kl. 10:00 á laugardags-
morgun. Molakaffi á boðstólum á undan
göngu.
Gallerí Gijót:
Jmyndun1', sýning
Ófeigur Björnsson, gullsmiður og
myndlistarmaður, opnar sýningu á skúlp-
túrverkum í Gallerí Grjóti, Skólavörðu-
stíg 4, föstudaginn 28. apríl. Verkin em
flest unnin í málm ogeru öll til sölu. Þetta
er fjórða einkasýning Ófeigs, sú þriðja
hér í Reykjavík en hann hefur einnig sýnt
í Helsinki.
Sýningin stendur til 15. maí. Hún er
opin kl. 12:00-18:00 virka daga og kl.
14:00-18:00 um helgar.
Bessi Bjarnason leikur titilhlutverkið,
bifvélavirkjann Badda.
BQaverkstæði Badda:
Síðustu sýningar á Litla sviði
- en síðan leikferð um iandið
Bílaverkstæði Badda eftir Ólaf Hauk
Símonarson var sýnt 90 sinnum á Litla
sviði Þjóðleikhússins leikárið 1987-’88 og
var síðan flutt á Norrænu leiklistarhátíð-
inni í Helsinki í maí.
Síðustu sýningar á þessu spennu- og
átakaverki verða á Litla sviði Þjóðleik-
hússins í kvöid, föstud. 12. maí og á
mánudagskvöld 15. maí kl. 20:30, bæði
kvöldin.
Leikstjóri er Þórhallur Sigurðsson en
leikarar: Bessi Bjamason (Baddi), Jó-
hann Sigurðarson, Guðlaug María
Bjamadóttir, Sigurður Sigurjónsson,
Amar Jónsson og Ámi Tryggvason.
Minningarkort
SJÁLFSBJARGAR
( Reykjavík og nágrenni
- fást á eftirtöldum stöðum:
Reykjavík: Reykjavíkur apótek,
Garðsapótek, Vesturbæjarapótek,
Kirkjuhúsið við Klapparstíg, Bókabúð
Fossvogs, Grímsbæ við Bústaðaveg,
Bókabúðin Embla, Drafnarfelli 10,
Bókabúðin Úlfarsfell, Hagamel 67,
Verslunin Kjötborg, Búðargerði 10,
Hafnarfjörður: Bókabúð Olivers
Steins, Strandgötu 31.
Kópavogur: Pósthúsið.
Minningarkort fást einnig á skrifstofu
Sjálfsbjargar, Hátúni 12. Gíróþjónusta.
Skrlfstofa AL-ANON, aöstandenda alkohól-
ista, Traöarkotssundi 6. Opin kl. 10.00-12.00 alla
laugardaga, slmi 19282.
AA-samtökin. Eigir þú viö áfengisvandamál aö
strfða, þá er slmi samtakanna 16373, milli kl.
17.00-20.00 daglega.
IIHIIIIIIIIIIIIIIII KVIKMYNDIR iillllllllllllllll1' -.Illlllllllli::. -.. .I.. stjörnugt&f * * * lj|||||
Stjörnubíó: Punchline
HLÁTUR0C GRÁTUR
Stólpagrín og drama er nú ekki
ýkja algeng blanda en í myndinni
Punchline eða Hlátrarsköll er það
nú einmitt reyndin. Tveir grínistar
sem eiga sér þann draum stærstan
að verða frægir, en búa við ólíkar
aðstæður er valda þeim ólíkum
erfiðleikum.
Myndin segir frá fyrrnefndum
grínistum sem troða upp ásamt
fleirum á veitingahúsinu Bensín-
stöðinni á kvöldin og samkeppnin
er gífurlega hörð því allir eru þeir
að reyna að koma sér á framfæri.
Bestur þeirra er Steven Gold.sem
leikinn er af Tom Hanks. Steven á
í hinu versta sálarstríði, fallisti úr
læknaskóla og getur vart beðið
lengur eftir að frægðarsól hans rísi.
Á Bensínstöðinni starfar einnig
annar grínisti, ekki mjög hátt
skrifaður. Lylah Krytsick, gift
þriggja barna móðir og á hún við
annars konar erfiðleika að etja,
þar sem hún getur ekki stundað
þetta draumastarf vegna anna á
heimilinu. Leiðir þeirra tveggja
liggja saman, eftir að Steven Gold
hefur brotnað saman i einu atriða
sinna og kemur þá Lylah til
hjálpar. Virðast kynni þeirra geta
orðið báðum til góðs, Steven kenn-
ir frú Krytsick lykilatriðin á sviðinu
og Lylah veitir Steven einhverja
sálarró með návist sinni.sem auð-
vitað endar með því að hann fellir
hug til hennar.
Eins og áður sagði er myndin
blanda af gríni og drama sem er
ekki ýkja algengt. Sem grínmynd
er hún virkilega góð, en að mínum
dómi dettur hún dálítið niður í
hinum alvarlegri atriðum, þegar
erfiðleikar þeirra beggja ná há-
marki, og verður dálítið langdregin
og þreytt. En leikararnir ná að rífa
hana upp í lokin með frábæru
lokaatriði.
Aðalleikarnir Sally Field og Tom
Hanks standa vel fyrir sínu og
rúmlega það og eiga þau hrós skilið
fyrir frammistöðu sína í myndinni
og þá sérstaklega Tom Hanks.
í heildina séð er myndin hin
ágætasta skemmtun, full af góðu
gríni, eitthvað af alvöru, og fyrir
hláturunnendur er myndin meiri-
háttar sending. Hláturinn lengir
lífið og ég skelli þremur stjörnum
á ræmuna.
Pétur Sigurðsson.