Tíminn - 12.01.1990, Side 4
4 Tíminn
Föstudagur 12. janúar 1990
FRÉTTAYFIRLIT
GENF - Bandaríska herliöiö
sem réðst inn í Panama í
síöasta mánuöi halda enn 321
fanga í haldi. Þetta kom fram í
skýrslu Alþjóða Rauða
krossins.
SAO PAULO - Baráttu-
menn fyrir réttindum indjána,
kaþólska kirkjan og ríkissak-
sóknari Brasilíu berjast nú
'gegn ákvörðun stjórnvalda um
að leyfa 40 þúsund gullgröfur-
um að grafa í Roraima svæð-
inu í Amason þar sem Janomi
indjánar eru að hrynja niður úr
malaríu sem kom með gull-
gröfurunum.
KAMPALA - Basilio Okelli
hershöfðingi sem stjórnaði
ríkisstjórn Uganda í sex mán-
uði árið 1985 lést í útlegö í
Súdan 72 ára að aldri. Hann
var eftirlýstur af núverandi
stjórnvöldum vegna fjölda-
morða.
MOSKVA - Þingið í Arm-
eníu úrskurðaði í atkvæða-
greiðslu að þingið gæti beitt
neitunarvaldi gegn lögum sem
sett væru af Æosta ráðinu í
Moskvu. Þessi atkvæða-
greiðsla er bein afleiðing reiði
Armena yfir því að Azerbæds-
an hafi enn yfirráð héraðsins
Nagorno Karabakh sem að
mestu er byggt Armenum.
SOFIA - Todor Zhikov fyrr-
um leiðtogi Búlgaríu mun að
líkindum verða dreginn fyrir
rétt og þurfa að svara til saka
fyrir valdatímabil sitt, en hann
er sakaður um misbeitingu
valds og spillingu. Honum er
einnig gefið að sök að hafa sett
opinbera peninga inn á einka-
reikning sinn.
WASHINGTON - Dick
Cheney varnarmálaráðherra
Bandaríkjanna kynnti róttækar
breytingar á því hvernig varn-
armálaráðuneytið hefur staðið
að vopnaiðnaði í Bandaríkjun-
um. Með breytingunum hyggst
hann spara 39 milljarða dollara
á fimm ára tímabili.
PRAG - Ríkissaksóknarinn
í Tékkóslóvakíu segir að í
undirbúningi sé rannsókn á
athæfi leiðtoga Kommúnista-
flokksins í tengslum við innrás
sovéska herliosins til að kæfa
Vorið í Prag 1968. Er hugsan-
legt að einhverjir verði dregnir
fyrir rétt sakaðir um landráð
fyrir það að æskja þess að
Varsjárbandalagiðgripi ítaum-
ana.
IIIIIIIIIHIIIIIIII ÚTLÖND '’ITi'IIIHHHililjI :!l'!:ll|llll|l|l|;li|.i,, ''Tllllllllllilllii.i.i,, '!il'l!|l|l||l|l|l|||i|lii M!i|i|!|lllllilil11i,I , Millllllllllllllllllllil! ...................................................................................................................................................................III........................................................................
ísraelar hafa drepið 110 pal-
estínsk börn 16 ára og yngri
undanfarin tvö ár. Voru yngstu
börnin ekki nema þriggja og
fjögurra ára gömul. Þetta kemur
fram í skýrslu Amnesty Interna-
tional um ástandið á hernumdu
svæðunum á Vesturbakkanum
og á Gazasvæðinu. Alls hafa
ísraelskir hermenn fellt 540
óvopnaða Palestínumenn á
þessum tíma og er um helmingur
þeirra 18 ára og yngri. Þá hafa
um það bil 130 Palestínumenn
fallið fyrir hendi Palestínu-
manna sem telja þá svikara fyrir
þá sök að hafa unnið með ísrael-
um.
Flestir þeirra sem ísraelar hafa
drepið hafa fallið fyrir byssukúlum,
en þó hafa 117 manns fallið fyrir
plastkúlum. Þær voru teknar í notk-
un á Gazasvæðinu í júlímánuði 1988
og á Vesturbakkanum í ágústmánuði
sama ár. í kjölfarið tóku hermenn
að beita skotvopnum í ríkara mæli
en áður þar sem plastkúlurnar eru
sagðar ekki eins lífshættulegar. Yit-
zhak Rabin varnarmálaráðherra ís-
raels sagði að plastkúlurnar væru
hugsaðar til þess að bæla óeirðir
Palestínumanna niður með því að
særa fleiri menn, en minnka hættuna
á dauðsföllum.
Vopnaður israclskur lögreglumaður skýtur táragasi að ungum palestínskum
grjótkösturum. Á sjötta hundrað Palestínumanna hafa fallið fyrir kúlum .
Israela á tveimur árum, þar af 110 böm undir 16 ára aldri.
„Óeirðaseggir verða í auknum
mæli fyrir sárum, en dauðsföllum
fækkar. Það er takmark okkar,“
sagði hann þegar plastkúlurnar voru
teknar í notkun.
Flestir Palestínumenn hafa fallið
þegar skotið hefur verið á fólk sem
tekið hefur þátt í mótmælaaðgerðum
gegn hernámi ísraela og kastað
grjóti að hermönnum. Slíkt fellur
undir þá skilgreiningu ísraela að um
„lífhættulegar aðgerðir“ Palestínu-
manna, hafi verið að ræða og því
notkun skotvopna nauðsynleg. Hins
vegar er ljóst að sívaxandi fjöldi
þeirra sem falla fyrir kúlum ísraela
hefur ekki tekið þátt í óeirðum,
heldur staðið hjá sem áhorfendur
eða verið skotnir þegar þeir hafa
flúið átakasvæðin.
Þá er ísraelskum hermönnum
fyrirskipað að skjóta alla þá er taka
þátt í mótmælaaðgerðum og hylja
andlit sín.
Hans Modrow, forsætisráöherra Austur-Þýskalands, reynir að leysa deiluna
um endurreisn öryggislögreglunnar:
Býður stjórnarand-
stöðunni í stjórn
Hans Modrow, forsætisráö-
herra Austur-Þýskalands, bauð
í gær fulltrúum stjórnarandstöð-
unnar sæti í ríkisstjórn landsins,
en þar hafa kommúnistar nú
tögl og hagldir. Með þessu reyn-
ir Modrow að höggva á þann
hnút sem kominn er í hring-
borðsumræður stjórnvalda og
stjórnarandstöðunnar í Austur-
Þýskalandi vegna þeirrar
ákvörðunar ríkisstjórnarinnar
að stofna nýja öryggislögreglu í
stað hinnar gömlu illræmdu
Stasi öryggislögreglu.
Stasi var lögð niður eftir að um-
bótasinnar höfðu hrakið gömlu
harðlínukommana úr valdastóli.
Hins vegar ákvað ríkisstjórn Mo-
drows að stofna nýja öryggislögreglu
til að koma í veg fyrir að öfgafullir
hægrimenn komist til áhrifa í Aust-
ur-Þýskalandi. Slíkt lítur stjórnar-
andstaðan á sem yfirklór og segir
kommúnista ætla að nota öryggislög-
regluna til að halda áhrifum sínum í
Austur-Þýskalandi. Hefur stjórnar-
andstaðan neitað að halda áfram
hringborðsviðræðum við ríkisstjórn-
ina um framtíð Austur-Þýskalands.
f ræðu sinni í Volkskammer, aust-
urþýska þinginu, í gær kom í Ijós að
Modrow ætlar að halda stofnun
öryggislögreglu til streitu þó það
kunna að fella samsteypustjórn
hans, en litlu flokkarnir fjórir hafa
hótað að segja sig úr ríkisstjórninni
verði stofnun öryggislögreglunnar
haldið til streitu.
„f Austur-Þýskalandi sem og á
Vesturlöndum, hafa þegnarnir rétt
til öryggis og verndar gegn pólitísk-
um öfgamönnum ... eiturlyfjasölu,
hryðjuverkum. Til að tryggja þctta
öryggi verður að koma á nauðsynleg-
um stofnunum," sagði Modrow.
Modrow sagði ckkert ætti að
verða í stofnun öryggislögreglunnar
sem stjórnarandstaðan, eða fjór-
flokkarnir sem starfa með kommún-
istum í ríkisstjórn, gæti ekki sætt sig
við. Reglur þær sem öryggislögregl-
an starfi eftir séu mjög ákveðnar og
strangar og ekki væri hætta á að hún
muni starfa gegn almennum stjórn-
málahreyfingum. í kjölfar þessara
orða skýrði hann frá þeirri ætlan
sinni að bjóða stjórnarandstöðunni
aðild að ríkisstjórninni.
„Við bíðum eftir tillögum um það
hvernig meðlimir stjórnarandstöð-
unnar gætu tekið þátt í ríkisstjórn-
inni beint og með fullri ábyrgð,“
sagði Modrow.
Herlögum aflétt í Kína
Hundruð hugrakkra Pekingbúa
hópuðust á Torg hins himneska
friðar í gær til þess að sannfærast
um það að herlögum í Kína hafi í
raun verið aflétt. Þrátt fyrir að
lögreglan hafi verið vel á verði á
torginu fyrsta daginn sem almenn-
ingi er hleypt inn á torgið eftir
blóðbaðið mikla í byrjun júnímán-
aðar, þá fékk fólkið að spranga urn
átölulaust. Þó sáust lögreglumenn
hrekja einn stúdent á brott er hann
gerði sér far um að hefja mótmæli.
„Loksins er Torg hins himneska
friðar í höndum fólksins á ný,“
sagði miðaldra verkamaður sem
lagði leið sína á torgið í gær.
Li Peng forsætisráðherra Kína
skýrði frá því á miðvikudaginn að
herlögum þeim sem í gildi hafa
verið frá því að lýðræðishreyfing
kínverskra stúdenta var barin nið-
ur á blóðugan hátt í byrjun júní-
mánaðar, væri aflétt. Á miðnætti á
miðvikudag yfirgáfu hermenn og
vopnaðir lögreglumenn Torg hins
himneska friðar og óvopnaðir lög-
reglumenn tóku við löggæslu.
Samer Aruri, 11 ára drengur, var að
leika knattspyrnu með félögum sín-
um í þorpinu Silat al-Harthiyah
þegar ísraclskir hermenn komu á
vettvang til að brjóta niður bygging-
ar. Samer hljóp með félögum sínum
upp á hæð til að fylgjast með her-
mönnunum. Ekki er Ijóst hvort
börnin köstuðu grjóti, en einn ísra-
elsku hermannanna stökk út úr her-
jeppanum og skaut Samer í höfuðið
af stuttu færi. Samer lést samstundis.
Sömu hermenn skutu á fleiri ung-
linga í þorpinu og hinn 17 ára gamli
Nu’man Jarad fékk kúlu í höfuðið
og lést nokkrum klukkustundum
síðar á sjúkrahúsi í Ramallah. At-
burðir sem þessir eru daglegt brauð
á hernumdu svæðunum.
200 þúsund Litháar
krefjast sjálfstæðis:
Gorbatjsof
og framtíð
hans í veði
Tvöhundruð þúsund Litháar tóku
á móti Mikhaíl Gorbatsjof forseta
Sovétríkjanna með þögulum mót-
mælum til að undirstrika kröfur
sínar um sjálfstætt Litháen. Gorbat-
sjof skýrði Litháum frá því að fram-
tíð hans og umbótastefnu hans væri
í veði, ef Litháar segðu skilið við
Sovétríkin.
Gorbatsjof kom til Litháen til að
ræða við forráðamenn kommúnista-
flokksins þar um hugsanlega lausn á
deilu kommúnistaflokks Litháens og
sovéska kommúnistaflokksins.
Flokkurinn í Litháen hefur sagt
skilið við kommúnistaflokkinn í
Moskvu, en Gorbatsjof aðalritari
flokksins segir að slíkt sé ekki hægt.
-Ekkert verður ákveðið án ykkar.
Við skulum ákveða allt í samein-
ingu. Við höfum hafið göngu þessa
leið og ég var sá er valdi leiðina. Mín
eigin framtíð er tengd þessu vali,
sagði Gorbatjsof í ávarpi til Litháa
við komuna til Vilnu og skírskotaði
til þeirrar umbótastefnu sem hann
hefur fylgt í Sovétríkjunum.