Tíminn - 24.08.1989, Blaðsíða 2
2 Tíminn
Fimmtudagur 24. ágúst 1989
Einn banki eða sparisjóður fyrir hverja 1.399 íbúa:
Bankamaður í þjónustu
hverra 80 landsmanna
Ríklsbankarnir, Landsbanki og Búnaðarbanki eru þeir
einu sem fjölguðu útibúum (um eitt hvor) á síðasta ári, en
jafnframt einu bankarnir sem fækkuðu í starfsliði sínu frá
árinu áður. Lengst gekk Búnaðarbankinn með 20 manns
færra um síðustu áramót en ári áður. Þeir fjórir bankar sem
nú hafa sameinast í íslandsbanka höfðu á hinn bóginn samtals
41 fleiri starfsmenn í lok ársins heldur en í upphafi þess. Eftir
sameininguna á þessu ári hefur sem kunnugt er verið talað
um að hún leiði m.a. til umtalsverðrar fækkunar starfsmanna
og afgreiðslustaða.
Starfsmannafjöldi banka og sparisjóða, samkvæmt skýrslu
bankaeftirlitsins, hefur verið þessi s.I. þrjú ár:
1986 1987 1988
LÍ 1.067 1.074 1.068
BÍ 527 535 515
Úí 331 326 332
SB 207 207 224
IB 210 274 292
VB 140 155 171
AB 87 98 99
Sp.sj. 386 401 426
Alls: 2.955 3.068 3.126
ísl.b. 768 852 893
Neðsta línan sýnir samanlagðan
starfsmannafjölda þeirra banka sem
nú hafa sameinast í tslandsbanka.
Ofangreindar tölur benda til að
ríkisbankamir (og fyrrum ríkis-
banki) hafí ekkert fjölgað og jafnvel
fækkað fólki s.l. ár. Starfsmönnum
Verslunar- og Iðnaðarbanka hefur á
hinn bóginn fjölgað allt upp 22% og
39% á tveim árum. Þessar tölur ná
eingöngu til stöðugiida við banka-
störf. Stjómarmenn, bankaráðs-
menn og starfsfólk við mötuneyti,
ræstingu og húsvörslu er ekki með-
talið.
Skýrslan sýnir m.a. hvemig
bönkunum hefur haldist á hlut sínum
í heildarinnlánum undanfarin ár:
1985 1987 1988
% % %
LÍ 33,9 32,8 33,0
BÍ 18,9 19,6 20,0
Úí 10,0 9,1 8,8
SB 6,9 7,0 6,9
IB 7,6 7,9 7,6
VB 4,7 4,8 4,9
AB 2,6 3,3 3,2
Sp.sj. 15,3 15,5 15,6
ísl.b. 24,9 25,1 24,5
Mest breyting hefur orðið hjá
Útvegsbankanum. Minnkuð hlut-
deild hans í heildarinnlánum úr 10%
niður í 8,8% heildarinnlána ( sem
vom 84,8 milljarðar í árslok 1988)
svarar til um eins milljarðs í krónum
talið. Aukin hlutdeild Búnaðar-
bankans svarar til litlu lægri upphæð-
ar. Samanlögð innlán þeirra banka
sem nú mynda íslandsbanka vom
um síðustu áramót heldur minni
hlutur heildarinnlána heldur en í
árslok 1985.
Bankastarfsemi snýst um margt
fleira en ávöxtun innlána. Upphæð
erlendra skulda viðskiptabankanna
(35 milljarðar kr. í árslok 1988)
svarar t.d. til nær helmings upphæð-
ar heildarinnlána þeirra og þar er
verðbréfaútgáfa bankanna heldur
ekki meðtalin. Niðurstöðutölur
efnahagsreikninga viðskiptabanka
og sparisjóða (skuldir eigið fé) í
árslok 1988 gefur aðra mynd af
umfangi bankastarfseminnar en ráða
mætti af innlánunum einum:
Millj.: %
LÍ 65.617 42,2
BÍ 24.789 16,0
Úí 16.705 10,8
SB 8.028 5,2
IB 11.709 7,3
VB 6.633 4,2
AB 4.134 2,7
Sp.sj. 17.723 11,4
Samtals 155.336 99,8
Hér er Landsbankinn t.d. miklu
„stærri“ heldur en í heildarinnlánum
og einnig Útvegsbankinn og Versl-
unarbankinn.
Samkvæmt útreikningum banka-
eftirlitsins vom 21,3 stöðugildi á
hverjar 1.000 millj.kr. á efnahags-
reikningi í árslok. Má því segja að
hver bankamaður hafi haft tæpar 47
m.kr. „á sinni könnu“ að meðaltali.
Það var aukning úr tæplega 41 m.kr.
(á sama verðlagi) tveim ámm áður.
Auk viðskiptabankanna 7 vom
starfandi um s.l. áramót 35 spari-
sjóðir með 45 afgreiðslur, 25 innláns-
deildir samvinnufélaga og Póstgíró-
stofan. Fjöldi afgreiðslustaða við-
skiptabankanna var sem hér segir:
Landsbanki 43
Búnaðarbanki 33
Útvegsbanki 14
Samvinnubanki 21
Iðnaðarbanki 10
Verslunarbanki 8
Alþýðubanki 6
Alls 135
Samtals vom afgreiðslur banka og
sparisjóða því 180 f árslok. Það
þýðir eina afgreiðslu fyrir hverja
1.399 íbúa í landinu. Starfsmenn
(stöðugildi) þessara stofnana svara
til eins bankamanns til þjónustu við
hverja 80 landsmenn. - HEI
FRAMKVÆMDASTJÓRI
LANDSBANKA
ISLANDS
Landsbréf hf. er nýstofnaður verðbréfamarkaður
Landsbankans. Auglýst er eftir umsóknum um
starf framkvœmdastjóra. Umsœkjandi þarf að
hafa viðskiptafrœði-, hagfrœði- eða aðra
sambœrilega menntun. Frumkvœði ogsjálfstœði
í starfi er nauðsynlegt. Umsóknir ásamt
upplýsingum um menntun, aldur ogfyrri störf
berist fyrir 1. september n.k. stílaðar á:
Stjóm Landsbréfa hf,
c/o Landsbanki íslands,
Austurstrœti 11, 3■ hœð,
Pósthólf 170,
155 Reykjavík.
Nánari upplýsingar um starfið veita
Bjöm Líndal og Brynjólfur Helgason
aðstoðarbankastjórar.
LANDSBREF HF.
Verðbréfamarkaður Landsbankans
Bráðum geta menn farið að taka upp tínurnar og huga að saftgerð og fleiru tilheyrandi
Ekki vonlaust með
berjasprettu í ár
Berjaspretta virðist ætla að verða
léleg um nær allt land. Sunnan- og
Vestanlands er spretta mjög lítil.
Sama má segja um Norðurland ef
Eyjafjörður er fráskilinn en þar er
talsvert um ber. Mikil berjaspretta
er einnig í Mjóafirði og Borgarfirði
eystri. Almennt verður að segja að
mikiu minna verði um ber í ár en í
fyrra en þá sprattu ber vel. Ef veður
verður hagstætt næstu daga og vikur
getur þó ræst úr.
Tíminn hafði samband við Eyþór
Einarsson grasafræðing og spurði
hann hvað ylli þessari slæmu berja-
sprettu. Hann sagði að margt hefði
áhrif á berjasprettu. Bmmið sem
blómin koma úr myndast ári áður en
þau bera blóm og ef bmmið verði
fyrir áfalli vegna veðurs hefur það
mikil áhrif. Lyngið þarf að hafa
sæmilegt skjól yfir veturinn til að
það beri góðan ávöxt. Best er ef það
fær að vera í friði undir snjó. Yfir
sumartímann er mikilvægt að hvorki
sé of blautt né of þurrt. Þetta á
sérstaklega við um vor og haust.
Meginástæðu fyrir lélegri berja-
sprettu í ár má rekja til rysjótts
tíðarfars í vetur og þess að snjó tók
ekki upp fyrr en langt var liðið á
vorið. Þegar gróður er jafn seint á
ferðinni og í ár ná margar plöntur
ekki að bera fullþroskaðan ávöxt
áður en vetur gengur í garð. Eyþór
sagði að ef haustið yrði gott gæti ræst
úr berjasprettu en aftur á móti þyrfti
ekki nema eina eða tvær frostnætur
til að stoppa alla sprettu. Ef slíkt
gerist snemma hausts munu þau ber
sem enn em smá og safalítil ekki ná
að þroskasí. -EÓ