Tíminn - 24.02.1990, Blaðsíða 16

ÍMAR: 680001
RÍKISSKIP
NÚTÍMA FLUTNINGAR
Hatnorhúsinu v/Tryggvogötu,
________s.2gaz?.........
PÓSTFAX
TÍMANS
687691
Múlakaffi
ALLTAF I LEIDINNI
O 37737 38737
T
rtmiiin
LAUGARDAGUR 24. FEBRÚAR 1990
Vegaáætlun lögð fram á ríkisstjórnarfundi. Niðurstaðan kemur á óvart:
Vegaframkvæmdir í ár
svipaðar og í fyrra
Framkvæmdir í vegamálum verða svipaðar í ár og á
síðasta ári segir Steingrímur Sigfússon samgönguráðherra,
enliann lagði fram endanlega vegaáætlun á ríkisstjórnar-
fundi í gær. Þetta er niðurstaðan eftir að búið er að skera
niður fé til vegamála um nokkur hundruð milljónir frá
upphaflegri áætlun.
Samgönguráðherra sagðist ekki
vilja eða geta nefnt hversu mikið
búið er að skera niður fé til
vegamála frá upphaflegri áætlun.
Hann sagði að forsendur hefðu
breyst svo mikið að erfitt væri að
nefna eina tölu í þessu sambandi.
„Verðlag kemur til með að hækka
talsvert minna milli ára en upphaf-
lega vegaáætlunin gerði ráð fyrir.
Krónutölurnar eru orðnar úreltar.
Þá hefur bensínsala minnkað, en
það hefur leitt til nokkurs sam-
dráttar á fjármagni í Vegasjóð án
þess að niðurskurður komi til.
Það er hins vegar alveg ljóst að
þarna er um talsvert mikla lækkun
að ræða frá vegaáætlun sem var
samþykkt í fyrravor. Sú áætlun
gerði ráð fyrir verulegri raunaukn-
ingu til vegamála milli ára. Það
má segja að búið sé að skera þá
raunaukningu að mestu leyti í
burtu. Það verður svipuðu fjár-
magni veitt til vegamála að raun-
gildi og var í fyrra.“
Samgönguráðherra var spurður
hvort hann væri ósáttur við þá
niðurstöðu sem fengist hefði í
þessum málaflokki.
„Auðvitað hefði maður viljað
sjá þarna meira fjármagn. Ég
neita því ekki að þetta eru mér
viss vonbrigði. Ég held hins vegar
að ailir sanngjarnir menn skilji við
hvaða aðstæður þessi niðurskurð-
ur var gerður. Þar á ég við almenn-
an samdrátt í efnahagslífinu og
þær sérstöku byrðar sem ríkið
hefur orðið að taka á sig í tengsl-
um við kjarasamningana. Miðað
við það má segja að ekki sé ástæða
til að vera mjög óánægður að
framkvæmdir til vegamála verða
svipaðar milii ára.
Maður vill gjarnan gera betur
en aðstæðurnar sníða manni
þröngan stakk og því verður mað-
ur að kyngja," sagði samgöngur-
áðherra að lokum.
Reiknað er með að þingflokk-
arnir fái vegaáætiunina til með-
ferðar í næstu viku. Þingmenn sjá
um að skipta fjármagni til vega-
mála milli kjördæma og ákveða í
hvaða framkvæmdir verður ráðist.
Samtals fara til vegamála í kring-
um 4,5 milljarðar á þessu ári.
Gengið verður frá endanlegri tölu
á ríkisstjórnarfundi á þriðjudag-
inn. - EÓ
Eldur kom upp í aðalrafmagnstöflu Seðlabankahússins í gærmorgun og fór allt rafmagn af húsinu. Reykur barst um
húsið en engar skemmdir urðu af honum nema í herberginu þar sem taflan er. Rafvirkjar hófu viðgerð um hádegi
og var áætlað að henni lyki í gærkvöld. Timamynd Pjciur
Seðlabankinn rafmagnslaus og fullur af reyk:
Gengið festist í eldi
Gengi íslensku krónunnar hélst
óbreytt í gær vegna þess að eldur
kom upp í aðalrafmagnstöflu Seðla-
bankahússins í gærmorgun. Vegna
eldsins fór rafmagn af öllu húsinu og
reykur barst um það og lá því mest
öll starfsemi bankans og annarra
stofnana í húsinu niðri og ekki
náðist að skrá gengi krónunnar gagn-
vart erlendum gjaldmiðlum áður en
ailt stöðvaðist.
í Seðlabankahúsinu er vararafstöð
en ekki þýddi að gangsetja hana þar
sem straumur frá henni verður að
fara um aðaltöfluna sem brann.
{ Seðlabankabyggingunni eru til
húsa Reiknistofnun bankanna,
Þjóðhagsstofnun og Norræni iðn-
þróunarsjóðurinn og lá þar öll starf-
semi niðri í gær vegna rafmagnsleys-
is. Það eina sem gekk eðlilega fyrir
sig í húsinu var seðla- og myntaf-
greiðsla Seðlabankans.
Eiríkur Guðnason aðstoðar-
bankastjóri Seðlabankans sagði að
gengið hefði verið haft óbreytt í gær
en samkvæmt upplýsingum erlendis
frá hefðu nánast engar hræringar
orðið sem hefðu getað breytt því svo
teljandi væri. Hann sagði að þótt
röskun vegna rafmagnsleysisins væri
óþægileg þá skipti hún engum sköp-
um svo framarlega sem eðlileg starf-
semi gæti hafist á mánudaginn.
Brynjólfur Sigurðsson hag-
fræðingur hjá Landsbankanum sagði
að þótt beint tölvusamband bankaaf-
greiðslna við Reiknistofnun hefði
rofnað við brunann í Seðlabankan-
um þá hefði það óveruleg áhrif á
daglega starfsemi bankanna þar sem
allar færslur geymdust í minni af-
greiðslutölvanna og þegar samband
kæmist á aftur færu málin í rétt horf
og upplýsingastreymi hæfist á ný.
Ákveðið vinnulag væri þó viðhaft
í bönkunum þegar samband við
Reiknistofnun rofnaði og hefði
minnisblað verið sent öllum af-
greiðslum Landsbankans strax í
morgun þar sem starfsfólk væri
minnt á þessar vinnureglur.
Hann sagði að tölvur reiknistofn-
unar sem keyrðar eru á nóttunni,
hefðu verið búnar að ganga frá og
senda um beinlínukerfi til bankaaf-
greiðslnanna upplýsingar um stöðu
bankareikninga og því hefði öll
venjuleg dagleg afgreiðsla bankanna
verið með eðlilegum hætti að því
undanteknu að bankatölvurnar gátu
ekki komið frá sér eða tekið á móti
upplýsingum frá Reiknistofnun.
Brynjólfur sagðist telja næsta víst
að kæmist rafmagnið á fyrir mánu-
dagsmorgun yrðu nánast engar trufl-
anir á starfsemi bankanna eða
óþægindi fyrir viðskiptavini þeirra af
völdum rafmagnsleysisins. -sá
Gæsluvarðhald Steingríms Njálssonar:
Úrskurður
staðfestur
Hæstiréttur hefur staðfest úrskurð
Sakadóms Reykjavíkur frá því á
laugardag, þess efnis að Steingrímur
Njálsson skuli sitja í gæsluvarðhaldi
til 4. apríl næstkomandi.
Þórir Oddsson rannsóknarlög-
regiustjóri sagði að það lægi í hlutar-
ins eðli að RLR ræddi ekki mál af
þessu tagi opinberlega og gæti ekki
greint frá einstökum efnisatriðum
málsins.
Er verið að kanna hvort Stein-
grímur hafi brotið af sér frá því að
hann kom að utan í apríl sl. þar til
hann var handtekinn í síðustu viku?
„Það er eðlilegt að skoða hans feril
sérstaklega," sagði Þórir.
Sem kunnugt er var Steingrímur
Njálsson handtekinn fimmtudaginn
22. febrúar sl. eftir að hafa farið með
sjö ára dreng inn á heimili sitt og
klætt hann úr yfirhöfn og buxum.
-ABÓ
Fundur Seðlabanka og viðskiptabanka:
Vextir lækka
um 3-3,5%
Niðurstaða fundar Seðlabank-
ans og viðskiptabankanna um þró-
unina í vaxtamálum varð sú að
eðlilegt sé að vcxtir lækki um
3-3,5% um næstu mánaðamót.
Þetta þýðir að almennir skulda-
bréfavextir munu lækka úr 22% í
18,5 -19%. Tómas Árnason seðla-
bankastjóri sagði í samtali við
Tímann að menn hefðu verið sam-
máia um þessa niðurstöðu í ljósi
verðbólguþróunarinnar. Vextir
allra bankanna munu því lækka
um mánaðamótin, lækkunin getur
þó orðið mismikil þar sem bönkum
er óheimilt að hafa samráð sín á
milli í ákvörðun vaxta. SSH