Tíminn - 13.05.1989, Blaðsíða 20
AUOLÝSINGASÍMAR: 680001 —686300
RÍKISSKIP
NÚTÍMA FLUTNINGAR
Halnarhúsinu v/Tryggvagölu,
S 28822
Atjan man. binding
§ 7,5%
SAMVINNUBANKINN
PÓSTFAX
ÞRDSTUR TÍMANS
685060 687691
VANIR MENN
LAUGARDAGUR 13. MAÍ 1989
Sænska fréttastofan TT birtir niðrandi fétt um vanhæfi íslendinga til forystu í EFTA:
CARLSON SAGÐUR EIGA
AD SANSA ÍSLENDINGA
Jón B. býr sig undir að kenna sænskum mandarínum rnannasiöi
Utanríkisráðherra íslands tók heldur óstinnt upp fréttir þar
sem haft er eftir háttsettum ráðamönnum sænsku ríkisstjórn-
arinnar, að þeir treysti íslendingum ekki til að gegna
formennsku í EFTA ráðinu og leiða viðræður við Evrópu-
bandalagið, einkum með eigin hagsmuni í huga. Sænski
forsætisráðherrann er væntanlegur hingað til lands á mánu-
daginn og mun honum samkvæmt fréttinni vera falið það
hlutverk að bjóða íslendingum „af nærgætni“ aðstoð, án þess
að móðga ráðamenn þjóðarinnar.
„Ég bar satt að segja svo mikla
virðingu fyrir hinni margrómuðu
embættismannaþjónustu sænska
ríkisins, að ég hélt að aldrei kæmi til
þess, að mörlandar í veiðistöð þess-
ari þyrftu að gefa sænskum mandar-
ínum góð ráð um það hvernig þeir
ættu af nærfærni og hyggindum að
undirbúa opinbera heimsókn for-
sætisráðherrans til annars lands,“
sagði utanríkisráðhcrra íslands Jón
Baldvin Hannibalsson í samtali viö
Tímann.
Samkvæmt fréttaskeyti frá
Svíþjóð, sem byggir á heimildum
háttsettra embættismanna sænsku
ríkisstjórnarinnar, háttsetts ónafn-
greinds embættismanns sænska
utanríkisráðuneytisins og starfs-
manns upplýsingaþjónustu forsætis-
ráðuneytisins; þá telja sænsk stjórn-
völd „að það væri ámóta fjarstæðu-
kennt að íslendingar gætu gegnt
forrhcnnsku innan EFTA, og að
borgin Malmö, með bara 250 þúsund
íbúa, gæti sinnt hagsmunum Svía
gagnvart innri markaði Evrópu-
bandalagsins," eins og segir orðrétt
í fréttaskeytinu.
Einnig kemur frant að það er ekki
pólitísk afstaða fslendinga sem veld-
ur Svíunum áhyggjum. Heldursnýst
málið að þeirra sögn um það „hvort
litla ísland hafi tæknilega og efna-
hagslega burði til að sinna hagsmun-
um EFTA ríkjanna". Þá er haft eftir
talsmanni sænsku ríkisstjórnarinnar
að hvorki hagsmunir né efnahagsleg-
ir burðir íslendinga bendi til þess að
öðrum mikilvægum málum en fisk-
veiði, verði fylgt eftir. Einkum mál-
um sem sér í lagPsnerta hagsmuni
Svía sem hlutlausrar þjóðar. Loks
segir að Ingvari Carlson muni ekki
veita af allri þeirri nærgætni og
samningalipurð sem honum er gefin,
þegar hann mun þurfa að bera upp
það erindi við íslenska ráðamenn í
opinnberri heimsókn hingað til
lands, að Svíar séu reiðubúnir að
veita íslendingum aðstoð. Þarf
hann, samkvæmt heimildum starfs-
manns upplýsingadeildar forsætis-
ráðuneytisins, að geta borið upp
þetta erindi án þess að móðga ís-
lenska ráðamenn.
„Fegar blaðamenn náðu tangar-
haldi á ntér síðdegis í gær, var ég
staddur á aðalfundi Útflutningsráðs
fslendinga, að hlýða á merkan Jap-
ana fræða okkur um hvernig við
ættum að undirbúa okkur undir
aukna markaðssókn í Japan. Þá
varð mér það nú fyrst fyrir, eftir að
hafa lesið textann, að ég lét segja
mér þetta tvisvar. Hins vegar tek ég
Svía alltaf ákaflega alvarlega," sagði
Jón Baldvin.
Hann fól skrifstofustjóra utanrík-
isráðuneytisins, í fjarveru ráðuneyt-
isstjórans, sem nú er staddur í Bern,
að koma þeirri fyrirspurn á framfæri
í gegnum sænska sendiráðið, til
sænska utanríkisráðuneytisins hvort
þeir staðfestu að hér væri rétt með
farið. „Þar sem hafðir eru fyrir
heimildinni háttsettir embættismenn
sænsku ríkisstjórnarinnar, háttsettur
embættismaður sænska utanríkis-
ráðuncytisins og starfsmaður upplýs-
ingaþjónustu forsætisráðuneytisins,
vildi ég fá úr því skorið hvort þeir
færu með rétt mál og lýstu með
réttum hætti viðhorfum sænsku
ríkisstjórnarinnar. Ef svo væri ekki
þá teldi ég ráðlegt að íslenska utan-
ríkisráðuneytinu bærist fyrr en síðar,
skrifleg greinargerð frá sænsku ríkis-
stjórninni. Helst áður en hin opin-
bera heimsókn forsætisráðherrans
hæfist."
Fullnægjandi svör hafa að sögn
engin borist frá sendiráðinu ennþá.
Því var orðsendingin í gær send
beint til sænska utanríkisráðherrans
og utanríkisviðskiptaráðherrans.
„Þessir ráðherrar fara með þá mála-
flokka sem hér um ræðir, það er að
segja samskipti innan EFTA og
samstarf við ÉB. Að því mér hefur
verið tjáð er búið að loka skrifstofum
í Svíþjóð. Ég ætla ekki að segja til
um hversu fljótvirkir hinir sérfróðu
menn eru en ekki véfengi ég burði
sænska utanríkisráðuneytisins til að
svara þessu litla erindi,“ sagði Jón.
jkb
UNDANÞÁGA VEm
FYRIR SÁDBYGGINU
Undanþága hefur verið veitt frá
verkfalli BHMR í svokölluðu sáð-
byggmáli sem brunnið hefur á hlut-
aðeigandi aðilum að undanförnu.
Þetta kom fram í ræðu sem Stein-
grímur J. Sigfússon, landbúnaðar-
ráðherra, hélt við utandagskrárum-
ræðu á Alþingi í gær. Kvaðst hann
halda að þegar hann hélt ræðuna,
væru flutningabílar þegar lagðir af
stað austur og norður í sveitir með
bygg og aðrar sáðvörur. Eins og
Tíminn hefur greint frá var það álit
manna að veruleg röskun yrði á
sáningu byggs, hafra og annarra
sáðvara, ef dreifing þess tefðist fram
yfir 11. maí.
Gunnar Sigurðsson, hjá undan-
þágunefnd Félags íslenskra náttúru-
fræðinga, sagði í samtali við Tímann
í gær að frekari undanþágur yrðu
ekki veittar í verkfallinu. Harka
virðist hafa hlaupið í þessi mál, eftir
að náttúrufræðingar stöðvuðu flutn-
inga á litarefni til fóðurgerðar frá
Kornhlöðunni í Sundahöfn í
Reykjavík. Við innflutning á slíkum
efnum þarf að fá leyfi og tilskilda
skoðun. Vegna verkfallsins virðast
menn hafa flutt þessi efni inn á
öðrum tollflokkum en vanalega til
að komast hjá því að stranda í
leyfisveitingunni.
Gunnar Jóhannsson, stjórnarfor-
maður Fóðurblöndunnar, sagði að
innflutningurinn hefði verið full-
komlega löglegur. Hann hafi einung-
is fallist á að senda umræddan hluta
þessarar sendingar til baka vegna
þess hve verkfallsvörðum hafi verið
orðið heitt í hamsi og hann því óttast
hið versta. SSH/KB
Engin slátrun í verkfalli dýralækna:
Ekkert nautakjöt
Nautakjöt verður að öllum líkind-
um ekki eins algengt á borðum
íslendinga um hvítasunnuna og ver-
ið hefur undanfarin ár. Næstu daga
eftir helgina má jafnvel búast við að
það hverfi með öllu af matseðlinum
um einhvern tíma, eða svo lengi sem
dýralæknar eru í verkfalli.
Vegna verkfalls dýralækna hefur
ekki mátt slátra nautgripum að
undanförnu. Af því leiðir að nauta-
kjöt er að verða uppurið hjá seljend-
um. Hjá Afurðasölu Sambandsins
fengust þær upplýsingar að þegar
verkfallið hófst hafi verið til um
mánaðarbirgðir af nautakjöti. Nú
hefur verkfallið staðið á sjöttu viku
og frá byrjun maí hefur ekkert verið
til af kjötinu þar og er ástandið
svipað annars staðar. jkb
Fjölnienni var á áhcyrnarpöllum Alþingis í gær, er fram fóru umræður utan dagskrár uni kjaradeilu BHMR
og ríkisins. Steingrímur Hennannsson forsætisráðherra sagöi það skyldu ríkisstjörnarinnar áð gera allt sem í
hennar valdi stæði til aö leysa þessa deilu. Ríkið hefði nú þegar nánast teygt sig jafn langt til móts við deiluaðila
og mögulegt væri.
Óformlegar viðræður ættu sér ntí stað á ntilli deiluaðila. en forsætisráðherra sagðist þeirrar skoöunar aö
tilgangslaust væri að fara út í formlegar viðræður, nema fyrirsjáanlegt væri að þær skiluðu einhverjum árangri.
Hann kvaðst óitast að dcilur þessar leiddu til stofnunar cinkastofa, er seldu þjónustu á ýmsuin sviðum er ríkið
hefði veitt áður. Sú þróun væri varhugavcrð, en ríkið hefði miklar skyldur sem ekki mætti fóma.
Forsætisráðherra sagði að á vissum sviðum gæti ríkið orðið bótaskylt vegna deilunnar, sér í lagi ef þær aögerðir,
eða það aðgerðarleysi sem framið væri af verkfallsfólki byggði á veikum lagaleguin grunni. Nefndi hann í því
sambandi leyfisveitingar fyrir innflutningi á fóðri og sáðvörum. _^G