Tíminn - 16.01.1990, Blaðsíða 15

Þriðjudagur 16. janúar 1990
Tíminn 15
lllllllllllllllillllllllllil ÍÞRÓTTIR llllllilllllllllllllllllllllllllllllllllllllllllllllllllllllllilllllllllllllllllillllllllllllllllllllllllllllllllllllllllllllll
Handknattleikur - VÍS-keppnin:
Fyrsta tap ÍR
í Seljaskóla
Enn einu sinni varö taugatitring-
ur á lokamínútunum IR-Iiðinu í
handknattleik að falli, er liðið
tapaði fyrir Stjörnunni úr Garðabæ
17-19 í Seljaskóla á laugardaginn.
Þar með töpuðu ÍR-ingar sínum
fyrsta leik á heimavelli í vetur, en
lengi vel leit út fyrir sigur ÍR í
leiknum.
Heimamenn vel studdir af áhorf-
endum höfðu betur framan af og
reyndar alveg fram undir lok leiks-
ins. í byrjum komst lR í 5-2, en í
hálfleiknum höfðu ÍR-ingar 1-3
mörk yfir. ÍR-ingar fóru illa að ráði
sínu og misnotuðu tvö vítaköst.
Stjarnan náði að jafna og þegar
leikhléið hófst hafði hvort lið skor-
aði 10 mörk.
Jafnt var á öllum tölum í upphafi
síðari hálfleiks, en slæmur kafli hjá
heimaliðinu gaf Garðbæingum tvö
mörk í forskot 13-15. Þennan mun
náðu ÍR-ingar aldrei að vinna upp
þrátt fyrir góða baráttu, en á
lokmínútunum fengu þeir sannar-
lega tækifæri á að jafna, en tauga-
titringurinn var full mikill. Ekki
bætti úr skák að enn eitt vítakastið
fór forgörðum. Stjarnan vann því
17-19 sigur, sigur sem liðið þurfti
svo sannarlega að hafa fyrir.
Hjá Stjörnunni stóð Brynjar
Kvaran sig vel í markinu og þeir
Hafsteinn Bragason og Skúli
Gunnsteinsson skoruðu mikilvæg
mörk fyrir liðið. Gylfi Birgisson
lék einnig vel eins og svo oft áður.
Hjá ÍR-ingum átti Hallgrímur
Jónasson enn einn stórleikinn.
Þessi ungi markvörður fór hrein-
lega á kostum, en hann hefur jú
mjög sterka vörn fyrir framan sig.
Utileikmenn ÍR voru mjög jafnir
að getu að þessu sinni, en vörnin
var aðall liðsins í þessum leik.
Mörkin, ÍR: Ólafur4/3, Matthí-
as 3, Magnús 3, Frosti 3, Sigfús
Orri 2 og Róbert 2. Stjarnan: Gylfi
7/1, Skúli 5, Sigurður 4, Hafsteinn
2 og Axel 1. BL
Axel Björnsson Stjörnumaður gerði eitt mark fyrir lið sitt á laugardaginn þegar Stjarnan vann ÍR 17-19.
Tfmamynd Pjetur.
Handknattleikur - VÍS-keppnin:
Mark á mínútu
iBV vann
í Eyjum
Eyjamenn unnu mikilvægan sigur
á HK 25-20 á laugardaginn eftir að
staðan í leikhléinu var jöfn 13-13.
Leikurinn var í jafnvægi í fyrri
hálfleik, en í þeim síðari sigu heima-
menn framúr og tryggðu sér sigur.
Mörkin, fBV: Sigurður G.9/3,
Sigurður F. 6, Guðmundur 3, Sig-
björn 2, Hilmar 2, Guðfinnur 2 og
Oskar 1. HK: Magnús 9/5, Óskar
3/1, Gunnar 2, Róbert 2, Ásmundur
2, Eyþór 1 og Ólafur 1. BL
Staðan í 1 deildinni
Valur ... . 11 9 1 1 284-240 +44 19
FH . 10 8 1 1 271-230 +41 17
Stjarnan . 11 7 2 2 253-221 +32 16
KR . 10 6 2 2 223-219 +4 14
ÍR . 11 4 2 5 243-239 +4 10
ÍBV . 11 3 3 5 259-265 -6 9
KA . 11 3 1 7 248-270 -22 7
Grótta .. . 11 3 1 7 221-247 -26 7
Vikingur . 11 1 3 7 238-261 -23 5
HK . 11 1 2 8 225-273 -48 4
Frá Jóhannesi Bjurnusyni íþróttafréttaritara
Tímans á Akureyri:
Það var ekki burðugur varnarleik-
ur hjá leikmönnum KA og Vals
þegar liðin áttust við á laugardaginn
í VÍS-keppninni.
Leikmenn skiptust á fjölmörgum
jólagjöfum í formi varnarmistaka og
voru heimamenn öllu rausnarlegri.
Valsmenn skoruðu 33 mörk gegn 27.
1 fyrri hálfleik var vörn heima-
manna eins og svissneskur ostur því
götin og glufurnar voru með ólíkind-
um. Tuttugu sinnum þurfti Axel
Stefánsson, hinn þrekvaxni mark-
vörður, að greiða knöttinn úr neti
heimamanna en Einar Þorvarðarson
slapp mun betur því hann fór í alls
tólf slíka leiðangra. Sóknarmenn
Vals þurftu nær ekkert fyrir marka-
skoruninni að hafa og skoruðu úr
nær öllum skotum sínum.
Erlingur Kristjánsson, þjálfari
KA, talaði á efri nótunum yfir
lærisveinum sínum í leikhléi og
hresstust þeir til mikilla muna í
síðari hálfleik. Tókst þeim að
minnka muninn í tvö mörk 25-23, en
þá var þrekið uppurið og Valsmenn
sigu fram úr aftur.
Eins og áður sagði var varnarleik-
ur beggja liða mjög slakur og mark-
varsla var nær engin. Einar Þorvarð-
arson varði þó nokkur skot og var
það munurinn á liðunum.
Valdimar Grímsson, Brynjar
Harðarson og Jakob Sigurðsson áttu
allir stórleik að þessu með Val, en
Jón Kristjánsson stjórnaði sókn
sinna manna röggsamíega.
KA-menn voru allir álíka daufir í
varnarleik sínum en leikmenn voru
einnig mjög jafnir sóknarlega séð.
Dómarar voru þeir Gunnar
Viðarsson og Gunnar Kjartansson.
Sá fyrrnefndi var mjög óöruggur en
Kjartansson dæmdi vel.
Mörkin Valur: Brynjar 10/5,
Valdimar 9, Jakob 7, Jón 3, Finnur
2 og Júlíus 2. KA: Sigurpáll 6/2,
Erlingur 6, Guðmundur 4, Jóhannes
4/1, Karl 3 Friðjón 3 og Bragi 1.
JB/BL
Körfuknattleikur-Úrvalsdeild:
Rafmögnuð spenna á Akureyri
Frá Jóhannesi Bjarnasyni íþróttafréttarit-
ara Timans i Akureyri:
Það eru ár og dagar síðan spilað-
ur hefur verið jafn glæsilegur
körfuknattleikur á Akureyri eins
og leikmenn Þórs og Keflavíkur
biðu uppá í íþróttahöllinni á Akur-
eyri sl. sunnudagskvöld.
Gífurlegur hraði einkenndi leik-
inn, barátta ótrúleg og í orðsins
fyllstu merkingu rafmögnuð
spenna í lokin. Þegar ein og hálf
mínúta var til leiksloka stóð nefni-
lega neistaflug út úr klukku Hallar-
innar og jafnvel hinn dverghagi
húsvörður, Gunnar Níelsson var
ráðþrota. Leiknum lauk með sigri
Keflvíkinga 104-106, en þeir leiddu
í hálfleik 50-59.
Þórsarar náðu að jafna leikinn í
síðari hálfleik og komust yflr, mest
8 stig 87-79, en Nökkvi Jónsson
skoraði sigurkörfu ÍBK þegar rúm-
ar 20 sekúndur voru til leiksloka.
Þórsarar höfðu öll tök á að jafna í
lokin en tókst ekki.
Eins og áður sagði var lcikurinn
frábærlega spilaður, en Guðjón
Skúlason Kcflvíkingur og Jón Örn
Guðmundsson Þórsari voru þó
bestu menn vallarins. Aðrir leik-
menn spiluðu upp til hópa vel og
væri ósanngjarnt að nefna einn
öðrum fremri.
Stigin ÍBK: Guðjón 32, Falur
25, Anderson 20, Nökkvi 9, Albert
7, Sigurður 6, Magnús 5 og Einar
3. Þór: Jón Örn 34, Kennard 18,
Eiríkur 17, Konráð 17, Jóhann 10,
Björn 4, Ágúst 2 og Davíð 2.
JB/BL
Islandsmótið í blaki:
Islandsmeistararnir
komnir á hæla ÍS
Frá Jóhannesi Bjarnasyni íþróttafréttaritara
Tímans á Akureyri:
íslandsmeistarar KA í blaki karla
eru komnir fast á hæla Stúdenta á
stigatöflunni. Stefnir í hreinan úr-
slitaleik milli liðanna um deildar-
meistaratitilinn, en bæði Iiðin eru
örugg með að komast í úrslitakeppn-
ina um íslandsmeistaratitilinn.
Stúdentar unnu fyrri leikinn í
Reykjavík 3-2, en víst er að meistar-
amir verða ekki auðsigraðir í heima-
vellinum.
HSK varð að lúta í lægra haldi
fyrir KA-mönnum á laugardaginn,
en KA sigraði 3-0 og var sigurinn
öruggur þrátt fyrir mikinn barátt-
uvilja Skarphéðinsmanna. Hrin-
uúrslit urðu 15-9, 15-5 og 15-9.
KA-menn lék á köflum eins og
meisturum sæmir, en einn þeirra
mesti styrkleiki er þó breiddin, þeir
hafa leikmenn á bekknum sem geta
komið inná án þess að liðið veikist.
Eru það ekki mörg lið í deildinni
sem geta stært sig af slíkum kostum.
JB/BL
Vinningstölur laugardaginn
16. jan. ’90
VINNINGAR FJÖLDI VINNINGSHAFA UPPHÆÐ Á HVERN VINNINGSHAFA
1. 5af 5 0 2.395.250
/■» 'TÚSfiÆÍU £. 4 af 5 ^jfjííJÁ 1 416.115
3. 4af5 76 9.444
4. 3af 5 2.806 596
Heildarvinningsupphæð þessa viku:
5.201.485 kr.
UPPLÝSINGAR: SÍMSVARI 681511 - LUKKULÍNA 991002