Tíminn - 23.01.1990, Blaðsíða 10
10 Tíminn
Þriðjudagur 23. janúar 1990
vr\r\<ðw i «nr
DAGBÓK
m
Guðrún Alda
Matarspjallsfundur
Landssamband framsóknarkvenna veröur með matarspjallsfund
miðvikudaginn 31. janúar nk. kl. 19.30, þar sem Guðrún Alda
Harðardóttir fóstra kynnir drög að frumvarpi til laga um leikskóla.
Allir velkomnir.
LFK.
Viðtalstími LFK
Ásta Ragnheiður Jóhannesdóttir, fulltrúi Framsóknarflokksins í
Útvarpsráði, verður til viðtals fimmtudaginn 25. janúar nk. kl. 10-12
að Nóatúni 21.
Allir velkomnir.
LFK.
Rangæingar
JónHelgason Guðni Ágústsson Unnur Stefánsdottir
Árlegur stjórnmálafundur og viðtalstími þingmanna Framsóknar-
flokksins verður á eftirtöldum stöðum:
Gunnarshólma, fimmtudaginn 25. janúar kl. 15:30.
Heimalandi fimmtudaginn 25. janúar kl. 21.00.
Keflavík
Skoðanakönnun meðal stuðningsmanna Framsóknarflokksins um
val frambjóðenda í komandi bæjarstjórnarkosningum fer fram í
Félagsheimili flokksins að Hafnargötu 62 sunnudaginn 28. janúar kl.
10.00-17.00.
Skoðanakönnunin er opin öllum stuðningsmönnum flokksins.
Mætið vel og takið þátt í könnuninni. Kaffiveitingar á staðnum.
Uppstillingarnefnd
Kópavogur - Opið hús
Opið hús alla miðvikudaga að Hamraborg 5, kl. 17-19.
Alltaf heitt á könnunni.
Framsóknarfélögin.
+
Innilegar þakkir fyrir hluttekningu og hlýhug vegna andláts og útfarar
móður okkar, tengdamóður, ömmu og systur
Valgerðar Halldórsdóttur
fró Hvanneyri
Þórhallur, Sveinn, Halldór og fjölskyldur,
Þórhallur Halldórsson.
+
Systir okkar, mágkona og frænka
Karitas Guðmundsdóttir
Bjarnastíg 2, Akureyri
andaðist á Dvalarheimilinu Hlíð mánudaginn 22. janúar.
Fjölskyldan.
Guðmunda Elíasdóttir
70 ára í dag
Guðmunda Elíasdóttir, Vesturgötu
26b í Reykjavík, fæddist á Bolungarvík
23. janúar 1920. Hún fór til Kaupmanna-
hafnar árið 1939 til að læra hjúkrun en
sneri sér skömmu síðar að söngnámi og
lauk burtfararprófi frá tónlistarháskóla
Kaupmannahafnar í stríðslok 1939.
Guðmunda er einn af frumherjum
óperuflutnings á íslandi og hefur tekið
þátt í fjölda uppfærsla og haldið sjálf-
stæða tónleika á íslandi, Danmörku,
Bandaríkjunum og Kanada.
Undanfarin ár hefur Guðmunda kennt
söng við Söngskólann í Reykjavík og
víðar. Jafnframt hefur hún stöðugt endur-
menntað sig í söngfræðum og sótt fjölda
námskeiða hér heima og erlendis.
KVENNAATHVARF
Húsaskjól er opið allan sólarhringinn
og aðstoð fyrir konur sem beittar hafa
verið ofbeldi í heimahúsum eða orðið
fyrir nauðgun.
Síminn er 21205 - opinn allan sólar-
hringinn.
Hafnarborg:
„Det Grönne Mórke“-Sýning á
verkum fimm norskra málara
1 Hafnarborg, menningar- og listastofn-
un Hafnarfjarðar, Strandgötu 34, var
nýlega opnuð sýning á verkum fimm
norskrar málara. Listamennirnir eru:
Anne Katrine Dolvcn, Erik Annar
Evensen, Olav Christopher Jenssen, Jon
Arne Mogstad og Bjöm Sigurd Tufta.
Til sýningarinnar er stofnað af hálfu
Norrænu listamiðstöðvarinnar í Sveaborg
í Finnlandi og hefur hún verið sett upp í
Finnlandi, Svíþjóð, Danmörku og nú
síðast í Noregi. Verk eftir þessa listamenn
hafa ekki verið sýnd hér á landi áður,
utan sýningar á verkum Bjöm Sigurd
Tufta í Norræna húsinu árið 1987.
Formáli í sýningarskrá er skrifaður af
Maaretta Taukkuri, sýningarstjóra Nor-
rænu Listamiðstöðvarinnar í Sveaborg.
Sýningin í Hafnarborg stendur til 4.
febr. n.k. Opnunartími er kl. 14:00-19:00
alla daga nema þriðjudaga.
Breyttur opnunartími á
Þjóðminjasafni íslands
Frá og með 16. sept. til 14. maí verður
safnið opið þriðjudaga, fimmtudaga,
laugardaga og sunnudaga kl. 11:00-16:00.
Aðgangur er ókeypis.
Strætisvagnar sem stansa við Þjóð-
minjasafnið: 5, 6, 7, 13, 14, 16, 100.
MÁLVERKAUPPBOD1. febrúar
Gallerí Borg heldur málverkauppboð
fimmtudaginn 1. febrúar. Málverkaupp-
boðið fer fram að Hótel Sögu og hefst kl.
20:30. Tekið verður á móti verkum á
uppboðið fímmtudaginn 25., föstud. 26.
og mánudaginn 29. jan. í Gallerí Borg,
Pósthússtræti 9.
FÍM'Salurinn
Samsýning félagsmanna í Félagi ís-
lenskra myndlistarmanna stendur yfir í
FÍM-salnum og Galleríinu, Garðastræti
6. Opið er kl. 14:00-18:00 virka daga.
Nýhafnarklúbburinn
starfar á ný
Nýhafnarklúbburinn tekur aftur til
starfa 5. febrúar nk. Þetta er annað árið
sem hann starfar, en starfsemi klúbbsins
byggist á fyrirlestrum um myndlist og
verða fjórir fyrirlestrar á vorönn og fjórir
á haustönn. 23. júlí verður svo Jóns-
messuhátíð eins og sl. ár.
Ætlunin er að fara í Iistskoðunarferð til
Madrid í fylgd sérfróðra manna um
miðjan marsmánuð. Sú ferð er á vegum
ferðaskrifstofunnar Lands og Sögu í
Bankastræti, sem veitir allar upplýsingar.
Fjöldi þátttakenda í klúbbnum er tak-
markaður og ganga meðlimir síðasta árs
fyrir, en þeir sem hefðu áhuga á að bætast
í hópinn geta látið skrá sig í listasalnum
Nýhöfn, Hafnarstræti 18, sími 12230,
fyrir 1. febrúar.
Árshátíð
Húnvetningafélagsins
Árshátíð Húnvetningafélagsins í
Reykjavík verður haldin 3. febr. n.k. í
Glæsibæ, Álfheimum 74, og hefst hún
með borðhaldi kl. 19:00.
Upplýsingar í símum 41204 og 30752.
Frá Kvenfélagi Kópavogs
Kvenfélag Kópavogs minnir á hátíðar-
fundinn fimmtudaginn 25. janúar í Fé-
lagsheimilinu kl. 20:30. Skemmtidagskrá.
Félagsmenn eru beðnir að láta vita sem
fyrst um þátttöku í símum 40332, 40388,
675672.
Listasafn Einars Jónssonar
Listasafn Einars Jónssonar er opið alla
laugardaga og sunnudaga kl. 13:30-16:00.
Höggmyndagarðurinn er opinn alla daga
kl. 11:00-17:00.
Kvenfélag Kópavogs
Spilað verður í kvöld, þriðjud. 23. jan.,
í Félagsheimili Kópavogs. Byrjað verður
að spila kl. 20:30.
MINNING llllllllllllllllllllllllllllllllllllllllllllllllllllllllN^
Höqni Torfason
Vorið 1967 kom Sigurður Bjarna-
son frá Vigur að máli við mig, en ég
var þá þingfréttaritari Morgunblaðs-
ins, og réð mig að vinna á skrifstofu
Sjálfstæðisflokksins á ísafirði fram
að kosningum.
Skömmu síðar sá ég Högna Torfa-
son í fyrsta sinn og ég gleymi ekki
fyrstu orðum hans til mín: „Svo þú
ert pilturinn, sem senda á vestur að
passa mig.“
Mikil harka hafði hlaupið í fram-
boðsmál þar vestra. Þorvaldur Garð-
ar Kristjánsson hafði lotið í lægra
haldi fyrir liði Vigurmanna og Matt-
híasar Bjarnasonar og tók ekki sæti
á listanum það sinn. Högni Torfason
var þá erindreki Sjálfstæðisflokksins
á Vestfjörðum og gætti vissrar tor-
tryggni í garð hans, einkum úr hópi
Matthíasarmanna, en Þorvaldur var
þá framkvæmdastjóri flokksins og
yfirmaður Högna og hafði ráðið
hann. Högni vann í kosningunum af
eindrægni og hollustu við Sjálfstæð-
isflokkinn.
Ég fór svo vestur og bjó hjá þeim
Matthíasi Bjarnasyni og frú Kristínu
Ingimundardóttur. Þar var gott að
vera og lærdómsríkt.
Því var ekki að neita, að Högni
var orðinn nokkuð einangraður á
ísafirði. Átökin höfðu verið hörð og
óvægin og staðið lengi. Högni tamdi
sér aldrei mjúkmæli hirðmanna og
áskildi sér ætíð rétt að hafa eigin
skoðanir. Hreinskiptni hans kom
honum stundum í tímabundin vand-
ræði, eins og þetta vor. Þau mál voru
síðar gerð upp og menn viður-
kenndu, að Högni hafði verið hafður
fyrir rangri sök. Það sýnir það traust,
er Vestfirðingar báru til Högna, að
alla tíð eftir að hann flutti til Reykja-
víkur sá Högni um utankjörfundar-
kosningar fyrir Vestfirðinga, vini
sína.
Á ísafirði bjuggu Högni og kona
hans, frú Guðbjörg Guðbjartsdóttir,
með þremur börnum sínum á efstu
hæð Uppsala, en skrifstofur Sjálf-
stæðisflokksins voru á næstu hæð.
Högni var jafnframt ritstjóri Vestur-
lands og birti þar merkileg viðtöl við
fræga Vestfirðinga. Var Högni
óvenjulega vel ritfær maður, hvort
heldur var á íslensku eða ensku.
Löngu síðar vann ég með honum að
enskri útgáfu tímaritsins Skákar í
tengslum við skákmót á Kjarvals-
stöðum. Ritaði Högni það blað nær’
einn, þótt aðrir drægju að efni.
fréttamaður
Erlendum mönnum þótti þetta
„Shakespearean English“ á blaðinu,
en þar gætti áhrifa frá nánum kynn-
um Högna af enskum fagurbók-
menntum. Léttmeti var ekki sú and-
lega fæða, sem hann nærðist á.
Þau Guðbjörg tóku mér afar vel,
ókunnugum unglingi sem skorti
mánuð í kosningarétt, og þann tíma
sem ég var á ísafirði átti ég margar
ánægjustundir á heimili þeirra. Alla
tíð síðan kallaði Högni mig pólitísk-
an fósturson sinn og óneitanlega
voru athugasemdir hans um menn
og málefni í þeim litum, að þær mást
seint en halda mætti sínum. Frú
Guðbjörg er góð kona og reyndist
Högna vel. Mönnum líður vel í
návist hennar.
Síðustu kosningaferð sína um
Vestfirði fór Högni fyrir síðustu
Alþingiskosningar, en þá tók Hildi-
gunnur dóttir hans þátt í prófkjöri
sjálfstæðismanna. Högni gekk vask-
lega fram fyrir dóttur sína. Náði hún
góðum árangri og bætti um betur, er
hún var kjörin í miðstjórn Sjálf-
stæðisflokksins á síðastliðnum lands-
fundi. Þá sá ég Högna í síðasta sinn.
Duldist ekki, að heilsu hans hafði
hrakað. En það var bjart í augum
hans yfir velgengni dóttur hans.
Högni var átakamaður. Hann
vann mikið og gott starf f þágu
skáklistarinnar og var varaforseti
Skáksambands fslands 1976-1979.
Þegar sovésk stjórnvöld ofsóttu
Victor Kortsnoj var Högni fremstur
í flokki þeirra, er börðust fyrir því,
að Kremlverjar létu fjölskyldu
Kortsnojs í friði fara. Voru að
undirlagi hans mynduð samtök
manna hér á landi Kortsnoj til
styrktar. íslensk stjómvöld beittu
sér af alefli í þessu máli og Friðrik
Ólafsson, er þá var forseti FIDE,
gekk vasklega fram. Galt hann fyrir
það með embætti sínu síðar meir.
Högni þýddi sjálfsævisögu Victors
Kortsnojs á meitlaða íslensku. Sú
bók er holl lesning hverjum manni.
Högni var fréttamaður á útvarp-
inu 1948-1962. Er víðkunnugt viðtal
hans við Ungverjalands-Hjalta, en
það var birt í útvarpinu 1956, þegar
rússneskir skriðdrekar kæfðu upp-
reisn Ungverja í blóði. Er efamál að
frægara viðtal hafi verið flutt.
Högna voru þessir atburðir oft í
huga og eldheitur andstæðingur
kommúnista sem hann var, voru
honum frelsistíðindin úr austurvegi
mikil gleðitíðindi.
Eins og fyrr segir var Högni af-
burðafær íslenskumaður. Var hann
hagur nýyrðasmiður. Sjálfur var
hann góðum gáfum gæddur og hefði
því mátt ætla, að hann færi í lang-
skólanám, enda stóð hugur hans tíl
þess. En skólagöngu hans lauk með
óvæntum hætti. Segir Steindór
Steindórsson frá Hlöðum, skóla-
meistari á Akureyri, frá því í ævi-
sögu sinni, að Sigurður Líndal Páls-
son hafi vegna óvildar komið því
fram, að Högni náði ekki framhalds-
einkunn og gaf kona Sigurðar, sem
var prófdómari í teikningu, „þrátt
fyrir mótmæli teiknikennarans, hon-
um svo lága einkunn, að dugði til
falls. Og ótti skólameistara við að
missa nafna sinn frá skólanum dró úr
honum allan mátt til íhlutunar."
Ekki er að efa, að þessi hremming
markaði líf Högna og særði hann
djúpu sári, sem e.t.v. greri aldrei til
fulls.
Undir harðri brynju Högna Torfa-
sonar sló hugprútt hjarta. Hann var
vinur vina sinna og gekk ævinlega
fremstur í orrahríð.
Guð blessi minningu Högna
Torfasonar.
Haraldur Blöndal