Tíminn - 24.02.1990, Blaðsíða 6

14 Tíminn
Laugardagur 24. febrúar 1990
Laugardagur 24. febrúar 1990
'.II -> i ■!V/>: .f'-1. j'v,1
Timinn 15
Petur Teitsson frettastjori Stöövarinnar '90 i helgarviðtali um ritstjornarstefnu fréttastofunnar:
Við eltum slúður og
órökstuddar fréttir
Fréttastofa Stöðvarinnar ’90 er sú fréttastofa landsins
sem vakið hefur hvað mesta athygli síðari misseri.
Stöðin ’90 sendir einungis út úrvalsfréttir, einu sinni í
viku og einskorðast þær fréttir við að fréttamenn
Stöðvarinnar skilji fréttirnar. Pétur Teitsson fréttastjóri
er prímus mótor Stöðvarinnar og maðurinn á bak við
velgengni hennar. Pétur hefur ekki komið fram í öðrum
fjölmiðlum, en féllst á að tjá sig um samkeppnina á
fjölmiðlamarkaðnum í helgarviðtali Tímans. Við spurð-
um Pétur spjörunum úr, en fyrst þetta....
Nú hefur því verið haldið leyndu
hverjir eiga Stöðina* 90. Getur þú
upplýst hverjir eru peningamennirnir á
bak við stöðina?
„Mér er illa við að upplýsa það
nákvæmlega, en get þó sagt að með í
spilinu er fólk úr öllum stéttum þjóðfé-
lagsins. Nokkrir sjoppueigendur eiga
drjúgan hlut í Stöðinni, þar sem þeir
féllust á að breyta skuldum starfsmanna
okkar í hlutafé. Einnig eiga þeir
starfsmenn, sem koma reglulega fram
lítinn hlut í fyrirtækinu, en það eru þeir
sem eiga inni hjá okkur stóran hluta af
launum sínum frá upphafi. Það er
enginn aðili sem nálgast það að hafa
meirihluta, þó við óttumst að einstaka
heildsalar geti orðið sterkir þegar fram
líða stundir, einkum þeir sem hafa selt
okkur tæki og gengið illa að fá þau
greidd.“
- Kemur þetta ekki niður á hlutleysi
fréttastofunnar?
„Nei. En hins vegar hef ég orðið var
við að þetta hefur komið niður á
hlutleysi matreiðsluþátta, þar sem mat-
vælafyrirtæki sem mötuneytið okkar
verslar við hafa getað beitt okkur
þrýstingi. Fréttirnar sleppa algjörlega
fyrir horn hvað þetta varðar, enn sem
komið er að minnsta kosti.“
- Hafið þið ritstjórnarstefnu? Hver
er ykkar stefna?
„Okkar stefna er fyrst og fremst að
vera með nýjar æsifréttir. Einnig leggj-
um við okkur mikið eftir slúðri og
óstaðfestum fréttum, en vöndum þó öll
vinnubrögð í hvívetna. Okkar kjörorð
er: Vandið slúður - rökstuddur róg-
burður.“
- Samkeppnin er hörð á fjölmiðla-
markaðnum, og nú er nýr samkeppnis-
aðili í augsýn. Hverjir eru möguleikar
Stöðvarinnar á að halda velli?
„Stöðin er að kanna ýmsa mótleiki
og þeir eru þó nokkuð margir og
misjafnir. Þar á meðal eru tæknilegar
lausnir á þessum málum. Við höfum
t.a.m. kannað möguleika á því að
kaupa sérstaka myndlykla til að læsa
útsendingum annarra stöðva, en þetta
er allt í athugun. Miðað við hvernig
þessi samkeppni hefur þróast er ljóst
að niðurstöðu þarf að fá í málið sem
allra fyrst. Við viljum ekki hleypa
samkeppnisaðilum of mikið inn á gafl
hjá þjóðinni. Það er á hreinu.“
- Nú hafa fréttamenn Stöðvarinnar
fjallað á óvæginn hátt um ýmsar lykil-
persónur í þjóðfélaginu. Hefur þú eða
þínir fréttamenn orðið fyrir einhverju
aðkasti vegna þessa. Hefur verið þrýst
á að einstaka menn verði látnir fjúka?
„Já. Það er ekkert launungarmál að
þrýst hefur verið á, úr ýmsum áttum,
að einstaka menn verði látnir fjúka. Til
að mynda hafa bifvélavirkjar í landinu
bundist samtökum gegn okkur og vísað
okkur trekk í trekk á sama manninn,
Hrafn Hamar, þegar bílakostur okkar
hefur þurft viðhalds við. Þetta hefur
valdið okkur umtalsverðu tjóni þar
sem aðferðir Hrafns eru vægast sagt
óblíðar. Einnig hafa aðrir aðilar beitt
okkur óbeinum, beinum, fjárhagsleg-
um, félagslegum og líkamlegum þrýst-
ingi en ég vil ekki fara út í að skilgreina
nánar hverjir það eru að sinni.
Sem dæmi um þetta get sagt frá því
að fréttamenn Stöðvarinnar hafa orðið
fyrir þrýstingi á ýmsum almennings-
stöðum, svo sem á nuddstofum og
víðar.“
- Fær Stöðin ríkisstyrki og hvað
finnst ykkur Stöðvarmönnum um ríkis-
fjölmiðla?
„Nei, nei. Stöðin fær enga ríkis-
styrki."
Pétur hvessir augun, skýtur upp efri
vörinni og setur upp fréttastjórasvip-
inn.
„Hér er um að ræða hreinræktað
einkaframtak. Um ríkistjölmiðlana
verð ég að segja að mér finnst skorta
að mál séu tekin föstum tökum. Um-
fjöllunin er máttleysisleg og lin gegn-
umsneitt. Einnig finnst mér oft á það
skorta að fréttirnar séu settar í rétt
samhengi og réttar ástæður fyrir
hlutunum raktar.
- Nú eru fordæmi fyrir því að
einkafyrirtæki hafi komist á rfkisjötuna
eftir krókaleiðum, svokallaða sjóða-
leið, gegnum atvinnutryggingasjóð,
hlutafjársjóð og fleiri slíka. Þið hafið
ekki hugleitt þennan möguleika til að
auka eigið fé í Stöðinni?
„Stöðin hefur að sjálfsögðu úti allar
klær til þess að afla sér fjár. Við höfum
ekki útilokað neina möguleika í því
sambandi. Við höfum upp á síðkastið
haft hóp manna í því að kanna með
hvaða hætti við gætum hugsanlega
farið á hausinn og látið ríkið taka við
þeim skuldum sem hvíla á okkur. Enn
sem komið er höfum við ekki fundið
þessar leiðir og erum því algerlega á
eigin vegum, og þangað til eitthvað
breytist í þessum efnum trúum við statt
og stöðugt á einkaframtakið."
- Dregur Stöðin taum einhverra
hagsmunahópa?
„í rauninni ekki. En eins og fólk
hefur orðið vart við erum við afskap-
lega hliðhollir almenningi í landinu,
neytendum, atvinnurekendum, verka-
fólki, bændum, sjómönnum, útvegs-
mönnum, stjórnmálamönnum, emb-
ættismönnum, opinberum starfsmönn-
um, börnum, unglingum, gamalmenn-
um, öryrkjum, iðnaðarmönnum og
fjölmiðlafólki. En að öðru leyti held ég
að Stöðin dragi ekki taum neins nema
sjálfrar sín.“
- Hefur horfun á fréttir Stöðvarinnar
verið mæld?
„Hún hefur verið mæld, en við
viljum ekki taka mark á þeim mæling-
um þar sem við teljum að ekki hafi
verið notaðar réttar mælistikur. Það
var reyndar gerð könnun í nokkrum
húsum í fyrravetur og þá kom í ljós að
Stöðin hafði horfun allt frá núll og upp
í um tvö hundruð prósent. Það var ekki
hægt að skýra með öðru móti en því að
þar hefði verið haft óhóflegt áfengi um
hönd og þess vegna hefði horfun verið
tvöföld á tímabili. Við viljum helst
mæla horfun hjá okkur sjálfum og
okkar nánustu sva að við getum al-
mennilega tekið mark á niðurstöðun-
um, og í öllu falli viljum við velja
vandlega það fólk sem horfun er mæld
hjá. Horfun er flókið fyrirbæri sem
ekki er hægt að treysta hverjum sem er
fyrir.“
- Þegar fréttamenn eru ráðnir á
Stöðina, hvaða kröfur eru gerðar til
þeirra? Eða ræður klíka mestu þar um?
„Ja, klíka er voðalega ljótt orð. Hinu
er ekki að leyna að þegar þarf að fá
trausta menn til starfa er nærtækast að
leita til þeirra sem maður þekkir best
og eru tengdir manni fjölskyldubönd-
um. Það er ekkert launungarmál að
ýmsir af traustustu starfsmönnum
Stöðvarinnar eru náskyldir. Á hinn
bóginn setjum við einnig þau skilyrði
að viðkomandi hafi góð sambönd í
saumaklúbbum og hliðstæðum samtök-
um og sé því líklegur til að frétta af
helstu viðburðum, helst áður en þeir
gerast.“
- Nú eru fréttastjórar Stöðvar 2 og
Ríkissjónvarpsins, helstu keppinautar
þínir. Hverja telur þú helstu kosti og
galla keppinautanna?
„Ég hef frétt að eitthvað sé bogið við
Boga, en ég sel það ekki dýrar en ég
keypti. Páll hefur hins vegar einfaldan
smekk og gengur smekklega til fara.
Það er auðvitað hans styrkur.“
Stöðin sendir einungis út einn frétta-
tíma í viku. Eru fréttamenn Stöðvar-
innar í fullu starfi?
„Þeir eru í ríflega fullu starfi. Við
erum afskaplega kröfuharðir á okkar
fréttir og því kemur til átaka á fundum
á fréttastofunni. En þá kemur til minna
kasta. Fréttastjórinn tekur af skarið og
ákveður hvað fer í loftið hverju sinni.
Ég skal ekkert fullyrða um hvort ég er
hæfasti maðurinn á fréttastofunni, en
ég geri þá kröfu að starfsmenn mínir
fullyrði það, og einhverra hluta vegna
gegni ég þessu starfi. Ég segi það í fullri
hreinskilni að ég treysti sjálfum mér
best til að vega og meta hvaða fréttir
við sendum út. Við viljum ekki flytja
nema valdar úrvalsfréttir og því teljum
við ekki ástæðu til að senda oftar út.“
- Nú hefur Stöðin sneitt hjá hefð-
bundnum fréttum, loðnutölum og öðru
slíku. Á hverju byggið þið ykkar frétta-
mat?
„Við reynum helst að skilja fréttirnar
sjálfir. Að vísu hafa orðið slys hjá
okkur eins og öðrum fréttastofum og
við sent út fréttir sem við höfum ekkert
botnað í.“
- Þið áttuð besta lagið í Júróvision.
Munið þið leita réttar ykkar fyrir
dómstólunum varðandi þann úrskurð
að lagið hefði borist of seint í keppnina
og því ekki löglegt?
„Við munum taka þessum málalok-
um eins og sannir íþróttamenn. Og
teljum það ekki höfuðatriði að sigra,
heldur að vera með. Okkur er smám
saman að renna reiðin vegna þessa
máls.“
- Hver er frétt vikunnar að þessu
sinni?
„Ég held að það hljóti að vera tilmæli
Alþýðuflokks um að ríkisstjórnin fari í
útgjaldabindindi. Það er stórfrétt.“
- Á Pétur Teitsson einhvern upp-
áhaldsfréttamann á hinum stöðvunum?
„Já, svo sannarlega, en ég er ekki svo
vitlaus að gefa það upp, ef ske kynni að
ég gæti keypt þá fyrir slikk á næstunni. “
- Af hverju biðjið þið allir að heilsa
Ebbu, er eitthvað á bakvið það?
„Það er ekkert á bak við það. Hún
er einfaldlega svo hlý og almennileg
manneskja að fólk vill gjarnan koma
kveðjum til hennar. Það er ekki af
neinu öðru.“
- Þínir fréttamenn þakka jafnframt
fyrir síðast?
„Það virðist bara vera svo gaman að
hitta hana Ebbu, að mönnum finnst full
ástæða til að þakka fyrir þá indælu
samveru. En auðvitað reynir fólk að
mistúlka það. Það lýsir hins vegar
einungis hugarfari þess fólks en ekki
okkar.“
- Gerir þú upp á milli fréttamanna
þinna?
„Nei, ég met þá alla að verðleikum
og þeir hafa allir sínar sterku hliðar og
mér finnst engin ástæða til að gera upp
á milli manna.“
- Hvenær vinnið þið fréttirnar?
„Fréttirnar eru í vinnslu alla vikuna.
Snarpasta törnin er þó síðustu tvo
sólarhringana áður en við förum í
loftið. Það er eins hjá okkur og á
öðrum fréttastofum að stórviðburðir
gerast á öllum tímum sólarhrings og þá
þarf að sinna þeim strax. Þetta er lítil
fréttastofa og því verða menn að vera
viðbúnir útkalli með litlum eða engum
fyrirvara, allan sólarhringinn. Við höf-
um ekki efni á að setja upp margskiptar
vaktir.“
- Þínir fréttamenn leggja mikið á sig,
jafnvel stefna lífi sínu í voða við
fréttaöflun. Hvað kemur til?
„Eins og samkeppnin er orðin í
fjölmiðlaheiminum þá þora menn ekki
annað en að leggja sig alla fram. Menn
eru hreinlega hræddir við að missa
vinnuna og leggja því ýmislegt á sig til
að halda í starfið, enda full ástæða til.“
- Menn eru þá ekki æviráðnir á
Stöðinni?
„Nei. Hér geta menn átt von á
miklum breytingum fyrirvaralaust.
Fréttamaður getur búist við að vera
gerður að starfsmanni í eldhúsinu og
veðurfræðingur gæti lent í því að sjá
um íþróttir. Eitt dæmi um þetta er
Snjólfur Tryggvason, sem nú sér um
föndurþáttinn á Stöðinni en hann byrj-
aði sem tæknistjóri og þolir ekki föndur
eins og glögglega sést í þáttum hans.
Þetta er mjög hvetjandi kerfi og tryggir
að menn leggja sig alla fram.“
- Getið þið sofið fyrir hugmyndum?
„Það er misjafnt. Stundum halda
hugmyndirnar fyrir okkur vöku en
stundum sofnum við út frá þeim. Því er
ekki til neitt eitt svar við því. Það er
jafnvel til í dæminu að menn sofna út
frá hugmyndum í beinni útsendingu og
áhorfendur hafa því miður orðið vitni
að því.“ -ES
Tímamynd Pjetur