Tíminn - 02.02.1990, Blaðsíða 2

^ostudagur 2. febrúar 1990
2 Tíminn'
Einar H. Einarsson Skammadalshóli, eftirlitsmaður með jarðskjálftamæli í Mýrdal í 19 ár:
Skjálftamælirinn er
inni í svefnherbergi
Á dvalarheimili aldraðra í Vík í Mýrdal hefur verið settur
upp jarðskjálftamælir til að fylgjast með hræringum eldstöðv-
arinnar Kötlu.
Einar H. Einarsson bóndi á Skammadalshóli í Mýrdal
hefur hýst mælinn og fylgst með honum frá 1971. Nú hefur
Einar brugðið búi og flust með konu sinni, Steinunni
Stefánsdóttur, á dvalarheimili aldraðra í Vík.
Hjónin Einar H. Einarsson og Steinunn Stefánsdóttir gæta nú jarðskjálfta-
mælis á dvalarheimili aldraðra í Vík í Mýrdal.
Ráðamenn elliheimilisins og yfir-
mcnn jarðskjálftadeildar Veður-
stofu íslands lögðu að Einari að hafa
áfram yfirumsjón með mælinum.
Reyndist það auðsótt mál af hálfu
þeirra hjóna og hefur honum nú
verið komið upp í svefnherberginu.
Þá hafði Einar einnig með sér talstöð
frá Almannavörnum ríkisins, sem
fylgir mælinum og hefur stöðinni
verið komið fyrir í stofunni.
„Hann er nú ekki vel settur hér í
Vík. f>að gerir sjórinn. Hann vill tala
við hann. Brimið kemur mjög vel
fram á mælinum og ég verð að hafa
minni mögnun á honum hér en á
Skammadalshóli." sagði Einar í
samtali við Tímann í gær. Hann játti
því að hann hefði gaman af að stússa
við mælinn og það sem honum
fylgdi.
Jarðskjálftamælir hefur áður verið
staðsettur í Vík og segir Einar að
margir hafi verið óánægðir þegar
hann var fluttur úr kauptúninu.
„Meðal annars þess vegna tóku
menn vel í það að ég kæmi með
mælinn með mér.“ sagði Einar.
Einn helsti tilgangurinn með
mælinum í Vík er eins og áður segir
að fylgjast með Kötlu. Hvað segir
Einar um hana. Er Katla dáin?
„Nei. Ekki var hún dauð í sumar.
Hún lifnaði einn daginn, en það stóð
stutt og hún lognaðist út af aftur.“
Áttu von á gosi á næstu árum?
„Það þætti mér ekki ótrúlegt. Pað
er svo langt síðan hún gaus síðast."
Það er tilgáta Einars að önnur eldgos
á íslandi gætu hafa orðið til þess að
létta á Kötlu. Sérstaklega nefnir
hann í því sambandi gosið í Vest-
mannaeyjum 1973. Ragnar Stefáns-
son jarðskjálftafræðingur sagði í
samtali við Tímann í gær að þetta
væri ágætis tilgáta, en ekki væri hægt
að sanna neitt um þetta.
Eru Víkurbúar almennt með hug-
ann við Kötlu?
Einar sagðist ekki alveg vita
hvernig þetta væri í dag en veturinn
1977-78 hefði Katla verið með lífs-
marki og þá ekki leynt sér að fólk
var á varðbergi. „Þeir sögðu nú
Víkarar að kerlingarnar hefðu verið
búnar að taka til uppáhalds dótið sitt
og setja það í skjóður við rúmgafl-
inn, ef eitthvað óvænt myndi
gerast.“ sagði Einar og hló.
Einar fullyrðir að Katla muni ekki
koma sér á óvart. „Hún lætur mig
vita sólarhring áður með umbrot-
um.“
Hann er nú að verða 78 ára gamall
og segist vera orðinn slæmur til
heilsunnar, en ekki svo andlega
lúinn að hann geti ekki lesið af
mælinum. Eftir hálfrar aldar búsetu
á Skammadalshóli segist hann af-
skaplega ánægður með nýja heimilið
að Hátúni í Vík. „Starfsfólkið hér er
einvala lið og við hjónin erum af-
skaplega ánægð með dvölina.“ sagði
Einar.
„Það lá í augum uppi að einhver
yrði að gæta mælisins og Einar hefur
gert það með sóma. Eftir öll þessi ár
má segja að hann sé orðinn sér-
fræðingur á þessu sviði og okkur
þótti mikils virði að hann skyldi taka
mælinn með sér.“ sagði Ragnar
Stefánsson j arðskj álftafræðingur.
- ES
Guöni Ágústsson alþingismaður gagnrýnir húsameistara ríkisins
fyrir „einkapraxís“. Steingrímur Hermannsson forsætisráöherra:
„Kem urti 1 greii na að
leggji 3 err ibætti ið af“
Steingrímur Hermannsson forsæt-
isráðherra segir það koma til greina
að leggja niður embætti Húsamcist-
ara ríkisins. Ef það væri gert yrði að
tryggja að sambærileg þjónusta og
embættið veitti yrði til staðar. Þetta
kom fram í fyrirspurn varðandi emb-
ættið sem Guðni Ágústsson alþingis-
maður flutti á þingi ■ gær.
Eitt af þeim atriðum scm Guðni
gagnrýndi í ræðu sinni var að húsa-
meistari ríkisins, Garðar Halldórs-
son, væri í „stórfelldum einkaprax-
ís“, eins og hann orðaði það.
„Ég nefni hér tvö verk til sögunn-
ar,“ sagði Guðni. „Hann er annar af
tveimur arkítektum af væntanlegu
hóteli Eimskipafélags íslands. Hann
er enn fremur annar af tveimur
arkítektum að viðbyggingu við Hót-
el Sögu. Stangast þetta ekki á við lög
um réttindi og skyldur opinberra
starfsmanna? Veikja slík vinnu-
brögð ekki móralinn á vinnustað?
Eftir höfðinu dansa limirnir, segir á
einum stað, er þetta víðar látið
viðgangast hjá ríkinu.“
í svari forsætisráðherra kom fram
að ekki væru í gildi sérstakar reglur
um hvaða skyldum störfum húsa-
Guðni Ágústsson alþm.
meistari mætti sinna utan við starf
sitt hjá ríkinu, heldur væru í gildi
almennar reglur um réttindi og
skyldur starfsmanna ríkisins. Þar
væri tekið fram að starfsmönnum
ríkisins væri heimilt að vinna auka-
störf, enda ylli það ekki vanrækslu á
þeim störfum er stöðu þeirra fylgdu.
Steingrímur Hermannsson forsætis-
ráðherra.
Steingrímur Hermannsson sagði
húsameistara hafa gert sér grein
fyrir öllum þeim aukastörfum er
hann hefði tekið að sér og hann ekki
metið það sem svo að það stangaðist
á við embættisskyldur hans.
-ÁG
Þyrill gaf 1,6 milljónir
Kívanisklúbburinn Þyrill á Akra-
nesi varð tuttugu ára 27. janúar s.l..
Stofndagur klúbbsins var 27. janúar
1970, í upphafi voru félagar tuttugu
talsins, en eru nú fimmtíu. Á þessum
tímamótum veitti klúbburinn styrki
að upphæð rúmlega sextán hundruð
þúsund krónur.
í hádegisverðarboði á afmælisdag-
inn afhenti forseti Þyrils Viðar
Magnússon eftirfarandi styrki í
formi fjárframlaga frá klúbbnum:
íþróttabandalagi Akraness, vegna
kjörs á íþróttamanni ársins, fimmtán
þúsund krónur. Elmar Þórðarsyni
talkennara, vegna rannsókna á stami
barna og útgáfu bæklings um stam,
krónur fjörutíu þúsund. íþróttafé-
lagi fatlaðra, fimmtíu þúsund .
krónur. Björgunarsveitinni Hjálp-
inni á Akranesi, til byggingar björg-
unarstöðvar við Akraneshöfn, fimm
hundruð þúsund krónur. Þroska-
hjálp á Vesturlandi, krónur ein
milljón, sem verja skal til fram-
kvæmda á sumardvalarheimili fé-
lagsins.
Tvær megin fjáröflunarleiðir Kí-
vanisklúbbsins eru flugeldasala fyrir
gamlárskvöld og blómasala á konu-
degi. Þyrli bárust margar gjafir í
tilefni dagsins. Þá sæmdi Ólafur
Jensson, formaður íþróttafélags fati-
aðra Kívanisklúbbinn Þyril heiðurs-
merki félagsins, fyrir veitta aðstoð.
Akranesi/Stefán
Heimsókn Havels
ekki staðfest
Síðdegis í gær hafði ekki borist
endanleg staðfesting á því að Vacl-
av Havel, forseti Tékkóslóvakíu,
komi hingað til lands. En sem
kunnugt er hefur honum verið
boðið að vera viðstaddur frumsýn-
ingu Þjóðleikhússins á leikriti sínu
Endurbyggingin,- sem fyrirhuguð
er um miðjan mánuðinn.
Sveinn Björnsson, prótókól
utanríkisráðuneytisins, sagði í
samtali við Tímann að vissulega
væri fyrirvarinn orðinn stuttur og
enn lægi ekki Ijóst fyrir hvers eðlis
heimsóknin yrði, einkaheimsókn
eða hálf opinber heimsókn. Þess
vegna hafi ekki verið unnt að setja
saman dagskrá fyrir heimsóknina.
Aðspurður sagði Sveinn að af sömu
ástæðu lægi ekki fyrir hver myndi
bera kostnaðinn af heimsókninni,
- Þjóðleikhúsið eða hið opinbera.
Þó væri Ijóst að útgjöld Þjóðleik-
hússins yrðu varla umtalsverð í
þessu sambandi.
Gísli Alfreðsson þjóðleikhús-
stjóri sagði að ekki lægi fyrir hver
kostnaðurinn yrði. Þó væri gert ráð
fyrir að Havel komi hingað í einka-
flugvél og Hótel Saga hafi boðið
fría gistingu fyrir forsetann og
fylgdarlið hans. Enn væri ekki ljóst
á hvaða formi heimsóknin yrði en
líklegast yrði um svokallaða hálf
opinbera heimsókn að ræða.
Gísli bætti því við að það borgaði
sig tvímælalaust fyrir Þjóðleikhús-
ið að leggja í kostnað vegna heim-
sóknarinnar vegna þess hve hún
vekti mikla athygli á verkinu. „Ef
af heimsókninni verður, sem ég
vona og geri ráð fyrir, vekur hún
athygli heimsins á Islandi og Þjóð-
leikhúsinu."
Mun þetta verða í fyrsta skipti
sem Havel verður vitni að sýningu
á eigin verki á erlendri grund en
rúmir tveir áratugir munu vera
síðan Havel sá sýningu á eigin
leikriti. SSH
í gær tók Davíð Oddsson borgarstjóri fyrstu skóflustunguna að byggingu
aldraðra við Lindargötu í Reyjavík. Framkvæmdirnar ná til 220 bílastæða og
93 þjónustuíbúða, þjónustumiðstöðvar og davistardeildar fyrir aldraða.
Áætlaður heildarkostnaður við þessar byggingar er 1,5 milljarður á verðlagi
dagsins í dag. Tímamynd: Árni Bjarna