Tíminn - 23.02.1990, Qupperneq 16
NÚTÍMA FLUTNINGAR
Hofnarhúsinu v/Tryggvogölu,
S 28822
: 680001 —636300
PÓSTFAX
TÍMANS
687691
Múlakaffi
ALLTAF í LEIÐINNI
37737 38737
Tíniinn
FÖSTUDAGUR 23. FEBRÚAR 1990
Heilbrigðiskerfið kostaði sautján milljónum króna til fóstureyðinga á síðasta ári:
Tvær fóstureyðingar
að meðaltali á dag
Samkvæmt upplýsingum Landlæknisembættisins voru
gerðar 654 fóstureyðingar hér á landi, eða tæplega tvær
aðgerðir að meðaltali á dag. Langflestar þeirra voru
framkvæmdar á kvennadeild Landspítalans, en meðaltals-
kostnaður við hverja fóstureyðingu þar er um 26.000
krónur.
Miðað við þessar tölur var
heildarkostnaður heilbrigðiskerf-
isins vegna fóstureyðinga á síðasta
ári um 17 milljónir króna. Nokkru
fleiri fóstureyðingar voru fram-
kvæmdar á árinu 1988, eða 673 og
á tímabilinu frá 1981-1985 var670
fóstrum eytt að meðaltali hvert ár.
Tölur um kostnað við fóstureyð-
ingar eru fengnar hjá áætlanadeild
Ríkisspítalanna, en nákvæmir út-
reikningar þar að lútandi liggja
ekki fyrir. Innifalið í þeim 26.000
krónum, sem áætlað er að hver
aðgerð kosti, eru viðtöl við lækna
og félagsráðgjafa fyrir aðgerð, svo
og svæfing, aðgerð og lega inn á
sjúkrahúsi ef það reynist nauðsyn-
legt.
Þessar upplýsingar komu fram í
svari Guðmundar Bjarnasonar
heilbrigðisráðherra við fyrirspurn
Ásgeirs Hannesar Eiríkssonar al-
þingismanns á þingi í gær. Ásgeir
Hannes segist þeirrar skoðunar að
ríkið eigi ekki að greiða kostnað
við fóstureyðingar. Tala fóstur-
eyðinga sé óeðlilega há og ekki
Ásgeir Hannes Eiríksson
þingmaður.
eðlilegt að félagsráðgjafar í mörg-
um tilfellum beinlínis hvetji fólk
til að leggja út í slíka aðgerð.
Hann hefur nú í smíðum frumvarp
þar sem meðal annars verður lagt
til að fóstureyðingar verði háðar
strangari takmörkunum en nú er.
„Ég tel að ríkið eigi ekki að
greiða fóstureyðingar," sagði Ás-
geir í samtali við Tímann í gær.
„Þetta er ekki læknisaðgerð. Þetta
er andhverfan við læknisaðgerð.
Þó aðgerðin sé framkvæmd af
læknum er þarna verið að taka líf,
en ekki vernda. það eða hlúa að
þvf, eða lækna eða líkna á nokk-
urn hátt. Samt sem áður er greitt
fyrir þessa þjónustu úr almanna-
tryggingakerfinu á nákvæmlega
sama hátt og þegar verið er að
vernda líf, hlúa að lífi eða lækna
fólk. Þetta finnst mér vera kjarni
málsins."
Þingmaðurinn sagðist vera
þeirrar skoðunar að draga ætti úr
svokölluðum félagslegum fóstur-
eyðingum, en þær eru fram-
kvæmdar þegar félagslegar að-
stæður viðkomandi eru taldar það
slæmar að ekki sé verjandi að
barnið komi í heiminn undir þeim
kringumstæðum.
„Til þess að það sé sanngjarnt
þarf að búa fólki, sem stendur
frammi fyrir þessari örlagaríku
ákvörðun, aðra kosti. Þeim þarf
að standa til boða aðstoð til þess
að eiga börnin, annaðhvort til
þess að koma þeim á legg eða til
annarra foreldra. Það er fjöldinn
allur af fólki sem býr í barnlausu
hjónabandi og vill taka að sér lítil
böm,“ sagði Ásgeir Hannes Ei-
ríksson. - ÁG
Nefnd á vegum landbúnaðarráö-
herra leggur fram róttækar tillögur:
LAUSAGANGA
STÓRGRIPA
ÓLEYFILEG
Nefnd sem landbúnaðarráð-
herra skipaði í byrjun síðasta árs
til að gera tillögur hvernig megi
minnka umferð búfjár á vegum,
leggur til að lausaganga stórgripa
verði bönnuð. Nefndin telur hins
vegar þýðingarlaust að setja slíkt
bann á lausagöngu sauðfjár þar eð
útilokað sé að framfylgja því.
Á árunum 1986-1988 fórust 320
kindur og 130 hross í umferðinni.
Ætla má að í þessum 450 slysum
hafi bónusmissir bifreiðaeigenda
numið verulegum fjárhæðum og
með tilliti til þess má ætla að
tryggingafélögin nái inn með hærri
iðgjöldum svipaðri upphæð og þau
greiða í bætur fyrir búfé.
í lögregluskýrslum kemur fram
að oft eru bifreiðar stórskemmdar
eða ónýtar eftir slík umferðar-
óhöpp einkum þegar hross eiga í
hlut. Einnig hafa orðið slys á
mönnum.
Mál þetta hefur verið allmikið til
umræðu á liðnum árum og hefur
m.a. verið rætt á fundum Stéttar-
sambands bænda.
Nefndin telur brýnt að banna
alla lausagöngu hrossa og gerir í
því sambandi beina tillögu um
breytingu á búfjárræktarlögum.
Eftir að búið er að breyta lögunum
t þessa veru verður farið með öll
umferðarslys sem hross valda sem
hver önnur umferðarslys og hest-
aeigendur mega búast við að verða
sektaðir ef sannað þykir að þeir
hafi ekki hirt um loka hestinn inn
í girðingu.
Nefndin telur hins vegar þýðing-
arlaust að leggja til bann við lausa-
göngu sauðfjár því útilokað sé að
framfylgja því. Lagt er til að skipuð
verði önnur nefnd sem geri tillögur
um hvort, hvar og hvenær hægt
verði að koma á slíku banni á
sauðféð.
Mikið var rætt um girðingar í
nefndinni. Hún varð sammála um
að girðingar með vegum hefðu
takmarkaðan tilgang og alls engan
nema að hlið verði sett á vegina
sjálfa þar sem girðingunum sleppir.
Lögð var áhersla á að girða fjær
vegum en hingað til hefur verið
gert. -EÓ
Eins og sjá má var fólk ekki að kaupa eina eða tvær bækur í Kringlunni í gær. Fólk varð að sýna þolinmæði þvi
löng biðröð var eftir afgreiðslu. 'iímainynd pjetur
f$i.ryt*AN
Fjölmenni á fyrsta degi sameiginlegs bókamarkaðar bókaforlaganna:
Gera reyfarakaup
á bókamörkuðunum
Gífurleg sala á bókum hefur verið
á bókamörkuðum sem ýmis bókafor-
lög hafa staðið fyrir undanfarna
daga. f Kringlunni stendur nú yfir
sameiginlegur bókamarkaður for-
laganna og er svo að sjá sem bóka-
þjóðin hafa alls ekki fengið nægju
sína um jólin því bókstaflega hefur
verið fullt út úr dyrum. Þetta hlýtur
að vera kærkomin búbót fyrir bóka-
forlögin því bóksala fyrir síðustu jól
var með minna móti.
Hægt er að gera mjög góð kaup á
bókamörkuðum. Bækur sem fyrir
jólin voru seldar á nokkur þúsund
krónur fást nú keyptar á nokkur
hundruð krónur. Hægt er að fá
heimsbókmenntir eins og Faust eftir
Goethe á 200 krónur. íslenskir
skáldjöfrar fara á litlu hærri upphæð.
Það þarf því engan að undra að fólk
skuli flykkjast á markaðina. Svo
mikill fjöldi var í Kringlunni í gær að
margir urðu að bíða í upp undir hálf
tíma eftir að fá afgreiðslu.
Margt fólk kaupir tugi bóka á
mörkuðunum. Blaðamaður Tímans
varð t.d. vitni að því í gær er ung
kona keypti á fimmta tug bóka.
Árni Einarsson hjá Máli og menn-
ingu sagði að bókamarkaður síns
forlags hefði gengið mjög vel og
betur en búist var við. Hann sagði
það í sjálfu sér ekkert undarlegt að
markaðirnir blómstri því að verðið á
bókunum væri hlægilegt og fólk
gerði sér ljósa grein fyrir að það gæti
gert þar mjög góð kaup.
Afgreiðslufólk á mörkuðunum
sem Tíminn ræddi við sagði hugsan-
legt að einn og einn væri strax farinn
að huga að næstu jólum. Greinilegt
er t.d. að fólk kaupir mikið af
barnabókum. Hvað svo sem fólk
ætlar að gera við bækurnar er Ijóst
að nú stendur yfir bókavertíð sem
hugsanlega má jafna við sjálfa jóla-
vertíðina. -EÓ