Tíminn - 21.02.1990, Síða 16
RfcqSSKIP
NÚTÍMA FLUTNINGAR
Holnarhúsinu v/TrYggvogötu,
_____S 28822____
PÓSTFAX
TÍMANS
687691
Múlakaffi
ALLTAF í LEIÐINNI
O 37737 38737
Tíminn
MIÐVIKUDAGUR 21. FEBRÚAR 1990
Upplýsingarit félagsmálaráðs um Félagsmálastofnun Reykjavíkur:
Upplýsingar eða áróður
fyrir tvær milljónir?
íslenska auglýsingastofan vinnur nú að gerð upplýsinga-
bæklings um Félagsmálastofnun Reykjavíkur að undirlagi
félagsmálaráðs borgarinnar. Áætlaður kostnaður er tvær
milljónir króna. Einn liður í gerð ritsins er samanburðar-
köpnun er varðar umfang félagslegrar þjónustu í nokkrum
sveitarfélögum.
Fulltrúar minnihlutans í félags-
málaráði Reykjavíkur hafa ekki
fengið upplýsingar um efni og
uppbyggingu upplýsingaritsins og
hafa farið fram á svör hvað það
varðar. Kemur þeim spánskt fyrir
sjónir að auglýsingastofan sé að
vinna að samanburðarkönnun á
félagslegri þjónustu sveitarfélaga
á kostnað borgarinnar. Elín V.
Ólafsdóttir fulltrúi Kvennalistans
sagði í samtali við Tímann að sér
virtist margt benda til þess að
meirihlutinn stefndi að því að
gera ritið að áróðursbæklingi til
að nota í komandi kosningum og
val auglýsingastofu til að vinna
verkið benti einnig til þess, en
Ólafur Hauksson sem er í forsvari
fyrir auglýsingastofuna hvað varð-
ar vinnslu ritsins, hafi unnið fyrir
Sj álfstæðisflokkinn.
Undirtektir félagsmálastjóra í
viðkomandi sveitarfélögum hafa
verið dræmar. Ein ástæðan er sú
að þeim þykir óeðlilegt að auglýs-
ingastofa standi að slíkri könnun,
önnur ástæða er sú að þeir telja
ógerlegt að bera saman upplýsing-
ar af þessu tagi milli sveitarfélaga
sem eru mjög misjöfn af stærð og
samsetningu íbúa, t.d. hvað varð-
ar aldur. Því má svo bæta við að
viðkomandi félagsmálastjórar
fengu einungis vikufrest til að
safna saman upplýsingum og svara
könnuninni.
Bragi Guðbrandsson félags-
málastjóri í Kópavogi er einn
þeirra sem ekki hyggst svara
könnuninni. Sagði hann ástæðuna
vera þá að honum þætti einkenni-
legt að könnuninni staðið, sérstak-
lega það að auglýsingastofa skuli
vera vinna slík verkefni. Að auki
væri nær ógemingur fyrir smærri
sveitarfélög að svara þessu því
spumingalistinn tæki svo til ein-
göngu mið af stórborgarsamfélag-
inu í Reykjavík, eins og hann
orðaði það. Bragi bætti því við að
honum þætti eðlilegra að Félags-
málastofnunin sendi eftir slíkum
upplýsingum, enda vildi hann hafa
gott samstarf við stofnunina. „Ef
að Félagsmálastofnunin óskar eft-
ir upplýsingum um starfsemina er
velkomið að veita þær en mér
finnst hæpið að senda upplýsingar
af þessu tagi frá sér án þess að vita
í hvaða samhengi þær eru
kynntar."
Sveinn Ragnarsson félagsmála-
stjóri í Reykjavík sagði að á
fjárhagsáætlun fyrir síðasta ár
hefði verið ákveðið að verja
tveimur milljónum króna í gerð
upplýsingaritsins. Aðspurður
sagði Sveinn að könnunin hafi
ekki verið unnin í samráði við
Félagsmálastofnunina, en hann
hafi nýlega frétt af því að þessi listi
hafi verið sendur út. Ritið væri
aftur á móti unnið í náinni sam-
vinnu við starfsmenn innan stofn-
unarinnar. Um viðbrögð félags-
málastjóranna sagði Sveinn: „í
mínum huga þurfa þeir ekki að
svara þessu. Þetta er eitthvað sem
við munum ekki byggja okkar rit
á. Ef við viljum vera með saman-
burð eða eitthvað slíkt útvegum
við upplýsingarnar á annan hátt.
Við stjórnum því hvað fer í þetta
rit.“
Ólafur Hauksson sem er í for-
svari fyrir gerð ritsins hjá íslensku
auglýsingastofunni sagði að ein-
ungis tveir aðilar af sex hefðu
svarað könnuninni. Ólafur sagði
að ekki væri verið að bera saman
hluti sem væru í raun ósambæri-
legir. Hann bætti því við að í
sjálfu sér væri ekki búið að ákveða
hvernig ætti að nota upplýsingam-
ar og þetta væri gert til að sjá
sérstöðu Reykjavíkur í félagslegri
þjónustu.
Ólafur vísaði því alfarið á bug
að um pólitísk tengsl hafi verið að
ræða þegar stofan fékk þetta verk-
efni. Ólafur benti á að borgin
skipti við fjölda auglýsingastofa
og það væri ekki rétt að menn
væru látnir gjalda fyrir það að
vera sjálfstæðismenn þegar um
verkefni af þessu tagi væri að
ræða. SSH
Við upphaf fundar yfirnefndar Verðlagsráðs sjávarútvegsins í gær. A
myndinni eru frá vinstri þeir, Sveinn Finnsson framkvæmdastjóri Verðalags-
ráðs sjávarútvegsins, Magnús Gunnarsson og Bjami Lúðvíksson fyrir hönd
kaupenda, Þórður Friðjónsson oddamaður nefndarinnar og Kristján Ragn-
arsson fyrir hönd útgerðarmanna. - Timamynd Ámi Bjama
Verölagsráð sjávarútvegsins:
Svar ríkisstjórnar
ekki fullnægjandi
Yfirnefnd Verðlagsráðs sjávarút-
vegsins sendi í gærkvöldi, að aflokn-
um árangurslausum fundi bréf til
Steingríms Hermannssonar forsætis-
ráðherra. 1 því kemur fram að svar
ríkisstjórnarinnar, sem barst yfir-
nefndinni fyrr um daginn, um að
komið verði á fót aflamiðlun í tengsl-
um við ákvörðun fiskverðs, sé ekki
fullnægjandi til að tryggja lausn
málsins.
í samningaviðræðum innan Verð-
lagsráðsins hefur aflamiðlun verið
lykilatriði og hefur verið reynt að
nálgast samkomulag sem ásættanlegt
er fyrir alla aðila ráðsins, auk þess
sem það taki tillit til sjónarmiða
utanríkisviðskiptaráðherra, eins og
segir í bréfinu til forsætisráðherra.
„Þannig hefur náðst samkomulag
um að allur ferskur fiskur falli undir
aflamiðlun og Verkamannasamband
íslands ætti aðild að aflamiðlun-
inni.“ í bréfinu segir að harmað er
að ríkisstjórnin skuli ekki geta sætt
sig við það samkomulag sem náðst
hefur, þannig að yfirnefnd Verðlags-
ráðsins geti ákveðið fiskverð með
samkomulagi. -ABÓ
Verkalýðsfélög verða
með verðlagseftirlit
Dagsbrún og fleiri verkalýðsfélög
í Reykjavík hafa ákveðið að ráða
sérstakan mann til að hafa eftirlit
með verðlagi og taka á móti kvörtun-
um frá launþegum ef grunur leikur á
að verð á vöru eða þjónustu hefur
hækkað óeðlilega mikið. Starfsmað-
urinn mun að öllum líkindum hefja
störf á föstudaginn á skrifstofu Dags-
brúnar.
Guðmundur J. Guðmundsson for-
maður Dagsbrúnar segist búast við
að öll stærstu verkalýðsfélögin í
Reykjavík taki þátt í þessu verðlags-
eftirliti. Jafnframt því sem starfs-
maðurinn á að taka á móti kvörtun-
um og gera sjálfstæðar athuganir á
verðlagi, er gert ráð fyrir að hann
sinni umfangsmikilli fræðslu og upp-
lýsingastarfsemi.
Fyrirhugað er að verkalýðsfélögin
standi fyrir þessu verðlagseftirliti í
næstu þrjá mánuði, en Guðmundur
J. segir að þessir mánuðir verði
erfiðustu' mánuðirnir. Hann segir
jafnframt hugsanlegt að þessu starfi
verði haldið áfram ef að reynslan
gefur tilefni til þess.
„Við erum ekki að fara út í stríð
við einn eða neinn, heldur óskum
við eftir sem bestu samstarfi við
menn,“ sagði Guðmundur.
Guðmundur sagði að sér virtist að
menn tækju almennt vel beiðnum
um að verðhækkanir séu teknar
aftur. Hann sagðist telja að nú væri
meiri skilningur og betri vilji hjá
verslunum að taka mið af kjara-
samningunum við verðlagningu
vara. Hann sagði hins vegar að flest
benti til þess að nokkrar hækkanir
hefðu orðið í janúar. Það staðfesti
þá skoðun sína að gera hefði átt
samninganna fyrr.
Guðmundur sagði að verkalýðs-
hreyfingin hefði vanrækt þessi mál
hingað til. Verkalýðsfélögin í Borg-
arnesi og Keflavík hafa þó sinnt
verðlagsmálum allmikið á undan-
förnum árum.
Guðmundur sagðist binda miklar
vonir við þetta starf, en það verður
í náinni samvinnu við Neytendasam-
tökin og í samráði við Verðlagsstofn-
un. Stefnt er að því að fá nokkra tugi
manna úr hverju félagi til að fylgjast
með verðlagi. „Ég held að þetta gæti
orðið ansi öflugt ef að félagsmenn
verða duglegir að fylgjast með verð-
laginu," sagði Guðmundur að
lokum. -EÓ
Alfreð Þorsteinsson varaborgarfulltrúi:
Hver eru laun
borgarstjóra?
Alfreð Þorsteinsson, varaborg-
arfulltrúi Framsóknarflokks lagði
fram fyrirspurn í borgarráði í gær,
þar sem hann biöur um að laun og
ýmis fríðindi borgarstjóra verði
gerð opinber almenningi.
Fyrirspumin er svohljóðandi;
„Með því að upplýst hefur verið í
fjölmiðlum að borgarstjórinn í
Reykjavík hafi aðgang að tveimur
embættisbifreiðunt, annars vegar
Cadillac og hins vegar Pajero
jeppabifreið, á sama tíma og ráð-
herrar í ríkisstjórn láta sér nægja
eina bifreið, sýnist full ástæða til
þess að almenningur verði upplýst-
ur nánar um raunveruleg launakjör
borgarstjóra. Því er spurt:
í fyrsta lagi. Hver cru raunveru-
leg laun borgarstjóra?
í öðru lagi. Hvaða iaun önnur
þiggur borgarstjóri vegna nefndar-
starfa á vegum Reykjavíkurborgar
eða í tengslum við hana. Þar á
meðal vegna setu í stjóm Lands-
virkjunar.?
í þriðja lagi. Hvaða reglur gilda
um bifreiða afnot borgarstjóra og
hvernig hafa þessi hlunnindi verið
talin fram?
í fjórða lagi. Gilda sérreglur um
ferðadagpeninga borgarstjóra eða
ferðast hann á sömu kjörum og
aðrir á vegum Reykaj víkurborgar?
1 fimmta lagi. Hversu háar
greiðslur fékk borgarstjóri vegna
ferðalaga 1989?
í sjötta lagi. Nýtur borgarstjóri
einhverrar risnu utan embættis-
skyldu sinnar, t.d. vegna veislu-
halda í heimahúsum? -ES