Tíminn - 24.08.1989, Blaðsíða 3
Fimmtudagur 24. ágúst 1989 Tíminn 3
Óvenju lífleg sala á skotfærum í I byrjun gæsaveiðitímans:
Kai ipa! skotvei i< Yim enny fir
tvæ r mi lljónir I í agl askot a?
Gæsaveiðivertíðin er hafin. Vertíð í tvennum skilningi.
Vertíð byssumanna sem flengjast um landið þvert og
endilangt skjótandi gæsir upp til heiða, á túnum, við vötn og
ár, gæsir sitjandi og gæsir á flugi. Þessi vertíð hófst
sunnudaginn 20. ágúst.
Vertíð sportvörubúða og annarra sem þjónusta veiðimenn
hófst í liðinni viku, byssur og þó aðallega skotfæri renna út.
Heildarinnflutningur haglaskota á árinu ’87 var 64 tonn og
um 70 tonn á síðasta ári. Að sögn kunnugra stefnir jafnvel í
enn mem sölu á þessu ári.
Reikna má með að hvert hagla-
skot sé að meðaltali um 35 grömm
að þyngd. Sé þeirri tölu deilt upp í
70 tonn fást út 2 milljónir skota. Ef
haldið er áfram að leika sér með
tölur má reikna með að meðalverð á
hverju haglaskoti út úr búð sé um 40
kr. stykkið,( sem er trúlega varlega
áætlað), þá má sjá að landinn hefur
keypt inn haglabyssuskot fyrir um 80
milljónir króna. Hér er bara um
haglaskot að ræða, ótalin eru riffil-
skot, púður kúlur og hvellhettur og
fjárútlát veiðimanna við byssukaup,
nauðsynlegan útbúnað og kostnaður
við ferðalög á veiðistaði.
Veiðihúsið sf. í Nóatúni er stærsta
og sérhæfðasta byssuvöruverslun
landsins. Að sögn Hallgríms Marín-
óssonar hjá Veiðihúsinu hefur verið
mjög góð sala í skotfærum hjá þeim
undanfarna viku og nokkur sala í
byssum einnig. Hallgrímur telur að
um sé að ræða nokkra aukningu í
sölu skotfæra frá því f fyrra og
skýring þess sé væntanlega fyrst og
fremst meiri fjöldi byssa í umferð
heldur en áður og aukinn fjöldi
skotvopnaleyfishafa eins. og það
heitir á stofnanamáli. Þá hefur einn-
ig verið mjög mikið að gera í byssu-
viðgerðum hjá Veiðihúsinu, en þeir
eru einir sportvöruverslana með eig-
in verkstæði fyrir byssur og stang-
veiðivörur. Hallgrímur sagði að sér
þætti ekki ólíklegt, miðað við söluna
núna, að meira yrði selt af haglaskot-
um í ár en í fyrra. Gera má ráð fyrir
að hvert skot sé 34-36 grömm að
þyngd og sé við það miðað má segja
að um tvær milljónir skota hafi verið
flutt inn hingað til lands árið 1988.
Þær tvær tegundir sem selst hafa best
hjá Veiðihúsinu eru bresku skotin
Gamebore og dönsku skotin Dan
Arms.
Konur sækja á í hefð-
bundnu karlasporti
Hallgrímur sagði það augljóst að
skotveiðimönnum hefði fjölgað á
undanfömum árum, þar á meðal
sæktu konur nú f auknum mæli í
þetta karlasport. „Það er ágæt þróun
því að kvenfólk getur ekki síður
stundað gæsaveiðar en karlmenn,
því þegar þær eru á annað borð
komnar af stað em þær oft veiðnari
en karlmenn.“ Hallgrímur vildi bæta
við þeirri orðsendingu til veiði-
manna að ganga vel um landið og
Hallgrímur Marínósson eigandi Veiðihússins í Nóatúni.
Tfmamynd PJotur.
skilja ekki eftir tóm skothylki úti í
náttúrunni og skilja aldrei eftir særða
fugla. Menn ættu einnig að umgang-
ast byssur sínar með varúð og nota
þær aldrei fyrir barefli eða göngu-
stafi, af því hefðu nú þegar hlotist of
mörg slys.
Er haft var samband við verslun-
ina Eyfjörð á Akureyri fengust þau
svör að skotasala hefði verið heldur
minni undanfarna daga en á sama
tíma í fyrra. Menn keyptu minna
magn nú en áður og var sú skýring
gefin á því að ungar hefðu komið
seint úr eggjum í sumar og þess
vegna færu gæsaskyttur minna nú f
upphafi veiðitímabilsins en oft áður.
Menn létu sér nægja að fara einn túr
og ná þar nokkrum gæsum til að ná
úr sér mesta veiðihrollinum. Hjá
Kaupfélagi Austur Skaftfellinga á
Höfn fengust þær upplýsingar að þar
hefðu öll skot sem pöntuð voru selst
upp fyrir helgi og er þar um óvenju-
lega mikið magn að ræða.
Að sögn kunnugra er gæsin lítið
farin að koma niður á láglendi
sunnanlands. Á því eru gefnar tvær
skýringar; að varp í vor hafi verið í
seinna lagi og ungarnir þess vegna í
sumum tilfellum ekki orðnir fleygir
ennþá, og vegna þess hve snjóa tók
seint af hálendinu sé gróður enn að
taka við sér upp til fjalla. Á Norður-
landi mun hins vegar töluvert vera
farið að sjást af gæs í túnum og sömu
sögu er að segja af Vesturlandi.
-ÁG
Ennþá langt í land
með frágang Sætúns
Strandlengjan frá Laugarnesi
vestur að Ingólfsgarði hefur veríð
höfuðborginni lítt til sóma síðastliðin
fjögur ár og horfur á að svo verði
enn um sinn. Skipulag svæðisins er í
höndum Björns Hallssonar arki-
tekts, er einnig teiknaði dælustöðv-
arnar á sínum tíma, og hefur hann
nú horfið frá fyrri skipulagsdrögum
að frágangi við Sætún. Hafa meðal
annars verið viðraðar hugmyndir
um útsýnispall og listaverk við
Skúlagötu, á móts við Vatnsstíginn,
en engar ákvarðanir liggja þó fyrir í
þessu efni.
Að sögn Sigurðar Skarphéðins-
sonar aðstoðar-gatnamálastjóra get-
ur enn dregist um árabil að enda-
hnútur verði rekinn á framkvæmdir
við ströndina. Hægt og sígandi er
unnið að uppfyllingu að breikkun
Sætúns, frá Kringlumýrarbraut vest-
ur að Kalkofnsvegi, og er hún nú
langt komin. Er lokið verður við
breikkun götunnar, munu dagar
Skúlatorgsins taldir. Borgartún og
Skúlagata verða þá gerðar að „botn-
löngum“ en Snorrabrautin fram-
lengd að Sætúni hinu nýja.
Undirbúningur að þessu verki hef-
ur farið snigilsfetið enda sá kosturinn
tekinn að fara ekki út í kostnaðar-
samt grjótnám, heldur nýta það
stórgrýti sem til hefur fallið við
önnur umsvif borgarinnar. Frekari
framkvæmdir við breikkun, sem og
önnur verkefni, ráðast síðan af fjár-
hagsáætlun borgarinnar fyrir næsta
ár. Upprunalega var unnið sam-
kvæmt hugmyndum er gerðu ráð
fyrir voldugum öldubrjót fram með
strandlengjunni, en nú hefur sá kost-
ur verið tekinn í staðinn að hlaða
upp brattan fláa. Þar með er vegfar-
endum um Sætúnið tryggt óskert
útsýni yfir Faxaflóann. Þá er gert ráð
fyrir göngustígum sjávarmegin, er
hugsanlega verða komnir í gagnið á
næsta ári.
Engin tímamörk hafi verið sett á
framkvæmdir með strandlengjunni.
Ný dönsk orðabók
Orðabókaútgáfan hefur gefið út
nýja danska orðabók. Orðabókin
er bæði dönsk-íslensk og íslensk-
dönsk. í henni eru 15.000 orð.
Bókinni er ætlað að ná yfir öll
algeng orð og orðasambönd í
dönsku nútímamáli og byggist
orðaval mest á tíðni orðanna.
Einnig er haft í huga orðfæri sem
gæti komið fyrir í eldra máli og
fagurbókmenntum. Orðskýringar
eru litlar en aðaláhersla lögð á
þýðingu orðanna. - E.Ó
Borgarskipulag nær fram til ársins
2004, en það ártal telst engin viðmið-
un á verkhraðann, heldur ræðst
hann af fjárveitingum og þeirri for-
gangsröð er borgaryfirvöld ákveða.
I fjárhagsáætlun þessa árs var 13.2
miljónum veitt til uppfyllingar og
hefúr það þokað henni vel á veg, en
betur má þó ef duga skal. JBG.
i Bulgariu
Farið verður í 2ja til 3ja vikna ferðir með fólk
til hvíldar og tannviðgerða til Búlgaríu í
september.
Hafið samband við skrifstofuna.
FERÐA
/3 ‘í s , i* V-30&Í- ‘ 'y>
'l: r- . « l \\ * y
% ViW0q
1S®É1
Hafnarstræti 18
14480*12534
* *•