Tíminn - 18.05.1989, Blaðsíða 4
4 Tíminn
Fimmtudagur 18. maí 1989
Dómsmálaráðherra svarar fyrirspurn um símahleranir:
Sex símahleranir
sem af er árinu
Halldór Ásgrímsson dómsmálaráðherra hefur svarað fyrir-
spurn Kristínar Halldórsdóttur þingmanns um símahleranir.
A þvi tíu ára tímabili, sem fyrirspurnin náði til hefur að
meðaltali 12,6 sinnum verið veitt leyfi til símahlerana.
Símahleranir hafa farið vaxandi síðustu ár og það sem af er
þessu ári hafa verið kveðnir upp sex úrskurðir um símahleran-
ir.
f svari ráðherra hvað varðar þær
reglur sem um símahleranir gilda,
kemur fram að samkvæmt lögum um
meðferð opinberra mála, segir:
„Dómari getur, þegar öryggi ríkisins
krefst þess eða um mikilsvert saka-
mál er að ræða, úrskurðað hlustanir
í síma sem sökunautur hefur eða
ætla má hann nota.“
Alls hafa verið kveðnir upp 126
úrskurðir um símahleranir á 10 ára
tímabili frá 1979 til 1988. Árið 1979
var enginn úrskurður kveðinn upp,
árið 1980 tveir úrskurðir, 1981 þrír
úrskurðir, 1982 fimm úrskurðir,
1983 sex úrskurðir. Frá 1984 hefur
úrskurðum um símahleranir farið
fjölgandi, en á því ári var 11 sinnum
úrskurðað um símahleranir, 32 sinn-
um árið 1985, 26 sinnum árið 1987,
27 sinnum 1987 og 14 sinnum á
síðasta ári. Það sem af er þessu ári
hafa sex úrskurðir verið kveðnir
upp.
Á framangreindu tímabili hefur í
tveim tilvikum verið um að ræða
beiðnir frá Rannsóknarlögreglu
ríkisins, annars vegar vegna stór-
fellds innbrotsþjófnaðar og gruns
um fíkniefnabrot og hins vegar
vegna sama þjófnaðar, fjárkúgunar
og heitinga um ófarnað. í öllum
öðrum tilvikum er um að ræða
beiðnir frá lögreglustjóraembættinu
í Reykjavík, vegna rannsóknar á
meiriháttar fíkniefnamisferli.
Hvað fjölda úrskurða varðar getur
verið um að ræða framlengingu á
heimild með nýjum úrskurði og
margir úrskurðir geta og verið vegna
rannsóknar á sama máli vegna
tengsla og fjölda grunaðra.
Það er lögreglan sem annast síma-
hlerunina, en Póst og símamála-
stofnunin veitir lögreglu aðgang að
símakerfinu gegn framvísun dóms-
úrskurðar.
Þingmaðurinn spurði um rétt þol-
enda símahlerana. í svari ráðherra
kemur fram að í réttarfarslögum sé
ekki kveðið á um að þolanda skuli
gerð grein fyrir því að hlerun hafi
farið fram. Þá var ráðherra einnig
spurður hvort tryggt sé að alltaf væri
farið að lögum og reglum hvað
símahleranir varðar. í svari ráðherra
segir að dómstólar meti skilyrði til
símahlerunar. Því verður að treysta
að þeir gæti þess að símahleranir séu
aðeins leyfðar að ríkar ástæður séu
fyrir hendi. -ABÓ
Hvítasunnukappreiðar Fáks:
Fjöldi áhorfenda
þrátt fyrir veður
Hvítasunnukappreiðum hestamannafélagsins Fáks lauk á
mánudaginn. Bæði var keppt í tölti, brokki, skeiði og stökki,
auk þess sem gæðingar voru dæmdir. Verðlaunaafhendingar
fóru fram í gær, annan í Hvítasunnu sem jafnframt var
aðaldagur mótsins.
Kappreiðarnar byrjuðu á fimmtu-
dag með því að B-flokkur gæðinga
var dæmdur. Þar varð Snjall efstur,
eigandi hans er Unn Krogen. Annar
varð hesturinn Kjarni sem Sævar
Haraldsson á og Kraki Láru Jóns-
dóttur þriðji. Á föstudag tóku við
dómar í A-flokki gæðinga. Þar varð
Fjalar, átta vetra efstur, eigandi
hans er Guðmundur Jóhannsson,
Dagfari, Davíðs Matthíassonar varð
í öðru sæti og Tinni Sigvalda Ægis-
sonar í því þriðja. Á laugardeginum
voru dæmdir gæðingar, tölthestar
barna og unglinga og kappreiðar.
Úrslitin réðust síðan á mánudag.
Þá byrjaði dagskráin með hópreið
Fáksfélaga. Formaður félagsins setti
að því búnu mótið formlega og
unglingar sýndu tölt. Keppt var í 150
og 250 metra skeiði, 250 og átta
hundruð metra stökki og þrjú hundr-
uð metra brokki. Sá hluti mótsins
var ekki aldursskiptur.
í tölti sigraði Aðalsteinn Aðal-
steinsson á Snjalli, Sævar Haralds-
son á Kjarna varð annar og Hafliði
Halldórsson á Flosa þriðji.
í flokki unglinga sigraði Hjörný
Snorradóttir á Þyrni, Edda Sólveig
Gísladóttir varð önnur á Janúar og
Róbert Petersen á Gjafari þriðji. í
flokki barna tólf ára og yngri sigraði
Sigurður V. Mattíasson á Bróður,
Daníel Jónsson á Geisla varð annar
og Edda Rún Ragnarsdóttir á Kára
þriðja.
í 150 metra skeiði sigraði Sigur-
björn Bárðarson á Símoni, Sævar
Haraldsson á Jóni Hauki varð annar
og Erling Sigurðsson á Flugari þriðji.
{ 250 metra skeiði sigraði Erling
Sigurðsson á Vana, Tómas Ragnars-
son á Berki varð annar og Sigurbjöm
Bárðarson á Snarfara þriðji. í 250
metra stökki bar Tómas Ö. Snorra-
son á Súsúki sigur úr býtum en
keppendur voru aðeins tveir. Átta
hundruð metra stökk sigraði Magnús
Benediktsson á Lótus og annar varð
Gunnar Örn Williamsson á Valsi. I
þrjú hundruð metra brokki sigraði
Guðmundur Jónsson á Val, Jóhann-
es Þ. Björnsson á Trítli varð annar
og Vignir Jónsson á Blóma varð
þriðji.
„Mótið gekk mjög vel og töluvert
af fólki kom til að fylgjast með, þrátt
fyir leiðinlegt veður til að byrja
með,“ sagði Sólveig Ásgeirsdóttir
starfsmaður Fáks í samtali við
Tímann. jkb
Frá afhendingu heiðurslaunanna. Sitjandi eru (f.v.): Sigurður Arnalds,
faðir Andrésar, Hlíf Sigurjónsdóttir, Þráinn Vigfússon, bróðir Hannesar
Hlífars og Guðjón Pedersen. í aftari röð eru: Matthías G. Pétursson
deildarstjórí markaðs- og söludeildar BÍ, Ólafur Jónsson, líftrygginga-
deild, Guðmundur Oddsson, ritari stjómar, Ingi R. Helgason, forstjóri,
Andrés Valdimarsson, Hreinn Pálsson og Jónas Hallgrímsson, stjórnar-
menn og Þórður Þórðarson, skírteinadeild. (Tímam. Árni Bjama)
BÍ afhendir
heiðurslaun
Brunabótafélag íslands veitti
fjórum einstaklingum heiðurslaun
á þriðjudag. Heiðurslaunin hlutu
að þessu sinni Andrés Amalds,
beitarþolsfræðingur, Guðjón Ped-
ersen, leikari, Hannes Hlífar Stef-
ánsson, skákmeistari og Hlíf Sig-
urjónsdóttir, fiðluleikari.
Andrés Amalds hlaut fjögurra
mánaða heiðurslaun í því skyni að
auðvelda honum að afla upplýsinga
um hvað þurfi að gera í gróður-
vemdarmálum til að þau komist í
viðunandi horf.
Guðjón Pedersen fær laun í þrjá
mánuði til þess að verða fullnuma
í leikstjóm.
Hannes Hlífar Stefánsson hlýtur
launin í tvo mánuði til að gera
honum auðveldara að taka þátt í
skákmótum erlendis.
Hlíf Sigurjónsdóttir hlaut
þriggja mánaða laun til þess að
gera henni kleift að undirbúa sig og
taka þátt í alþjóðlegri samkeppni
fiðluleikara.
Heiðursiaun BÍ hafa verið af-
hent árlega frá árinu 1982. Það er
stjórn félagsins sem velur hverjir
hljóta launin, yfirleitt úr fjölda
umsækjenda. -gs
Skákklúbbur Flugleiða sigraði í Evrópukeppni flugfélaga í skák á
úrslitamóti sem haldið var á Hótel Loftleiðum. Flugleiðamenn
mættu liði SAS, sem var handhafi titilsins. Flugleiðir eru einnig
heimsmeistarar í skák flugfélaga. -gs
Framfærsluvísitalan - þriðjungur hækkunarinnar vegna bílatrygginganna:
Nauðsynjar hækkað minna
en munaður s.l. 12 mánuði
Enn hækkar framfærsluvísitalan um 2% milli mánaða -
aprí-maí. Ríflega þriðjungur þeirrar hækkunar, eða 0,7%,
stafa af hækkun á bílatryggingum og verðhækkun á
bensíni, sem telst hafa hækkað rekstrarkostnað einkabíls-
ins um rúmlega 4% milli mánaða.
Framfærsluvísitalan í maí reynd-
ist vera 122,3 stig, og hefur þvt'
hækkað um 22,3% síðan hún var
sett á 100 í maí í fyrra. Síðustu þrjá
mánuði hefur verðlag hækkað um
7,1%, sem umreiknað til árshækk-
unar svarar til 31,5% verðbólgu.
Það eru mikil umskipti frá þrem
síðustu mánuðum ársins 1988, þeg-
ar verðlag hækkaði aðeins um
0,6%, sem svaraði til 2,4% verð-
bólgu. Þessi snöggu umskipti skýra
m.a. þær miklu sviptingar sem
orðið hafa við ákvörðun nafnvaxta
óverðtryggðra inn- og útlána hjá
bönkunum undanfarna mánuði.
„Fátt er svo með öllu illt... “
segir máltækið - og má að nokkru
færa það upp á þróun framfærslu-
vísitölunnar frá maí 1988 til maí
1989. Það kemur nefnilega í ljós að
verðhækkanir hafa alla jafna verið
minnstar á þeim liðum sem flokka
má til brýnustu lífsnauðsynja.
Eftirtaldir liðir hafa t.d. hækkað
minna s.l. ár en vísitalan í heild:
Matvörur..................19,5%
Föt og skófatnaður .... 17,8%
Húsnæði, rafmagn/hiti . . 17,1%
Heilsuvernd..............19,0%
Póstur og sími...........16,9%
Aðrir liðir hafa aftur á móti
hækkað umfram meðaltalið:
Einkabíllinn.........
Alm.flutningatæki . .
Drykkjarv./tóbak . .
Húsgögn/heimilisbún.
Tómstundir/menntun
Snyrtivörur/snyrting .
. 31,6%
. 25,6%
. 23,2%
. 22,7%
. 25,5%
. 22,3%
Veitinga/hótelþjón.......24,2%
Vísitalan í heild .......22,3%
Samkvæmt þessu hefur kaup-
máttur þeirra lakast settu, t.d.
lífeyrisþega og láglaunamanna
(bíllausra) væntanlega ekki versn-
að eins mikið í raun eins og
meðaltalsreikningar sýna. En
kaupmáttarútreikningar miðast
sem kunnugt er við samanburð á
hækkun launa/tekna annarsvegar
og hækkun framfærsluvísitölunnar
hins vegar. - HEI