Tíminn - 04.08.1989, Blaðsíða 10
10 Tíminn
Föstudagur 4. ágúst 1989
llllllllllllllllllllllll DAGBÓK
Sýning Jóhanns Briem
í Norræna húsinu
Sumarsýning Norræna hússins á verk-
um Jóhanns Briem stendur enn í Norræna
húsinu. Hún er opin daglega kl. 14:00-
19:00 til 24. ágúst.
Ljóðaupplestur á Hótel BUÐUM
Um verslunarmannahelgina munu
skáldin Steinunn Ásmundsdóttir og Bir-
gitta Jónsdóttir lesa upp úr væntanlegum
ljóðabókum sínum. Bók Steinunnar heit-
ir Einleikur á regnboga, en bók Birgittu
ber titilinn Frostdinglar. Ljóðabækurnar
verða gefnar út af AB og koma út upp úr
miðjum september. Nánari upplýsingar
um tímasetningu upplestranna fást á
Hótel Búðum.
Sumarsýning í NÝHÖFN
1 listasalnum Nýhöfn, Hafnarstræti 18
í Reykjavík, stendur nú yfir sumarsýning
með verkum fjölmargra núlifandi lista-
manna sem og gömlu meistaranna.
Sýningin, sem er sölusýnin, er opin
virka daga kl. 10:00-18:00.
Laugardagsganga Hana nú
Vikuleg laugardagsganga Hana nú í
Kópavogi verður á morgun, laugardag.
Lagt af stað frá Digranesvegi 12 kl. 10:00.
Markmið göngunnar er samvera, súrefni
og hreyfing. Nýlegað molakaffi á boðstól-
um.
n.v/i\r\oo ■ Hnr
Landsþing L.F.K.
veröur haldið að Hvanneyri dagana 8.-10. september n.k.
Mætum allar.
Stjórn L.F.K.
Kerlingarfjöll - Hveravellir
Sumarferð framsóknarfélaganna
í Reykjavík
Hin árlega sumarferð framsóknarfélaganna í Reykjavík verður farin
laugardaginn 12. ágúst nk.
kl. 08.00 Lagt af stað frá BSl. Ekið um Óseyrarbrún, og upp
kl.
kl.
Grímsnes að Geysi í Haukadal, þar sem ferðalöngum gefst kostur
á að narta í nesti sitt.
12.00 Verður lagt af stað frá Geysi. Stoppað verður við Gullfoss
á leið inn Kjöl. Áætlað er að koma inná Hveravelli kl. 16.30. Þar
mun forsætisráðherra, Steingrímur Hermannsson flytja stutt
ávarp og fólki gefst tækifæri til þess að komast á snyrtingu og
ktkja í nestispakkann sinn.
17.30 Lagt af stað frá Hveravöllum til Kerlingarfjalla.
19.00 Lagt af stað frá Kerlingarfjöllum til Reykjavíkur.
kl. 24.00 Áætlað að koma til Reykjavíkur.
Leiðsögumenn verða I öllum bílum.
Framsóknarfélögin f Reykjavfk.
Reykvíkingar
Guðmundur G. Þórarinsson, alþm. verður til
viðtals á skrifstofu Framsóknarflokksins, Nóa-
túni 21, miðvikudaginn 9. ágúst n.k., milli kl. 17
og 19.
Verið velkomin.
Fulltrúaráðið
Sumartími:
Skrifstofa Framsóknarflokksins, að Nóatúni 21 í Reykjavík, er opin
alla virka daga frá kl. 8.00-16.00.
Framsóknarflokkurinn.
í landslagsmyndum Louisu Matthíasdóttur má oft sjá hesta, kýr og kindur.
Nýjar LOUISU-myndir
í Gallerí B0RG
Listakonan Louisa Matthíasdóttir er
nú stödd hér á landi, en hún er, eins og
flestum er kunnugt, búsett í New York,
þar sem hún er fyrir löngu búin að vinna
sér nafn og orðin þekkt fyrir landslags-
myndir frá Islandi.
Gallerí Borg hefur fengið til sölu 15
nýlegar olíumyndir eftir Louisu, flestar af
hestum og kindum í landslagi, en sú
stærsta er götumynd úr Reykjavík.
Myndirnar hanga uppi í Gallerí Borg
næstu dagana.
Minjagripasala að Lækjarbakka
í Gaulverjabæjarhreppi
Nú í sumar verður opin listaverka- og
minjagripasala að Lækjarbakka í Gaul-
verjabæjarhreppi. Það er Þóra Sigurjóns-
dóttir, húsfreyja og listakona sem gerir
þessa gripi. og hún notar m.a. íslenskt
grjót og rekavið ásamt fjölbreyttu öðru
efni.
Mikil og vaxandi umferð er austur
strandveginn um Óseyrarbrú um þessar
mundir. Margir koma þarna við eftir að
hafa skoðað Þorlákskirkju, verið í Sjó-
minjasafninu á Eyrarbakka, Þuríðarbúð
á Stokkseyri, Baugsstaðarrjómabúi og
svo áfram um Lækjarbakka, Fljótshóla -
þar er gistiaðstaða til leigu - og upp með
Þjórsá á hringveginn hjá Þingborg, eða
ofan við Urriðafoss vestan við Þjórsárbrú.
Sumarsýning í FÍM-salnum
í FÍM-salnum stendur yfir sumarsýning
á verkum félagsmanna. Félagsmenn FÍM
eru yfir 100 talsins og taka fjölmargir
þeirra þátt í sýningunni. Skipt verður um
upphengi vikulega og um þessar mundir
sýna eftirtaldir listamenn: Ágúst Peter-
sen, Arnar Herbertsson, Einar G. Bald-
vinsson, Elín Magnúsdóttir, Guðbjörg
Lind, Hafsteinn Austmann, Jón Bene-
diktsson, Margrét Jónsdóttir, Ragnar
Stefánsson, Rúna Gísladóttir, Sigurður
Þórir, Sigrid Valtingojer, Sjöfn Haralds-
dóttir, Steinþór Sigurðsson, Sara Vil-
bergsdóttir og Örlygur Sigurðsson.
Á sýningunni eru til sölu sýningarskrár
og ýmsir bæklingar og einnig liggja
frammi til aflestrar gömul tímarit í eigu
FÍM. Mikil aðsókn hefur verið að sýning-
unni, en henni lýkur 15. ágúst og eru öll
verkin á sýningunni til sölu.
f kjallaranum rekur félagið einnig sölu-
gallerí, þar sem kennir margra grasa.
FÍM-salurinn er ripinn virka daga kl.
13:00-18:00 ogumhelgarkl. 14:00-18:00.
Lokað verður um verslunarmannahelg-
ina.
Sumarsýning
HAFNARB0RGAR:
„Á tólfæringi“ - 12 listamenn sýna í
Hafnarborg, Hafnarfirði 10/6-7/8
Sumarsýning Hafnarborgar, menning-
ar- og listastofnunar Hafnarfjarðar, hefur
hlotið yfirskriftina „Á tólfæringi".
Þeir listamenn sem sýna eru: Björg
Örvar, Borghildur Óskarsdóttir, Jón
Axel Björnsson, Kristbergur Pétursson,
Magnús Kjartansson, Margrét Jónsdótt-
ir, Sigurður Örlygsson, Sóley Eiríksdótt-
ir, Steinunn Þórarinsdóttir, Steinþór
Steingrímsson, Sverrír Ólafsson og Val-
gerður Bergsdóttir.
MINNING
Aðalsteinn Ingólfsson listfræðingur rit-
ar inngang í sýningarskrá.
Sýninginn stendur til 7. ágúst.
Opnunartími er kl. 14:00-19:00. Kaffi-
stofan í Hafnarborg er opin á sama tíma
alla daga.
Þetta er síðasta sýningarhelgin.
Jón í Lambey með málverka-
sýningu á Hvolsvelli
Jón Kristinsson, bóndi og listmálari í
Lambey í Fljótshlíð, hefur opnað mál-
verkasýningu í Landsbankaútibúinu á
Hvolsvelli.
„Brauð fátæka mannsins“ nefnist þessi
uppstilling á sýningunni á Kjarvalsstöð-
um.
Uppstillingar Kjarvals
Menningarmálanefnd Reykjavíkur
stendur fyrir sérstakri sýningu á Kjarvals-
stöðum til 20. ágúst. Sýningin nefnist
Jóhannes S. Kjarval: Uppstillingar. Sýn-
ingin er opin kl. 11:00-18:00 sýningardag-
ana.
Handritasýning í Ámagarði
Handritasýning Stofnunar Árna Magn-
ússonar er í Ámagarði við Suðurgötu á
þriðjudögum, fímmtudögum og laugar-
dögum kl. 14:00-16:00 til 1. september.
KVENNAATHVARF
Húsaskjól er opið allan sólarhringinn
og aðstoð fyrir konur sem beittar hafa
verið ofbeldi í heimahúsum eða orðið
fyrir nauðgun.
Síminn er 21205 - opinn aUan sólar-
hrínginn.
Ingilaug Teitsdóttir
Tungu
Fædd 4. ágúst 1884
Dáin 26. júlí 1989
Amma mín elskuleg er dáin.
Hún lést á Sjúkrahúsi Suðurlands
26. júlí síðastliðinn og átti þá aðeins
ólifaða 9 daga til þess að ná 105 ára
aldri. Langri og farsælli ævi er lokið.
Hún er nú jarðsungin frá sóknar-
kirkju sinni að Breiðabólstað í
Fljótshlíð á afmælisdaginn sinn og
lögð til hinstu hvílu við hlið manns
síns.
Ingilaug Teitsdóttir var fædd 4.
ágúst 1884 á Grjótá í Fljótshlíð,
yngsta barn hjónanna sem þar
bjuggu þá, Sigurlaugar Sveinsdóttur
og Teits Ólafssonar. Hún ólst upp
hjá foreldrum sínum á Grjótá og átti
þar heima þar til hún gifti sig 16. júlí
1907 Guðjóni Jónssyni bónda í
Tungu f. 20. mars 1872. Guðjón var
sonur hjónanna Guðrúnar Odds-
dóttur og Jóns Ólafssonar sem búið
höfðu í Tungu lengst af sínum
búskap, en Guðjón hafði tekið við
búi þeirra árið 1900 eftir lát móður
sinnar.
Ingilaug og Guðjón bjuggu í
Tungu allan sinn búskap, þau eign-
uðust 4 börn, Guðrúnu fædda 17.
mars 1908 hún bjó lengi í Þorláks-
höfn en dvelur nú á Dvalarheimili
aldraðra Kirkjuhvoli, Sigurlaugu
fædda 8. júní 1909, hún er gift
Guðmundi Guðnasyni og búa þau í
Fögruhlíð, Oddgeir fæddan 4. júlí
1910, hann er kvæntur Guðfinnu
Ólafsdóttur ljósmóður og búa þau í
Tungu, og Þórunni fædda 11. ágúst
1911, hún giftist Kristni Jónssyni
dánum 31. mars 1973. Þau bjuggu á
Eyrarbakka en nú býr Þórunn á
Dvalarheimiiinu Kirkjuhvoli á
Hvolsvelli.
Ég tel að þau Tunguhjónin hafi
oftast búið við sæmileg efni eftir því
sem gerðist á þeim tíma og átt
arðsamt bú en þau fóru líka vel með
sitt. Þau urðu fyrir því áfalli vorið
1912 að bærinn þeirra hrundi í
jarðskjálfta sem þá gekk yfir Suður-
land, en sem betur fór urðu ekki slys
á mönnum, það er hægt að gera sér
í hugarlund þá erfiðleika sem því
fylgdu að standa uppi húsalaus með
4 ung börn, en þau létu ekki hugfall-
ast en byggðu aftur upp bæinn og
fluttu hann um leið ofar í túnið þar
sem bæjarstæðið hefur verið síðan.
Ingiiaug og Guðjón bjuggu í Tungu
til ársins 1942 en þá tók Oddgeir
sonur þeirra við búinu ásamt Guð-
finnu konu sinni, þau áttu þar samt
áfram heimili sitt. Guðjón lést 5.
apríl 1952.
Amma í Tungu var að mínu áliti
einstaklega vel gerð kona sem fékk
marga góða eiginleika í vöggugjöf.
Mér fannst hún bæði falleg og
góð, hún hafði ákaflega létta lund og
var ánægð með sitt hlutskipti, hún
var umburðarlynd og skipti sjaldan
skapi. Aldrei heyrði ég hana tala illa
um nokkurn mann en oft tók hún
málstað þeirra sem aðrir hallmæltu,
hún vildi gera gott úr öllum hlutum.
Amma var mikil tóvinnukona,
hún eignaðist snemma prjónavél og
prjónaði mikið bæði fyrir sjálfa sig
og aðra. Flesta vetur setti hún upp
vefstólinn sinn og óf bæði vaðmál,
salúnsábreiður og fleira, en minnis-
stæðast er mér þegar hún var að taka
ofan af ull, kemba, og spinna, úr
bandinu prjónaði hún svo dýrindis
útprjónaða vettlinga og því hélt hún
áfram fram á tíræðisaldurinn, henni
féll aldrei verk úr hendi. En þó hún
væri vinnusöm, þá hafði hún alltaf
tíma til að sinna gestum sem að garði
bar, því hún var bæði gestrisin og
hafði gaman af að blanda geði við
aðra. Hún hafði líka gaman af að
bregða sér að heiman og hitta fólk.
Félagslynd var hún, var stofnfélagi í
Kvenfélagi Fljótshlíðar og starfaði í
því meðan kraftar entust, hún var
heiðursfélagi þess.
Amma var kirkjurækin, fór til
kirku þegar hún gat og söng um tíma
í kirkjukómum.
Ég var svo heppin þegar ég var
barn að fá stundum að vera í Tungu
hjá afa og ömmu nokkra daga í
senn. Það voru hátíðisdagar sem ég
hlakkaði alltaf jafn mikið til. Seinna
þegar amma var hætt að búa var hún
nokkur sumur í kaupavinnu heima í
Fögruhlíð,. Það var alltaf jafn gam-
an að vera með ömmu hvort sem við
vorum saman við heyskap eða að
hún var að prjóna, spinna eða gera
eitthvað annað.
Hún kunni mikið af vísum og
kvæðum sem hún fór með fyrir mig
og kenndi mér ýmislegt, hún rabbaði
við mig um daginn og veginn og
sagði mer margt frá sínum uppvaxt-
ar- og búskaparárum, það hefur
margt breyst frá því sem þá var.
Ég er forsjóninni mjög þakklát
fyrir að fá að eiga slíka ömmu og
fyrir allar þær stundir sem ég fékk að
vera með henni. Og nú er hún horfin
frá okkur til nýrra hcimkynna. Ég
bið góðan Guð, sem hún trúði á og
treysti, að blessa hana í eilífðinni og
börnin hennar hér í heimi.
Blessuð sé minning hennar.
Ingilaug Guðmundsdóttir.