Tíminn - 10.01.1990, Blaðsíða 10

10 Tíminn
Miðvikudagur 10. janúar 1990
DAGBÓK
lllllllllllllllllllllllllllllllllllllllllllllllllllllllllllllllllllliuilllllllllllllllllllllllllllllllllllllllllllllllllllllllllllllllllllllllllllllll
Pennavinur
Enskur piltur leitar að Einarí Inga
sem var á Madeira 1987
Okkur berast oft bréf erlcndis frá með
ósk um pennavini á íslandi. Hér kemur
bréf frá 15 ára strák í skóla nálægt
London, en hann hafði kynnst íslenskum
jafnaldra sínum, Einari Inga, um jól 1987
á Hotel Atlantis á Madeira. Hann langar
til að komast í samband við þennan vin
sinn, en hefur týnt heimilisfangi hans.
Nafn piltsins er James Pulver og hann
er í skólanum Qeen Elizabeth's Boys
School. Þar er mikil áhersla lögð á
tungumál og nemendur skrifast á við
jafnaldra sína víða um heim. Nú langar
James til að láta verða af því að eignast
pennavin á íslandi, og um leið að reyna
að komast í samband við Einar Inga vin
sinn. Utanáskrift til James er:
James Pulver
35 Napsbury Avenue,
London Colney,
St. Albans,
Hertfordshire
AL2ÍLT
England
25 íslensk dægurlög 2. hefti
Félag tónskálda og textahöfunda hefur
nýlega gefið út 2. hefti af íslenskum
dægurlögum, 25 talsins.
Lögin eru eftir þekkta íslenska höf-
unda, svo sem: Bubba Morthens, Sverri
Stormsker, Valgeir Skagfjörð, Eyjólf
Kristjánsson/Aðalst. Ásb. Sigurðsson,
Valgeir Guðjónsson, Magnús Eiríksson,
Oddgeir Kristjánsson/Ása í Bæ, Síðan
skein sól/Helga Björnsson, Björn Jr.
Friðbj.s. og Valdimar Br. Bragason,
Geirmund Valtýsson/Hjálmar Jónsson,
Þóri Baldursson/Þorst. Eggertsson,
Bjartmar Guðlaugsson, Magnús Kjart-
ansson, Ágúst Atlason, Jóhann G. Jó-
hannsson, Jón Múla Árnason, Karl og
Atla Örvarss., Guðm. Jónsson/Stefán
Hilmarsson.
Útsetningar og tölvusetningu sá Magn-
ús Kjartansson um.
I 1. hefti Islenskra dægurlaga, sem
Félag tónskálda og textahöfunda gaf út
voru aðeins laglínur með bókstafahljóm-
um, en nú hefur verið ráðist í að skrifa
laglínu með hljómborðundirleik. Við val
á lögum í bókina var stuðst við upplýsing-
ar frá STEFi um mest leiknu lögin í
útvarpi á árinu 1988.
BRAHMS-tónleikar í
Reykjavík og á Akranesi
8. og síðustu áskriftar-tónleikar Sin-
fóníuhljómsvcitar íslands á fyrra misseri
verða í Háskólabíói fimmtud. 11. jan. og
hefjast kl. 20:30 og verða svo endurteknir
f íþróttahúsinu á Akranesi föstudaginn
12. janúar kl. 20:30.
Á efnisskránni verða eingöngu verk
eftir Johannes Brahms: Tragíski for-
leikurinn, Konsert fyrir fiðlu selló og
hljómsveit og að lokum Sinfónía nr. 2.
Öll þessi verk eru samin á tíu ára tímabili,
1877-1887.
Einleikarar verða þau Guðný Guðmunds-
dóttir fiðluleikari og Gunnar Kvaran
sellólei kari. Hljómsveitarstjóri verður
Petri Sakari, aðalstjórnandi hljómsveitar-
innar.
Guðný Guðmundsdóttir fiðluleikari,
konsertmeistari Sinfóníuhljómsveitar ls-
lands og Gunnar Kvaran sellóleikari
standa í fremstu röð íslenskra tónlistar-
manna. Auk sjálfstæðra tónleika og ein-
leiks með Sinfóníuhljómsveitinni, hafa
þau víða komið fram sem dúo. Auk
tónleikaferða um ísland hafa þau leikið í
Danmörku, Bandaríkjunum og Kanada.
Sl. sumar voru þau gestir Islendingadags-
ins í Gimli, Manitóba. Fyrirhuguð er
tónleikaferð í apríl nk. þar sem þau koma
m.a. fram í Minneapolis, Dallas og
Boston. Þá munu þau, eins og nokkur
undanfarin sumur, starfa á komanda
sumri við tónleikahald og kennslu við
Manchester Music Festival í Vermont
fylki í Bandaríkjunum. Þau Guðný og
Gunnar stofnuðu Tríó Reykjavíkur
ásamt Halldóri Haraldssyni píanóleikara
árið 1988.
Hljómsveitarstjóri á tónleikunum verð-
ur Petri Sakari, aðalhljómsveitarstjóri
Sinfóníuhljómsveitarinnar. Hann er frá
Tampere í Finnlandi, þar sem hann nam
fiðluleik. I Helsinki lærði hann hljóm-
sveitarstjórn við Síbelíusar-akademíuna
Áskriftartónleikar síðara misseris hefj-
ast 8. febrúar. Forkaupsréttur vegna
áskriftarskírteina er frá 15. janúar til 2.
febrúar.
Minningarkort Styrktarsjóðs
barnadeildar Landakotsspítala
Styrktarsjóður bamadeildar Landa-
kotsspítala hefur látið hanna minningar-
kort fyrir sjóðinn. Sigríður Björnsdóttir
myndlistarmaður og kennari teiknaði
fjögur mismunandi kort. Eftirtaldir staðir
selja minningakortin:
Ápótek Seltjarnarness, Vesturbæjar-
Sýningar á Kjarvalsstóðum
Nú standa yfir á Kjarvalsstöðum þrjár
sýningar:
I austursal cr sýningin „Kjarval og
landið". verk í eigu Reykjavíkurborgar.
í vestursal sýnir Margrét Jónsdóttir
olíumálverk.
I vesturforsal sýna Helgi Þorgils
Friðjónsson og Hallgrímur Helgason
Portrett.
Kjarvalsstaðir eru opnir daglega kl.
11:00-18:00 og er veitingabúðin opin á
sama tíma.
Mynd mánaðarins í
Listasafni íslands
Mynd janúarmánaðar í Listasafni Is-
lands er eftir Gunnar Öm Gunnarsson
myndlistarmann. Verkið, sem ber heitið
„Mynd“, er unnið með olíulitum árið
1976. Stærð þess er 145X130.5 og var það
keypt til safnsins árið 1976.
Leiðsögnin „Mynd mánaðaríns" fer
fram í fylgd sérfræðings, fimmtudag kl.
13:30-13:45 ogersafnast saman í anddyri.
Listasafn Islands er opið alla daga,
nema mánudaga, kl. 12:00-18:00. Veit-
ingastofa safnsins er opin á sama tíma.
Aðgangur er ókeypis, svo og auglýstar
leiðsagnir.
Myndakvöld
Ferðafélags íslands
Miðvikud. 10. jan. kl. 20:30 heldur
Ferðafélags íslands fyrsta myndakvöldið
á þessu ári. Það verður í Sóknarsalnum,
Skipholti 50A.
Dagskrá: „Ferðamennska og náttúru-
vernd" er yfirskrift myndakvöldsins, sem
er í umsjá Jóhönnu B. Magnúsdóttur.
Um leið og myndirnar eru sýndar gefst
tækifæri til að bera fram spurningar og
skiptast á skoðunum um þetta efni. Auk
þessa verða sýndar nokkrar myndir úr
áramótaferðinni í Þórsmörk.
Ferðaáætlun F.I. mun liggja frammi á
myndakvöldinu. (Aðg. 200 kr.)
Fimmtud. 11. jan kl. 20:00: Vetrar-
kvöldganga í Valból - blysför. Létt ganga
fyrir unga sem aldna. Brottför frá Um-
ferðarmiðstöðinni, austanmegin. Farmið-
ar við bíl (400 kr.) Blys á 100 kr. Frítt er
fyrir börn með fullorðnum.
Ferðafélag íslands
KVENNAATHVARF
Húsaskjól er opið allan sólarhringinn
og aðstoð fyrir konur sem beittar hafa
verið ofbeldi í heimahúsum eða orðið
fyrir nauðgun.
Síminn er 21205 - opinn allan sólar-
hringinn.
REYKJKJÍKURBORG IHI
______________________ »*.
M|/ i|/
Auglýsing um
fasteignagjöld
Lokiö erálagningu fasteignagjalda í Reykjavík 1990 og
veröa álagningarseölar sendir út næstu daga ásamt
gíróseðlum vegna fyrstu greiðslu gjaldanna.
Gjalddagar fasteignagjalda eru 15. janúar, 1. mars og
15. apríl.
Gjöldin eru innheimt af Gjaldheimtunni í Reykjavík, en
einnig er hægt aö greiða gíróseölana í næsta banka,
sparisjóði eöa pósthúsi.
Fasteignagjaldadeild Reykjavíkurborgar, Skúlatúni 2,
veitir upplýsingar um álagningu gjaldanna, sími 18000.
Tekjulágir elli- og örorkulífeyrisþegar munu fá lækkun
á fasteignaskatti samkvæmt reglum, sem borgarstjórn
setur og framtalsnefnd úrskuröar eftir, sbr. 4. mgr. 5.
gr. laga nr. 91/1989 um tekjustofna sveitarfélaga.
Vegna mistaka við tölvuvinnslu var sama hlutfallsleg
lækkun og ákveðin var á árinu 1989 reiknuð inn á
álagningarseðla vegna ársins 1990. í mörgum tilvikum
og sennilega flestum mun þessi lækkun reynast rétt. í
öðrum tilvikum kunna elli- og örorkulífeyrisþegar að
eiga rétt á meiri lækkun gjaldanna og í örfáum tilvikum
minni lækkun. Þegar framtöl hafa verið yfirfarin, sem
vænta má að verði í mars- eða aprílmánuði, verður
viðkomandi tilkynnt um niðurstöður, ef um breytingu
verður að ræða.
Borgarstjórinn í Reykjavík,
9. janúar 1990.
EINDAGINN
ER 15.
HVERS MÁNAÐAR
Launagreiðendum ber að skila afdreg-
inni staðgreiðslu af launum og reikn-
uðu endurgjaldi mánaðarlega. Skilin
skulu gerð eigi síðar en 15. hvers mán-
aðar.
Með skilunum skal fylgja greinar-
gerð á sérstökum eyðublöðum, „skila-
greinum“, blátt eyðublað fyrir greidd
laun og rautt fyrir reiknað endurgjald.
Skilagrein ber ávallt að skila einnig þó
svo að engin staðgreiðsla hafi verið
dregin af í mánuðinum.
Allar fjárhæðir skulu vera í heil-
um krónum.
RSK
RÍKISSKATTSTJÚRI
t
Hjartkær fósturbróðir minn
Andrés Guðmundsson
frá Syöri Gróf,
til heimilis að Háaleitisbraut 93
sem lést í Borgarspítalanum aðfaranótt 30. desember sl., verður
jarðsunginn frá Fossvogskirkju föstudaginn 12. janúar nk. kl. 15:00.
Fyrir hönd vina og vandamanna,
Guðfinna Jónsdóttir.