Tíminn - 20.02.1990, Blaðsíða 15
Tíminn 15
Þriðjudagur 20. febrúar 1990
ÍÞRÓTTIR
IS stúlkur á toppinn
Úrslitakeppni 4 liða í blaki er nú
hafin. 6 leikir fóru fram í Hagaskóla
um síðustu helgi. Óvæntustu úrslitin
voru sigur ÍS kvenna á nýkrýndum
deildarmeisturum UBK, en IS lenti
í 4 sæti í deildinni. Einnig má segja
að sigur Þróttara á KA hafi verið
óvæntur, þótt Þróttur hafi unnið þá
helgina áður 3:0.
ÍS nálægt eggi gegn UBK
Á föstudagskvöldið fóru fram 2
leikir. ÍS sigraði HK í karlaflokki 3:1
13/15, 15/8, 16/14 og 15/5. Þessi
leikur var fjörugur og oft skemmti-
legur. Fyrsta hrina var jöfn, en þó
var HK ávallt feti á undan. f þriðju
hrinu komst HK í 13/8 en með
mikilli baráttu tókst fS að jafna og
vinna hrinuna. Eftirleikurinn var
síðan auðveldur ÍS mönnum. HK
olli nokkrum vonbrigðum í þessum
leik. Eftir góðan stíganda í undan-
förnum leikjum náðu þeir ekki að
fylgja því almennilega eftir. Stúdent-
ar náðu sér ekki almennilega á strik,
en sýndu það í þessum leik að þeir
eru bestir þegar útlitið er sem
dekkst. Baráttuhundar sem aldrei
gefast upp, en þessi eiginleiki hefur
fært þeim margan sigurinn í vetur.
Vignir Hlöðversson var traustastur
HK manna sem oft áður, en einnig
átti Stefán Þ. Sigurðsson góðan leik.
Bjarni Þórhallsson átti góðan leik
hj á stúdentum, svo og Kári Kárason.
Á eftir léku ÍS og UBK í kvenna-
flokki. ÍS sigraði 3:2 10/15, 13/15,
15/10, 15/2 og 15/11. Þessi leikur
skiptist í tvo hluta. í þeim fyrri hafði
UBK undirtökin, en dæmið snérist
síðan við í þeim síðari. UBK sýndi
góða kafla í fyrstu hrinu og virtust
þær eiga von á náðugum degi. önnur
hrina var mjög jöfn og jafnt á
flestum tölum. UBKvar síðan sterk-
ari á lokasprettinum. í þriðju hrinu
fór ÍS að sýna klærnar. Mikil barátta
einkenndi liðið og greinilegt að það
átti að selja sig dýrt. Þær náðu öllu
uppúr gólfinu og börðu ekki fast, en
stýrðu vel framhjá hávörn UBK.
Þessi mikla mótstaða fór í skapið á
Breiðabliksstúlkum og náðu þær sér
aldrei á strik. Lið með þeirra reynslu
á ekki að fara á taugum þótt eitthvað
bjáti á. Fjórða hrinan var síðan
algert burst. ÍS komst í 14/0 og
vantaði aðeins herslumuninn að ná
eggi (15/0 á máli blakmanna). UBK
náði síðan aðeins að laiga stöðu sína.
í fimmtu hrinu náði 6 síðan strax
forustunni og hélt henni. ÍS liðið lék
mjög vel í þessum leik. í fyrstu hrinu
var sjálfstraustið ekki sem best, en
um leið og það kom var ekki aftur
snúið. Eins og áður sagði er ekki
mikið um fasta skelli, en þær eru
útsjónarsamar og nýttu sér það vel.
Greinilegt er að þjálfarinn Zhao
Sanwen er að gera góða hluti með
liðið, sem vex með hverjum leik.
Uppspilari þeirra, Bergrós Guð-
mundsdóttir, átti mjög góðan leik,
svo og Ingibjörg Arnarsdóttir, en
annars átti ÍS liðið allt góðan dag.
Um Breiðabliksliðið er fátt hægt að
segja. Þær vanmátu greinilega ÍS
liðið og fengu að gjalda fyrir það.
Kristín Eysteinsdóttir stóð sig mjög
vel og Þórunn Guðmundsdóttir stóð
fyrir sínu, en aðrar þoldu ekki
álagið.
Þróttur haföi KA
Á laugardaginn fóru fram tveir
leikir. Þróttur Reykjavík vann KA í
karlaflokki 3:2 12/15, 15/13, 15/7,
15/17 og 15/13. Þetta var hörku
leikur, mjög spennandi, eins og
tölurnar gefa til kynna, og skemmti-
legur. í fyrstu hrinu komst Þróttur í
13/11 en KA náði að jafna. Þeir
komust þó ekki lengra og Þróttarar
jöfnuðu leikinn 1:1. í fjórðu hrinu
var jafnt, einnig 11/11. KA komst
síðan í 14/12, en Þróttur náði að
jafna og komast í 15/14. Næsta
uppgjöf mistókst hjá Þrótti og reynd-
ist það þeim dýrkeypt, því KA menn
héldu uppgjafarréttinum og sigruðu
17/15. Þá var komið að 5. hrinu.
Þegar skipt var um leikvöll leiddi
Þróttur 8/5 og komst í 9/5, en KA
jafnaði og komst yfir 12/11 og 13/12.
Eftir það fengu þeir ekki stig og
Þróttur sigraði hrinuna og leikinn
þar með 3:2. KA menn komu mun
ákveðnari til þessa leiks en þess
næsta á undan, sem þeir töpuðu 3:0.
Þróttur náði að sýna ágætisleik gegn
KA að þessu sinni. Helst var það
Einar Þór Ásgeirsson sem hamraði
á KA menn, en einnig stóð sig vel
Örn Arnarsson sem hóf að leika
með Þrótti í haust, en lék áður með
HSK. KA menn voru ekki sannfær-
andi í þessum leik, þótt ekki hafi
munað miklu að þeir hefðu sigur í
þessum leik. Stefán Jóhannesson lék
ekki með og hafa þeir ekki leikmann
sem getur fyllt hans skarð. Stefán
Magnússon átti ágætan leik og skellti
oft vel í gólf Þróttara. Haukur
Valtýsson lék einnig vel.
Víkingur vann síðan KA 3:0 15/4,
15/2 og 15/13. Þessi leikur var daufur
og KÁ stúlkur langt frá sínu besta.
Fyrstu tvær hrinurnar voru einstefna
Víkings og komust þær í 12/6 í þeirri
þriðju. Jóna Lind Sævarsdóttir var
sterkust Víkingsstúlkna en Særún
Jóhannsdóttir KA megin.
ÍS ekki í vandræðum með KA
Á sunnudaginn fóru síðan fram
tveir leikir. ÍS vann KA í karlaflokki
3:1 15/10, 15/10, 8/15 og 15/12.
Fyrstu tvær hrinurnar voru frekar
auðveldar fyrir ÍS. f þeirri þriðju
náði KA aðeins að stríða þeim, en
sú síðasta var frekar örugg eign ÍS
manna. ÍS komst í 9/1 en KA náði
að jafna 9/9. Aftur náði ÍS forystu
13/10, 14/12 og loks síðasta stiginu.
KA menn voru mun auðveldari
fórnarlömb stúdenta í þessum leik
en þegar fS náði að tryggja sér
deildarmeistaratitilinn á Ákureyri í
síðustu innbyrðis viðureign þessara
liða. ÍS menn voru með sterkar
sóknir, en vörn þeirra, jafnt há sem
lág, var ekki sannfærandi. Fóru
ótrúlegustu boltar í gegnum hendur
þeirra, eða þá að þeir blokkuðu út
af vellinum. KA menn söknuðu enn
Stefáns Jóhannessonar og voru ekki
sannfærandi. Þeir náðu sér þó oft vel
á strik, en áttu greinilega við ofjarla
sína að etja í þessum leik. Hjá fS lék
Arngrímur Þorgrímsson vel í þess-
um leik, en mætti þó einbeita sér
betur að leiknum en dómurunum.
Sigurður Þráinsson lék einnig vel og
áttu KA menn í stökustu vandræð-
um með hratt samspil þessara
tveggja. Hafsteinn Jakobsson lék
best KA manna, en hann var ótrú-
lega seigur að koma boltanum í
blokk ÍS manna og þaðan í þeirra
eigið gólf eða út. Sigurður A. Ólafs-
son átti góða spretti framan af leikn-
um, en átti í erfiðleikum er líða tók
á leikinn.
Vonir KA manna um að ná að
halda íslandsmeistaratitlinum
minnkuðu til muna eftir þessi úrslit.
Ekki er nóg fyrir þá að sigra alla leiki
sem eftir eru, heldur verða og önnur
úrslit einnig að verða þeim í hag. ÍS
hefur unnið báða sína leiki, en
önnur umferðin klárast á miðviku-
daginn, en þá leika Þróttur og HK.
IS vann KA í kvennaflokki 3:2
10/15, 15/12, 11/15, 15/13 og 15/10.
Þarna héldu fS stúlkur áfram þeirri
baráttu sem þær hófu á föstudaginn.
Fyrsta hrinan var eign KA, en í
þeirri næstu komst KA í 11/9. ÍS
náðu sér síðan aftur á strik og
sigruðu 15/12. í þeirri fjórðu náði ÍS
forystu 12/5. KA náði að minnka
muninn í 14/13, en lengra komust
þær ekki og ÍS sigraði 15/13. í
fimmtu hrinu hafði ÍS betur 8/3. KA
minnkaði muninn í 10/8, en stúdent-
ar sigu framúr, sigruðu 15/10 og
leikinn 3:2. ÍS stúlkur áttu mjög
góðan leik, sem og KA. Eins og
gegn UBK var ekki mikið um fasta
skelli, en þær stýrðu vel framhjá
hávörn KÁ. Katrín Pálsdóttir var
best í liði ÍS. Hún náði að koma
boltanum í gólf KA kvenna oft úr
mjög erfiðri stöðu. Ursula June-
mann átti einnig góðan leik og fékk
nóg að gera í lok leiksins. Allt annað
var að sjá til KA stúlkna í þessum
leik en daginn áður. Baráttan var
allsráðandi og oft sáust hörku skellir
hjá þeim. KA liðið vantar meiri
stöðugleika til að ná árangri, en liðið
hefur sýnt miklar framfarir í vetur.
Stúlkur, sem þóttu efnilegar hér á
árum áður en stöðnuðu síðan, hafa
öðlast trú á sig aftur og þær yngri
hafa tekið stórstígum framförum.
Karítas Jónsdóttir átti stórgóðan
leik og réð hávörn ÍS ekkert við
hana. Særún Jóhannsdóttir átti einn-
ig góðan leik, en hún stjórnar liðinu
eins og herforingi. Mikill fengur var
hjá KA liðinu að fá hana til liðs við
sig. Þá stóð sig einnig vel Birgitta
Guðjónsdóttir. Ef KA liðið nær að
sýna bá baráttu, sem þær sýndu á
móti IS, eiga þær eftir að vera erfiðir
andstæðingar í úrslitakeppninni.
Staðan að loknum þessum leikjum
er þá þessi:
í karlaflokki:
ÍS 2 2 0 6-2 4
ÞrótturR 1 1 0 3-2 2
HK 1 0 1 1-3 0
KA 2 0 2 3-6 0
í kvennaflokki: ÍS 2 2 0 6-4 4
Víkingur 1 1 0 3-0 2
UBK 1 0 1 2-3 0
KA 2 0 2 2-6 0
BL
Kúluvarp:
Pétur bætir
sig stöðugt
Pétur Guðmundsson kúluvarpari
úr HSK kastaði 19,51 m og bætti
fyrrí árangur sinn um 12 sm á
innanfélagsmóti ÍR, sem haldið var
í Reiðhöllinni í Víðidal á laugardag.
Pétur verður meðal keppenda á
Evrópumeistaramótinu £ frjálsum
íþróttum innanhúss sem haldið verð-
ur í Glasgow í mars byrjun. BL
Sund:
Heimsmet bætt
í Sundhöllinni
Geir Sverrísson sundmaður úr
Sundfélaginu Suðumesi, bætti eigið
heimsmet í 200 m bringusundi fatl-
aðra á sundmóti Ármanns í Sund-
höllinni í Reykjavík um helgina.
Geir fékk tímann 2:48,34 mín. og
varð í 7. sæti af 17 keppendum á
mótinu. BL
Enska knattspyrnan:
Lou Macari
hættur hjá
West Ham
Lou Macarí framkvæmdastjóri
enska 2. deildarliðsins West Ham
United hefur sagt starfi sínu lausu.
Ástæðan mun vera sú að hann var
nýlega dæmdur til að greiða sekt
vegna aðildar hans að veðmála-
hneyksli er hann var framkvæmda-
stjóri Swindon fyrir2 árum. Swindon
tapaði þá 5-0 fyrir Newcastle í 4.
umferð bikarkeppninnar og þóttu
þau úrslit ekki fullkomlega heiðar-
lega fengin.
Þessi málalok urðu til þess að
hann sagði af sér sem stjóri West
Ham.
Knattspyrna:
Piontek tekur
við liði Tyrkja
Sepp Piontek skrífaði í gær undir
4 ára samning við tyrkneska knatt-
spymusainbandið og mun hann
verða næsti þjálfari landsliðs þeirra
og tæknilegur ráðgjafi fyrir öll tyrk-
nesku landsliðin.
Piontek, sem er V-Þjóðverji, hef-
ur þjálfað danska landsliðið undan-
farin 11 ár með ágætum árangri, en
danska liðinu tókst þó ekki að kom-
ast f úrslitakeppni HM frekar en
tyrkneska liðinu. Piontek mun fá um
11 milljónir ísl. kr. í laun á ári. BL
Viðar Þorkelsson Fram og Bjami Jónsson KA kljást um knöttinn í leika Reykjavíkur og Landsins á sunnudag, en
Ieiknum lauk með 3-0 sigri Landsins. Mörk Landsins gerðu þeir Hörður Magnússon 2 og Kjartan Einarsson.
Tímamynd Pjctur.
Vinningstölur laugardaginn
17. feb. ’90
VINNINGAR FJÖLDI VINNINGSHAFA UPPHÆÐ Á HVERN VINNINGSHAFA
1. 5af 5 2 1.284.217
2. 8 55.679
3. 4af 5 173 4.441
4. 3af 5 5.671 316
Heildarvinningsupphæð þessa viku:
5.574.195 kr.
*Érii
UPPLÝSINGAR: SÍMSVARI 681511 - LUKKULÍNA 991002