Tíminn - 30.08.1989, Blaðsíða 10

10 Tíminn
llllllll DAGBÓK lllllllllllllllllllllllllllllllllllllllll
Sýningar í Norræna húsinu
- helgina 2. og 3. sept.
Tvær sýningar verða opnaðar í Nor-
ræna húsinu laugardaginn 2. september
kl. 14:00.
í anddyri hússins sýnir Nanna Bisp
Húchert Ijósmyndir. Á sýningunni eru 28
myndir sem er skipt í fjórar myndraðir,
og eru allflestar teknar hér á landi.
Nanna fæddist í Kaupmannahöfn árið
1937, en var búsett á Islandi um skeið og
lauk stúdentsprófi frá Menntaskólanum í
Reykjavík árið 1957. Hún hefur starfað
við ljósmyndun í tæpa tvo áratugi. List-
ræn og persónuleg sjónarmið hafa ávallt
setið í fyrirrúmi í myndum hennar.
Nanna Bisp Búchert hefur tekið þátt í
fjölmörgum sýningum í Danmörku auk
þess sem hún hefur haldið einkasýningar.
Sýningin í Norræna húsinu er önnur
einkasýning hennar í ísiandi. Sýningin
stendur til 20. september.
f sýningarsölum Norræna hússinsopnar
Klías B. Halldórsson sýningu á olíumál-
verkum. Á sýningunni eru 50 verk máluö
1988 og 1989. Sýningin verður opin
daglega kl. 14:00-19:00 og stendur fram
til 17. september.
Frá Félagi eldri borgara
Göngu-Hrólfur: Gönguferð á hverjum
laugardegi kl. 10:00. Farið verður frá
Nóatúni 17.
Snæfellsnesferð: Þriðjudaginn 5. sept.
nk. verðurfarin þriggja daga Snæfellsnes-
ferð. Upplýsingar á skrifstofu félagsins,
Nóatúni 17, sími 28812.
Helgarferðir F.í. 1.-3. sept.
ÓVISSUFERÐ
Nú liggur leiðin að hluta um áður
ókannaðar slóðir. Gist í svefnpokaplássi.
Þórsmörk. Gönguferðir við allra hæfi.
Frábær gistiaðstaða í Skagfjörðsskála í
Langadal.
Landmannalaugar - Eldgjá.
Á laugardegi er ekið til Eldgjár og gengið
að Ófærufossi. Gist í sæluhúsi Ferðafé-
lagsins í Landmannalaugum.
Ferðafélag íslands
Háskólafyrirlestur:
„Þýskaland og tildrög
síðari heimsstyrjaldar"
í tilefni af því, að sunnudaginn 3.
september verður liðin hálf öld frá því að
síðari heimsstyrjöld hófst, flytur dr.
Bernd Wegner, sagnfræðingur frá Hern-
aðarsögustofnuninni í Freiburg í Vestur-
Þýskalandi, opinberan fyrirlestur í boði
Heimspekideildar Háskóla Islands.
Til sölu
KEMPER heyhleðsluvagn 24. rúmm. árgerð 1986.
Einnig er til sölu Massey Ferguson dráttarvél
árgerð 1980, gerð 165. Nánari upplýsingar í síma
93-56672 eftir kl. 7 á kvöldin.
Fjárveitinga-
nefnd Alþingis
ráðgerir að gefa sveitarstjórnarmönnum kost á að
eiga fund með nefndinni dagana 2.-6. október.
Upplýsingar og tímapantanir gefur Sigurður Rúnar
Sigurjónsson í síma 624099 frá kl. 9-17 eigi síðar
en 20. september n.k.
rt.vi\i\o»i i «nr
Konur Suðurlandi
Landsþing LFK veröur haldiö aö
Hvanneyri dagana 8.-10. sept-
ember n.k.
Félag framsóknarkvenna í Árnes-
sýslu gengst fyrir rútuferð á þingið
frá Eyrarvegi 15, Selfossi kl. 17.00
föstudaginn 8. september og til
baka að loknu þingi.
Þær konur sem vilja vera með,
tilkynni þátttöku í síma 63388,
sem fyrst.
Ath. þingið er opið öllum konum.
Fjölmennum.
Félag framsóknarkvenna
f Árnessýslu.
Sumartími:
Skrifstofa Framsóknarflokksins, að Nóatúni 21 í Reykjavík, er opin
alla virka daga frá kl. 8.00-16.00.
Framsóknarflokkurinn.
Kjördæmisþing
Kjördæmisþing framsóknarmanna á Vestfjörðum verður haldið í
Félagsheimili Patreksfjarðar þann 15. september n.k. og hefst kl. 17.
Dagskrá samkvæmt samþykktum. Nánar auglýst slðar.
Stjórn K.F.V.
________________________________________________________________________________________________________Miðvikudagur 30. ágúst 1989
.............................................Illllllllllllllll BÆKUR llllllllllllillllllllllllllllllM^
Fyrirlesturinn verður haldinn kl. 15:00
sunnudaginn 3. september í stofu 101 í
Odda og nefnist „Þýskaland og tildrög
síðari heimsstyrjaldar“ („Germany and
the Origins of the Second World War“).
Hann verður fluttur á ensku og er öllum
opinn.
Dr. Bernd Wegner hefur einkum getið
sér orð fyrir rit sitt um Waffen SS, þ.e.
hersveitir SS-liðsins þýska, en hann vinn-
ur nú að fjölbindaverki um sögu heims-
styrjaldarinnar á vegum Hernaðarsögu-
stofnunarinnar. Auk ritstarfa kennir dr.
Wegner við Háskólann í Freiburg. Hann
hefur flutt fjölda fyrirlestra um rannsókn-
ir sínar víða um lönd, m.a. í Bandaríkjun-
um og Finnlandi.
Heymar- og talmeinastöð
áHöfn
Móttaka verður á vegum Heyrnar- og
talmeinastöðvar íslands í Heilsugæslu-
stöðinni á Höfn dagana 8.-10. sept. 1989.
Þar fer fram greining heyrnar- og tal-
meina og úthlutun heyrnartækja.
Sömu daga að lokinni móttöku Heyrn-
ar- og talmeinastöðvarinnar verður al-
menn lækningamóttaka sérfræðings í
háls-, nef- og eyrnalækningum.
Tekið er á móti viðtalsbeiðnum í
Heilsugæslustöðinni á Höfn.
Steinunn Eyjólfsdóttir.
Bókin utan vegar
í enskri þýðingu
Út er komin í enskri þýðingu
Bókin utan vegar eftir Steinunni
Eyjólfsdóttur er Bókrún gaf út 1987
og er nú endurútgefin á íslensku
samhliða ensku þýðingunni. Karl
Guðmundsson og Ragnhildur
Ófeigsdóttir önnuðust þýðingu ljóð-
anna sem hafa hlotið nafnið Elegy to
My Son.
Bókin utan vegar er ort í minningu
sonar höfundar sem lést af slysförum
tvítugur að aldri. Hún er tileinkuð
foreldrum sem verða fyrir slíkri
reynslu og öllum hinum líka. Ljóðin
verða óður til lífsins sem oft er ekki
vitað hvers virði er fyrr en dauðinn
gerir vart við sig. Útgefendum þótti
sem vert væri að koma þessum
ljóðum víðar á framfæri miðað við
þær viðtökur sem þau hlutu hér á
landi en fyrsta prentun bókarinnar
er uppseld. Kveikja ljóðanna, harm-
ur foreldris vegna missis barns, er
sam-mannlegur hvar sem er í heimi.
Elegy to My Son er með sama
sniði og íslenska útgáfan, hönnuð af
Elísabetu Cochran og myndskreytt
af listamanninum Guðrúnu Svövu
Svavarsdóttur.
IIIIIIIIIIIIIIIIIH MINNING l„„..................................III...ilHIIHIHIHIII...........
Illllllllllll
Þóranna Helgadóttir
Fædd 6. september 1899
Dáin 21. ágúst 1989
Hún Þóranna tengdamóðir mín er
dáin og átti ekki eftir neman rúman
hálfan mánuð í nírætt. Hún var fædd
í Skarði í Þykkvabæ 6. september
1899. Foreldrar hennar voru Helgi
Magnússon frá Skarði og Þórunn
Runólfsdóttir komin af Vatnsleysu-
strönd en þau eignuðust tvær aðrar
dætur. Önnur dó barnung en
Friðbjörg, gift Agli Friðrikssyni bjó
í Skarði ásamt Agli til elliára. Einnig
ólst upp hjá Þórunni og Helga,
Guðlaug Guðmundsdóttir.
Þóranna var hjá foreldrum sínum
fram yfir tvítugt, missti föður sinn
um fimmtugt en móðir hennar fylgdi
henni alla tíð og lést hjá henni í hárri
elli.
Þóranna flutti um set árið 1924 Hún
giftist eftirlifandi manni sínum Tyrf-
ingi Einarssyni, bóndasyninum í
Vestri-Tungu í Vestur-Landeyjum.
í Tungu bjuggu þau snotru sveitabúi
til ársins 1948, fluttu þá í Hvolsvöll
þar sem Tyrfingur vann hjá Kaupfé-
lagi Rangæinga uns þau árið 1953
fluttust til Reykjavíkur, þar sem
Tyrfingur vann hjá Mjólkursamsöl-
unni uns aldur hefti för.
Eins og sjá má hefur ýmislegt á
daga Þórönnu drifið. Hún var af
aldamótakynslóðinni, sem lifði tvær
heimsstyrjaldir, krepputíma, frosta-
veturinn mikla, fátækt og sumir
örbirgð en um leið ef til vill mestu
uppgangstíma íslandssögunnar. Satt
að segja hefur mig oft undrað að
íslendingar skyldu standa af sér
slíkar hörmungar sem yfir þá hafa
dunið. Það á þó ekki við um
Þórönnu og Tyrfing því þau voru
alltaf vel bjargálna - og alltaf veit-
andi - enda samhent og hörkudug-
leg, þar sem Þóranna stóð sem
klettur við hlið bónda síns og kunni
því bara vel að vera kölluð konan
hans. Er vel við hæfi að minnast
orða sem lögð voru í munn Bergþóru
konu Njáls þegar henni var boðið að
ganga úr brennunni á Bergþórshvoli:
„Ég var ung gefin Njáli hef ég því
heitið.honum að eitt skyldi ganga
yfir okkur bæði“.
Þóranna sóttist ekki eftir metorð-
um, var ánægð með sinn hlut og
vann af dyggð þau verk sem hún tók
að sér og öll vel. Þóranna fann vel
hvað að sér snéri og gat vel haldið
sínum hlut án þess að særa aðra og
æðraðist ekki þótt á mót> blési. Hún
leit með hlýju til liðinna daga, - kom
glampi í augun er hún minntist
æskunnar í föðurgarði jafnvel þótt
henni á unglingsárum hafi verið falið
meðal annars að fara með heybands-
lest úr Safamýri yfir Djúpós og
baggar flytu af hestunum á álunum.
Hún leit með gleði til áranna í
Tungu, þar sem þau Tyrfingur
byggðu sér snoturt hús árið 1930
enda þótt róa þyrfti bátkænu og
sundleggja klárana yfir Hólsá til að
komast jtangað og bærinn yrði iðu-
lega umflotinn vatni vegna flóða í
Þverá. Ekki lét hún sig heldur muna
um að snara böggum af klökkum
þegar einhver stelpan hennar, þá
e.t.v. ekki meira en átta ára, kom
af engjum með heybandslestina.
Hún minntist daganna í Hvolsvelli
þegar sveitungar og vinir litu inn til
hennar og þáðu góðgjörðir. Sama
má segja um dvölina í Reykjavík þar
sem hún fékk m.a. heimsóknir
barnabarnanna sinna og hafði yndi
af.
Heldur þyngdist brúnin þegar tal-
ið barst að uppvaxtarárum mömmu
hennar, en sem dæmi um hvað lagt
var á fólk hér áður fyrr þá fékk hún
- Þóranna - m.a. það verkefni þá
barn að aldri aðhlaupa af Suðurnesj-
um til Hafnarfjarðar til að sækja
meðul. Þetta mátti hún gera berfætt
Þóranna og Tyrfingur eignuðust
þrjár dætur en þær eru í aldursröð:
Helga f. 30. sept. 1925, gift Kristjóni
Hafliðasyni. Þau búa í Þykkvabæ og
eiga fimm börn og níu barnabörn.
Anna f. 28. nóv. 1928, gift undirrit-
uðum. Þau búa í Reykjavík og eiga
fimm börn og fjórtán barnabörn.
Hannesína f. 6. maí 1930, gift And-
rési Eggertssyni. Þau búa í Keflavík
og eiga fimm börn og ellefu barna-
börn. Afkomendur Þórönnu og
Tyrfings eru því orðnir hálft hundrað
og vel það og leit hún þá með stolti
og þakkaði almættinu.
Ef ég sem þetta skrifa mætti við
þig mæla kæra tengdamanna mundi
ég líklega helst vilja þakka þér að
ekki skyldi frá þér hrjóta eitt einasta
hnjóðsyrði til mín brostfeldugs tengda-
sonarins öll árin og ærið værfþitt
afrek í lífinu þó ekki væri annað
talið en að hafa alið fegurstu konu
heims. Ég veit svo sem að hér ber
mér að biðja Guð vorn fyrir þér en
þarf þess ekki því ég veit hvar þú ert.
Ingólfur Björgvinsson
Margt er það og margt er það
sem minningarnar vekur,
og þær eru það eina
sem enginn frá mér tekur.
(Davfð Stefánsson).
í dag kveðjum við elskulega
ömmu okkar sem lést á Droplaugar-
stöðum 21. ágúst s.l.
Þó erfitt sé að sætta sig við að fá
ekki að sjá ömmu aftur í þessu lífi,
þá vitum við að nú líður henni vel.
Við eigum margar góðar minning-
ar um ömmu, bæði frá Langó, Hóla-
stekk og Droplaugarstöðum.
Sem börn vorum við mikið hjá
ömmu og afa á Langholtsvegi. Þaðan
eigum við ljúfar minningar. Alltaf
var okkur tekið opnum örmum og
einhverju góðgæti stungið upp í litla
munna.
Við minnumst ömmu prjónandi
sokka og vettlinga um leið og hún
kenndi okkur vísur og bænir sem
hún kunni ógrynnin öll af.
Hún var okkur ástrík og um-
hyggjusöm amma allt fram á síðasta
dag, hún var einlæg, traust, hress í
bragði og trúrækin og treysti guði
umfram allt.
Allaf hafa amma og afi verið
fastur punktur í lífi okkar. Við erum
stolt af foreldrum okkar hve vel þau
hafa annast ömmu og afa alla tíð.
Við þökkum starfsfólki Droplaug-
arstaða fyrir góða umönnun því við
vitum hve ömmu leið þar vel.
Að lokum biðjum við góðan Guð
að styrkja afa í sorg sinni.
Með þessum orðum kveðjum við
elskulega ömmu okkar og þökkum
henni samfylgdina.
Guð blessi þig
þú blóm fekkst grætt
og bjart um nafn þitt er
og vertu um eilífð ætíð sæll.
Vér aldrei gleymum þér.
(Jón Traustl)
Þrúður, Þóranna, Kristín,
Asgerður og Björgvin.
Kveðja til langömmu
Pitt bros og blíðlyndi lifir
og bjarma á sporin slær,
það vermir kvöldgöngu veginn,
þú varst okkur stjarna skær.
Þitt hús var sem helgur staður,
hvar hamingjan vonir ól.
Pín ástúð til okkar streymdi
sem ylur frá bjartri sól.
Pín milda og fagra minning
sem morgunbjart sólskin er.
Pá kallið til okkar kemur,
við komum á eftir þér.
(Síðustu sporin F.A.)
Með þessum vísum viljum við
elsku langamma okkar kveðja þig og
þakka fyrir hvað þú varst alltaf góð
við okkur.
Frá barnabörnum Önnu og Ingólfs.